A100餐廳

營業中

休息中

工作中午餐，又係要遷就泊車，所以揀呢間，午餐時段好爆場，所以好嘈雜，座位好迫，門口睇以為係西餐廳，入內係茶餐廳，店員好爽咁將兩個佔住四人枱嘅女士轉枱，讓比我哋四個人，大家快快點餐（驚抄牌）俄國牛肉飯（$42）上枱餸及飯分開，白飯正常鬆軟，雖然唔知乜嘢係俄國牛肉，啲汁似茄汁牛肉，暗紅色汁內有蕃茄肉，微酸，牛肉片好多，但肉質橡筋咁，雖然咬到但完全無味，所以我雖然肚餓，但都食唔晒！跟餐羅宋湯：可以揀紅白或中湯，湯雖然得半碗，夠熱夠濃，而且好足料！蔬菜好多！好味！凍檸茶（少甜）平時唔飲凍飲，但今日天氣實在太焗，忍不住，茶底夠濃唔澀，少甜味道剛好！阿姐好爽，唔浪費時間，基本上每人一食完就收碟！所以前後都係食咗大半個鐘就走得！不過呢個價錢咁嘅質素唔值，午餐飲罐裝汽水要加$8！唔抵！

本人住在上水又在上水區上班，唔出街的話，基本上早午晚都係上水解決。a100以前同一間叫紅人係同一老闆經營，由於上水開葯房好過開餐廳，紅人茶記較早前都關門大吉，😿 本來紅人啲野食都唔錯，諗住佢姐妹公司，一雞死一雞鳴，都唔會差得好邊啫。我叫左個下午茶餐-雞翼檬粉，邊知咁都出事，首先，湯係冇味，講盡啲係水黎既，雞翼瘦弱，配料唔多，不過湯難食就比鮑魚做餸都冇用。發誓以後都唔去！

這間A100 以前我都食過好多次日式叉燒拉麫,雖然這間不是正宗食拉麪好地方不過都不過不失,但都可以接受,但今晚就勁差,叉燒”鞋”到好似煲完老火湯瘦肉根本入唔倒囗,就算你給客人有5小片又如何,簡直欺騙客人,為求賺錢,真係唔會再有下次幫襯佢！

今日放工同女朋友係上水食到唔知食咩好,咁岩經過A100,之前食過D乾炒牛河都算OK,但今日想食既係焗飯同牛扒,見到佢有就入左去坐低喇。坐低之後,就叫左個焗豬扒飯同西冷扒,2個都係跟餐有湯,個湯味道都算唔錯。總括黎講係上水都冇咩野好食,如果唔想食小菜或火鍋果D,呢間算係夜晚都OK既一間,可以ENCORE。

雙十節的今天，仍然是上班埸日子，從公司出發，又為四圍走的時間，首站就來到了上水，於是又在這裡吃個午飯。上次吃過西餐，今回在茶餐廳吃個快捷的茶記午餐。A100餐廳原是經過無數次，但是卻未有進去，今天就走了入去。話實A100真的筤細間的餐廳，呈長方形，坐位有卡座和四人座位，但不見得坐得舒適，是坐得較迫狹。餐牌上有午市套餐，也有碟頭飯和炒粉麵，其中碟頭飯和炒粉麵送餐湯，另加大洋便有一杯餐飲。在午市餐沒有在下合適的午餐，唯有從碟頭飯埋首研究。餐湯依然是羅宋湯，色澤沒有異樣，可是味道卻差了一點點，酸甜度較為薄弱，而且偏向酸味，而且有一種難以形容皊味道，是平時沒有的，因此在下感到餐湯是甚為難喝的。在點菜時，覺得洋蔥豬扒飯在茶記裡面，是較為穩陣的，可是卻事與願違，洋蔥叶是較正常的，只要色澤不太鮮明，但是吃一口豬扒，卻是又乾又硬，肉質並不鬆化，但是卻又做到仿佛是鬆化，而且味道較鹹，實在是敗筆也。凍奶茶依舊沒有起色，茶莫說回甘和醇厚度久奉，茶味淡如清水，奶味卻又多了，完全影響了茶味，在下想必是差勁的凍奶茶。今次用餐經驗，確實令在下不敢再次光臨，希望餐廳可改善一下味道呢！

和媽媽到心理衛生會見完社工後，便準備吃午餐，媽媽話想起珍苑吃，但珍苑今日休息，唯有去第二間吃，乜記去過，但好差，經過那處附近，見到有一間A100餐廳，就一於於去這間吃吧！我們二人叫一個套餐兩份吃：芝士火腿奄列牛油多士配黑椒堙鴨胸米線。要熱奶茶（多奶）及多蔥 ，米線要爽的。怎料：熱奶茶竟變了熱檸茶，我發火，我話要熱奶茶並不是要熱檸茶，侍應立刻看看單，但單其實沒有寫的，心想，在叫的時候講明多奶，有常識的都知啦，怎會有人叫熱檸茶時會叫多奶的。跟著芝士火腿奄列牛油多士及黑椒堙鴨胸米線來了，但黑椒煙鴨胸米線卻沒有放蔥的，於是便叫侍應落多些蔥給我，跟著她立刻拿去廚房，然後再拿給我，但原來全是芫茜來的，我立刻發火，說是要多蔥而不是要多芫茜，這時，有一個侍應大罵：你又唔講清楚？而且我們是芫茜和蔥放埋一起撈的！哇，這是什麼態度？為何一定要把芫茜和蔥放埋一起，你估你這裡是潮州麵舖？結果，那侍應死死氣的，回廚房裡把所有芫茜及蔥拿走！講回食物，其實是不錯的，因為個湯米線好惹味，好香黑椒味，而奄列好正呀，好多芝士！但我也是決定把這間列入黑名單，永不再來！

明朗的一天，大清早已經入到上水，準備閒遊附近的山頭，離集合時間尚早，先找間餐廳早餐，不太屬路的我，無定目標之下，就揀了這間A100餐廳。早餐要了沙嗲牛肉公仔麵，配炒蛋、煙肉及油包。沙嗲牛肉，沙嗲味濃，濃得有點鹹，公仔麵淥得軟腍適中，煙肉煎得香脆，炒蛋及油包一般的沒特別之處。

嘈到不得了不是顧客嘈,是門口個女人嘈教新人係街頭嘈到街尾,食左半個鐘佢嘈足半個鐘完全冇諗過收聲,D位又窄食物麻麻落左單等好耐先有食物上台食物總算OK可以食得下除非佢改善下操作模式,否則不推薦光顧

不知不覺 又一個上水工作天黎左a100 同curry豬扒談一談戀愛可是它...太...咸了!!!對不起 我還是喜歡巴辣還甜甜的你不是我要的。很累 但10月18日的晚上應該會是甜甜的。

朋友極力推介 返工的午餐就來試。的確不錯。 叫了一個乾炒牛河。看時覺很少食後覺很多不算很美味 但同區來說 似乎是穩陣的。油沒有過份 河炒得有齊色香味。交足功課吧。下次來試試 curry 豬扒。 似乎是招牌貨。Role distance越黎越強烈 吹咩?Once you are in the game, you have option to choose either play or leave.