ASAP As Simple As Possible

營業中

休息中

星期日午飯時間，附近好多好食嘅店都有人排隊呢間雖然都多人，好彩一個人比較容易有位叫左C5 日式咖喱芝士安格斯牛漢堡扒焗藜麥粟米飯有沙律同餐飲送埋沙律都算新鮮嘅不過個飯等左十五分鐘，問個侍應，雖然好忙都好好禮貌話幫我跟進最後都要等多5分鐘不過個飯係幾香，同埋用料份量好足欣賞佢入面有好多好甜嘅南瓜，唔會焗得太爛，亦有少少薯仔個漢堡扒就差少少，啲肉有少少腥味最上面層芝士勁厚，雖則好肥膩但好好食最後係食淨左啲飯呢個價錢黎講係可接受範圍，坐得都算舒服，有好多一家大細黎幫襯唔趕時間嘅話都可以一試

大家潛意識都認為ASAP = As Soon As Possible 快！快！快！好緊張。😊呢間餐廳正正相反，它演繹為As Simple As Possible，推廣生活簡單化，去除煩雜事項。餐廳好大好深，樓底高，空間感好足夠，裝修係簡約木系工業風格。有少少驚喜係食物選擇都好多，價錢又唔貴。點左個好似all day breakfast嘅餐，配柚子醋沙律同咖啡。沙律簡簡單單有生菜、粟米、蕃茄仔，柚子醋汁唔會好酸，但確實醒胃😋。牛乳炒滑蛋🍳有牛奶香味，好滑身。法式酸種麵包新鮮軟熟，但味道略淡，俾啲牛油🧈我搽會開心喲。肉類有雞肉、煙三文魚、煙肉，未到冇驚喜，都係簡單地煎左，有啲失望！咖啡上枱時已經落咗奶同糖，所以飲齋啡嘅朋友落單時要講明。咖啡香醇味濃，可算合格。既然佢地方又大又靚，如果食物能夠做好啲、有特色啲，咁一定更多客人幫襯🤗🤗。

行過天后見到好大間地鋪，俾餐廳名吸引左過去，原來ASAP係as simple as possible😂 餐具都印有餐廳logo，睇黎好似幾重視自家品牌。不過俾左連續3個湯碗有D崩，飲湯要小心...粟米熱湯夠濃，好多粟米粒，好正，幾乎隻不一羹有粟米粒架！而且熱騰騰，夠誠意！加$8有3隻雞翼，新鮮炸，雞皮好邪惡但好正！晚飯都幾舒服😋咖喱牛肋蛋蓋飯黑松露野菌意粉配帶子，帶子燒到好香！整體晚飯氣氛都錯，樓底高唔會好嘈，可以同友人傾到計

原本打算去「Park Aura亨環‧天后」新開的美食市集，但由於未有太多商戶進駐的關係，和我想像中的市集有些出入，只好另去其他地方覓食。天后一帶都有不少餐廳，這次反其道而行往北角方向前進，並發現了這間叫「ASAP As Simple As Possible 」的餐廳。可能因為附近屬工業區的關係，周圍比較烏燈黑火，因此 ASAP 在於這片漆黑的環境中，招牌就像螢火蟲般存在。ASAP 晚餐時間真的不算多選擇，一共只有十四個套餐可選，另有數款小食或甜品可加配。黑松露忌廉野菌湯（套餐餐湯）忌廉野菌湯香濃幼滑，黑松露一貫餐廳做法，用上黑松露油。以餐湯來說，滋味不錯亦香氣十足。法式海鮮燴大蝦配酸種麵包 配 欖油意粉 HK$138 (套餐)海鮮鍋裡邊的配料非常多，有大蝦、青口、蜆、魚塊、菇及蔬菜。至於味道方面就不過不失，煙韌的酸種麵包配上湯汁，出奇地比想像中好吃。欖油意粉則過於硬身，沒吃幾條就放棄了。安格斯牛肉脆煙肉漢堡 配 蜜糖芥未醬 HK$88  (套餐)漢堡包身有明顯烘熱過，包身微脆。但可惜安格斯牛肉的沒太多牛味，而且整體夾得過份鬆散。沙律配菜用上柚子醋，食起來非常酸甜開胃。柚子蜜燒雞翼 HK

餐廳菜式主要係日式+西式，選擇算多。一個set lunch有湯或沙律加野飲。餐廳比較出名嘅係蛋包飯，而今次我叫咗西班牙豬扒意粉配日式咖喱汁，豬扒煎得啱啱好，一啲都唔會韌！係全個餐最好味嘅部份。咖喱汁微辣，味道都似正宗日本咖喱，不過意粉嘅份量偏少，食完唔算好飽。跟餐嘅粟米湯都幾多粟米粒，算係足料。服務方面，感覺上餐廳唔夠人手，雖然未到繁忙時間，但係落單同埋單都要等一段時間，最後連埋+1每人80至90蚊，感覺呢個價錢應該值得好少少嘅服務呢

和朋友共晋午餐，這家店中午人不多，而且主張健康食品，實在是安靜地吃午餐的好地方。這里環境裝修舒適，服務到位。點了蕃茄肉丸意粉+蕃茄湯+沙律+燒春鷄+薯條。蕃茄湯味道香甜濃郁，味道非常美味。蕃茄肉丸意粉味道有點淡，意粉面身不太軟有點咬口，但味道還可以。燒春鷄是最大惊喜，皮脆肉香，燒的實在很香口。薯條也是比一般薯條好味道，香脆惹味，而且薯條的質量絕對比麥當勞的好很多。整體來說人均一百八十多元雖然稍貴，但實在是一個舒適午餐的好地方。

侍應會很迅速幇你清枱、連未飲完的鮮奶咖啡也拿走，投訴也無反應，早餐的滾水蛋是凍的，很不願意才换。侍應態度霸氣、要等很久才可捕捉到她的注意，但也不会積極跟進，令人氣結！

呢間餐廳已經開業有一段時間，但一直未有機會試，今日經過見到店內嘅人唔多，就入去試下。ASAP呢個字對打工仔嚟講，可以話係見字就無名火起🔥 身為打工仔嘅我，經常都被人追回覆追交貨，咩都要ASAP，唔使急但最緊要快！🤯 真係喊出嚟😬 佢命名為ASAP，並唔係解As Soon As Possible，而係指As Simple As Possible， 言下之意係一切從簡，美食越簡單越好。地方闊落，空間感十足。店內裝潢好創新，Loft風配牆上霓虹燈，玩味十足！牆身色彩繽紛，甚有Pop Art感覺。特色牆由簡單graphic+衝擊嘅配色+大大隻字句組成。從“Start your day with a simple meal” & “Don't make things complicated" 等字句，都可以看出餐廳嘅宗旨及生活態度。墊枱紙、餐具、menu都有設計嘅元素，做到設計嘅一致性，呢度嘅Branding做得好好。Menu有4頁，選擇唔係話好多👀 比較驚喜佢哋有Impossible植物肉嘅餐，即係用植物肉代替真肉，適合素食人士。❤️ 特濃咖哩牛肋肉滑蛋蓋飯 $86有包沙律、餐湯、飲品！是日餐湯

剛剛下單買了兩份晚餐並完成了付款，30分鐘後回去取餐，店員看過單後沒查清楚便回去工作，白等了5分鐘再追問，店員才去查單，之後說餐已經被提取了。莫名其妙！我拿着付款單去取餐，如果餐已被提取付款單應該己被收回。 店員再三堅持説餐已經被提取便想打發我走。場面令人相當尷尬。 店員之後說：「如果這樣你要再等呀，我吔要整過呀！」 我只好說取消並要求退款。明白ASAP 只是平民餐廳，服務水平更不應諸多要求，但既然做好的外賣放在門外任人自取，便應該估計到會有人拿錯，甚至偷取。要讓原本下單的客人一再解釋才能取消交易，真是令人難堪。

唔係好餓，但又要食晏🤔一於去ASAP食個沙律先。因為限聚令，入去都唔洗等位。F餐-碳燒雞髀扒+柚子醋田園沙律($72)：酸酸甜甜，好fresh既沙律，配埋原隻雞髀，啱晒唔餓既我，而雞髀肉唔會好韌，但較為結實。C餐-黑松露野菌意粉($86)：朋友話味道正常，不過不失啦。黑松露忌廉野菌湯(跟餐加$3)：好濃郁既香味，仲有淡淡菇蓉。推薦！😋北海道粟米湯(跟餐)：朋友都係話正常。橙汁(跟餐)：有橙肉既橙汁，好細杯。🙄凍奶茶少冰(跟餐)：正正常常，冇咩特別。另收加一

簡約同裝修有特色嘅日式西餐廳，個人最欣賞係佢嘅粟米湯，出面都唔係間間餐廳有，另外佢啲炸嘢同埋滑蛋都好正，啲飯嘅配搭仲有俾你得揀咖喱汁忌廉汁就同燒汁，另外嘢飲質素都不錯，環境舒適坐得都幾闊落，平日下午茶時間來係可以放鬆到心情既餐廳，但lunch time 夜晚就可可能較多人較應聲。

就算疫情期間，都好多人排隊。Lunchtime嘅時間去食，店舖嘅員工唔係好多，所以啲員工都好忙，但上菜嘅速度都幾快。餐廳主打健康食品，有素食嘅選擇。我真係好想試吓佢嗰個仿肉嘅漢堡包，但俾呢一個番茄飯吸引到。食落口啲蕃茄好足料，而且都好飽肚。

ASAP As Simple As Possible+ 日本菜+ 西式糕點+ 咖啡店吉列黑豚滑蛋蓋飯 $68Black Pork Cutlet Omelette Rice 好食指數：⭐️⭐️⭐️⭐️打卡指數：⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻吉列黑豚外皮唔厚，炸得好鬆脆(≧∇≦)👍🏻日式咖喱唔太辣 ，多汁又入味，非常適合怕辣嘅食客🍛👍🏻米飯配上滑蛋，拌飯一流 🍚 ASAP As Simple As Possible (銅鑼灣)銅鑼灣歌頓道1-7A號維峰地下1號地舖28568675ASAP As Simple As Possible (沙田)沙田銀城街1-2 號置富第一城樂薈地下G15-G20及G108號舖28568698ASAP As Simple As Possible (荃灣)荃灣大河道100號海之戀商場3樓3001號舖28564021喜歡我的文章，可以關注我及讚好以作鼓勵

已經來到這裡好幾次吃午飯，餐廳提供飯，意大利粉和 Burger, 今次點了牛肝菌汁安格斯牛漢堡扒焗粟米飯，雖然飯是小了一點，但也足夠一個人吃，牛肝菌汁很入味，牛漢堡扒的 size 剛剛好，很好味，還加入了洋蔥、南瓜、和紅蘿蔔仔做配菜，吃下去也吃得飽。下次會再去試其他的食物。

黎過呢間ASAP幾次，印象幾好! 今日見唔洗等位，就行左入去食了。不但裝修有heart, 而且坐得舒服, 服務都唔錯。午餐價格大概$70-100! 坐低之後，發現餐枱紙有黑色既As Simple As Possible 同埋橙色既笑臉，只係一張餐枱紙，已經足夠令我開心一日💕.跟餐有粟米湯粟米湯用左一個黑白間條既小杯, 入面好多粟米，個湯好濃味道唔錯。.今日叫左個鳥唐揚蛋蓋飯配咖哩汁汁可以簡咖喱汁、燒汁或者磨菇汁。滑蛋好正！又滑又有蛋味😍😍😍炸雞都好滑好食👍🏾.餐飲要左可樂Overall, 食物質素幾高，對得住個價錢! 所以有時lunchtime想透透氣，奢侈少少食個飯，俾自己休息下，呢間餐廳真係唔錯既選擇👍🏻