影片
電話號碼
55968759
開飯介紹
主打日式蛋包飯的餐廳，裝潢走昭和復古風，如採用懷舊吊燈作佈置，打卡一流，是閨密聚餐及約會的好地方。
繼續閱讀
營業時間
今日營業
11:30 - 22:00
星期一至五
11:30 - 15:30
17:30 - 21:30
星期六至日
11:30 - 22:00
公眾假期
11:30 - 22:00
公眾假期前夕
11:30 - 15:30
17:30 - 21:30
以上資料只供參考, 請與餐廳確認詳情
-
網上訂座服務暫停
一直bookmark咗呢一間，但係由於個地點真係偏遠，如果唔係咁啱探朋友去荃灣都未必會嚟。見到加二十七蚊就有個套餐，嘢飲都唔會太貴，所以就加咗兩個套餐。餐湯係粟米濃湯，飲落去都幾舒服，諗返起日本好出名北海道粟米罐頭湯嗰陣味，都係相對上比較甜啲，但係我自己就幾鍾意。‣ 經典日式牛肉醬汁蛋包飯 $86‼️相當推薦‼️由於佢係冇炸物跟，所以我都係忍唔住加咗三十八蚊吉列炸豬扒。炸豬扒正常發揮，餐廳都好貼心幫佢加咗豬扒醬，唔使一定撈埋飯一齊食。平時都係食開咖喱汁，難得地覺得牛肉醬汁都好唔錯。個飯底落咗蕃茄醬，所以唔會覺得好寡冇乜味。而個蛋真係精髓，相當滑溜而且極香，嚟到呢到係必食嘅名物。‣ 紅酒燉牛肋條 $88牛肋條份量真係唔少，而且燉得相當之軟腍入味，但係又未至於話一叉落去就散咗，依然都保留到啲口感。我自己覺得都幾值得嗌，味道好溫潤，搭配白飯一齊食啱啱好，而調味都唔會話好重手，味道相當之舒服。‣ 焦糖雞蛋布丁 $54我自己幾鍾意布丁上面嘅忌廉，食落去都幾有奶味。而且餐廳嘅焦糖啱啱好，略帶苦味，但係唔會令到個味道變得苦澀。入口蛋味都幾濃，口感相對上就比較實淨啲。‣ 凍蜂蜜柚子茶 ＋$3 ＆ 蜜瓜梳打 ＋$8柚子茶就正常發揮，冇話好特別，建議都係嗌返波子汽水或者蜜瓜梳打。飲完先醒起唔記得咗加雪糕球，加完雪糕球一定勁有feel，但係就咁飲嘅蜜瓜梳打都好好飲，就係你會喺日本飲蜜瓜汽水嘅嗰浸味，令我聯想起日本嘅夏祭，夏天真係必嗌。
繼續閱讀
是日到了這間人氣蛋包飯食店！這間日式小店充滿特色，放滿了不同的小擺設，而且燈光柔和和餐桌座位都非常舒適，令人置身於溫暖的小餐室內。來這間人氣店必要是食蛋包飯！我們點了一客蛋包飯和一客燉雞腿肉配飯，還可以加配成一個套餐，這樣便包含了一個湯及飲品！首先這裏的飲品都相當美味，熱蜂蜜柚子茶，滋潤清新，柚子味香濃！熱玄米茶，淡淡的玄米茶香！別具日式風情！粟米忌廉湯，粟米味香濃，入面仲配上脆卜卜麵包粒，又美味又好咬口！而且這個忌廉湯既幼滑又香味滿分！正主角出場了，明太子奶醬蛋包飯！整個賣相相當出色！厚厚的蛋放置在飯面上，用刀小心翼翼的切開蛋，嫩嫩的蛋一湧而出，完整地覆蓋了整個飯面！蛋相當嫩滑，而且又多汁美味！把蛋配上了飯及奶醬來吃，相當美味有口感！非常欣賞這個蛋包飯！蛋做得相當出色！而且這個飯底別有用心，茄汁炒過的，仲有不同的菇類！飯底非常美味！另外這個明太子醬非常惹味，明太子鹹鹹香香的相當美味，奶醬又Creamy拌著蛋和飯一流！奶油味噌野菜燉雞腿肉，這個餸菜相當美味！奶油不但Creamy，而且入面的雞腿肉又嫩滑又彈牙！啖啖肉的超豐富！除此之外，還配上了多款雜菜如西蘭花、薯仔、紅蘿蔔，配上了奶油味噌，令每一款雜菜都相當入味！這間餐室的蛋包飯真的非常有名及美味，下次到來可以試另一款口味。
繼續閱讀
唔係講笑幾時都見佢排緊隊，即使平日食完9點鐘出面都仲有人等位。入面位置唔大，裝飾幾復古 Café！ 🍛濃厚芝士肉醬蛋包飯 $108 💫7.5/10呢個應該都係呢到皇牌之一。芝士其實係蛋上面嘅芝士絲，本身預期會係好多好濃拉絲個種，少失望。蛋包飯夠嫩滑有蛋香，撈埋肉醬都幾惹味。🍛紅酒燉牛肋條 $88 💫7.5/10紅酒醬汁味道冇想像中咁濃郁，但餸飯都可以。牛肋條炆得好軟腍，咬落去腍得黎仲保笛少少口感，仲要幾重牛肉香，啖啖肉，滿足。🍛奶油味噌野菜燉雞腿肉 $82 💫7/10雞腿肉應該有煎完再炆煮，但都係好嫩滑。醬汁食落似白汁，反而冇食到有味噌味道。整體味道都唔錯。🍮焦糖雞蛋布丁 $52 💫8/10呢個好食，食落個蛋香味道勁突出，焦糖味道剛好唔會蓋過。布丁口感幾札實，如果可以嫩滑D會更好。🍰抹茶巴克斯芝士蛋糕 $55 💫6/10呢個甜品失望，口感超結實，入口都唔會化，抹茶味道唔突出。最後3個人都食唔哂。總結：味道偏向清啖D，但整體都係唔錯。不過因為多人等位，60分鐘用餐時間一到便要走，唔算係一個聚會好地方。
繼續閱讀
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗荃灣多嘢食就係人都知，同朋友周圍逛時，響相對少餐廳嘅街上，發現咗呢間帶有復古味嘅日式餐廳好似幾得意，就入去試吓～ 見到佢特別製作咗一張卡，係教客人如何享用蛋包飯，就知道呢款係名物，就梗係要試～🍴明太子奶醬蛋包飯（$118）賣相非常吸引，比飯更大舊嘅蛋放咗響炒飯上，仲有溶咗嘅芝士片、明太子同紫菜，切開嗰一劇，望住滑溜溜嘅雞蛋傾瀉落嚟，朋友不禁發出驚嘆聲，真係超興奮～一羹將蛋、飯、明太子奶醬放入口，一種幸福感隨即升起，好味呀～ 因為蛋係好嫩滑，加埋奶醬，有好creamy 嘅口感，蛋香味... 奶香味... 加埋炒飯同明太子嘅鹹香味，好夾，呢款真心好食～🍴日式吉列炸蝦飯（$82）有3隻炸蝦，蝦都幾大隻，炸皮好薄夠鬆脆，蝦肉爽口，日式咖哩味道帶甜而且唔辣，好香～🍴奶油味噌野菜燉雞腿肉（$82）奶油同味噌嘅組合係第一次試，味噌唔算好濃，奶油味相對濃一D，雞腿肉燉到好嫩滑，唔錯～🍴抹茶巴斯克芝士蛋糕（$55）呢款蛋糕嘅抹茶味唔算好濃，不過對我嚟講啱啱好，同芝士味好夾，亦都冇帶苦澀嘅 after taste，好啱我食～🍴印度香料奶茶（跟餐 +$10）估唔到日本餐廳會有印度香料奶茶，驚喜位係有拉花～ 香料味十足，比較重肉桂味，味道幾好，飲過唔少餐廳嘅印度香料奶茶，呢杯可以算係做得好過好多印度餐廳，鍾意嘅人係可以試吓～🍴日本提子梳打（跟餐 +$8）正常～其實都嗅到其他人飲嘅咖啡都好香，如果再嚟都想試吓～ 呢間餐廳嘅食物有俾到我好似去咗日本嘅味道，食得出廚師用心嘅製作。餐廳嘅裝飾擺設復古味極濃，空間坐得舒服，食得好開心！☆ @tracyloveliving ☆
繼續閱讀
喺荃灣享成街一個唔起眼嘅角落，竟然藏住一間主打日式蛋包飯嘅餐廳！ADO洋食屋以昭和復古風為主題，懷舊既吊燈同復古裝潢帶出濃濃嘅日本懷舊感覺，無論食物定係環境都好適合影相打卡。📸🍵套餐升級推介每款主菜都可以加 $27 升級成套餐，包括栗米湯同飲品。栗米湯係日式既味道，微微甜甜地，口感順滑。飲品方面，我地點左熱Cappuccino ☕，有靚靚拉花值回票價🍳明太子奶醬蛋包飯蛋包飯係ADO嘅名物！一刀𠝹開面頭嘅蛋，蛋醬已經輕輕流出，非常治癒。內層係微酸嘅蕃茄炒飯🍅，酸酸地好醒胃，配埋Creamy既明太子奶醬，每一口都充滿幸福感。🍷紅酒燉牛肋條牛肋條煮得好腍，配埋紅酒汁同雜菜🥦，味道層次豐富，紅酒汁拌飯特別好味 。
昭和風蛋包飯🍳 🍛
繼續閱讀