Apple (已結業)

今朝11點想食個早餐先…於是行左過尼天后想博下apple有無開門終於有開喇^^其實系想食三文治加鮮果沙律…但原來系早餐之後才有@@算了…叫左芝士碎蛋沙律飛碟 $3要左杯西瓜汁飛碟:無皮麥包來的 感覺健康餡非常豐富…有幾塊蕃茄添西瓜汁:淡淡的應該真系用西瓜榨出來且無加任何調味 感覺好fresh同健康!!;d加埋$3都系$24咋好平^^

上次系openrice見到有呢間好近既健康又吾貴既餐廳於是就即刻過尼試下…但見到下午茶個d岩食d就諗住等到晏d先點知竟然系2點半個時就關門了@@可能因為個日系星期日咁就算啦..不過今日系夜晚大約6點半過到去有開門但寫住休息囉@@門牌個時間吾清楚又無人喎想問幾點開門架都吾得搞到又無得食!!!!真系好想試.3.

先說食物。我吃一個羅宋湯通粉加油多下午茶餐配熱奶茶。奶茶淡如水。羅宋湯得個甜字。通粉太厚而且不太熟。多士牛油少而且薄到彎曲。還有什麼好說？再說服務。門口寫這個叫S1餐。我入舖便話要S1。店員一句飛埋嚟：「咩s1餐呀？無喎！」接着一叠餐牌飛來我面前說：「喺度揀啦！」食物拿來時是飛上枱面的，通粉的碗還在枱面玻璃上滑翔。也是沒話說了。評價？不消說了吧？

今早來到北角領獎後,便獨自在北角附近搵食.這一刻的我,也不是太肚餓,如要獨個兒去吃一個公仔麵或通粉餐那就太多了.經過Apple,看見有很多鮮果套餐,鮮果一定不會滯,所以便入來試試吧!好耐沒有吃過飛碟,看見其中一款飛碟類是花生香蕉飛碟,嘩,好吸引喎. 不知花生醬拼香蕉感覺會是如何呢?很快飛碟已送上. 吃了一口後,感覺有點怪怪,但再吃多幾口,又覺得這種味道真的不錯喎. 花生醬和香蕉起初給我感覺是不能再遇的,但慢慢再認識它,便覺得他們兩位是可以做朋友的.Apple餐廳總給我是迷你美式餐廳. 除了主要行新鮮生果之外,很喜歡這一個開放式廚房,加上這一個Apple燈光,真的是Fresh you need.

今天的胃口不好，不想吃飯，便到此購了個 黑椒牛肉雜果沙律餐 $32.-這個沙律餐，有多款選擇，1 ) 先選 牛油多士或蒜茸多士，試過蒜茸多士是真的很多蒜茸，接受不了， 所以今次選了牛油多士，麵飽新鮮，剛烘起，外脆內軟，牛油也塗得均勻。2 ) 有黑椒牛肉、雞翼、火腿、腸仔、煙肉等，我選了黑椒牛肉，味道不錯， 有四塊，墊底的有生菜。3 ) 沙律有華度夫沙律、鮮果沙律、薯仔碎蛋沙律等，我選了鮮果沙律， 內裡包括：頗多的西瓜、奇異果一片、蘋果四件、蜜瓜四至五件、 木瓜四件及一件芒果，大部份生果多很甜。4 ) 最後是飲品，咖啡或茶或 $16的果汁，我選了橙汁要加 $2。 橙汁真是新鮮，絕不是樽裝的味道，很甜很好味。整體來說，是不錯的的午餐，很適合女仕們的胃口。

2月19日, 下午茶呢d唔上唔落時間, 唔想食咁飽, 於是就嚟咗呢度食tea. 咪睇呢度茶餐廳咁嘅格局, 原來佢地賣嘅食物都sell健康路線~ 除咗平時茶餐廳食開嘅油油膩膩多肉少菜公仔麵, 佢地仲提供多款沙律、果汁呢d清新選擇, 啱晒呀菲!::: 番茄碎蛋三文治 + 華度夫沙律 + 雪梨汁 ::: $30三文治都選用麥包, 而且只有半份, 絕對夠light! 餡料方面除咗番茄碎蛋之外仲有生菜墊底, 碎蛋唔會有過多沙律醬, 感覺健康~ 但個華度夫沙律就一般般! 其實嚴格嚟講呢個都唔係華度夫… 佢係有d生菜、蘋果、西芹呢d華度夫料, 但仲外加埋粟米、蜜瓜、蜜桃同奇異果, 又無合桃同提子乾… 極其量只能話佢係個鮮果蔬菜沙律~ 勝在夠新鮮, 味道都唔錯! 雪梨汁係鮮搾的, 仲有一層最多纖維嘅果渣浮面~ 味道清甜自然, 真係覺得自己好健康!::: 雞翼拼薯仔碎蛋沙律 + 菠蘿汁 ::: $20呢個就係一個好普通嘅下午菜餐, 雞翼只有微微煎過但係唔香口, 有少少過鹹… 薯仔碎蛋沙律名副其實只有薯仔同碎蛋, 碎蛋份量唔多, 大部分都只係食到薯仔加沙律醬, 都幾夠凍嘅.菠蘿汁好淡, 冇乜菠蘿肉, 麻麻

星期日晚同老婆行完街經過有人派傳單,係間食糖水O既餐廳,老婆話要試下咁就入左去食。老婆叫左個楊枝金露,我就聽侍應推介要左個芒果雪花冰(以前未食過咪試下O羅)老婆話個楊枝金露做得幾好,幾香滑;而我個雪花冰就夠晒份量,食落口個口感非常特別,個芒果味好濃郁,勁正!我老婆都話好好味,仲話下次要試下其他味道!

經過呢間平時唔開夜晚的餐廳，見佢開左做糖水，又凍凍地就入左去。餐牌上有好多凍的甜品，雪花冰都好吸引，不過最後都係揀左湯丸。薑水甜同辣度都剛剛好。湯丸煙煙韌韌好正。唔似Ｄ隔左夜既湯丸一D口感都冇。天氣凍冰冰絕對推介呢個湯丸！　下次試埋個冰先！

少有星期六可撇開大小公子, 獨個靜靜地嘆個早餐, 皆因下午有聚會, 趁架車在清洗中, 到這小店來食個早餐, 此店跟其他茶餐廳很不同, 主打健康鮮果餐及三文治, 深受附近OL歡迎. 我反而喜歡這裏的凍奶茶, 茶味足, 奶香滑! 今日叫咗個簡單的火腿煎雙蛋, 簡單健康. 油多雖不是什麽特出, 但也吃得出是用心來做的. 本來order咗太陽蛋, 要燶邊, 但最終來了個反蛋 老闆娘連忙陪個不是. 態度加分! 相比其他馬虎茶餐廳, 這裏的出品的確健康得多, 信得過!

去食早餐,老公想加$3飲果汁,問有D MUD,佢個亞姐指一指個牌,我地響最平果欄揀左蕃茄汁,佢果個亞姐又話哩個係要加$5,(唔好意思/對唔住之類都無句)我地改要凍檸茶.跟住問佢,所有果汁都係$14,點解蕃茄要再加多d,佢好串咁話係公司規定,我問佢邊都希寫,佢要拎唔出,我地話佢唔合理,跟住又串,"有$咪有囉"(喂,我地係客黎架wo)我地同店內其他人投訴,水吧,樓面一齊話佢地係咁,唔like可以走(哩d服務,你估你d野有竇咩)一定無下次!

我一向無咖啡不歡, 幾乎到了一日一杯的地步。某早不夠瞓, 一起床呆呆滯滯的, 急需一杯來提神, 又喝厭了星記的出品, 遂來了這裡。一大早不想吃太肥膩, 要了一個早餐 B ($20), 有羅宋湯通粉、油多 (我走了油)、咖啡或茶 (我要齋啡)。雖說此時顧客不少, 但我的早餐很快就來了。羅宋湯通粉熱辣辣, 通粉份量夠多, 如果羅宋湯底濃一點, 又或多一點蔬菜就 perfect 了。多士是厚切去邊, 暖暖的, 稍嫌外頭不夠脆, 但包身綿軟, 還可以啦。至於主角咖啡, 咳咳, 真的不行啊, 既無咖啡香不特止, 味道雖然不淡但沒有香味已經差很遠了。傳說中用來煲咖啡的瓦煲該已消失了? 我只見到普通玻璃咖啡壺而已。都說來這裡只吃有蔬果類的東西就不會錯, 冏。

這家小店已開了好多年了, 非常近我的家, 難得在食肆如雲的炮台山區仍然屹立不倒。雖然這兒什麼都有得吃, 如碟頭飯、意粉小食等等, 其實她最著名的是鮮果常餐 ($30), 我吃得最多的都是這個。常餐包括多士 (可選牛油多士或蒜茸多士)、沙律一款 (有多款選擇, 如雜果沙律、雜菜沙律、華多夫沙律等)、一款肉類配料 (可選鴨胸、雞絲、黑椒牛肉等) 和一杯果汁。看到這麼多東西就知這個餐有多豐富了。蒜茸多士上面的蒜茸是即製的, 所以蒜味強勁, 之後如要見人的就點牛油多士好了。沙律的份量可以用巨大來形容, 尤以有薯仔類的沙律為甚, 所以我通常都吃雜果沙律, 貪其生果多花款, 而且不用吃太多沙律醬。這個餐營養豐富又飽肚, 所以是附近上班族午飯時間的熱門選擇, 很多時更是一位難求。有一次去吃, 有一個搭枱嘅 OL 叫了餐牌上沒有的「纎體餐」，上枱是一杯果汁 (之後知係西柚汁嚟)、一大碟甘筍生菜沙律同兩件雞扒。後來我也有試過買來吃, 根據外賣紙所講，這個是一個醫院用來幫要做心臟手術的病人術 前快速減肥的餐單，即一般人所指的西柚減肥餐單；原理都是少食碳水化合物，身體運用蛋白質來供應能量，排水而減重。撇除是

27/11(一) 2:30pm是日因工作關係,未能與同事結伴用膳;一人午餐,選址於此.小店格局,沒講究裝潢,開放式廚房,感覺住家.下午茶時段,店內冷冷清清的,翻閱過下午茶的餐牌不太吸引,決定點了午餐$26:碎蛋沙律三文治,鮮果沙律,咖啡.碎蛋沙律三文治--三文治半件,麥包包身軟熟,而碎蛋份量雖不算多,但配上頗多新鮮生菜及蕃茄,感覺清新!鮮果沙律--鮮果分別有火龍果,蘋果,西瓜,木瓜,奇異果及芒果;份量慷慨,而且新鮮鮮甜,無添加,應記一功!咖啡--沒丁點咖啡香,完全不堪入口!服務一般,$26的輕怡午餐,一試無妨.

今日去食左個午餐, 有薯仔碎蛋沙律, 芝士火腿三文治, 同埋一杯香蕉奶.我最欣賞碟沙律同埋香蕉奶. 食完感覺好refreshing.