8 Eatery

營業中

休息中

今晚無人煮飯要岀街食，近近地喺樓下食。本身想叫拉麵食，點知發現天使麵仲平少少，我又鍾意食加上好耐無食，所以決定叫香草野菌忌廉天使麵。天使麵夠軟硬剛好，野菌夠多足料，忌廉汁亦都夠，唔會乾淨淨！可惜呢個唔係餐，無湯無嘢飲，要加的話，湯加$9，嘢飲半價，我加左咖啡，要走甜少冰，濃啲，都算對我要求跟得幾足。以集團式嘅屋苑餐廳黎講，呢間算係幾好味，合格以上。

以$66享用七成熟牛扒配飯、椰菜及黑椒汁，性價比高！最大亮點是牛扒**沒用鬆肉粉**，能吃出**真實牛味**，肉質天然，在同價位中罕見。忌廉湯同樣出色，將蔬菜**完全打碎融入湯中**，令口感**極致細滑**，同時**釋放蔬菜自然甜味**，香甜順喉，簡單卻用心。追加的芝士焗西蘭花，芝士份量足，**拉絲效果不俗（nice！）**。若西蘭花能焗得**再軟身（淋）少許**，口感會更完美，但芝士香濃已加分不少。總結：$66換來有牛味的扒餐、香甜幼滑的忌廉湯，加上拉絲芝士焗菜，用料實在，絕對抵食！

輕量火腿通粉配忌廉鮮奶炒滑蛋、粟米脆瓜、茄汁豆、蒜香牛油多士$36⭐️⭐️⭐️⭐️見到餐牌寫蛋白麥皮，原來有得轉火腿通粉👍🏻。火腿通佢話輕量，但份量都幾多，味道就正正常常啦🆗。炒蛋都好creamy，好滑。但粟米同翠玉瓜就唔熱嘅😢。多士係全塊，上面搽滿好多蒜蓉醬，多到有少少鹹🤣。早餐仲配熱飲，叫咗熱奶茶茶走，甜度適中，熱飲都好大杯🔥。呢個價錢咁大份早餐，我覺得好抵食！🤩

喺沙田附近返工，8 Eatery係唔錯嘅選擇，樣樣嘢食都大份抵食，CP值高👍🏻。Lunch Hour特別多人等位，但一個人食嘅話，搭檯入得好快，上菜速度亦快。今次叫咗蒲燒鰻魚炒珍珠飯。珍珠飯粒粒分明，但一啲都唔油膩，味道唔錯！木魚片同鰻魚份量亦好夠食🐟餐飲嗌咗粟米牛乳湯🌽，湯味濃厚，亦食到細細粒粟米口感。另外有意大利菜湯同蘑菇湯揀。唯一美中不足就係，餐廳環境比較逼同嘈，但作為打工仔lunch嘅選擇算係不過不失😋。

今晚去愉翠苑分店食個雞扒蛋蓋飯，怎料配菜是冰凍的，再問侍應姐姐，她們說佢哋的配菜上碟給客戶一向是用凍的配菜，真的令我感到意外，熱飯配凍的配菜，我第一次遇到。未知衞生署的最低衞生要求是這樣！所以冇下次幫襯。

喺附近做嘢，約咗個同事嚟傾嘢 順便食埋晏如果唔係選擇 真係唔嚟呢間。。。選擇困難嘅我好快就揀咗蕃茄湯，點知佢啲蕃茄湯勁到冇誠意 好少量嘅蕃茄，一啲都唔係濃湯 仲要得勁少料，好少肉 我揀咗同埋煙鴨胸 三片好在我自己有個流心蛋 7–11嘅加落去！加$20嘅芝士焗西蘭花就幾多？ 我啱食，因為唔會太油。 底下有薯蓉。同事嗌咗紅酒焗牛肋骨，啲牛肋骨極腍，好似係爛淋淋咁樣 真係唔掂 啲飯就係珍珠米OK嘅，半菜有兩舊椰菜花一片翠玉瓜咁樣 算啦，香港食嘢係咁㗎啦我諗….

為左杯榨壓檸茶突登來食下午茶餐😅佢哋環境舒適而且下午茶餐都好多選擇👍今日叫左個白汁吞拿魚三文治滿滿吞拿魚加番茄清新非常，但如果沙律醬少D應該會仲出色😉另外再加份柚子醬燒雞翼配碎蛋沙律，雞翼脆脆，酸酸甜甜非常醒胃

下午茶嚟咗呢度食，揀咗個豬扒包同薯角，豬扒包個包烘得好脆，雖然塊豬扒細咗啲，薯角真係勁多，好香脆好好食，另外叫咗杯凍檸茶，佢唔係普通兩片檸檬嗰啲檸檬茶，係鮮榨檸檬嘅檸檬茶，夠酸夠味。

今日下午茶時間嚟到第一城，就想試吓啲下午茶餐。呢間餐廳我未食過，就嚟試吓。下午茶餐都有唔少選擇，眼花繚亂。我都諗咗陣先諗好食乜。最後，我就要咗米蘭肉醬熱狗餐試吓。呢個餐$29，包杯飲品。不過我轉咗特飲—利賓納啫喱冰，就要另外+$7。米蘭肉醬熱狗味道都唔錯，份量都大。$29仲連飲品真係抵食。利賓納啫喱冰係特飲，套餐要另加$7。啫喱冰味道都唔錯，鍾意利賓納同啫喱嘅都好值得加錢飲。用飲筒吸啫喱嗰種感覺真係好正😄呢個餐加錢轉埋特飲都只係$36，真係好抵食😋

入到去坐，自己嘟qr code落單，呢樣唔係問題，但落晒單遞交系統有問題，叫個職員黎幫我落，佢第一句就話唔係我地系統有問題，係你網絡有問題，呢句我忍，跟住佢話你有無熄WiFi，我話出佐黎根本無用WiFi，跟住我比部電話佢再咁多次遞交，佢先睇到遞交唔到，勁唔願意地攞佢部機幫我落，咁嘅服務態度完全不知所謂，離晒大譜！

同一位「沙田友」一位「荃灣友」（我就港島友）試呢間晚餐坐咗最埋便嘅卡位裝修同燈光配合，都幾靚，坐得舒服仲見到一列「me-time」吧檯一個人食都唔尷尬7:03 pm手機完成落單7:06 pm 先嚟飲品凍柑桔蜜。椰奶紅豆冰。玄米綠茶啫喱冰我杯係中間嗰杯椰奶紅豆冰，紅豆軟硬適中「沙田友」杯凍柑桔蜜叫咗「少冰」，啲冰冇乜少到😅，但「沙田友」亦冇特別畢走啲冰7:13 pm已經嚟齊晒效率快得驚人，啱晒我呢啲冇耐性又唔餓得嘅人水牛城辣汁烤雞中翼我覺得可以再辣啲（可能我本身好嗜辣，食譚仔係要「特辣」級嗰隻）芝士白汁煙肉焗西蘭花呢個係見到Openrice有好評，所以order秒清，呢個極推介驚喜有 蒜香牛油焗田螺 供應🤓去埋殼，食得方便仲有好好味嘅薯蓉呢個必叫大推蒲燒鰻魚炒珍珠飯呢個係「沙田友」叫，佢讚好味我試咗幾羮，一啲都唔腥亦唔油辣地獄叉燒讚歧拉麵呢個係「荃灣友」嘅選擇我試咗麵，見到叉燒都想試🤤但又唔想「荃灣友」唔夠餸呢個可以再辣啲烤雞茄子百里香忌廉焗珍珠飯呢個係我嘅選擇，份量好足記得上檯時，「沙田友」話：「啲茄子仲可以咁紫，冇變黑」呢個好好好好味但因為我食咗雞翼 西蘭花 田螺 少少拉麵同鰻魚炒飯

晚飯叫一個意粉外賣，由20:20 等到20:50 都未出一個街坊餐廳當時唔係full，要等半個鐘頭外賣係咩玩法？！堂食都唔會等半個鐘頭啦！仲要出外賣嘅係次序唔順，例如125 出先過123，後面個個出先過我個號碼！咩system黎？！最後20:50追，門口問幾位個個阿姐聽完都唔理，就咁行左去，行去收銀叫收銀阿姐追。追完發現廚房唔係未包出黎，係完全未做！！！完全不知所謂！！即刻退錢，唔想再浪費人生！作為街坊呢世都唔會再浪費時間唔會再幫襯！！

同同事喺公司附近食午餐, 揀咗呢間餐廳~食物種類都幾多，不過長期都好多人等位!今次叫咗個安格斯牛扒配飯, 一個蒲燒鰻魚炒珍珠飯同埋一個蛋黃煙肉卡邦尼長通粉! 安格斯牛扒比較細塊, 雖然唔係真係咁靚嘅牛肉, 但唔會好乾, 味道普普通通~鰻魚炒飯，真係炒到粒粒分明~鰻魚份量都唔少, 成個炒飯好香口, 珍珠米好軟糯好好食!卡邦尼長通粉既白汁好重蛋黃味~我用開粉嘅白汁~ 啲汁雖然稀咗少少，但味道都幾好食~餐廳上菜速度都算幾快~ 而且價錢都唔貴, 性價比都幾高!

星期日下午三點鐘到達，門口阿姐話可以入去，但入到去，個男服務員 又話冇位，要我哋出返去攞位先🤨 ， 但明明見有吉枱同座位，明顯地餐廳 服務員 之間缺乏溝通，要客人行來行去😡。坐低之後，又要慢慢等佢print個qr code 出嚟先可以點餐， 我哋三個人，兩大一細， 坐梳化。 佢嘅裝修 呃得吓人，走時尚路線又有梳化位，但食物質素同服務 就一般，符合佢嘅價錢吧 ?! 咁嘅價錢不能要求太多😒😒😒。我哋嗌咗蕃茄湯 炒蛋火腿 長通粉， 多士 同埋辣汁雞翼 ，芝士焗西蘭花， 餐包兩杯餐飲(凍飲加三蚊)， 個西蘭花係好食嘅，其他食品就正常連鎖快餐店質素。 我哋埋單總共113蚊 ， 人均消費38蚊 。 總括嚟講，服務員 質素有待改善，其他配套上算ok。

環境嘈到好似去左街市一樣餐具盒裡 連湯匙都沒有是一根也沒有餐台 好油 出餐又出錯餐品四隻變兩隻這種低級錯誤 真係唔應該犯柚子雞翅 雞翅外皮炸到又乾又硬 連裡面的肉都沒有肉汁這是翻炸左幾多次呀這技術也是 絕了真心 這價錢 還不如吃麥當勞甚至路邊的小吃店 炸的雞翅都不會這樣最過分係番茄湯粉面 味道淡到好似水咁兩三塊番茄粒 加點茄汁混在一起的感覺這是認真的嗎別跟我說 這種價錢質數就已經不錯了做飲食的如果連質量都無法控制你開個屁餐廳 裝潢漂亮有個屁用呀 服務 品質都不行 換湯不換藥的概念 無下次， 完全影響心情