ASAP As Simple As Possible

營業中

休息中

生活是越簡單越好，今晚相約了好友於這間簡單之中的環境優美和食物質素良好的餐廳共進晚餐，真是人生樂事。門口有一列大玻璃門可以看穿到餐廳裡面，感覺開揚像致身於室外。可能時間尚早所以客人不多，座位任君選擇，我們挑選了中間座位可以觀賞整間餐廳的環境。枱和座椅以自然的木色為主，配與一列白色牆寫上ASAP, 另一邊牆塗上簡單圖案及有關簡單的文字，全面迎合餐廳名字，枱上的餐紙的圖案以刀和叉做了個哈哈笑圖案，極具心思。晚餐餐牌有2份選擇，A simple evening 及 Dinner Specials. A simple evening 包括餐湯/前菜、主菜及飲品, 餐湯有2款選擇而前菜可選沙律，6款主菜包括飯類及意粉類(價錢由$74-82)，飲品除了一般的奶茶咖啡外，更有伯爵茶、薄荷茶、洋甘菊茶可供選擇，另可加錢選擇朱古力(+$5)、牛奶咖啡、牛奶泡沫咖啡(+8)、朱古力牛奶咖啡(+$13)、啤酒(+$18)。Dinner Specials包括餐湯/前菜、多士配雪糕球，餐湯有2款選擇而前菜是沙律，11款主菜包括意粉、飯、肉類及牛扒(價錢由$108-235)，甜品可選多士配雪糕球($49)/雪糕(

中午飯，簡簡單單。呢度味道好，價錢合理，環境理想，位置優越，服務積極。星期日的下午，要的就是這種悠閒的感覺，食物的種類還是其次。尚未試過呢度嘅晚餐，但相信質素也不差，我決定會再試！

到來午餐前，同事已瘋狂盛讚此處沙律出色，什麼雞脾扒好滑，蛋蓋飯好食，炭燒黑豚又正等等，攪到我都心大心細，最後我點了炭燒雞脾扒意粉，可配湯或沙律，既然說到沙律出色，豈能錯過？！飲品就來杯熱洋甘菊茶。沙律夠新鮮，又酸又甜sauce相信是自家調製既柚子沙律汁，食得出是韓式柚子蜜的柚子再加製，估不到又幾好味喎炭燒雞脾扒確實幾滑，因為脾位嘛可選配汁醬，我揀咗燒汁，不錯丫，食到見碟式出現simple is always best，會心微笑輕點頭同意至於熱洋甘菊茶雖是茶包沖製，但高質素，好香。整間餐廳樓底高給人舒適感覺，唯獨服務員動作不太快。

那天是渣馬的早上，比平日多人等位，等了一陣就入坐，職員當天都比較忙，因為落單後食品到了，餐具還未有放好。飲品點了杯熱洋金菊，靚茶包原個上，越浸越有味道。消消油膩清清味蕾。這碟有齊芝士雞蛋（蛋熟咗少少~個蛋黃唔夠滑溜），農夫包（係濕軟~可能隻煮蛋放上去時水份未夠乾才這樣），煙豚肉，自家腸仔，脆炸魚柳真係皮又脆魚肉又滑，柚子醋汁田園沙律感覺清新，沾魚用的沙律醬可以再少點，食晒成碟感覺豐盛的一天開始好有動力。還有點了煙豚肉通粉，一般的湯通粉味道加配幾塊煙火腿（不過個名叫豚肉特別些）。配蛋牛治，麵包軟熟，炒滑蛋牛肉唔錯，下次可以叫全份蛋牛治來食！餐廳的杯碗也有特色，因為無論杯碗碟，當用完餐後就會見再杯內側邊，碟底，碗底也有唔同字句，面字句也有唔同的意思睇完也會令人微笑。裝修簡單直接突出ASAP餐廳主題。我也已經第3次來了！不過下次來之前會留意下維園附近有沒有大型活動，因為要等位，我等兩位的已經比等6位的快入坐，而食物出餐也因顧客比平日多而要耐心等待，要好味靚質素係要比點時間去等，唔係太在意等。只要唔趕時間可以慢慢座的日子來，這是唔錯食的地方。

Poached eggs on farm bread topped with grilled cheese should not be overwhelmed by the taste of sweet honey dressing to the extent that the taste of the eggs was no longer evident. As Simple As Possible needs to live up to its name. Lai Cha was like warm as was the macaroni soup.

是日同朋友相約黎呢度食晚餐，一坐低，侍應就遞上餐牌有成11款菜式選擇，由飯，意粉、肉眼扒、 豬仔骨同春雞都有，價錢由$108至 $235不等。可以選配香甜粟米湯 或 田園蕃茄湯  或 柚子醋田園沙律我同朋友分別叫咗炭燒蝦海鮮燴飯($120) 同埋 西冷扒($175)睇食評好多人都點個個香甜粟米湯，作為粟米粉嘅我，二話不說就叫咗粟米湯呢間餐廳裝修簡約，幾摩登，用嘅餐具餐紙都幾有玩味，唯一要挑剔既可能坐位就無咁舒服~香甜粟米湯  好得意既餐紙  急不及待要立即試試~侍應好快手一上枱熱辣辣，好濃粟米味! 推薦炭燒蝦海鮮燴飯做得不過不失，海鮮燴飯硬度適中，係隻青口好似有啲細隻，至於份量女仔嚟講算係okay~至於朋友嘅西冷扒，我就覺得幾驚喜!肉味出奇地濃，幾有咬口，加埋薯條，大滿足!(太心急, 唔記得同佢影相..)  

在銅鑼灣路經此餐廳，看見店名名為“盡量簡單”，正合小人心水，即入內一試。點了一碟碟頭飯 - 炭燒雞髀扒飯配忌廉磨菇汁。雞髀扒切件上，食時甚為方便; 明顯食到炭燒的香氣，雞肉的結構和汁液仍能保存。忌廉磨菇汁未算太滑，內有很多菇，調味恰當。飯是軟硬之間，份量適中。相信用料的配搭烹調都是經過考究的，食得高貴，不太花費。

今日特意去試吓呢間餐廳。門面裝修唔錯，光猛而簡約，切合餐廳主題-ASAP (As Simple As Possible).侍應姐姐招呼很有禮貌。入去坐低叫咗個午餐-吉列魚柳滑蛋蓋飯。先講個湯: 粟米湯，有誠意之作，內有原粒粟米，加入少少葱花，濃度啱啱好。夠認真！個飯呢: 魚柳夠大塊，淺金黃色上碟，肯定唔係用"千年油"炸。滑蛋生熟度啱啱好，唔會過生流d蛋黃出來，亦唔太過熟，適合小朋友吃。配埋個燒汁，非常醒胃。值得推介再來。

今晩1行6人到這𥚃晚餐。因為大家吾太餓，所以叫左5個餐。柚子田園沙律，保持到一貫水準，柚子味好清新好開胃。西冷扒，肉味濃，有咬口。和牛肉眼扒，入口即溶，有炭燒香味。香草春雞，好香燻煙味，d雞肉又吾太乾。醬燒骨，份量大，d肉一咬即開，外面嘅醬汁味道適中。虎蝦帶子濃湯泡飯，冇試。跟餐有炸薯條，薯條系粗粗地身嘅，上枱時仲熱辣辣，好快我一個人食左1份，另外系芝士焗飯，大量芝士系面，入面有少少蘑菇、翠玉瓜、海鮮粒，都吾錯。飲左杯好大嘅凍檸茶，茶味濃又大杯。埋單$900，都可以！

與友人相約係天后晚飯，食肆好似好多，但要係星期日晚上搵一間舒適的餐廳並不易。往炮台山方向走，就發現了這間餐廳。餐廳並唔近大馬路，但係都唔算好遠，亦唔難搵，喺天后地鐵站行過去約15分鐘。餐湯揀咗粟米湯，見到侍應上湯時，已經好期待。個湯好濃郁，亦好香粟米味。唔錯

前陣子公司附近開左一間叫ASAP既餐廳~ 佢吸引朕唔係因為佢新開~係因為佢叫ASAP~ 好多時返工成日同人講咩都要ASAP~ 咁究竟依間野係食咩架呢?幸運地朕唔算係1點就食飯, 通常等到2點先食已經過左最多人既時候~ 而ASAP係冇得BOOK位的, 所以每次想食都要等到2點會比較好~餐廳既設計都係行偽文青系列, 好多位都可以俾人相機食先, 係你等野食個時影多D相, 時間都過得快D~佢既lunch menu選擇都唔差, 價錢都幾合理~ 一個set lunch有湯or沙律 + main + 野飲~朕就叫左吉列黑豚滑蛋蓋飯 set lunch $74佢set lunch 湯係用杯上, 依個設計都幾新鮮~俾你飲都飲得方便d~ 而佢個名都改得冇錯: 香甜粟米湯~ 粟米湯一d都唔稀~好有粟米既甜味~講返佢個飯, 佢咖啡味一d都唔辣~係日本甜咖哩, 再加埋滑蛋都係一個冇得輸既組合, 不過佢今次個黑豚有點厚左d, 所姒有d韌, 麻麻地但對上一次我食係炸蝦都幾出色~同事仔就叫左炭燒雞脾扒意粉 set lunch $78見到個賣相都冇咁吸引, 但相比我個滑蛋飯冇咁heavy, 雞扒相比黑豚出色d~ 滑d~

今晚1行5人又去ASAP 食晚餐，6點半左右到，大約有5成客。叫左燒豬手鍋跟飯，牛肋骨鍋跟意粉，燒豬仔骨跟薯條，吉列黑豚蓋飯及炭燒雞脾扒意粉。今次要左柚子醋田園沙律，好清新及份量不少，柚子醋提升左個沙律令到胃囗大開。家人叫番茄湯，好濃烈好足料，好似飲緊番茄蓉咁。燒豬手鍋配咖喱汁，隻豬手肉不多，骨頭好大舊，肉質有點乾皮也不脆，好一般。牛肋骨鍋配燒汁，份量不少，炆到好淋，帶點脂肪，入口即溶，好味。以上2個鍋底有大量什菜，可以平衡一下，幾好。燒豬仔骨，肉汁豐富又嫩囗，一咬即開，跟半個燒番茄另配薯條食，食過兩次，水準高，好好味。吉烈黑豚蓋飯配咖喱汁，吉烈黑豚外脆內軟，一點也不老，仍然保留到肉汁，吾錯。炭燒雞脾扒意粉配磨菇汁，雞扒皮好脆肉好滑，意粉剛剛好又彈牙，好出色。甜品叫左西多士加𦍑味雪糕，西多系煎嘅，所以冇咁油膩，亦都好鬆軟，點一些焦糖漿，好快就食完一份，美中不足系份量太少。餐飮叫左凍檸茶，好大杯但茶底有點澀，家人杯熱咖啡就好香。

頭幾日返工 都未摸得熟附近有咩好野食難得有同事熟路又肯一齊食今日我地食asap-聽朋友講佢係快餐店既高尚版首先係自己搵位坐午飯時間已經係大部分滿座甘岩見到人走 就霸返個靚位先-午餐有好多選擇最後我揀左 燒雞脾飯配咖喱汁個餐仲可以配湯 是日餐湯香甜粟米湯-呢度既餐墊杯碟碗都有公司名 而且在走簡單的北歐風拎住黎影不經意既女神相絶對無難道-講返個湯先 出奇地好味本來以為係出自金寶湯但係佢啖啖都係粟米蓉 好清甜-個飯都到埋 一上碟就聞到香噴噴既咖喱味雞脾肉汁很多 份量也足夠食飽之後下午工作也很有衝勁-唔好地方就係人大多 環境很嘈如果一班朋友想傾計就唔好揀呢間啦

去探好耐無見既朋友，她提議到附近餐廳食晚飯，説抵食又好味，見她咁熱烈推薦，大家都無異議。當晚九點前到達，空位非常多，朋友解説這裡不是旺區，時間一晚人流會較少。這樣更好，我們可以好好享受。餐廳佔地不少，坐位寬闊，朋友多的話可以預留入口處的十二人長枱。裝修光猛簡約風格為主。背景牆運用了不少顏色，為餐廳增加了不少生氣。晚餐特意分了Enjoy A Simple Evening 及 Dinner Special. 前者菜式較為簡單，價錢較平。後者菜式精緻一點，價錢較高。餐牌價錢是套餐價，已包括餐湯或沙律及飲品，飲品雖説是跟餐，但選擇種類多，並不只是咖啡或茶，凍飲加二蚊的基本貨。四個人點了四個餐，每邊餐牌各選二個，餐湯點了蕃茄湯，餐湯用餐廳自家出品的杯盛載，進來的時侯發現入口旁有售，無記錯的話好似$49/隻，對獨居既我黎講份外親切，是關懶人經常這樣做。餐湯微稠密但蕃茄味淡，沙律配菜多種類淋上柚子汁挺開胃。餐碟上的"Live For Today, Not For Tomorrow"剛好放鬆了我，經常煩惱著明天要忙什麼，後天要趕起什麼，下星期要準備什麼...也對，有時候真係應該珍惜今日，今日都無惜珍還

今晚1行5人到這裡晚飯，6點半左右到達，客人不多，食完差不多8點就全滿。叫左帶子什菇意粉，燒乳豬燴飯，豬仔骨，牛扒2份。餐跟粟米湯2個，番茄湯2個，柚子醋田園沙律。粟米湯濃度量中，好多粟米粒，番茄湯有少少酸酸地，好開胃，柚子醋田園沙律，材料豐富份量大，特別系有火龍果，個柚子醋汁提升左個沙律意粉好彈牙份量又大，燒乳豬皮脆肉嫩，燴飯比較濕左d，豬仔骨份量比較細，個燒汁甜甜地，牛扒叫左1客5成熟，1客7成熟，不過2件都差不多熟，廚房控制得不是太到位，肉質有點奀，難咬開，幸好伴碟的原個番茄又大又甜，另外跟餐有炸粗薯條，這個一定要叫，粗身有咬口，淨食都好好味。另外加左2客窩夫併芝麻/生羗雪糕，因為系即整，所以等左一陣，窩夫暖暖的，外脆內軟，加左d鮮橙汁連橙片系面，口感一流。飮品叫左凍朱古力，好大杯好濃烈，熱咖啡就好香濃。因為是姊姊埋單，所以不知道是多少錢。