Armani/Dolci (已結業)

是日聚會, 我也買了這裡的朱古力讓大家一同去試. 包裝是相當精緻, 真是連個盒都特別矜貴.9 pcs $260: 8分, 一盒9件, 每粒小小的, 差不多$30一粒, 當然不會是便宜的價位. 有A字的就像品牌一般, 特別搶眼, 朱古力味道是幾濃烈的, 不會太甜, 而試了幾款後, 我還是最喜歡黑朱古力.是日雖然陣容強勁, 但這客朱古力也幾受大家歡迎, 不用一會就清掉了.

三百餘元只得十六塊雜感朱古力，每粒平均廿二個大洋，真的很貴，與PP新開，打著貴氣旗幟的La Maison亦不遑多讓。十六色的精緻小品加上沉實穩重的ARMANI盒子，氣派十足，自己書檯上放著不少靚靚朱古力盒，卻不捨得添加ARMANI，畢竟味道下的實際價值不值這個價，當然買來送予朋友，作「告別式」，也總算是個理由。朋友客氣地打開，送來一件夾心朱古力，陽光透射下，面還泛著光澤，「卜」聲的清脆口感，可可味濃郁得化不開，很好，朱古力軟心亦滑流，沉實有水準。朋友嗜朱古力，卻不知它的好，已盡了力，能做的，就替它找個更懂欣賞與珍惜的人，再見了，祝前程錦繡。

親愛的舊同學送我一盒4粒朱古力。以前非常愛吃朱古力的我，現在也講求健康，沒有再豪食甜點了。這個分量對於我來講剛剛好，不會太多，但亦可以試到darkchocolate, milk chocolate, 同white chocolate。打開個盒覺得好精緻，很實淨的樣子。試了一口，覺得無特別。完全沒有WOW的感覺。好普通的朱古力。不知道朋友花了多少錢，不過in the future 我就0吾會幫親。雖然如此，我好喜歡個盒。完全感受到牌子野都系賣包裝多。

尋晚媽咪話想飲朱古力奶，諗起之前係Armani Dolci買咗一罐chocolate flakes，於是就做乖乖女，開爐煮朱古力奶孝敬雙親+妹妹。首先煲熱啲奶，然後熄火，落大量chocolate flakes。Armani嘅chocolate flakes可可味不算濃，同Valhorna無得揮。加上Armani採用嘅可可豆十分重油分，邊攪邊發覺朱古力奶嘅表面比一層油封住，睇見都唔開胃！都係用番Valhorna朱古力豆開奶穩陣。

當年去Armani Charter House的開幕party, 得知Armani/Dolce會係香港開分店, 真係好開心!但諗唔到食A/D的朱古力, 竟然係咁耐之後的今日.第一次試, 樣樣都好想買, 但每樣都唔想買太多, 好在可以一粒粒選, 方便好多.四四方方的朱古力共有八隻味, 一樣要兩粒就岩岩係十六粒裝的box,另外dark chocolate bar and milk chocolate bar各一, 片裝朱古力都買左唔少.番到屋企試下, 又真係唔錯喎, dark chocolate唔夠godiva苦, 但就幾香~milk chocolate唔差, 唔會好甜.至於個八款朱古力就四個字講哂: 各有特色.而且個packing真係好靚仔, 送禮最佳!可惜佢無VIP制, GA VIP都無折.

今日女友忽然間送左包朱古力比我. 依間係新開張既朱古力店, 就連張單既号碼都只係37. 朱古力分兩邊, 一邊係100克100克咁賣, 另一邊係一粒粒咁賣. 100克咁賣嗰邊的朱古力大部份都係細細粒既, 薄薄既朱古力(牛奶朱古力, 純黑朱古力等)外層包住粒果仁(棒子, 杏仁, 合桃等等). 而最特別呢就係响朱古力同果仁中間有一層coating, 係用的焦糖加埋的合桃呀棒子咁, 好脆好香口, 亦增加不少口感. 的果仁都好脆好香, 雖不是頂級果仁, 但各方面既配合下, 亦非常驚喜. 朱古力方面, 雖只是薄薄的一層, 但看起來有光澤, 嗅起來有一陣陣可可豆味, 食落口不會起沙, 不太甜even係牛奶朱古力, 又不漿喉, 吃後亦不覺口乾, 理應不是下等貨.而一粒粒咁賣嗰邊, 今次無試, 留待下次吧.另外包裝亦非常優雅, 怪不得價錢亦很貴. 成一百二十元一百克, 如買三白克就有special offer只需要二百九十元. 相比起Godiva八十八元一百克, 真係貴了一點, 但試一試亦無妨.