8鍋臭臭鍋 (金巴利道) (已結業)

好耐之前係openrice見到佢有好多好評唔知係咪抱有太期望既心😶所以有啲失望12月果時 特登去尖沙咀試佢花多眼亂既餐牌食辣同唔食辣都有豬牛羊芝士藥膳乜都有🤗仲好清楚咁列出有咩配料呢個都幾好 唔洗成日夾起舊野 就諗：呢舊係咩黎😂✨巨𡶶提子沙冰✨呢個反而好令我起出望外～因為飲落巨峰提子陣味幾香 沙冰都整得好融✨藥膳羊肉鍋✨好彩藥膳味唔太強 唔會遮住食材既味睇得出材料都好豐富 都比得好大方羊肉唔算好膻 還好其他既材料都係不過不失咁～🌻

📍八鍋臭臭鍋 #happytreats_tst-🥘芝士牛奶鍋 $115 (lunchset $88抵好多😋😋)-呢個完全係吉邊嘅代替品囉好冇😍特登黎試吓佢個湯底，估唔到偏甜嘅芝士牛奶鍋都同啲火鍋料好夾😛芝士牛奶味唔算係超濃烈，絕對唔係瑞士火鍋嗰種😂但幾啱我，唔會太heavy! 火鍋料都幾豐富，入面有魚豆腐、豬肉、雞肉、貢丸等等，肉類新鮮，烏冬都幾彈牙，食材雖然唔係話好特別，但係整體質素都唔錯！可以一試😙-餐廳嘅空間感夠，都算坐得舒服😛 嘢食都幾快黎😋

地點有啲吊腳 唔太方便本人有幫襯過澳門筷子基果間8鍋 果邊賣70一鍋包粉絲或者飯香港食就要一舊水感覺有啲貴 不過都明白可能係租貴 最理想價錢係88蚊左右講返食物先 食物質素都ok 料既份量都正常 同澳門差唔多 會再幫襯

冬天咁凍，即使喺尖沙咀行咗一陣街，但係都想食啲暖野暖下個身～一見到附近有間打邊爐嘅餐廳，就入咗去啦～8鍋臭臭鍋有好多個唔同味道嘅火鍋揀，其中包括有蕃茄湯底、麻辣湯底等等。我同朋友唔係好食得辣就揀咗番茄湯底，如圖所見係好足料架，味道略嫌唔夠特別，濃度都可以增加～個溫度都岩岩好嘅，而且店員都會好主動咁樣加湯比我哋～份量唔係好大，價錢相對上都唔貴，所以岩晒細食嘅女仔。我地仲嗌咗杯珍珠奶茶同冬瓜茶總結來講8鍋臭臭鍋係一個歇腳嘅好地方

好想打邊爐，咁啱行過八鍋，又見冇咩人等，所以決定去食一人一鍋。諗起以前喺美國讀書，最中意去食台式臭臭鍋，一星期起碼食一次，返咗黎香港都冇再食過類似嘅嘢，好期待...叫咗嗰臭臭鍋同麻辣鍋另再加臭豆腐。佢地湯底都算淡，唔夠臭，有少少失望。材料都正常，丸呀，肉呀，金菇，豆腐等等。每個鍋都會跟白飯/粉絲，白飯好硬好乾，可能佢預我地加湯落去撈掛🤣不過粉絲就吸晒啲湯，幾好食！另加嘅臭豆腐，嗰味做得幾好，食落有啖啖嘅臭味😂

尖沙咀既台式邊爐一人一鍋，有9個鍋選擇，揀左招牌臭臭鍋同埋芝士牛奶鍋，成個鍋都好豐富🤩食材全都放到滿滿的🤤。每一個鍋都有配送白飯/粉絲/公仔麵，所以都會食得好飽好滿足，亦都可以加錢加配食物/飲品，選擇也很多😊。芝士牛奶鍋有好香濃的奶味，上面又滿了芝士，溶了之後真的很讚😋👍🏼，完全沒有點調味了也很夠味🤩。臭臭鍋也很惹味，真係好有台灣特色，雖然叫了不辣，但都有少少辣味。還多叫了一份羊肉，羊肉質素很好👍🏼。

我第一次食臭臭鍋係係美國食，一食就愛上左，所以當香港一開我就已經第一時間去試。試完之後都成日番黎呢度食鍋，其實個鍋大家可能會覺得吉野家美心大家樂都有。但呢個鍋我覺得真材實料，其實最正係啲醬。今次食咗招牌臭臭鍋同埋台式麻辣鍋，我次次返嚟都係食台式麻辣鍋，因為佢個辣我好鍾意，特別是係啲面，索曬湯個啲味。晚飯既話，我建議大家最好6:30或前去到入座因為7點開始就會好多人排隊有可能要等一個鐘。食飯時間只有90分鐘。總括黎講都非常好👍🏻值得一試！

台式火鍋．一人一鍋❤️同friend食可以叫兩個款一齊share👍🏻-黑麻油雞鍋🍲覺得個湯底唔夠濃，麻油味唔夠重。如果麻油再落多啲會更加好食。鍋入面嘅米血糕，就咁食係唔會食到有咩特別，一定要配埋佢嘅甜辣醬食，先食得出台灣風味🇹🇼-芝士牛奶鍋🍼湯底都係偏淡，有芝士嘅香味但食唔到芝士感。如果湯底濃郁少少會加分好多～-滷肉飯🍚有做到台灣味👍🏻滷肉唔係鹹係甜嘅😋

招牌臭臭鍋- 一點都不臭，湯底滲出微微臭豆腐味，吃著很香，選了少辣。材料極之多，有臭豆腐、豬紅、大腸、血米糕、䐁肉片、鷓鶉蛋、貢丸、鳴門卷、炸枝竹、娃娃菜、榨菜。臭豆腐很香很濃，軟滑，臭豆腐迷表示極度滿意。藥饍羊肉鍋- 冬日暖身健康之選，同樣材料豐富，有羊肉片、沙白、豆乾、豆腐卜、貢丸、鳴門卷、雲耳、炸枝竹、蓮藕、鮮淮山、娃娃菜、粟米。我們都選了配粉絲，爽口吸湯汁，很滋味。一邊吃著暖暖的一人一鍋，一邊喝著冰涼冬瓜茶和百香果綠茶，很爽呢！

好耐無食過一人一鍋! 雖然唔太肚餓打一個無乜澱粉質既邊爐都ok既鍋既選擇唔算好多要左一杯巨蜂提子沙冰出奇地 做得幾好 濃濃既提子味而且仲好大杯本身叫完野飲 見到隔離枱既飲品唔算好吸引 即刻好驚中伏好彩沙冰正常台式麻辣鍋 + 粉絲個半塊公仔面 反而幾好食 但唔係出前一丁有少少似褔字面粉絲就勁索味 所以係好食既但個鳴門卷就一般 好粉既感覺牛肉片都係 似係$68一磅果種肥牛~甜不辣就煮極都有啲硬褔洲魚旦就正常發揮 都叫彈牙魷魚圈就有啲幼...... 金針菇都不過不失.個豆腐應該係最好食 係台灣既味道

今次第一次試呢間臭臭鍋,我哋一家五位食早飯下午四點半已入場食,所以都唔使等位!環境都很好!座得舒適!食物方便我同太太都各自點了臭臭鍋。臭豆腐比我想像中好食,另外我又點了芝士牛奶鍋,個芝士牛奶鍋湯底奶味香濃值得一讚!不過都有代改善嘅地方,請注意樓面對食客嘅態度!唔希望只會得一次幫襯!

之前lunch經過呢間鋪頭 都會好想試下，但唔夠時間。終於今次約fd食dinner 可以嘗試下~.七點入餐廳，唔洗拎飛排隊。但過唔耐之後就見到門口要開始排隊，好彩早入哈哈哈~.睇到menu好多鍋都想試，研究咗好耐。睇入邊有咩配料咁~.- 台式麻辣鍋 (小辣) HKD 115 配粉絲呢個辣係我中意嘅辣，四川麻辣個種，小辣岩岩好。配菜都幾好食，但分量唔多，都係兩三塊。比較特別嘅係入邊有一團泡麵，一熟就要嗱嗱臨食咗佢。食完都好飽~ .- 酸辣羊肉鍋 (小辣) HKD 115 配飯呢個係朋友嘅，佢話d羊肉唔會特別膻，都幾唔錯。因為佢食唔到好辣，小辣都覺得好辣。最後都係點咗杯茉香奶綠。. .食完之後，會再想試下其他火鍋。

係美國讀書既時候已經食過臭臭鍋，亦有聽聞過依間臭臭鍋係美國留學生回流返來開既，所以就想去試下尋找當年既味道！我朋友嗌左臭臭鍋，而我就嗌左沙茶牛肉鍋，我個鍋湯底超濃，不過我覺得有啲越食越鹹既感覺。份量方面就非常足料，而且仲跟一個麵或者飯，食完超飽。我地仲另外單點左一個鴨血，都幾大份，味道都唔錯，無預期甘辣，我唔算食得辣都食左兩大舊，我地兩個女仔食完自己個鍋之後就食唔晒個鴨血！整體其實唔差，但我覺得會比較適合重口味既大大們！因為湯底都好重味道既，而火鍋料都入晒味！

中午打邊爐又食唔到咁多，當然會選擇一人一鍋，8鍋臭臭鍋出名係臭豆腐鍋，但我就不嬲唔太喜歡吃臭豆腐，所以點了個沙茶醬牛肉鍋同 蒜蓉牛肉鍋， 一人一鍋份量啱啱好， 如果唔夠仲可以追加食物。 沙茶醬牛肉鍋我嫌佢味道有點太濃， 食到尾會覺得鹹得滯,要飲番好多嘢。蒜蓉牛肉鍋好香蒜味，但唔會太濃, 食到尾都唔需要飲太多嘢飲。兩個鍋都可以免費配飯或粉絲， 另外仲可以加錢配烏冬。值得一讚既係佢哋杯紅茶， 少少甜甜地， 又有好香茶味。埋單每人88蚊，唔會算太貴。

平日夜晚黎食七點等到七點半有位係韓國街附近呢間都好多人等位咖哩奶蓋鍋 and 台式臭臭鍋兩個鍋大概有臭豆腐, 豚肉, 米血糕, 鵪鶉蛋, 金菇, 支竹, 魚蛋, etc...味道少少淡不過抵食 而且一人一鍋 好方便