B07芝士雞鍋 (已結業)

第一次寫食評😝，當然要寫我最鐘意食嘅雞煲🐔平日都好鐘意周圍試新嘢，一聽到朋友話呢度有間芝士雞煲好好味，咁就試下啦！嚟到先點咗一個辣芝士鍋，好香但唔太辣，剛剛好，配埋烏冬好正😋跟住朋友叫咗個紫薯芝士鍋😙，估唔到真係有咁多甜紫薯係個湯底度，仲有脆炸雞另上，唔會放湯變淋，好細心💗因為同行帶咗小朋友👧🏻，所以小朋友都有份叫咗個芝士蟹棒鍋，好足料，仲有出前一丁！大人小朋友都食得開心👍🏻呢個價錢，勝價比高，下次一定會再來😜

上網睇雜誌講話呢間好食喎，真係賴嘢啦，個煲又細仲好貴都算啦，重點係好難食以為好多花款啦去試吓囉但係堅難食，差食材好渣不過都好彩佢之前要做埋隔離鋪但而家執餘一間鋪仔

今日小編聯同一位友人來都新蒲崗廣場試試呢間由朋友介紹嘅芝士雞鍋！據說佢係一人一鍋嘅形式咁樣去食既👍🏿呢間餐廳個位置，如果未你過新蒲崗廣場嘅話，可能你會覺得有少少難搵，因為佢係位於商場嘅一樓，但佢哋嘅鋪位並唔係寫住位於一樓，而係B樓。而今啱呢間餐廳就係位於B層嘅07號舖，所以我諗佢哋就全名叫B07芝士雞鍋！方便又易記！而差唔多黎到餐廳鋪位嘅附近，喺遠處都已經見到呢個易拉架，所以就知道我哋已經到咗啦！入到餐廳入邊，佢嘅環境比想像中細，但原來佢正正就係一間小店，當時只有前面一台客人喺度食緊。所以成個環境雖然唔係好大，但係就有種舒服寧靜嘅感覺，咁樣去食雞煲其實係有少少特別嘅。黎都睇Menu啦，餐廳負責人亦都好細心咁即問小編同友人係咪第一次來呢度食。原因係原來負責人想為我地介紹一下係點樣睇呢啲餐牌同埋選擇配搭！所以就算第一次來呢度，都唔會唔識得叫嘢食。以上幾張就係主餐牌，入面包括各種嘅芝士雞鍋，同埋傳統普通嘅打邊爐鍋，呢兩款亦都係餐廳主要嘅菜式。呢張係比客人用作加追拼料用嘅，當中所提供嘅配料數目亦都唔少，亦都有唔同價錢之分。以佢嘅份量，大家一陣就會睇到。** 紫薯風暴雙重芝士雞鍋： ＄89由於佢

到新蒲崗，有好多小賣店同小食店，去到新蒲崗廣場，見到呢間B07號鋪的芝士雞鍋，好奇撞吓有冇位，因外型的骰，入到去剛好有卡位，餐牌好多選擇，又蟹黃，又龍蝦，又芝士又蕃茄湯底，仲有燒物熱食。叫了極品蟹黃雙重芝士雞鍋$109，配了丁麵，芝士漿住啲麵，食落口感複習，芝士彈牙，雞件滑肉，還有乾蔥配搭調味，個湯不時由店員細心地加上，因芝士容易痴底，一人食一鍋，外表好輕盈，但原來足以填飽肚子，而且個湯見到有黃色蟹黃，淡淡蟹味。之後再追加了個可樂$8。建議二人去，食完一個先再叫另一個鍋，如果唔係，好忙，處理唔切，另一鍋叫了美國肩胛肥牛湯鍋麵$73配烏冬，叫了龍蝦蕃茄湯底。頭先食完個重口味，呢個真係走健康輕盈路線，菜為主，蕃茄大件，豆腐好滑，咸咸地已入味。肥牛有油香唔會韌，烏冬彈牙。之後仲追加了個雲吞添，不過其實已飽，都可以唔叫都夠滿足。

曾經風靡一時的🧀芝士火鍋又重新登場了～  上次食過的極品蟹黃雙重芝士雞鍋，當然要再食過返尋味啦！😏 我們還新嘗試了紫薯風暴雙重芝士火鍋呢。  除了多款芝士雞鍋外， 還有11款自選湯底和多款自選配料，好迎合食客的不同口味， 每款鍋還可自選配白飯、出前一丁、烏冬或拉麵。  極品蟹黃雙重芝士雞鍋（$109） 賣相雖然沒有上次🧀Mozzarella Cheese 山之多，但湯底味道仍然保持了質素呢！  湯底混合了大閘蟹蟹黃和自家製軟滑芝士醬，呈蛋黃般的金黃色， 芝士味濃郁，但沒有蓋過蟹黃的鮮甜， 鍋底裡藏着不少手拆大閘蟹肉和蟹黃， 難怪湯底味道咁鮮甜濃郁～😋  熱辣辣的芝士雞鍋， 店家採用了比較多肉的雞脾肉和雞翼，並預先用秘方醃製和烤炸， 再和芝士捲着一起吃，味道相當惹味！👍🏻  最後把店家預先整熟左的烏冬放回鍋內涮一涮，然後拉出芝士蟹肉烏冬，正！☺️ 紫薯風暴雙重芝士火鍋（$89） 一睇咁「紫」就知道係紫薯啦😳😂， 不過始終覺得如果火鍋可以有返座「芝士山」會更吸睛呢！🙈🙊  芝士味道都算濃，不過紫薯味一開始比較弱， 但因為鍋底有5、6件紫薯切件關係， 所以紫薯越煮越軟腍，湯底亦越

之前已經來過一次，這次再來原來經已轉了名字。放工時間來到，等了一會，侍應安排我們坐在最角落的位置，這裡地方真的很小，胖一點都坐不下。這次叫了龍蝦芝士湯鍋，朋友點了紫薯芝士雞鍋。龍蝦芝士湯鍋非常有龍蝦味，滿滿的芝士鋪在上面，看到已經很吸引，不過芝士味略嫌不夠濃；朋友的紫薯雞鍋，濃濃的紫薯香味，也是滿滿的芝士。火鍋本來已有配菜，但朋友怕不夠飽，又加了響玲等配菜，其實吃完整個鍋裡的料及配菜和烏冬已經是超級飽了，飲品喝了罐裝的汽水，這次火鍋也是非常滿足，價錢也十分超值。

10大新蒲崗必食嘅鋪頭，果然味道出色, 絕無味精,幾拾蚊個足料芝士雞鍋, 價錢相當合理, 幾蚊一碟加料, 份量適中, 一個人來食都可試到不同食物, 包括肥牛, 還有更多選擇!                                                              點了紫薯芝士雞鍋, 更是物集齊女生最 like 嘅紫薯同芝士，紫薯 + 芝士是美食界的絕配!  芝士仲有水牛芝士和車打芝士㖭！                                                                 

上網見到有10大新蒲崗必食嘅鋪頭，其中就係呢間，就諗住去試下。點知....89蚊 紫薯芝士雞煲 太重味精&唔夠芝士9蚊 響鈴 普通9蚊牛肉 4小塊 千祈唔好試 差過吉野家服務一般 侍應唔夠醒目

成日見到人地食芝士火鍋,一直對芝士不太好的我都想去試一下, 叫左雙重芝士鍋同埋一個麻辣龍蝦湯, 小辣都已經覺得好ok辣, 食辣的人可以再食中辣, 下次去再挑戰!!!辣得黎沒有搶去龍蝦味, 能保持龍蝦鮮, 的確好味!!!雙重芝士鍋好多芝士, 拉到長長芝士好得意, 唔太好芝士對它都要, 有得食有得玩, 雞炸左都好滑d肉,加埋公仔面, 個公仔面吸晒d 芝士湯, 食食下就唔覺唔覺已經食晒, 哈哈, 不過可能人手問題, 所以有時要加湯加單都要走出去叫人, 但係如果三五知已傾計, 係個唔錯的選擇, 一邊打邊爐一邊吹水!!!