Aroydee thai 船麵

營業中

休息中

分左2間舖，一間食小菜，細D果間食粉麵，2個後生泰國男女主理，晚飯時間都係街坊look客人😆特色遊船河好濃郁的湯頭，有泰國多層次的味道，後勁帶點甜，唔會好重味精味豬潤有小小過熟豬皮同肉片同丸正正常常夜晚食飲品要加$20真係太貴無叫到，食個粉都OK

好想食船麵！.叫咗一碗特色遊船河一碗自選湯河～兩碗船麵嘅湯底都非常之濃郁👍👍可以話係香港數一數二好味嘅船麵👍價錢都只係$60以內一碗 好抵🙂‍↕️🙂‍↕️.油菜 $20揀咗通菜 雖然只係$20都算幾大碟～🙂‍↕️.串燒 2串 $30肉厚厚一串👍 啖啖肉 滿足👍.炸蝦餅 $40係唔會輸既一樣野😛😛.馬蹄椰汁冰 跟餐只需加$8好抵🥹🥹🥹.好食又好抵～叫左咁多野 都唔洗$300一定會再食！.佢格離仲有間鋪係食泰國小菜！下次有機會要再試埋！

營業時間內去過兩次都摸門釘，今次第三次打電話問定先去，終於有開門了！果然好食係難求啲，真係零失望泰國人主理，完美還原泰國食到嘅味道// 豬扒清湯金邊粉 Best!!!清湯都夠濃夠香，而唔鹹，每啖粉都要配口湯。豬扒炸得好香，有蒜香味，肉醃得好入味。粉份量都算多// 泰式乾炒牛河 Best!!!第一啖好驚艷！真係食得出同港式嘅乾炒牛河有分別！唔係食老抽、仲要完全唔油!!!碟乾炒牛河仲要炒得好夠鍋氣，攞出嚟嘅時候仲會出煙啲牛勁有牛味，肉質好軟熟！啲菜炒得剛剛好！// 龍眼冰甜度剛剛好，唔會太多糖漿、死甜。正常發揮~// 珍多冰 Best!!!超香椰奶！又唔會飲糖水咁甜

放工後見到一張泰國菜小店，順便食埋個晚餐先返屋企。叫咗生牛肉船麵河，好粥了湯底亦都好濃，絕對會翻兜嘅餐廳。埋單時，本身冇留意麵有兩個價錢，其中一個係下午六點後嘅收費，呢個明白，亦都願意。飲料見到配餐價係+$8，以我本身認知我應該係比total $65，點知最後多咗$10 (total $75)，問返店員，佢話六點後就要收$18一杯，呢點我就有啲疑惑，礙於語言文化溝通不良，所以我都冇特登去斟酌。只係想提大家，晚市嘢飲係冇配餐價㗎。😂

呢間無意中發現嘅隱世小店下午2:00到店一個客人都冇估唔到佢星期日都有做Set Lunch Menu叫左泰式鮮蝦炒金邊粉味道酸酸甜甜幾開胃另外叫咗個泰式乾炒炒河，要雞肉嘅呢個味道鹹鹹香香同頭先嗰個好唔同河粉入口順滑佢兩碗炒粉全部都係即叫即炒份量都唔少套餐分別加$5要咗個龍眼冰特飲同埋一個青檸梳打兩個餐埋單都係$110餐廳嘅職員全部都係泰國人正宗泰國人主理，性價比相當之高不過地點又係有啲隔涉嘅喺葵涌地段下次有機會經過絕對會嘗試佢其他食物

洗車經過呢頭泊低部車搵野食點不知入左間泰國餐廳出乎意料之外好食過我係泰國食既船麵👍🏼👍🏼臨走仲買咗包脆脆片店主話用黎煮麵一流老公都好鍾意下次會再來值得推介👏🏻👏🏻

我地岩岩喺峇里玩完回港 無緣食灘邊街邊湯河粉所以落機第二日即係今日決定補番數無意中搵到呢間 google同OpenRice comment唔多 人氣唔高但望到人地post既相已經確定係佢喇（個人只睇食物賣相同直覺）（位置上可能有d輸蝕 但無阻我呢d為食人）一食難忘 估唔到可以咁好食佢既麵 湯底 香料 落好足船麵精粹就係夠濃烈夠香 佢做到去到個雞肉串燒份量同味道 一d都唔輸蝕 一串大大串我地叫左兩串都差d想加單佢overall 甚至有少少超越左其他泰國舖 出面d舖頭有部分串燒都係油炸佢唔係！Ps 船麵個豬皮係一絕好少會衝動想寫食評 但良心又做得出色既小店 佢值得更多人知道期待下次去食晚餐因為有燒全翼同燒豬頸肉

食厭咗光輝圍，行到嚟屏麗徑搵好嘢食，原來由光輝圍行過嚟都幾近。店員係泰國人，好親切，招呼好好。間店雖然唔大，有唔少小擺設同埋裝飾，坐落都好舒服叫咗一個特色遊船河，一個冬蔭功豬頸肉金邊粉，同埋一杯珍多冰，都只係$108，抵食！最重要係湯底唔hea，食得出係落足心機同材料煮。下次都會再特登過嚟食嘢！

今日我去左葵涌打磚坪街附近展麗徑21號去舖食泰國美食，舖頭名稱係船麵。舖店名稱叫船麵咁佢招牌菜一定係泰國黑啡色湯汁既船麵喇。今次我就冇選擇佢地招牌菜，而選擇左泰國菜都出色既炒金邊粉，佢既金邊粉下午茶價錢都係$48加特飲都係$5係好低食。 佢既金邊粉都好足料，有3隻大蝦，豆卜等。講真$48有3隻大蝦仲想點。咁味道方面，炒金邊粉本身炒嘅時候已經加入左青檸，食起上嚟就甜酸甜酸。好岩啲胃口唔好既朋友仔食，十分推薦。

朋友介紹黎食，係工廠區入面，好講都唔會留意到門口已經好濃厚既泰國feel舖仔細細，得4-5張枱咁岩天氣涼，冇開冷氣/風扇，只係開左後門做通風但都唔會熱/焗星期六晏晝冇乜人，但佢lunch到16:00，不得了不過我就叫左佢全日都有既船麵 $50 同凍0水 +$3個湯底係正宗船麵既顏色，深深啡色飲左啖湯，真係不得了，入口係甜架之後就係濃濃既肉味仲有通菜係面，索曬D湯，好甜好香肉片超級滑，係入口即溶既feel滑到分唔到係雞定豬肉，平時飲粉都唔會食d肉片但今次真係全部食曬最後食曬D粉，D湯都比我飲左一半🤣飲咁多都唔會口渴真係 真係 真係好值得去食(重要既事情要講3次)

作為一個愛吃泰式船河的吃貨，我閒時便到不同泰國餐廳吃船河，這間店是我吃後覺得全港最好食泰式船河之一。因為除了好食之外，價錢超抵食。我已不只一次到訪這店，但每次都覺得超好吃。我叫咗特式船河（$50）， 配料包括：豬肉丸、豬肉片、豬潤、通菜和脆炸豬皮，麵底是金邊粉。船河的湯底味道很濃，但不會很重香科味，味道的剛剛好不會像其他餐廳那樣超鹹湯底。 整碗船河份量剛好。我亦叫咗泰式蝦餅（$38 兩件）， 蝦餅的size以這價錢來講算大，炸得香脆，蝦餅超超彈牙好爽口，味道非常ok，配上梅子醬非常好吃，係必吃推介。餐飲我叫咗龍眼冰，味道不算濃但算好飲。唯一不好地方是這店的位置有點隔涉和難找，亦不近地鐵站，所以我才第二次到訪。

▲ 船麵 | Aroydee Thai ▲✦ 𝐋𝐮𝐧𝐜𝐡 飯堂✦平時有4款熱門湯底款式選擇，𝟭) 清湯𝟮) 冬蔭功湯 👍🏻𝟯) 船湯 👍🏻𝟰) 彩虹湯廚師係泰國人主理，大嬸我就試過冬蔭功湯同船湯🍜兩款都係熱門湯底建議你哋搵朋友仔去share個湯底試試佢但我最愛都係船湯😆佢個湯底係好濃同埋同普通船湯既湯底絕對不同❤️‍🔥每碗都會feel到佢好比心機煮唔會係求其咁出比你仲要啲餸都唔係就咁白灼就算係食到好香既甜甜地燒烤味🥹我就推薦豬頸肉同豬扒🤘🏻 都係好味嘅👍🏻冬蔭湯個辣度似譚仔既4小辣左右啦湯底都好濃 有椰奶味成碗飲曬😂 啲湯啱啱好 唔會太多唔會太小如果鐘意平時多湯既朋友仔咁可能會小🤣但好濃🍜 配料多 係好好食既！✎ 𝟵𝗵𝗲𝗮大嬸の𝗵𝗲𝗮𝟵評價 ✐❝不是專業‧平民級舌頭❞👅 味道：𝟵/𝟭𝟬📸 打卡：𝟳/𝟭𝟬👩🏻‍🍳 服務：𝟴/𝟭𝟬 (因為係小店 人手比較小 大家盡量唔好吹🥹)🌞 環境：𝟳/𝟭𝟬 （位唔算多好似 𝗹𝘂𝗻𝗰𝗵時間好多人等😂）💰 人均：$𝟱𝟬 - $𝟳𝟬❤️‍🔥 推薦度：𝟵/𝟭𝟬✦#9heatogether_葵涌

呢個周六要過嚟葵涌有小組聚會，晌聚會前搵個地方食，兼打打躉，就晌附近搵檔好嘢試吓，兼打發時間。兜咗個圈，晌「屏麗徑」見到呢一家有少少隱世感覺嘅泰國菜小店，好好醜醜，一於試試。因為廚房設晌門口位，所以，入門位置比較窄長，但入到裡面又有另一番景象。雖然，地方都仲喺細細哋，之但喺，牆上掛咗啲食物相、手工擺設，而枱上又放有小盆栽，立時有種小清新嘅感覺。因為店家嘅餐牌過咗膠，事後發覺有少少反光，好彩一向都會拎埋啲外賣紙，貼出嚟俾大家當個參考。菜式選擇有湯河、撈麵、小食、甜品，甚至火鍋都有，當然唔少得富泰式風味嘅飲品啦。 枱上已備有餐具及醬料，客人可自由取用，不過，因為小弟點嘅喺冬陰功湯河，所以，都唔需要再額外加調味。順帶一提，店員似喺泰國人，一口流利廣東話，而且，非常有禮貌。 冬陰功湯生牛肉金邊粉 $55揀冬陰功湯底貪其富泰國特色嘛，而選生牛肉就感覺喺比其他料貴價啲咁囉，滿足自己揀得醒嘅心態啦，哈哈！而晚市會比午市貴$5，不過，成碗粉大大碗，份量十足，除生牛肉，仲伴有生菜、菇菌，確喺交足貨。 睇到個湯底就知有料到，唔止色澤靚，捧到嚟仲聞到陣陣冬陰功獨有嘅香氣，先試為快，呷一口湯先，熬得非常濃香，

最近有點忙，放假都不大有動力外出，只想宅在家耍廢。所謂耍廢當然是零生產力，懶得連兩餐也不煮，到家附近吃便算。因為順道要買東西，走到平常很少去的屏麗徑，發現了一間泰式船麵小店。店內佈置也甚有泰國小店風情店員都是懂廣東話的泰國年輕人，估計這裡是家庭式小店，父母負責廚房，子女負責樓面。佈置再加上泰國人店員，令人彷彿真的置身泰國呢泰式沙嗲串燒雞雞肉醃得夠入味，再配上他們的沙嗲醬，甜甜的味道加上花生香，非常惹味油菜通菜苗份量也不少，菜嫩綠，把菜加進湯粉裡，令菜葉吸滿湯再一起吃，正👍🏼特色遊船河配料有豬肉片、豬肉丸和炸豬皮，湯是泰色船麵的湯底，味道非常濃郁，好好味。自選湯粉（冬蔭公湯+豬扒+米線）冬蔭公湯當然是泰菜的代表，這裡的冬蔭公湯味道平衡得很好，不會過酸過辣或過鹹，味道非常有層次。豬扒是燒的，肥瘦適中亦挺大塊。米線爽口彈牙，是我喜歡的口感，整體都相當不錯，我把整碗湯喝光光呢😋泰式芒果糯米飯和椰汁大菜糕芒果糯米飯的份量簡直是二人份呢，絕對超值！糯米飯配上椰漿，再加上少許脆粒，令口感再添層次大菜糕色彩和賣相可愛，而且只售$4 一件，作為飯後小甜品相當不錯最後喝杯龍眼冰，為這頓充滿泰色地道風情的午

今日下午要幫老闆送文件去葵涌，做完野差不多兩點。肚仔餓於是附近搵下有乜好野食。老實講吾係今日有野做，平時都好少嚟呢區。發現一間泰式小店，目測由泰國人主理。進入餐廳內發現地方甚有泰國特色，掛有大大小小藤識製品及食物相片。而坐位亦舒服寬敞。叫咗碗特色船麵（$50）配珍多冰（+$8），加份泰式沙嗲串燒豬（$28）及泰式椰汁西米糕（$4/件），埋單一百蚊有找。船湯超級濃厚重味，金邊粉彈口香滑，配料豐富，有嫩滑豬肉，豬潤，豬肉丸，通菜，芽菜，金不換，重點加咗炸豬皮，令整碗河提升另一層次，果然夠正宗泰國風味。最愛沙爹串燒，啖啖肉有炭燒香，配埋沙爹汁，夠juice 惹味。以前都成日飲珍多冰，鍾意佢夠多料又冰凍，夏天天氣熱，飲呢個立即透心涼。至於甜品西米糕內當然有西米啦、仲有粟米、馬蹄，椰汁濃郁，十分香甜好味。