ADO洋食屋

營業中

休息中

食物Ok, 正常，唔係話特別好食，但佢個等人系統非常有問題，佢係網上排隊，佢叫左一張3人枱，但食客唔係現場，佢就Hold 住張枱勁耐，Hold 到人地隔離兩張枱食完都未嚟，照Hold 住，中途又唔知點解執好晒枱，無叫號碼，有人唔知係邊到彈出嚟可以就咁入去坐低。

#20250221 📝📍 #ADO洋食屋 荃灣享成街8號香城大廈地下5A號舖➖➖➖➖➖➖➖➖➖➖➖➖➖➖➖➖➖#日式薯仔沙律 $42💭 一上枱見到有兩大個雪糕球咁既薯仔沙律有啲嚇親，幾驚食完會好滯食唔到其他野，好彩佢唔係成個都係薯仔，入面仲有煙肉🥓紅蘿蔔🥕洋蔥🧅雞蛋🥚最正係佢好似有啲酸瓜係入面，食落酸酸地唔滯之餘反而仲開胃左🥔.#經典日式牛肉醬汁蛋包飯 $86💭 蛋包飯一個充滿儀式感既菜式，個蛋黃哥軟綿綿彈下彈下咁真係唔捨得切開佢，不過切開左入面半生熟好吸引🤩底下係有料既西炒飯，偶爾會食到啲菇，再撈個有淡淡芝士香既牛肉汁就非常好味🍄‍🟫.#日式咖哩吉列豬排飯 $86💭 呢個係完美還原左去日本旅行果時食到果啲咖喱飯🇯🇵煙韌既珍珠米撈咖喱果然係無得輸，吉列豬扒金黃色，咬落一啲都唔柴，仲可以加$25變套餐有埋餐湯、前菜同野飲tim🍛.#抹茶巴斯克 $55💭 巴斯克蛋糕既特點係用好少小麥粉去幫個蛋糕定型，所以佢係應該要keep到濕潤，呢度呢個就完全做到，濕潤得尼而且係有啲漿口，證明真係好足料，食落茶味同芝士味互相都無搶左對方風頭，鐘意食芝士蛋糕既朋友仔唔可以錯過呀🍰.

嚟到依間超多人排隊嘅蛋包飯試吓先！金黃色嘅蛋皮切開係十分滑嘅蛋，同日本見到嘅蛋包飯一樣非常高質，裏面包裹著色彩鮮豔嘅炒飯，視覺上非常吸引。煎蛋外皮柔軟，內裡滑嫩，配埋咖喱汁食落一流。啲飯調味適中，既有番茄嘅酸甜，又有其他配料嘅鮮香，整體味道和諧。而意粉就不過不失，建議都係是但包飯比較好！

之前喺網上睇人推薦呢一間日式餐廳、所以特登由馬鞍山出到荃灣食、喺門口等緊嘅時候店員都非常有禮貌安排入座、餐廳比較細、但入邊裝修好靚適合打卡我哋加$25升級左套餐、入面會包括前菜、粟米湯、嘢飲嘅話只係包$22嘅飲品、其他補差價粟米湯就還好普通粟米罐頭嘅味道本身好期待呢一個蛋包飯、嚟到嘅時候都覺得好靚仔、佢係真係可以切開兩邊自然流落嚟嘅嗰一種蛋包飯、但整體嚟講蛋好淡味、飯亦都太乾、咖喱亦都唔出色、吉列豬扒咖喱飯亦都係一樣非常普通全部餐點入邊最好飲係呢一杯雪糕梳打～汽水同雪糕好夾飲落去好清爽、但係雪糕一上到嚟已經沉左落去整體而言如果經過嘅話想入去打卡可以試下、但如果要特登過嚟嘅話就唔需要了～呢一個價錢有其他更加好嘅餐廳!!

🙋🏻‍♂️餓底探員去咗荃灣調查呢間洋食屋，餐廳走昭和風，配上深棕色餐桌椅，充滿日式懷舊風情，餐廳主打多款經典和式洋食，彷彿帶回昭和時代🍳明太子奶醬蛋包飯 $118🙋🏻‍♂️表示蛋包飯配上明太子奶醬，嫩滑雞蛋包住炒飯，加上香濃明太子同creamy嘅奶油，食落香滑又惹味，口感豐富🫔可樂餅 $48🙋🏻‍♂️表示可樂餅外層酥脆香口，食落口感香軟，味道香濃多汁，配上沙律菜，有助解膩感🍵抹茶巴斯克芝士蛋糕 $55🙋🏻‍♂️表示蛋糕口感香軟，流心芝士食落香滑creamy，抹茶嘅茶香加上芝士嘅鹹香，兩種味道突出同時又平衡到，好好味👍🏻🥤日本波子汽水味梳打 $28 (雪糕球+$10)🍈日本蜜瓜梳打 (雪糕球+$10)🙋🏻‍♂️表示梳打加上雪糕球係昭和時代嘅標誌性飲品，波子汽水味香甜，蜜瓜味清甜，雪糕充滿奶香，將經典完美復刻⚠️主食加$25可升級套餐，包是日餐湯，前菜同飲品，餐湯係昆布湯，味道清甜，前菜係醃大根，酸酸甜甜好開胃📈吃貨指數😋好味度 8.5/10🔙返啅度 8.5/10

大圍搬到嚟荃灣，一直bookmark咗好耐終於有機會食到😆由裝修至餐牌都如同日本洋食屋一樣，一入門口仲聞到好香食物味～餐廳招牌蛋包飯，有得自己介開隻蛋嗰下好治癒，想有完美嘅刀切面記得要輕輕切開入面炒飯底有淡淡蕃茄味，牛肉汁唔太濃，但有好清甜嘅蔬菜味，入口好舒服🥰另一款招牌手打漢堡，一樣以牛肉汁做底，切開入面流汁，入口鬆軟，用嚟送飯一流🍰巴克斯蛋糕勁軟滑，抹茶回甘味出眾，而且每啖奶香味都好重，為成餐飯畫個完美句號❤️

🍝荃灣和風洋食屋🥘------------------------------💛明太子奶醬蛋包飯-💵118(跟餐+$25)明太子嘅味道非常香🙈蛋嘅生熟啱啱好🤤蛋配上抄飯同明太子奶醬😳味道係好好味😋💛濃厚芝士肉醬意粉-💵108(跟餐+$25)意粉嘅份量好多👀肉醬都有非常足夠😜再有芝士🧀整體十分邪惡😚💛焦糖雞蛋布丁-💵52布丁嘅質地係偏向有咬口😍一啖布丁再夾埋焦糖🫨

好彩有book位啫，接近晚上8點嚟到都坐無虛席，即使訂左位都要等一陣。在等位期間，又不停有人入內攞位，之後餐廳更貼出告示：walk -in位已無。呢間餐廳雖然喺橫街、唔起眼，但人氣度極高。想食嘅話，真係要預先訂位好d。餐湯: 粟米湯超級超級好味啊！一入口即刻勾起喺極寒北海道嘅回憶。冰天雪地從汽水機㩒出一罐嘅熱辣辣粟米湯，當時簡直覺得係回魂丹；今日呢個餐湯比回憶中嘅罐頭湯更鮮味，入口甘甜、香濃，如果可以有得添飲就好啦！餐前小食蓮藕片爽脆可口，細細件，一啖一口，食到停唔到口。主食: 自家手打日式漢煲排飯 ($108 升級套餐+$25)在門口等位時及坐低左之後，都聽到人講“呢間嘅蛋包飯好出名㗎喎”，只不過我不嬲對蛋包飯都無咩興趣，而引左我嚟嘅係另一名物-漢堡扒飯。上枱時，見到芝麻醬伴椰菜絲山，又再次喚醒我對日本嘅回憶，因為每次喺日本食吉列豬扒飯都一定會有呢個椰菜絲山伴碟的。估唔到我而家食漢堡扒都同樣可以食到呢個爽甜脆口嘅椰菜絲，真係剩食配菜都夠晒滿足。主角漢堡扒都ok嘅，厚身、juicy ；個人覺得個汁味道較濃，所以我無咩點汁去食，就咁漢堡扒撈飯食已經好好食。飲品: 日式蜜瓜梳打即係蜜瓜味嘅

招牌蛋包飯一定要點 之前一直點的都是咖喱 今次選佐一個明太子奶醬蛋包飯 也很驚艷 奶酱配合蛋皮食起来很香，完美融合，散發出陣陣誘人嘅香氣。入口嘅時候，首先感受到蛋皮嘅嫩滑，跟住就係明太子嘅鮮美同奶醬嘅濃郁，仲有粒粒分明嘅飯粒，口感豐富極啦！咖喱豬排飯，咖喱嘅味道好濃郁。咖喱嘅香味好醇厚，增加咗口感同營養。豬排炸得外脆內嫩，咬落去 “卡滋” 一聲，好過癮。豬排嘅肉質好新鮮，好有肉汁，配上咖喱汁撈飯，我連飯都食埋晒！分量都好足夠，食到好飽。

荃灣昭和洋食屋之前原店在大圍已經很出名，成間洋食屋裝修復古，昭和風古典優雅，小店座位不多主打蛋包飯，我當然支持小店喇💕😬濃厚芝士肉醬蛋包飯🍛一上枱賣相已經好吸睛👀😆熱辣辣半熟滑蛋似一個包🥖用到輕輕切開蛋包打開，滑蛋覆蓋整個茄汁炒飯，有洋蔥碎🧅雜菌粒好香，兩邊都有滿滿的芝士肉醬好juicy味道一流🥰只要加$25可轉套餐有餐湯前菜及飲品 🫕🧆☕️忌廉粟米湯 - 忌廉粟米湯口感滑順，入面仲有粒粒粟米，口感豐富精緻前菜木耳絲 - 木耳絲口感爽脆搭配簡單的調味蜂蜜柚子茶 - 柚子茶香清甜平衡飯後的油膩感北海道十勝牛乳巴斯克芝士蛋糕🍰巴斯克芝士蛋糕外表焦香，入面濃厚而綿密的芝士，加埋北海道十勝牛乳令蛋糕更添奶香，甜度剛好，口感極佳順滑😍

呢間野個安排入座好有問題，係門口掃walk in 籌，系統顯示講明係等2張枱，結果足足等左5張枱，由等到食得要1個小時9個字。係1個小時9個字。一路等，中途勁多阿豬阿狗話book左枱就俾佢直入，咁你就唔好話俾人知得2張枱係前面啦。入到去，等個蛋包飯，又等左勁耐，到出黎個餐，個牛肉汁同個蛋味道一般，唔係評論講到咁好食，完全唔值等咁耐去食。水又無主動俾，但加一就照收。總之你大把時間，歡迎慢慢等，我對呢間野建議只此一次，永不錄用。

這家和式小屋位於一個寧靜的街角，從外觀到內部裝潢都散發著濃厚的日式風情。走進餐廳，彷彿踏進了另一個世界～ 迎面而來的是柔和的燈光與木質裝潢，牆上掛著精緻的吊燈和藝術品，晚上過來會很有溫馨舒適的氛圍。🚪🪟當然一定要點最招牌的牛肉汁蛋包飯！這道菜將經典的蛋包飯與香濃的牛肉汁巧妙結合在一起，米飯用香甜的番茄醬汁炒過，配以蘑菇粒，粒粒分明，搭配著特製的醬汁，香氣濃郁。外面的蛋皮鬆軟滑嫩，包裹著豐富的內餡，輕輕一切便流出美味的餡料，讓人垂涎欲滴。🍳咖哩牛肋飯也很吸引，牛肋經過慢火烹調非常軟嫩，充分吸收了香料的味道。🍛🎉我們加了$25升級套餐，奉送味噌湯、醃漬牛蒡和焙茶，讓整體用餐體驗更加豐富～🥢🍵我也額外➕點了這款季節限定的Gingerbread Latte，濃郁的拿鐵咖啡結合了薑和香料的暖香，味道濃烈可口，旁邊有兩塊聖誕老人和Jingle Bell造型的薑餅裝飾，增添了節日的氣氛。🎄☃️🫚☕️最後當然少不得餐後甜品！秋冬季節，一道栗子蒙布朗蛋糕🌰🧁絕對是不能錯過！這款甜點賣相精緻美麗，有著一層輕柔的蛋糕層，表面鋪滿豐富的栗子奶油，吃下去口感既滑順又微甜，為我們的晚餐完美劃上句點～(⁎⁍̴̛ᴗ⁍̴̛⁎)

上星期途經ADO 洋食屋舊址先發現舖已搬忽然想念起那個三年前食過嘅蛋包飯歷久常新嘅 #日式牛肉醬汁蛋包飯 牛肉醬汁濃稠味道偏清爽微微甜感加上鹹鹹醬汁手殘做唔到靚靚嘅切面但無損嫩蛋撈茄汁炒飯嘅完美味道配搭餐湯係粟米湯凍冰冰飯熱粟米湯好有去咗日本浴場浸溫泉嘅感覺另外見仲有個新品 #明太子奶醬蛋包飯 都好吸引係幾新穎嘅組合同時亦係fat fat 肥仔之選值得bookmark 留下次再試至於甜品係 #北海道十勝牛乳巴斯克芝士蛋糕 幾有驚喜🫦蛋糕有好突出嘅牛乳香口感紥實食落超順滑係一口接一口好快清盤

人生第一次針灸，心裡那股緊張感就像剛看完恐怖片，搞到我忍不住想找點好食來壓驚！點了份紅酒牛肋條，真係好正！牛肋條肉質鮮嫩，搭配紅酒的香氣，味道超級高級，而且醬汁唔會太搶戲。接著是濃郁芝士肉醬蛋包飯，賣相靚到我忍不住要拍照，飯後甜品必定要有，我毫不猶豫地選了栗子蒙布朗，超愛栗子！那一層層的栗子泥就像柔軟的雲，甜得剛剛好，底部的餅乾又增添了口感層次，這間店的裝潢非常可愛，融合了日式簡約和洋餐廳的風格，牆上掛著昭和風的復古海報，木質家具散發著淡淡的懷舊氣息，讓人感覺好像走入了時光隧道。柔和的燈光和舒適的座位，讓我不想走，不過外面已經再排隊啦！

今次三訪呢個荃灣蛋包飯，發現佢地多咗巴斯克芝士蛋糕😆就想介紹俾大家!!😽😽𝟙明太子奶醬蛋包飯店員會提供一把刀，一切開裏面，煎得好靚嘅配半熟蛋喺飯上面，蛋漿就好似瀑布咁流落去碟度，好有儀式感🤤蛋食落好嫩滑柔軟，唔會煎到太熟，明太子忌廉汁好濃郁，食落唔會太膩，口感層次分明，茄汁飯食落酸酸甜甜，好開胃，加埋蛋一齊食非常match!!😆𝟚手打日式漢堡扒飯漢堡扒望落幾厚身，食落充滿肉汁有彈牙口感，有濃郁嘅牛味，配燉牛肉嘅醬汁，食落好夾，仲有麻醬沙律菜、蕃茄同青瓜做配菜，食落好fresh，食完漢堡扒再食沙律菜，可以中和返牛肉嘅油膩感😋𝟛十勝牛乳巴斯克芝士蛋糕芝士蛋糕帶濃郁芝士香味，食落口感滑溜，食完都唔會太滯，推薦推薦！😋