Athena

冇諗過喺葵涌廣場可以飲到咁特別嘅Mocktail ，都有多款式選擇，搞到我有少少選擇困難😂。老闆一早講咗話要慢慢製作，咁我哋就企埋一邊慢慢睇，睇住佢為咗一杯嘢飲，不停加入材料，仲要好用心去擺盤，一塊好普通嘅檸檬葉，佢都要擺得好靚，出嚟嘅效果，絕對可以媲美一間高級餐廳，力求完美，一絲不苟，真係要俾個讚👍🏻。飲落去好有層次感，好清新，有refresh 嘅感覺，仲要好大杯，飲咗好耐，真係好抵飲，值得推介。…查看更多

6-7-2025（Sun）晏晝，同老公，男友人NT食完慧食貓嘅手抓餅要買嘢飲喇，返上3樓小黑糖同李圓圓？問吓NT試唔試由手瓜起墊嘅型男手搖，而好貴嘅呢間？佢答試。於是我哋走嚟。睇睇menu，NT要$48.00嘅T5 因住啡爆你條脷，我要$40.00嘅A4熱情啫，犯法啊？老公要$41嘅A6 莓莓開心，但莓莓不說。我哋分別等咗好耐至搖到，好彩我哋有傾不完嘅話題，我嗰杯熱情果味正常，但好快飲完，飲完亦睇到大半係杯。3分老公嘅莓莓味道對版，比熱情果好飲，而且冰嘅份量少啲。5分至於NT嗰杯，佢話朱古力味蓋過咖啡味。一人手搖好攰，亦有賣相，但如果調較返份量比例做返好啲，咁就更完美。…查看更多

店面design 幾好，有gimmick.A6莓莓開心 但莓莓不說-$41飲開全糖，重甜人嘅可以試下。買之前問過有冇得少甜，係冇得揀嘅。見佢分別落左3次糖漿都估到大事不妙，一飲真係甜到糖尿病，等到d冰融晒先勉強飲得哂杯野，感覺飲咗一年份量嘅糖水。同埋呢款寫明係有梳打，但飲落一d氣都冇。topping 嘅水果都好酸。推薦指數:⭐️/5意見: 見好多人推介特登來試，結果係令人失望嘅。其實見佢有不斷試味去調，可能今日失準都唔定，亦可能純粹係唔岩我口味。…查看更多

咁岩今日假期，又心血來潮想去掃街，係葵廣想試好耐既一間飲品店，一杯手搖既價錢，調出酒吧级數的飲品。落order時見到冇人等喎，諗住即叫即整，點知原來已經有好多張order 係前面，店員已提醒要等30mins ，但絕對值得等待。見到店員用心調配每一杯飲品，下次會想試埋其他飲品。粉紅色yogurt 可遇不可求 $46 主要係士多啤梨奶昔沙冰 底層加入脆脆嘅粟米片 最頂層係一層火槍燒過既雲呢拿泡沫扮cream ，口感幾特別。士多啤梨控必嗌❤️🍓…查看更多

真心想支持下呢間小店～ 第一次黎，企左喺度睇唔知飲咩好～😅 老闆好熱心介紹飲品既特點，佢話最後嗰行飲「口感」，我問佢姐係咩😅 佢好Pro咁解說，好奇心驅使之下就試一試佢～ 等既過程好似睇表演咁～ 見佢會試味，再喺杯面用檸檬皮抹個杯邊，放入咖啡豆做裝飾，再用火槍燒一燒～ 原本以為都係為左俾人打卡😅 又真係幾靚既～ 但其實係有心思架～ 飲落去杯邊有檸檬味，再聞到咖啡豆燒過既香味，再飲到幼細既泡泡～🥰 一層一層有層次既味道～ 呢個價錢真係⋯太過份！如果你地有做cocktail 就好喇🥹 香港有要求既小店唔多～ 希望你地keep住做～💝 加油呀…查看更多

食評**第一杯飲品** 這杯飲品清新怡人，橙香與葡萄柚的酸甜平衡，帶來清爽的口感。冰涼的飲品非常適合炎熱的天氣，讓人神清氣爽，十分解渴。**第二杯飲品** 這款雞尾酒色彩斑斕，搭配香草與水果的香氣，令人眼前一亮。口感豐富，酸甜適中，冰塊融化後更添清涼，適合聚會時享用，增添了不少氛圍。兩杯都完全沒有酒精成分…查看更多

最近試咗一杯雜果笨豬茶，整體感覺係新奇有趣，但味道上稍嫌一般。呢杯茶混合咗多種雜果，賣相鮮艷，睇落幾吸引，仲有啲果肉放左喺杯面，感覺幾豐富。不過，入口之後，果味雖然清新，但有啲過於淡薄。 至於茶底，用嘅係紅茶，但茶味唔算濃郁，茶未能同雜果嘅味道完全平衡。糖度方面甜味較低，至少我係幾鍾意呢個甜度。 價錢方面屬於中等，分量唔足夠，夏天既話應該會想再大杯少少，但味道未至於令人驚喜。作為一杯解渴嘅飲品嚟講合格，但距離「必飲」仲有啲距離。個人覺得如果調整下茶底嘅濃度同埋雜果嘅比例，應該會更加吸引。適合想試下新口味嘅人。…查看更多

在葵芳廣場 1/F 的一角，有一間專賣飲品的小店，讓我忍不住想要一試。這裡的飲品種類繁多，但最令人印象深刻的莫過於他們的西柚味飲品。 叫咗一杯個名叫做 "Crazy 西柚"， $39首先，西柚味的飲品清新可口，帶有淡淡的酸味，完美解渴。而橙味飲品則甜甜地，味道醇厚，讓人感到愉悅。兩者都讓人感受到水果的新鮮，無論是炎熱的夏天還是寒冷的冬季，都能帶來一絲清新。獨特的飲用體驗最值得一提的是，他們的飲品設計相當巧妙，水和冰是分開提供的 ( 冰在上有隔)9。這個細節讓我感受到如同品嚐雞尾酒般的樂趣，能夠根據自己的口味調整冰塊的量，讓每一口都能保持最佳的風味。服務質素，店內的職工非常有禮貌，服務態度親切，讓人感到賓至如歸。即使是在繁忙時段，他們也能保持微笑，讓客人感受到良好的用餐環境。總的來說，這間小賣店的飲品絕對值得一試。無論是西柚的清新還是橙味的甜美，都讓人回味無窮。雖然店不設坐位，可能需要站著享用，但這絕對不影響飲品的品質和服務的優秀。下次再來葵芳廣場時，我一定會 試下飲佢哋嘅咖啡！…查看更多

今日行街經過呢間舖頭，平時少行街見到啲嘢飲好吸引即管試一試， 剛剛有我想要的Mocktail，即管 試吓！good 好味！ 杯飲品也装飾得好靚， 視覺及味道皆滿足之後才search先知之前要排隊， 幸好今日年假， 不用排， 幸福開心！…查看更多

每次葵廣嘅社交平台片都會有人介紹呢間嘢，老細好有heart 咁推廣同做mocktail. 杯嘢個樣真係好靚，打卡一流。星期六晚黎唔洗等。見到上層有一杯開心果奶飲品都賣$42，呢度搞咁多嘢先$39，其他地方又冇，不能不幫襯啦！叫咗杯A1西柚，原來個冰同嘢飲係分開的，等啲冰溶咗唔會影響杯嘢飲嘅味，真係真心讚。攞時佢仲問我有冇飲過，冇嘅話我知上面嗰3塊橙同塊乾西柚都可以食，飲到一半先食仲會發覺杯嘢個味唔同. 本身有啲懷疑但原來係真嘅！成杯嘢好多層次，開始時飲到柚，之後啲橙滲出黎，飲飲下又飲到ginger ale 嘅味。Wow. 癲.不過唔好預好大杯，如果勁口渴建議要預買其他嘢飲，因為佢啲料真係好多，好多西柚，飲落冇睇到咁多。下次試吓其他。我對個椰子雪碧都好有興趣。…查看更多

過嚟葵廣掃街聞阿已久嘅嘢飲aka表演😂飲嘢係其次主要係睇靚仔大隻店員整嘅過程相就唔影人啦，有興趣嘅自己去幫襯😆✨世事嘅嘢 你識塊葉咩 $38薄荷梳打，都係想像中嘅味道但係欣賞佢啲冰係隔開放一路掃街一路飲都唔會變晒成杯冰水…查看更多

女收銀員目無表情，落單全程惜字如金，亦無眼神接觸，收錢無笑容，找錢俾單你唔會講多謝，同機械人一樣，完全半粒字都無講過。星期日現場極多人，企喺店旁邊等叫號碼，留意到黑衣男店員幾有禮貌，細心為客人介紹自家製雲尼拿泡沫，擠得漂亮亦用火槍小心烘烤表面。然後聽到白衣男店員叫號，拎單走到佢面前，見有另一對情侶點同一杯飲品，白衣男店員原本想叫呢對情侶拎飲品先，見到我籌號竟然質問我：點解頭先叫妳個號碼唔應？！其實我可以讓俾情侶先，亦唔介意等你沖下一杯俾我，但咁惡劣既態度，絕對唔會再幫襯！而且店內開到音樂勁大聲，你要有氣氛就怪客人無聽力，咁大家真係考慮下要唔要黎體驗。講番杯飲品，全杯塞滿橙皮雜果，飲落似橙汁，碎冰裝在杯上面分層，係唔會令到飲品變淡，亦無冰凍到牙痛既感覺，但6至7啖已經飲完。然後上2層買另一間多人幫襯既飲品店，26蚊大大杯提子檸茶仲好飲，又夠凍又有果肉，而且有基本禮貌，起碼會講多謝，一樣要等叫號，但唔駛受氣！…查看更多

🍹 A1 傻。西。柚 HK$39＞Fresh Grapefruit、Orange、Lemon、Sweet&Sour w/ Black Tea、Gingle Ale・味道：雖然有少少甜，但係口感豐富嘅～真係飲到西柚、橙🍊、檸檬🍋、薑啤味🫚。最後仲有淡淡紅茶香！飲慣咗珍奶可以試吓呢間！老闆話上面啲水果乾試完一啖，可以浸落嘢飲度飲，都不錯吃喔！・・・・・・・・・・・・・・・・・・・・🤰性價比：高～🤰9衝度：9衝～🤰結論：即場睇表演溝mocktail，老細仲會試味確保質素，欣賞！值得gchi一波🤘🏻！・・・・・・・・・・・・・・・・・・・・…查看更多

位於葵廣的Athena是一家專門售賣mocktail（無酒精雞尾酒）的飲品店，最讓人印象深刻的，不僅是它的飲品風味，還在於它每款飲品都有趣的名字。我們當天購買了一杯名為「莓莓開心，但莓莓不說」的飲品，光是名字就讓人忍不住想嘗試。這款飲品以新鮮的雜莓為主調，味道酸酸甜甜，果香濃郁，加上微微的氣泡感，入口非常清爽。特別是在炎熱的夏天，這杯帶氣的水果飲品讓人瞬間降溫，感覺格外舒暢。最驚喜的是，雖然這是無酒精雞尾酒，但價錢相當親民，和普通奶茶的價格差不多，就能享受到一杯特別的mocktail。Athena不僅提供了口感豐富的飲品，還以合理的價格和有趣的命名給顧客帶來更多樂趣，絕對值得一試。…查看更多

Signature Mocktail - Colada Punch $39以往喝 mocktail 主要在餐廳 / 酒吧, 現在竟然行過路過便可隨意喝到, 不知會否成為潮流, 但肯定是台式茶飲外的另一選擇。飲品的名字頗具玩味, 有 "世事嘅野。你識塊葉咩", "莓莓開心。但莓莓不說" 等, 而我選了 "做人冇夢想, 同粒椰子有咩分別"。由於落單和製作只有一人, 故需耐心等候, 不過等待期間, 可欣賞 bartender 調製每杯飲品的過程, 是另一種享受, 而且飲品是真手搖, 並無欺場, 亦 respect 這份堅持, 畢竟一日搖這麼多杯, 亦不容易。至於 "做人冇夢想, 同粒椰子有咩分別" 其實是 Colada Punch, 由 coconut cream, grenadine with fresh juice 和 sprite 調製而成, 入口清爽。飲品之上放有藍莓, 士多啤梨, 橙和香葉作點綴, 是視覺和嗅覺的雙重享受。…查看更多