影片
港鐵紅磡站 D1 出口, 步行約6分鐘
繼續閱讀
電話號碼
59702736
開飯介紹
西式料理選擇繁多，其招牌酸種麵包和自家製手工意粉風味獨特；店內以大量模型作裝飾，型格時尚，是潮人打卡之選。
繼續閱讀
營業時間
今日營業
11:00 - 22:30
星期一至日
11:00 - 22:30
公眾假期
11:00 - 22:30
公眾假期前夕
11:00 - 22:30
以上資料只供參考, 請與餐廳確認詳情
有關獎賞計劃
朋友話有個地方打卡好正，有好多熊仔初頭都有啲擔心好睇唔好食，但係去到食完又覺得唔錯一嚟到門口已經有好大個熊仔上樓上一樓堂食，呢個位就打卡熱點，超級多 潮熊見到呢個吧檯就知道可以叫cocktail朋友去咗影相我就拎咗個cock·tail menu，叫咗一個 world first apple pie- 世一蘋果批入口酒味唔重，有淡淡蘋果味主菜畀我見到有一個甲羅燒意粉 甲羅燒配意粉我真係未試過呢個甲羅燒意粉超級正，蟹殼上面嘅蟹膏超級濃郁，下面意粉裏面有大量蟹肉， 意粉汁做到非常掛面 ，覺得非常好食朋友揀咗呢一個佢話好特別嘅芝士焗蔬菜釀南瓜圈， 因為即叫即焗，所以等得都比較耐，但係嚟到熱辣辣真係覺得好正， 大大件南瓜真係覺得好震撼南瓜好厚肉而且一絲一絲， 焗完嘅南瓜甜度充足， 配埋芝士蔬菜感覺好健康最尾再叫多一個心太軟好鍾意睇佢切開嗰下流出嚟好正整體覺得價錢公道款式特別，下次會再帶食素嘅朋友嚟食南瓜圈走嗰陣都忍唔住影多幾張
繼續閱讀
入到泥同佢講1位，完全無視我，講多次先話隨便坐，叫極都無人落單，後來有朋友泥左一齊食飯，諗住問佢拎menu，行到過去問佢拎，又係擰轉面當睇我唔到咁，索性自己拎，極差服務體驗，唔會再幫襯
繼續閱讀
Awesome Bar & Cafe 近尖東站，地段優越。餐廳佔地兩層，上層有個好大嘅熊仔logo，一定唔會睇唔到，大門口有條長樓梯，兩邊櫥窗放滿左過百隻Bearbrick，全部都有唔同造型，一定要打下卡🐻店內分咗吧枱區域同用餐區域，吧枱嘅設計好fancy，happy hour 時段可以過嚟小酌幾杯。餐廳嘅菜式貴精不貴多，主打唔同種類嘅海鮮，今次就試咗其中三款。🍽️ 香煎比目魚柳伴醬燒鮑魚比目魚煮得好香脆，皮脆肉嫩，魚肉入口香滑。燒鮑魚雖然比較迷你，勝在夠煙靭，配埋特製嘅燒汁，好濃味。伴碟有香滑薯蓉、法式豆角同小蕃茄，沾上鮑魚燒汁一齊食仲惹味。🍽️ 西班牙海鮮意大利飯意大利飯煮到好硬身，米飯粒粒分明，冇多餘嘅水份，而且奶油味好香。主角帶子大大粒，爽口又彈牙，其他海鮮仲有蜆同蝦，大大隻幾新鮮。🍽️ 香辣檸檬汁大蜆三文魚籽意粉蜆肉辣辣地，幾開胃，加埋三文魚籽一齊食，好有口感。意粉軟硬度啱啱好，而且非常掛汁，配埋鮮甜蜆肉汁入口，回味無窮。Awesome Bar & Cafe尖沙咀科學館道14號新文華中心地下1D及1樓100號舖
繼續閱讀
呢間店近尖東亦都近HUNG HOM.好得意有好多FIGURE既擺設,仲可以現場買玩具添。我叫左個煙三文魚PIZZA,好多煙三文魚,仲有蟹肉同埋蕃茄醬,醬好味,加上配料又多,食到勁飽。青口有GARLIC味,白汁既煮法,味道唔錯,脆脆地既法包片加埋青口,一流呀!飲品叫左杯士多啤梨特飲,有LYCHEE加SYRUP,係梳打所以唔會太甜。甜品係心太軟,朱古力味既流心蛋糕跟VANILA ICE CREAM,好味道!
繼續閱讀
同幾個朋友平日晚餐嚟咗呢度食飯，主要都係因為尖沙咀比較方便，而且又見到呢間餐廳似乎有幾多好評，就諗住去試一試環境方面都幾舒服，座位大 闊落乾淨 而且即使唔係坐卡位都睇得出啲凳係舒服嘅服務方面就覺得啲侍應唔係太理想尤其係負責收錢嗰位，唔知係唔係經理講嘢粗聲粗氣，而且一直喺度發夢，要其他侍應提醒佢先識得幫手食物方面我哋嗌咗個煙三文魚黑松露醬pizza，卡邦尼意粉，帶子意大利飯同埋兩個小食（一個牛脷另一個炸雞）個煙三文魚pizza就OK嘅唔錯卡邦尼意粉就最難食，個意粉本身已經唔好食，好似茶餐廳煮脹咗嗰啲意粉咁，好失望。煙肉又唔係煙肉，只係火腿。牛脷都OK嘅炸雞我都覺得唔錯，不過朋友就覺得鞋咗啲。但係全部食物嘅份量都非常之少，完全唔夠飽
繼續閱讀