b.o.t.h. by Texas Burger

營業中

休息中

服務奇差，黑口黑面，好似晤願服務你咁，食物講真好普通，服務就好似十問九唔應，明明個set有嘅嘢要催先有嘅，次序又亂晒，講真大集團做到咁真係失望，食物一般，服務9流

有次平日晚上經過餐廳門口，見到成條龍排隊等食，肚餓的我當然唔等找其他餐廳醫肚先。之後喺OpenRice見到這間餐廳可以book枱，就特登在假日試吓這間餐廳，weekend 晚上若7點到達餐廳，門口竟然冇人排隊；講返食物這間餐廳主打食漢堡包，身邊人都揀了漢堡包食，而我就揀Taco, 各人對食物都給好評😋，可惜由接待、點菜、收餐、加水、埋單等服務，所有服務員都欠缺笑容個個木口木面😵，加上價錢不算便宜，環境及服務不算特別好，大家考慮是否試吓吧！因太肚餓，忘了影漢堡包！

我唔知呢篇文章最後出唔出到～真係好想講吓呢間規矩多多但係唔特別好食嘅西餐廳～唔知點解得一篇負評咁少～首先留座遲咗5分鐘係我遲到，但係你唔可以喺OpenRice 話我缺席，消費咗當你冇出席，遲到唔等於冇到，我唔知係餐廳規矩定點啦，都唔想為難個帶位～我真係想講呢啲質素嘅餐廳香港拿起手幾百間，真係唔使食你囉～落甜品規定要喺第一次落單果陣落埋～呢啲又唔知係咩餐廳規矩～即係唔旨在賺錢～座位兩個人坐一張勁細嘅台～叫多樣食物都冇位擺～服務方面～想用兩隻碟分嚟食～侍應勁冇禮貌話轉頭先～人多等等轉頭先我明白～但係呢個價位茶餐廳既服務就唔使返轉頭囉～食物方面～真心咁嘅質素全香港周圍都係～唔一定要食佢～

OPENRICE搵下有咩好食, 見荃廣開左間新餐廳, 環境好似幾舒服幾靚, 又有pancake食, 就黎試下。叫左個burger一個PANCAKE同兩杯咖啡, 落單同個STAFF講咖啡後上都要講幾次先明你講咩。BURGER味道正常但以咁既價錢黎講份量偏少。跟住個PANCAKE由落單起等左一個鐘都未黎, , 叫個STAFF跟下, 佢轉頭覆話要等多15分鐘(沒有說唔好意思, 仲要講得勁求其),等既途中見隔黎台問個男侍應野, 那個男侍應態度也是很不禮貌(侍應是紮瓣的男人)然後隔多近半個鐘後(由落單起已等個半個鐘,見到比我地遲ORDER的客人的PANCAKE已到, 便再問另一個金髮女侍應(這個女侍應是全餐廳最好態度的), 他CHK完覆我地唔好意思漏了單, 說再等多15分鐘, 證明之前那個女侍應根本冇幫我地CHK單, 最後PANCAKE足足等了2個鐘才到, 然後等左2個鐘既PANCAKE居然係唔好食, 仲要唔平!同時間聽到隔黎台話, 食D咁既野都等咁耐(佢冇漏單都等左超過1個鐘) 真係食到一肚火。 埋單個女侍應埋黎一句野冇講, 多謝都冇句, 木無表情。呢間野除左金髮女侍應外全部都係勁無禮貌, 真

本身對呢間餐廳有好大期望所以先打算約朋友喺度慶祝生日🥳點知...🥺喺入座前我已經再三提醒侍應上甜品記得擺生日牌🎂（諗住比小驚喜朋友）🤫個waitress都拍哂心口話ok無問題🤠點知到最後上枱都係無擺🤮搞到我另一個fd要行出去再同waiter講個甜品擺低左又要再拎返走（真係10萬個7...😓)我生日嗰fd應該心諗....(jm9😦)除左呢件7事全餐飯都比人狂問：「幫你收碟好唔好🤗」連我個frd食緊仲點緊個碟d汁都比人問😟但個甜品我地叫上得又勁耐都唔上喎😨好快影左相食完個pancake之後waitress就直接拎單叫我哋埋🤡埋完單個waitress直情用d都幾唔好嘅語氣叫我哋真係要走喇出面好多人排緊隊啊...🌚想講我地知90分鐘用餐時間嘛但你個pancake都玩左咁多時間去啦😕✨核果奶蓋班戟✨🥞$118(+唔記得比嘅生日膠牌and 1枝蠟燭盛惠hkd30）班戟質感唔錯ge唔會太空氣但幾鬆軟有蛋香🥚個汁似奶黃飽嘅餡再加少少玉桂味🧐✨德州燒烤牛肉漢堡✨ $138🍔漢堡特別之處係用左脆炸洋蔥圈🧅而取代左🍅牛肉都整得唔錯👍🏻🥩夠厚度牛味重幾juicy但個燒烤醬太咸(bacon都係)🥓🧂個薯條d調味

好耐冇去荃灣食飯，朋友話上次食完呢間餐廳覺得唔錯，所以就帶我黎食!平日晚上都需要等位，不過都唔需要等太耐就有位啦。餐廳的裝飾用上森林系，木色同綠色的原素也不少。餐牌有漢堡、主食、小食等提供選擇。Buffalo Wings，呢度的水牛城雞翼，雞翼同醬汁是分開的，所以唔太食得辣的朋友也不用怕。雞翼炸得香口，肉質嫩滑，醬汁酸酸辣辣十分刺激味蕾。而且還有紅蘿蔔條和青瓜條，點上blue cheese醬食特別惹味。Texas BBQ Beef Burger，呢個burger除左有他們自家手打的漢堡扒外，內裡還有芝士、煙肉、炸洋蔥圈同生菜，醬汁係BBQ醬，所以食落酸酸味味，特別開胃。漢堡扒厚身而且juicy，令人回味。Super blue blood，呢杯藍色的飲品，淨看顏色已經覺得透心涼，有淡淡的檸檬味，而且飲品不會好甜，很清新。

✨呢間係荃灣早前新開既［B.O.T.H. by Texas Burger］,係旺角Texas Burger 副線,我見佢地裝修環境唔錯,滿佈花草植物元素,感覺視覺幾舒服,而且地方闊落樓底算高,仲有落地大玻璃光線充足,雖然唔係咩海景,但都好開揚,真係聚會食飯傾偈好地方‼️.💬B.O.T.H. All Day Breakfast $138足料,我鍾意食佢地既薯粒,基本上薯粒比我一個人食晒✌🏻！其他配料中規中矩,好食既但無咩特別😁..💬美式香草燒雞 $148呢個好好食,有驚喜,啱晒我口味！雞皮烤得好香,外脆內嫩,外皮微辣惹味,唔食得辣都唔會有問題,好味！😋💯.💬Garfield 餐加$37飲品好靚❗️賣相唔錯打卡一流,點知味道原來好有驚喜,唔會死甜,口感唔會好杰身比較輕盈,飲既時候會食到少少餅碎咁幾得意,飲晒成杯都唔會好膩！好滿足✌🏻😋！..💡新開店一直都算旺場,記住book定枱啦🥳✏️食嗰日餐廳都幾爆,成餐飯都覺得啲店員好有禮貌,而且都好有耐性聆聽詢問,真心要讚吓👏🏻..📍 B.O.T.H. by Texas Burger (荃灣)荃灣大壩街4-30號荃灣廣場3樓337號舖..

難得荃灣又有新餐廳進駐這天便跟車爸爸去吃個午餐！怎料吃上一場災絕對可以用難貼錢買難受來形容！這次Lunch正是到座落於荃灣廣場三樓的B.O.T.H. by Texas Burger開餐，門面充滿熱帶風情內裡裝潢亦有特色，給我首個印象十分不錯！！我們被安座於窗邊位處本應很開心的，但向上望原來是另一餐廳的位置，上面穿短裙下面低胸衫的女仕要留心！另外餐廳將窗邊座位安排成像巴士四人座那擺位，即是我們要全程要面對面跟另一檯的客人對食！！既然坐下也不想麻煩調檯就點餐吧了！看看餐牌價位以這裝潢來説屬正路，而這Menu也跟上餐湯、咖啡、茶或精選飲品。這天的精選飲品白桃果茶，笑料一則點茶時問侍應可否走甜答案是可以，然後另一位侍應來回話説走甜即只是紅茶！另外侍應連套餐包餐湯及餐飲亦不知道，以為只是跟其中一樣，可見職員訓練有多冇素！！是日餐湯我們得到的是磨菇湯，味道不錯的而且有碎蘑菇粒在內，是我喜歡的口感和味道。車爸爸選了德州燒烤牛肉漢堡＄138，除了漢堡包外還跟上一客炸薯條，薯條炸得挺為香脆可惜味道實在太鹹。這個德州鮮蝦牛肉漢堡分量十足，內裏包括有炸洋蔥圈、脆煙肉、芝士、生菜及厚厚的牛肉漢堡，伴上紅彤彤的

環境okay. 啲野食都係大路及好一般。。啲staffs英文嘛嘛。I will rate this restaurant 6.5/10. The style of this resto which is like西式茶餐廳。

第一次食物質素：我叫了一個Burger , 一個法式吐司味道方面都好味😋，法式吐司有驚喜第二次再帶朋友再去，一心介紹吐司給朋友試吃，做法和第一次吃的有很大落差，第一次吃的香蕉片斜切，上面有糖，用了火槍烤到金黃色，製作需時等了20 分鐘第二次吃同一款法式吐司，香蕉切法不同，平切，上面的糖只是用火槍輕微烤了一下，吐司太林，而且order 不夠10 分鐘就放下這個吐司，心知不妙，吃下之後味道完全和第一次吃的差距什大。服務方面：第一次下午茶時段，人手可能不足，完全看不到員工，只看到bar 枱忙碌中的人，很辛苦找到一個員工，落了order 之後又不再見過有員工，其實我有見到有三個員工，只是她們聚在一起，背靠客人，而且中間有一道鏡牆的屏風第二次再去，人手仍然不足，只見一個員工，向她查問飲品中的配料是什麼，一問三不知，之後落完order , 人影也不見了。對menu 的食物講解也不清楚。總評：環境好，空間感大。食物質素保持有一段距離，是好是壞。服務，沒笑容，沒有什麼服務，查詢的問題都是沒有什麼結果，可以求其作答來形容。

呢間burger店相信大家都唔陌生，佢今次係荃灣廣場開嘅新分店同旺角個間嘅menu唔同🙈，菜式更加多元化，仲有超吸引嘅疏乎厘pancake🥞：-1️⃣「精選意大利麵 - 卡邦尼 🍝🧀($128) 」-呢款唔係傳統嘅卡邦尼意粉，食落好creamy同有咬口🤪，煙肉唔鹹好香口🥓，不過偏貴~ Daily pasta - carbonara：creamy, at dente, with lots of bacons, but a bit expensive👍🏻-2️⃣「卡爾谷煙燻車輪牛肉漢堡🥩🧀🍔($138)」-牛肉幾juicy但牛味一般，配車打芝士🧀、生菜🥬、蕃茄🍅好經典🙈，而個包甜甜地都幾好食~Texas BBQ beef burger：up to standard but the taste didn’t surprise me-3️⃣「核果奶蓋班戟🥞($118)」-Pancake充滿肉桂香🧡，班戟超鬆軟有蛋香🥚，配超香超crunchy嘅合桃朱古力脆脆令口感昇華🤟🏻~Stone fruits milk foam pancakes: very fluffy, with the aroma of cinn

小編今日排了半小時，終於試到這兒的美食☺️ 很幸運被安排坐落地玻璃的沙發位置🥰當然不得不試這裏的漢堡包🍔套餐Texas BBQ Beef Burger $138漢堡包烘了底很香口，漢堡肉扒厚度十足，而且切下去時肉汁滿溢，不乾身😋再配合烤了的煙肉及甜甜的BBQ 醬，美味可口👍🏻👍🏻薯條🍟炸得香脆，亦用了味粉調味，但不會過鹹，蘸茄汁🍅一流～Caramel Latte (套餐加配$25）咖啡☕️味濃，焦糖味突出亦不會偏甜，而且牛奶🥛比例恰到好處，非常香滑～Earl Grey Chocolate $44 (單點）小編最愛伯爵茶，但加入在朱古力🍫中是第一次嘗試，味道很夾，伯爵茶與朱古力的味道不會互相掩蓋😋Stone Fruits Milk Foam Pancake $118差不多每枱也揀選這道甜品，小編也不得不試試～～ 班戟雞蛋🥚味香濃，軟綿綿很滑，奶蓋醬不會太甜，再配上杏桃、士多啤梨🍓等水果，層次豐富👍🏻

平日放假就試下呢間新開既餐廳 可以好好享受午餐今日既意粉係卡邦尼意粉🍝加埋個溫泉蛋可以豐富個味道同埋口感Set lunch包湯同飲品，呢個磨菇湯都幾滑，味道都唔錯食燒雞最怕「鞋」但切開既時候見到好多汁而且又幾嫩滑呢個牛肉漢堡入面既煙肉同埋洋蔥圈都好脆，醬汁有輕微嘅辣味。平日下午去食就唔算多人 環境都好靚 坐位又舒服 適合打卡同埋傾計 侍應比較少 所以等既時間比較耐 不過就冇人吹要交檯 可以慢慢享受同埋同朋友傾計

食物味道唔錯，但服務質素真係難以接受。門口無人，見有員工望過嚟，揮一揮手，佢視而不見走左去過一陣先有另一位員工帶入座。坐底左就話pancake要等半個鐘至一個鐘，咁我地就馬上喺order主菜嘅時候order埋pancake，點知唔夠5分鐘pancake就嚟咗，我哋同員工講，我哋主菜都未開始食喎，佢解釋因為有幾台客都叫咗pancake，所以一齊出另外餐廳而家免費送湯，但我哋兩個人只得一碗湯，真心想問如果四人一台係咪都係分一碗湯?!

因為去荃灣食到都唔知食咩好見到OpenRice自己之前keep落嘅加上唔係太肚餓同外子兩條冷嗌一個main一個小食再加一個甜品ko dinner.我哋嗌咗肉眼扒七成熟本身個拍跟埋薯菜同埋沙律咁當然跟餐份量都唔會話好多但係薯菜如果一人自己食完全係足夠嘅肉眼扒亦都啱啱好七成熟上碟唔會煮得太熟 very good.小食方面嗌咗水牛城芝士雞翼佢個水牛城芝士醬相對唔會太杰撻撻個人喜歡濃味道一啲大家可能就要點多啲醬lu雞翼方面原來佢仲有埋雞鎚意料之外send多大份.不得不提今次嘅重點推介芝士奶蓋pancake由你一入門口侍應已經同你講定溫馨提示如果要嗌pancake係要喺第一輪order時嗌如果唔係就要等好耐由第一輪order到食得我哋都等咗45分鐘先至到口感好smooth而且蛋味濃郁加上佢啲芝士奶蓋唔會太甜即是就算冇其他醬料個味道同口感都相當出色如果再去呢一間絕對會再encore!!!推介呀大家記住嗌！！！！