8Five2 Restobar

營業中

休息中

同友人喺尖沙咀行街，忽發其想想試新菜色，就揀左間墨西哥餐廳喇～呢間餐廳好開揚，氣氛佈置係酒吧類型，叫唔同嘅酒類加上小食或者墨西哥卷餅/餡餅之類就可以坐好耐傾下計😆我地因為唔係好食得辣，就叫左小辣嘅清酒煮蜆，清清地配上蜆嘅鮮味，仲有塊薄餅皮比我地吸收清酒蜆汁黎食，都唔錯😋另外叫左雜豆羊肉卷餅，卷餅裏面有芝士、香羶羊肉再加上雜豆飯粒，整體味道好有層似感，再配上墨西哥小辣嘅醬汁，更加豐富～仲有叫左豬肉絲酥餅，可以點3種唔同嘅醬料，有酸忌廉、青醬同埋辣醬選擇，食晒都唔覺得膩☺️咁當然唔少得飲番杯啦😆叫左Snow ball同Monjito，滿足咁食完呢餐😋

平時同老公都鍾意周圍搵嘢食，試吓啲新菜式，朋友熱烈推介呢間尖沙咀既墨西哥菜，一於去試吓😬餐廳屬於酒吧餐廳，地方闊落，而且播着輕快嘅歌曲，啱哂三五知己飲嘢傾偈👍🏻首先order咗前菜，墨西哥風情辣蝦，虎蝦好大隻，蝦肉鮮甜爽口而且充滿蝦膏，蝦肉吸收晒墨西哥特色辣汁，充滿香料香味加微辣好正😊之後到墨西哥雜豆羊肉卷餅，估唔到份量都幾大，除咗鮮嫩多汁嘅羊肉之外，配搭軟熟嘅墨西哥雜豆泥，加埋香口嘅墨西哥米飯，餡料好多，配埋香口嘅餅皮一齊食好正😊最後係主廚推介，墨西哥海鮮地中海炒飯，呢個炒飯嘅配料好豐富，有酥炸大蝦、青口、魷魚等等，而且海鮮好新鮮，墨西哥飯嘅味道超香濃，除了海鮮味還有一些墨西哥香料既香味，飯軟硬適中，而且吸收晒海鮮嘅精華👍🏻

放工想去chill一chill，但又唔想去酒吧咁普通？呢間位於尖沙咀嘅墨西哥菜就啱晒啦！店舖門口係露天位置，叫杯cocktail 同朋友坐喺露天位置，一齊飲吓酒，吹吓水，即刻好似去咗旅行咁😍推介菜式墨西哥卷🌮外皮唔會軟淋淋，有多款餡料可選，豬肉/雞肉/羊肉都有，加咗少少辣椒碎，入口辣辣地好好味😋鐵板炒豬肉豬肉好香夠juicy，仲附上墨西哥餅比大家夾住啲肉食👍🏻飲品🍸Cocktail 款式夠多唔飲酒嘅都有好多特飲可以揀

起28/9嘅時候，入左去呢間店同朋友聚會。環境比較酒吧風，似專門比外國人食嗰種。當時價格偏貴，不過食物幾有特色下，食墨西哥野。當時叫左唔同嘅玉米餅做法同一個party drinks. Party drinks係果汁鷄尾酒，酸甜果香，推薦同人一齊飲。食物嘅話羊肉焗玉米餅同鷄沙律玉米餅比較推薦。焗餅芝士味同番茄味十足，外加肉香味混合令人舒服。沙律酸酸甜甜。另外配上牛油果醬同生洋蔥一齊食，會幾清爽下。不過價格無咁親民，預佢一個散叫150-200之內。叫肉排會更貴。會叫多啲人一齊食再分攤錢會輕鬆啲。

今日同朋友到尖沙咀食飯，去到餐廳就可以入坐 。我們叫了一個前菜海魚伴厄瓜多爾和炸洋蔥圈伴番茄、奶酪 。主食叫了胡椒加芝士墨西哥酥餅和烤牛肉墨西哥卷餅 。我們點的前菜中，海魚伴厄瓜多爾的擺盤十分精緻，鮮豔的海魚粒上點綴著綠色的香菜，旁邊是色彩繽紛的蔬菜沙拉，口感清新。海魚的鮮美與厄瓜多爾的酸橙醬相得益彰，酸甜適中 。而炸洋蔥圈伴番茄、奶酪則是另一番風味，外酥內嫩，搭配濃郁的奶酪醬，讓人一口接一口。主菜方面，胡椒加芝士墨西哥酥餅的外皮金黃酥脆，內餡豐富，胡椒的香氣與芝士的濃郁完美融合，口感層次分明。烤牛肉墨西哥卷餅則是另一種享受，牛肉鮮嫩多汁，搭配新鮮的生菜和番茄，讓人感受到墨西哥料理的獨特魅力。總的來說，食物份量足，味道不錯 。

今天相約朋友在尖東購物，順便在附近吃午餐，嚐嚐特色菜。餐廳在尖沙咀天文台道，鄰近尖東站。半開放式，有戶外部份，地方寬敞，座位舒適。裝修是典型西餐廳設計，牆壁上有熱帶植物裝飾，帶點中南美洲風格。店員推介了一款富有特色的頭盤：“酸橘汁醃魚（白魚）”，賣相別緻，容器下方放入了乾冰，產生煙霧效果，上面盛著白魚魚生，份量不少，配上酸中帶微辣的醬汁，能夠提升魚的鮮味，是道開胃的前菜。主廚推介：“惹味烤豬肋條”，巨型豬肋條，份量十足，外皮烤得香脆，肉質腍軟入味，配上特製醬汁，吃起來尤其滋味。隨碟附上的薯條及玉米餅，新鮮即炸，香脆可口。“烤牛扒墨西哥玉米餅”，特色的墨西哥美食，用特製的支架盛載。香脆的玉米餅，夾著烤香的牛扒，加上惹味醬汁，多重口感，一試難忘，是必食的美食。吃過一頓富特色的午餐之後，意猶未盡，下次再來嘗試其他菜式。

墨西哥菜係香港唔係好多選擇，上網扒文後揀左位於尖東嘅8Five2 Restobar。一入到去就畀佢嘅裝潢吸引住！成個餐廳都充滿咗墨西哥風情，座位都好舒服，有室外同室內，秋天晚上室外嘅座位都幾有feel，真係人生一大享受呀！食物方面，揀左一個沙律，兩個小食同一份taco，真係樣樣都咁有驚喜！吞拿魚伴厄瓜多爾醬： 玻璃碟下層有乾冰，上檯後會有噴煙嘅效果，賣相超吸睛，非常精緻，打卡一流！吞拿魚好新鮮，配埋青瓜同洋蔥，加埋厄瓜多爾醬，食落酸酸地，非常開胃。莎莎醬薯條：網上見到chips翻譯成薯條，其實係玉米脆片，不過咁樣仲好，更加有墨西哥風味。玉米脆片配上自家製嘅莎莎醬，食落酸酸甜甜，非常開胃，令到人一口一口咁食過不停。墨西哥牛脷串燒： 牛脷串燒厚切又大塊，燒得啱啱好，肉質軟嫩有油香，配埋辣芝士醬同埋墨西哥青醬，真係惹味到不得了！烤雞墨西哥玉米餅： 黎食墨西哥菜，又點可以唔食taco 呢？Taco 一份有4件，餡料豐富，烤雞肉嫩多汁，夾埋香脆嘅玉米餅，再淋上莎莎醬，口感豐富，入口酸酸甜甜，非常好開胃！呢度食物好味，環境又舒服，最重要係價錢都算合理！如果你鍾意食墨西哥菜嘅話，就一定要嚟試吓啦！

最近有個外國朋友番咗香港，諗起依間充滿地道特色墨西哥餐廳，決定帶佢試一試。之前聽人講餐廳食物質素高，服務又好，入夜後仲好熱鬧。見到餐廳有個靚酒吧，我地predrink完食咗個dinner，質素的確唔錯。Grilled Beef with Beans 燒牛仔骨(⭐️⭐️⭐️⭐️⭐️)作為前菜，份量好對得住價錢。牛仔骨燒過後油香十足，油脂比例合適，不會太乾或煙韌。微微燒焦的邊皮位置增加了脆口感，牛肉味都好出，近骨位置的肉都不會痴骨。油膩感重時，不妨搭配伴碟的沙律中和一下。Seafood Paella 海鮮飯(⭐️⭐️⭐️⭐️⭐️)海鮮焗飯擺盤精美，加入了不同顏色的食材，食材互相配合令人有驚喜。大廚將西班牙紅蝦當天婦羅炸，蝦肉肥美之餘炸皮脆口。對比之下，其他海鮮（例如：青口、八爪魚仔）則保留原始食材的外貌，焗起後依舊鮮嫩，唧了青檸汁後更鮮甜。飯底亦脆口入味，口感似煲仔飯的飯焦但不會粘牙。整體十分滿意。Bean and Ground Lamb Burrito 羊肉捲餅(⭐️⭐️⭐️⭐️⭐️)作為墨西哥名物，餐廳加入了自己的特色，捲餅之中混合了中西元素，用上香口軟糯嘅米飯，混和充滿墨西哥風情嘅豆泥，配合香口羊肉同埋調味香料，

呢間墨西哥bar有水煙食🤭 可以打卡飲酒慢慢食野墨西哥海鮮飯 (Mexican Seafood Paella)墨西哥海鮮飯融合了魷魚、青口、蜆肉、八爪魚等美味海鮮，每一口都展現出豐富的墨西哥風味。墨西哥米飯粒通常要保持潤澤，不油膩，海鮮烹調適中，肉質鮮嫩。而且有墨西哥調味料提味，加少許青檸汁好清新～脆蝦牛油果玉米餅 (Crispy Prawn & Avocado Taco)玉米餅絕對是墨西哥菜中的必試之選。外酥內軟的玉米餅，搭配清香綿軟的牛油果餡料，以及恰到好處的香辣調味，蝦好大隻好香好脆，好驚喜～燒豬仔骨配水城牛辣醬 (Grilled Pork Ribs with Buffalo Sauce)肉質鮮嫩和適中辣度。辣味恰到好處，不會掩蓋肉質的風味，再搭配青瓜粒和墨西哥豆，口感更加豐富。

🌮Spicy Avacado Taco  $138Taco用左軟熟餅皮🌮，配洋蔥🧅﹑牛油果🥑仲有各種香蔬果🌿，好大塊有成半個牛油果😝，整體餡料味道清香開胃，醬汁微辣🌶️，仲可以加檸檬汁🍋🥙 Chilli Garlic Chicken Ques $152Quesadilla外層香脆，入面有洋蔥🧅﹑芝士🧀同埋辣椒蒜香雞肉🍗，芝士有微拉絲，雞肉多汁微辣惹味🌶️，調味唔錯👍，配三款醬汁，酸忌廉﹑番茄醬同青醬，配搭唔錯😝🍹Friends $88🍸 Breaking Bad $88.✨餐廳主打墨西哥菜，食物選擇多，環境有氣氛，裝潢有格調，空間大亦有室外座位夠哂chill

如果講墨西哥菜就會諗起尖沙咀嘅8Five2，我同朋友分別叫咗幾個菜式Share, 一邊傾偈一邊品嚐美食～我哋叫咗個牛肉沙律，肉碎牛肉粒混合生菜，牛油果，蕃茄，芝士，就連個盛器都係用玉米造成可以食埋～當然有我最愛嘅Fish Taco, 魚柳炸到內軟外脆，裏面仲有洋蔥，加啲牛油果醬同乳酪，口感非常豐富～夏天食就最適合啦～墨西哥仲有一味好出名嘅fajitas, 煎烤過嘅肉非常入味，配菜有洋蔥同甜椒，色彩繽紛，用熱鍋上菜香味十足，見到都忍唔住要食啦～通常會連埋啲墨西哥餅tortilla 夾埋一齊食～滿口都係肉汁好滋味啊

值得推薦8Five2 Restobar墨西哥菜+酒吧食物好味之餘，環境都好有氣氛👍🏻店內環境偏向昏暗有情調，背景音樂節拍感強美酒佳餚、把酒言歡🍸🦐 Mexican Spicy Prawns $138墨西哥風情辣蝦熱烘烘鐵窩裝住6-7隻大蝦濃濃墨西哥風味，味道唔算太辣辣蝦十分大隻，肉質厚實😍🌮Grilled Steak Taco $156烤牛扒墨西哥玉米餅上菜已經聞到醬料與肉汁嘅香味😋Taco餡料豐富，望到已經覺得吸引乾身玉米餅包裹住juicy烤牛扒&墨西哥莎莎醬，味道酸辣，口感豐富烤牛扒咬落亦十分軟熟，肉味濃郁🥩整體味道十分滿足❤️🍖 BBQ Pork Ribs (with Tortilla & Spicy Fries) $198燒豬仔骨配墨西哥薄餅&炸薯條🍟以木盤盛載，滿滿一盤美食燒豬仔骨份量十足BBQ燒汁附著係豬仔骨表面，食落十分滋味亦可以切成一片片包入墨西哥薄餅，配搭出不同食法🤤

經OpenRice book枱星期六在6點用膳，對於一般人呢個時間食晚餐都是遍早。到達餐飯那只有兩三枱，我們5人枱竟被安排餐廳一各其中一座位是主席位，心想早前我跟朋友嚟食晏啲碟都唔細，5個人叫齊嘢食都好迫。朋友到達，都達時已發現座位上有水，最初想是斟水時倒瀉，當抹乾淨座位後又有水從上而下，原來是冷氣機滴水。跟餐廳反應，佢話唔係好嚴重，即是明知個位滴水都安排給我們，如果成間餐飯滿都理解，可惜是大把位都咁樣安排太失望了。餐廳雖然最終換了另一個位，但位置太熱無法接受，只好離場。

<Ceviche 伴厄瓜多爾醬 💲138>我哋叫咗款前菜 份量俾我哋想像中大 啲魚好新鮮 酸酸甜甜 仲有啲牛油果同厄瓜 好有口感 都幾清爽吓 係好適合開胃嘅小菜🥰<Spicy lamb Tacos 香辣牛肉墨西哥玉米餅 🌮 💲142>墨西哥菜必食Tacos 我平時好少食羊 不過呢款羊完全無羊餿味 因為本身嘅調味都好濃 羊肉份量都好多 配料都豐富🤤辣度啱啱好 可以再擠埋檸檬 酸酸辣辣🥰一啖落去真係好滿足😋<Pulled Pork Caribbean habenero sauce Quesadilla 豬肉絲加勒比海醬🧀 💲138>我覺得Quesadilla 真係必食 有4大塊 一個人食兩塊都好飽 因為佢啲料真係比得好足 豬肉絲軟嫩再加上勒比海醬 味道辣辣啲 仲要加埋我最鍾意嘅芝士 真係好好食🥹佢仲有3款醬可以點 本人最鍾意牛油果醬🤤

最近和朋友到了天文臺道8Five2 Restobar這間墨西哥酒吧餐廳，餐廳裝潢帶有濃厚的墨西哥風情，亦有輕鬆愉悅氛圍，讓人彷彿置身異國小酒館，所以我和朋友很快都坐下來，並點了不同的墨西哥食物。首先想開開胃，於是點了白酒煮蜆。白酒調味十分誘人，酒香四溢，蜆肉飽滿彈牙，是一道不錯的開胃前菜。而我們亦要了燒烤辣牛小排。牛小排肉質算是很鮮嫩，最重要是辣味適宜，不會因為太辣而蓋過肉味，配上青瓜粒和墨西哥豆口感豐富，值得一試！我個人最喜歡這道香辣牛油果玉米餅。玉米餅是墨西哥菜必試的菜式，這裏的玉米餅外表酥脆，咬下去牛油果餡料清香綿軟，而香辣味調得恰到好處，清新滋味與辛辣香氣互相交織，感覺別有一番風味。而朋友則最愛牛油蒜蓉大蝦！因為蒜蓉調味相當出色，蒜香味濃郁而不膩人，加上蝦肉Q彈可口，味道一流！日常很少機會接觸墨西哥菜，但今次試了8Five2 Restobar，發現墨西哥菜品具香辣濃郁的特色，很適合在夏天吃用。加上這間餐廳有不同酒品供應，整體用餐體驗舒適暢快，令我留下了不錯的印象。8Five2 Restobar地址：尖沙咀天文臺道8號地下2號舖