Aha CAFE & BISTRO

營業中

休息中

最近去開上環搵食，發現呢間好有feel嘅小店，餐牌嘅食物都好有特色，特別係有椰菜花飯嘅菜式選擇，啱晒on diet緊嘅朋友，另外仲有好多日本酒同飲品添～煙肉溫泉蛋櫻花蝦海膽醬扁意粉越簡單嘅意粉，就越考技巧。而呢個意粉質地夠al dente，海膽醬汁撈埋溫泉蛋嘅蛋汁夠晒creamy，櫻花蝦亦增加口感，十分出色！法式白酒檸香紙包比目魚呢道菜以一個煲仔上菜，紙包魚亦都係其他cafe餐廳比較少見嘅一道菜，而呢道菜嘅調味好balance，檸檬香令成道菜昇華，變得更清新。而比目魚嘅皮有少少脆，肉質都算嫰，不妨一試!Tiramisu呢個tiramisu當然就比唔上傳統意大利店嘅質素，但都夠creamy同埋有咖啡嘅香味。總結，呢間小店氣氛令人覺得舒服，係一個適合傾計嘅餐廳，食物質素都唔錯，去開上環嘅朋友可以一試！

呢間咖啡店有室內同室外座位，室外座位比較chill~可以飲吓咖啡，室內座位亦都唔錯。蜂蜜蘋果金文畢芝士配巴馬火腿呢個前菜芝士軟滑，帶少少鹹香，有3塊巴馬火腿配埋蜂蜜蘋果嘅甜甜地。鹹蛋黃忌廉醬蝦球貓耳朵粉，咬落有口感，鹹蛋黃忌廉醬帶少少鹹香，蝦球爽口，仲有青瓜同肉鬆做配料。法式焗薯一片片，口感爽口，加咗芝士同香草，焗到金黃色。比利時70%黑朱古力咖啡☕️黑朱古力咖啡朱古力味好濃郁，咖啡香氣好突出，飲落好順滑。

近期thread好多人介紹呢間👀我又試下先蘇杭街新開咗一間Cafe，聽聞之前本店係荔枝角，由一對情侶艱辛創業頂手Cafe。主題係輕露營風格，所以有啲露天打卡位，亦有室內上下兩層，當然建議最好穩定book枱先。Cafe 係寵物友善餐廳，如果有興趣帶寵物最好打電話book定位先！👓蜂蜜蘋果金文畢芝士配巴馬火腿 $118鐵板上面有金文畢芝士 質感係少少溶溶地，焗到係淋質地嘅蜂蜜蘋果，法包片配上芝士+Parma Ham超夾，口感豐富👓香煎鵝肝 •慢煮鴨腿伴松露牛肝菌意大利飯 $238鵝肝有焦糖化脆面，大家有冇食過壽司郎嗰隻焦糖鵝肝壽司 就係類似感覺～鴨腿都唔錯，調味香口肉質夠淋。Risotto稍為少少濕得滯同淋，唔夠飯粒煙韌口感，可能因為太Creamy，淡淡黑松露味，有菇菌👓抹茶栗子修女泡芙 $68泡芙好脆！栗子蓉唔係好甜，真係好多栗子蓉+好重栗子味，反而抹茶味就唔太明顯。👓鹹蛋黃忌廉醬蝦球貓耳朵粉＄148蝦球份量比我想像中多，好似大約五隻。鹹蛋黃味都幾明顯，鹹蛋黃係起沙，尤其越食越濃鹹。貓耳朵粉煮得啱啱好，整體都幾特別都好食！👓蒜香白酒煮蜆配脆多士 $108醬汁底係蒜香白酒汁，越食越重香辣味

上環蘇杭街有一間小Cafe，佢嘅午市套餐真係好受歡迎，每次經過都見到好多食客。今次我哋選擇咗去試一試，果然唔出所料，店舖喺午市時段坐滿咗人，感覺好繁忙，但氣氛卻非常熱鬧，令人感受到一種生氣勃勃的活力。我哋首先點咗兩杯飲品——Coconut coffee同埋一杯冰咖啡。Coconut coffee真係一個驚喜，椰子味道濃郁，飲落去滑溜可口，讓人感受到椰子的清新。而冰咖啡則係一個經典選擇，味道醇厚，咖啡香氣四溢，唔會過於苦澀，正好可以解渴。主菜方面，我試咗佢哋嘅鹹蛋黃貓耳朵意粉，呢道菜真係不得不讚！意粉煮得啱啱好，口感非常Q彈，鹹蛋黃的香味輕輕飄出，唔會太重，反而帶出食材本身嘅鮮味。特別係搭配上新鮮嘅蝦仁，蝦仁嘅鮮味同鹹蛋黃嘅香氣交融，令人一口接一口，根本停唔到手。每一口都係享受，讓我真係有種回味無窮嘅感覺。另一道菜係牛肉定食，佢哋用咗好靚嘅白飯，上面鋪咗切好嘅牛肉粒。牛肉粒煮得剛好，肉質鮮嫩，咬落去唔會太韌，仲可以用小茶壺倒啲牛肉汁落去，汁液滲透到白飯中，飯同牛肉都吸收到豐富的味道，食落去好過癮。每一口都充滿了牛肉的香氣，真係好滿足。雖然座位唔算多，但係店內嘅設計幾有特色，感覺好溫馨。仲

上環蘇杭街的新cafe! 咸食以健康輕食如all day breakfast/沙律和意粉為主，鹹蛋醬的意粉挺有新意，鹹香十足☺️ 而海膽醬意粉creamy，海膽味道不會苦澀! 意粉的口感再彈牙點就更好了～ 甜品方面本來想試多人好評的抹茶粟子修女泡芺，但一點多已經售完🥹 最後試了蜂蜜伯爵茶豆腐Tiramisu，參考以Tiramsiu的做法，手指餅浸泡伯爵茶，然後加疊蜂蜜豆腐”cream”，比平常的Tiramsiu輕盈🍯

平時食飯都食得比較求其同油膩😣所以尋日喺港島呢邊收工之後就想食得健康少少🥺見呢間Cafe都幾多人推介所以就去咗試吓😚原來除咗港島之外喺我屋企附近都有分店🙂‍↕️餐廳入面可以叫酒，不過我同朋友酒量唔太好所以就冇叫到😞餐廳用QR code落單嘅，啲參考圖片好有幫助😌而且仲可以㩒制走埋洋蔥🧅而且唔需要收加一，真係好有良心👍🏻餐廳環境坐得好舒服，而且好播吓歌咁幾好氣氛🤗如果想chill啲仲可以坐室外坐位，不過嗰日有啲凍所以我哋就留咗喺入面😢我哋首先叫咗個好開胃嘅香煎牛柳粒沙律🥗入面有好多配料，其中包括有牛油果，南瓜，紅菜頭同車厘茄等等全部配料好健康，加埋意式油醋食落好清新同好味☺️之後主菜我哋就叫咗個煙肉溫泉蛋櫻花蝦海膽醬扁意粉海膽醬汁好香甜，配搭櫻花蝦同煙肉溫泉蛋好有滿足感😋如果份量可以再多啲就好😋最後我哋仲叫咗個鹽燒三文魚椰菜花偽飯，呢個絕對係低卡路里嘅健康之選😋椰菜花粒粒加埋蒜粒炒得好香口同夠曬惹味，三文魚好大塊同厚身，煎香咗更加好味😋有埋彩色椒同露筍感覺更加健康💪🏻地址：上環蘇杭街126號地下C號舖

上環隱藏不少優質咖啡店,這間cafe室外擁有小庭園,以及外圍掛了一片明亮的玻璃鏡寫了「蘇杭街」三個字特別搶眼奪目.開放式廚房一直傳來陣陣香氣,主食及甜品質素也很不錯.不少主子並帶同愛犬齊來慢活,休閒感滿滿~🔸香煎牛柳粒伴日式燒汁飯($128)🔸鹹蛋黃忌廉醬蝦球貓耳朵粉($148)午餐包含餐湯或沙律.當日餐湯是濃稠微酸的蕃茄湯.香煎牛柳粒有咬口帶肉香,淋上可口惹味燒汁及流心蛋,味道更添分數!更愛金黃邪惡的貓耳朵粉! 蝦球有彈性,鹹蛋黃配合忌廉質地不過於濃稠及油膩,香濃滋味!🔸伯爵茶豆腐Tiramisu(+$32)🔸流心比利時黑朱古力撻(+$48)🔹Espresso Coconut Water(+$30)🔹Ice Matcha Latte (+$30)午餐加配甜品與飲品更加經濟實惠!而且甜品質素滿有驚喜!伯爵茶豆腐Tiramisu質地幼滑,啖啖伯爵茶香味與豆腐味同時達平衡,甜度剛好.比利時黑朱古力撻即叫即焗,切開呈現流心狀態,有撻皮心太軟感覺,香濃不甜膩,對於其香脆口感更是喜歡!甜品實屬高質,完全令人心癢癢要試試當日已售罄…抹茶栗子修女泡芙的衝動~

上環蘇杭街☕️🍽️Cafe小店，店舖細細地，有樓上同戶外區，野食都幾多選擇，有☕️咖啡、🍽️西餐、🥗輕食、🍰甜品，菜式配搭新鮮而且👅好食！🐱鹹蛋黃忌廉醬蝦球貓耳粉係特色菜之一，個醬汁偏稠身，唔會好水，食落吾膩，粒粒鹹蛋黃沾滿貓耳粉，🟡鹹蛋黃味甘香突出。配料有大粒彈牙🍤蝦肉、肉鬆、🥒青瓜粒、配搭新鮮！本來想食特色嘅🐝蜂蜜伯爵茶豆腐Tiramisu，可惜賣曬。但呢個🍰酒香Tiramisu都好食👍，質感唔濕，比較Solid，吾會扁塌，☕️甜苦度平衡得幾好！🍫 流心比利時黑朱古力撻焗得微熱上檯，黑朱古力味香濃，🥧撻皮鬆脆重🧈牛油香，吾會切開就散曬！🍓🫐雜莓乳酪Smoothie味道唔太酸，啖啖都有雜莓果肉！

最近約朋友去上環食飯，今次去左間位於上環蘇杭街嘅cafe酒館，上環站A2出口行4分鐘就到☺️ 餐廳朝早係咖啡店夜晚係小酒館Cafe，兩層高走小清新設計，仲有戶外座位可以同朋友chill一下鹽燒三文魚椰菜花偽飯 $138椰菜花偽飯有咬口好似食緊飯咁，三文魚份量都好多，鹽燒帶焦香，煮得岩岩好，健康不易膩鹹蛋黃忌廉醬蝦球貓耳朵粉 $148好鐘意個鹹蛋黃忌廉醬，鹹香入口帶奶香，蝦球大粒彈牙，平時比較少食貓耳朵粉，有咬口可以裝住醬汁好好食抹茶栗子修女泡芙 $68修女泡芙係指用兩個一大一小的泡芙堆疊組合而成的法式甜點，抹茶醬香濃惹味，內餡栗子綿滑不會太甜，值得一試

經過見到呢間好文青嘅Cafe，好似係新開嘅，見佢有兩層，於是入去試吓，見到餐牌都有好多唔同嘅嘢食，我哋叫咗香煎鵝肝慢煮鴨腿，塊鵝肝好厚身好香，面頭有浸焦糖食落好脆口，之後再叫咗個鹹蛋黃醬忌廉蝦球貓耳朵粉，第一次食貓耳朵粉，個口感好得意，最後叫咗個Tiramisu，好香酒香味，又唔太甜，真係唔錯。

🍴蜂蜜蘋果金文畢芝士 配 巴馬火腿 $108 (6/10)冇想像中咁驚喜同埋好食，個蘋果好細粒，芝士都幾香嘅，火腿得三塊有啲少，配咗麵包都係一般啦，整體嚟講唔算話好夾！🍴鹹蛋黃忌廉醬蝦球貓耳朵粉 $148 （5/10)呢個貓耳朵粉個味道係幾新奇古怪嘅，食落去鹹蛋味唔出，但係有肉鬆嘅甜甜鹹鹹嘅感覺，大蝦都爽口嘅貓耳朵粉都有口感，但係個味道就唔係好夾囉！🍴香煎鵝肝 慢煮鴨腿 伴 松露牛肝菌意大利飯 $238 (7/10)呢個比較正常，蘑菇嘅味道都好出嘅，但係我覺得加啲忌廉會更加cream好食啲，咁樣食有啲齋，鵝肝係大件厚身軟滑嘅都好香濃，鴨髀就比較乾身少少！🍴牛油果杏仁 Smoothie $68 (7/10)牛油果都幾香，有少少杏仁嘅味道，食落去係會有粒粒口感，都係正常啦！推薦指數: 6/10裝修都幾靚嘅，服務得好好，食物嘅味道唔可以話好好食，亦都唔係難食，係未夠好食，希望小店可以做返好啦，都感覺到佢哋係有心做嘅！

❣️每逢weekend都想去下café，見到呢間上環小清新café都幾受歡迎，就去下~❣️Café有2層，座位都多，但都陸續有人去，所以最好book定位❣️推介三文魚椰菜花偽飯，健康得來又好香口。食物價錢合理又無加一，推介啊！🐟鹽燒三文魚椰菜花偽飯 $138 - 椰菜花粒粒炒得好香口，三文魚係刺身級，好厚身，微微煎香過又幾新鮮，健康又好味🧇鷄蛋沙律牛油果窩夫$62 - 都幾難得有鹹窩夫，好脆香，配上豐富蛋沙律同牛油果，味道唔錯🥚Aha全日早餐$138- 豐富之選，特別鍾意個薯仔焗香過加醬料，啖啖滋味。炒菇香口又唔油膩。✨蜂蜜伯爵茶豆腐tiramisu $48 - 微甜有層次感，texture夠rich, 都係唔錯嘅選擇☕️Dirty $46- 咖啡好濃香，配上rich texture牛奶，滿足~ 真係難得幾有水準café，下次再去！

呢間cafe係早排上環新開上網見有人讚過就帶左男友去試我地點左佢個招牌蜜糖蘋果芝士火腿係幾好味既，同埋出面真係少餐廳食到不過實物見到真係太過迷你細碟到好似茶記飲熱檸水杯底隻碟咁細另外叫左個A4日本和牛扒想講第一份芝士已經等左好耐先上到菜之後等份和牛扒又係等左勁耐見佢地職員少，如果食物係OK等下接受到，而且冇時限的不過到塊扒一上菜見到覺得幾生好努力咁先切到一舊，放入口咬但實在太過生，完全咬唔開，吞唔落肚，要吐返出嚟最後叫店員同我地再煎多下先食到但塊扒超級多筋，唔好食同平時食開既日本和牛完全係2回事我明白新開鋪，特別係小店，員工又少好多野可能未做得好順暢，例如上菜既時間但食物既生熟程度，至少應該係基本要求唔可能出咁大既錯希望日子耐左，鋪路運作有返大既改善

上環蘇杭街新開咗間咖啡室及小酒館，樓高兩層，裝修以文青風為主調，設有室內及室外座位，夠哂chill餐牌上主打前菜沙律、意粉、意大利飯、肉類及甜品等等，另外仲有多款特色咖啡飲品法式焗薯薯仔切成薄片，加入忌廉、洋蔥及芝士一齊烤焗至金黃色，邪惡滋味西班牙辣肉腸蝦球 配 酸種多士蝦球份量充足，大約有10隻～以洋蔥粒、西班牙辣肉腸及蒜蓉一齊爆炒，好香口，爽口彈牙，好新鮮！配上香脆鬆軟的酸種多士，正呀鹹蛋黃忌廉醬蝦球貓耳朵粉表面以紫菜肉鬆作為點綴，增添香氣。貓耳朵粉口感彈牙，碗型好掛汁，每粒都掛滿鹹蛋黃忌廉醬，好好食抹茶栗子修女泡芙餐廳自家製的泡芙，外脆內軟，大小泡芙之間塗抹了抹茶忌廉，好creamy～泡芙夾心層係栗子蓉，軟滑可口，品嘗到粒粒細碎的栗子，唔會太甜，好出色

從荔枝角衝出港島的溫馨平民西餐，日間是咖啡店晚上是小酒館，門窗搶眼兩層舒適空間，設有以露營風格為主的室外座位，橙黃色燈光十分溫馨，都市中也能享受一絲自然的氣息小店由一對情侶創業，主打歐陸菜輕食、自家製手工意粉及甜品開胃小食辣肉腸蝦球配酸種多士，貼心剝好蝦殼，加入辣椒、辣肉腸、洋蔥、蔥花、車厘茄等一同拌炒鹹蛋黃忌廉醬蝦球貓耳朵粉濃郁惹味兼且微微起沙，蝦球大大隻煙肉溫泉蛋櫻花蝦海膽醬扁意粉味道層次豐富