8號茶居 (宏業南街) (已結業)

星期五晚上，突然好想飲個夜茶。即上網搵下有咩好地方，就黎左位於朗屏嘅8號茶居喇點心選擇都幾多，價錢唔貴。另外仲有d特色竹筒飯同晚市點心蒸飯套餐。茶位$5/個 香煎臘味蘿蔔糕 $27總共3件，不用叫店員已自動配上辣椒醬。8號蝦餃皇 $192粒大大粒，蝦肉都幾彈牙紮實蟹籽燒賣皇 $18同樣2粒，今次見嘅燒賣皮係白色無染色豬肉肥瘦比例適中，幾紮實。雪山叉燒包 $24食落口感似叉燒酥，叉燒餡調味亦無咁甜，整體係好味！鮮蝦鴛鴦網米腸 $35有兩隻顏色幾繽紛，有種炸兩嘅概念，中間有鮮蝦同脆卜卜嘅內層，口感層次較豐富。蒜蓉粉絲蒸排骨 $29開頭想點解會係粉絲唔係豆卜或芋頭呢，一上厚我就明晒， 粉絲吸晒蒜蓉同肉嘅鮮味，超惹味。瀑布流沙西多士 $30係呢度嘅名物，亦係我揀呢間飲夜茶主要原因味道超似炸左嘅流沙奶黃包，咸蛋味唔會過重，保留到甜甜嘅感覺，當甜品劃上一餐嘅句號就滿足晒。

平日放假同屋企人去南生圍踩單車，所以晨早起身，入到元朗，嘆個一盅兩件先出發。找到這間元朗的點心專門店，坐得舒服，空間大，部分位置又有陽光照射，光線充足。睇完餐牌覺得幾抵食，最後叫左好多樣，人均唔洗$100，特別介紹：流心西多士，厲害到不得了！ 我地點了幾款點心：=瀑布流沙西多士 $30=第一次食到流心的西多士，西多士外皮炸得香脆，呈金黃色，一切開就有流沙奶黃流心出來! 而且超多流沙，果然是廚師推介，滋味十足！=8號蝦餃皇 $19=蝦餃大隻足料，餃皮薄身，食落唔會好粉。鮮蝦夠大隻彈牙，調味夠好，唔會過鹹。 =蟹籽燒賣皇 $18=同樣夠大粒，餡料足，肉質有咬口，肥瘦剛好，唔會散開，上面有好多蟹籽，而且即叫即蒸，新鮮熱辣，食落又唔會膩。 =鮮蝦菜苗餃 $19=鮮蝦夠大隻鮮味爽口，而且跟蝦餃皮一樣皮薄，加入菜苗後帶點清新，口感滿足。 =南瓜籽馬拉糕 $20=傳統的馬拉糕口味，入口鬆軟，有南瓜籽放面，使馬拉糕多一重香味，南瓜籽口感有些煙韌，剛好與軟滑馬拉糕平衡番，唔錯。 =香滑鮮蝦腸 $30=腸粉皮薄，加上鮮蝦大隻彈牙，蒸得時間剛好，夾起唔會散開，食落滑口。 =懷舊糯米雞 $29=一打開香味撲鼻

上次去朋友屋企食過點心外賣，問佢係邊間，就係呢間8號茶居。今次特登行過嚟食。上次淨係食點心，今次見到個餐牌首先見到有汽鍋燉湯，即刻叫叫返一個。金銀菜燉豬肺湯：同一類型嘅茶居，應該都唔會有豬肺湯供應，呢個汽鍋燉豬肺湯，十分足料。8號蝦餃王，蟹子燒賣王：蝦餃王燒賣王果然係王，一客兩粒，但係好大粒，蝦餃同埋燒賣都好爽同埋彈牙，高性價比。雪山叉燒包：係熱辣辣嘅，墨西哥飽嘅飽皮鬆脆，一個字，正。海苔鮮蝦腐皮卷：鮮蝦腐皮卷吹卜卜，入面夾住紫菜更加爽脆，上次叫外賣都冇食到，今次補返數。鮑魚雞粒竹筒飯：個竹筒好精美，有成隻鮑魚上嘅竹筒飯只係賣50蚊，用埋泰國絲苗米，好有口感。香煎黑椒牛肉包：睇個樣同普通生煎包冇分別，食落去超級好味，充滿香濃嘅黑椒牛肉，所以食落去特別惹味。青咖喱雞粒鹹水角：青咖喱配以雞粒，堅係香辣，正。山竹牛肉球: 好香陳皮味，牛肉球又好彈牙。今次真係好飽，下次要試吓佢嘅鎮店之寶-留心奶黃西多士，超吸引🤭

今日同爸爸去咗朗屏站附近飲茶，佢話朋友介紹呢間點心店，朝早價錢幾抵，質素又唔錯，平日嘅朝早都坐滿人，應該都幾受街坊歡迎我地兩個人叫咗一個早餐孖寶，加多5個點心，食到勁飽先大概$170蚊左右*鴛鴦鮮蝦網米腸 $35*開頭以為只係平時啲炸兩，一上枱賣相鮮艷，睇落非常吸引，兩款入面都有蝦肉，橙色嗰款會夾住啲紅蘿蔔🥕碎，綠色嗰款就有啲菜粒，炸米網好香脆，腸粉夠滑，手作功夫一流*8號蝦餃皇 $19* & *鮮蝦菜苗餃 $19*兩款都推介！大大粒，大過酒樓/其他點心店好多，蝦肉又彈牙，價格公道，值得一叫*花雕蟲草棉花雞 $29*雞肉嫩滑，魚肚索晒湯汁，好入味，配上蟲草花都有好多條，份量比起平時酒樓好似大碟啲*早餐孖寶**香煎黑椒牛肉包 + 蟹籽燒賣皇 $35*呢個黑椒牛肉包比較少見，平時茶樓最多係生煎包，入面舊黑椒牛肉都幾大舊，不過黑椒味唔係好出燒賣又係勁大粒，同蝦餃一樣，每粒都起碼有三隻大蝦呢間街坊點心店真係幾抵食，質素又唔差，我地屯門友下次都會再過嚟食👍🏻

今次黎左朗屏搵野食，網上見到呢個點心小店幾多人推薦，就黎試試，飲茶唔洗一定去酒樓飲，有時係呢 d 點心小店反而仲抵食，茶位又夠平。瀑布流沙西多士，超足料，大大塊，一切開 d 奶黃流心真係瀑布咁流出黎，估唔到會有西多士賣，好邪惡但好滿足。蟹籽燒賣王，飲茶點少得燒賣，同平時黃色皮既燒賣唔同，係白色皮，大大粒超彈牙，正。8號蝦餃皇，蝦肉真係超足料好大份，個皮唔厚但夠煙靭，好香好好食，蝦肉亦都好鮮甜。木魚燒汁茄子，入面仲有墨魚滑，好有咬口，茄子超 juicy , 好特別。仲有好多點心都想試，但真係好大份食到好飽，真心抵食。點心款式亦都好多，好有特式，唔係黎黎去去果幾堤，下次有機會會會再黎試。

星期六十一點前，與家人享受一盅兩件，人生一大快事。網腸粉很有特色賣相和味道都值得推介，外脆內軟，腸粉皮薄。不是很多地方都有的鵪鶉蛋燒賣，肉質厚實，有口感。新鮮熱辣雪山叉燒包，不會太甜，裡面叉燒多，確實與眾不同。南瓜子馬拉糕，內裏有少許乾，甜度適中，南瓜子很香。這個煎堆仔有少許失望，因為裏面又乾又硬，本身期望裡面是流心的。這個竹筒飯，以為很細小，原來裏面份量有很多，排骨新鮮多肉。蝦餃新鮮彈牙菜苗餃的菠菜很多，正宗皮薄餡靚。薑汁紅棗糕，薑味很重，所以偏辣，一吃就知道不是一般貨色。整體感覺是自己做的自家點心，不是一般工場訂貨千篇一律的味道，價錢不貴，難怪假期永遠人山人海。

住九龍的我，第二次去幫襯啲間點心，真心講價格真平及抵食，我最喜歡飲燉湯+食竹筒飯，每次都會選不同的湯配飯套餐，再加幾個點心。唯一不好就是太多蚊滋仔，有點影響食肉，希望能改善下就會更好，期待下次去到會有改善。

一講飲茶 大家一定諗起酒樓🙈近日路經朗屏站一出 就有一間叫做@8char.hk 見到價錢唔貴 就入去試下🙈入到去職員會問你飲咩茶呀？🙈我地叫左一壺水仙 同朋友研究左一陣 我自己覺得呢壺水仙係店鋪自己買茶葉再用茶袋包而朋友就不予置評🙈好啦叫左都好多野食🙈有瀑布流沙西多士、雪山叉燒飽、8號蝦餃、蟹籽燒賣皇、雜果沙律春卷、五柳炸雲吞、溫室青瓜叉燒腸、 豉椒排骨竹筒飯甘多款野食 我個人私心推介🙈1.溫室青瓜叉燒腸 HK28清新得黎唔會覺得油膩個味道重要幾夾唔會覺得奇怪2.雪山叉燒包 HK 24佢個包係用左墨西哥飽嘅外皮但入面係叉燒 我自己就好鍾意墨西哥包 又點會唔推介呢個 😎3.五柳炸雲吞 HK26朋友問我知唔知咩係五柳汁 我回應唔知 就係甘叫左呢個炸雲吞但真心推 因為個汁會令到你覺得好開胃😎會想繼續食🙈可惜嘅係一碟得3定4舊 唔夠喉🙈呢到先食左HKD2252個人諗唔到食咩都可以過去食下 佢系有d係套餐 有埋湯 同甜品見佢👍🏻湯推介下次可以試吓

工作關係有時忙到去到夜晚先得閒食野，但又想間唔中陪下媽咪飲茶，去點心專門店飲夜茶就最啱la🥰係8號茶居飲茶仲唔洗加一添，宜家like 社交平台仲有9折優惠ar😍好抵食😋叫到成枱都係點心先$200埋單za😍為食餐單: 8號蝦餃皇(2件)🥟 $19手掌咁大粒蝦餃好飽滿，蝦餃皮薄餡靚，入面既餡料豐富，蝦味濃郁混埋其他材料，好好味又爽口彈牙🥰蟹籽燒賣皇(2件)🥡 $18巨型燒賣😍一咬燒賣肉好彈牙，而且非常美味呢😋香滑鮮蝦腸🦐 $30好滑嫩既蝦腸，淋上甜甜地既是油，入面有大大隻蝦🦐好味😉鮮蝦菜苗餃(2件)🥟 $19又係超大隻菜苗餃😍入面除左有大大隻蝦，仲有滿滿醃得好香既碎菜，包住一齊食，味道一流😋山竹牛肉球(3件)🧆$26牛肉球淋上喼汁，彈牙口感加上酸酸地喼汁加埋牛肉球味道，食得好滋味🥰老干媽蒸鳳爪🍲 $26鳳爪整得好入味夠曬淋😋底下仲有一舊麵根，浸曬鳳爪精華既味道係入面，好惹味😋海苔鮮蝦腐皮卷(3件)🍤 $28一咬脆卜卜，海苔香脆，腐皮又係非常香，入面蝦味濃郁，沾上醬汁仲添美味😋手磨薑汁糕(3件)🍮 $24薑汁味好濃，一食陣陣薑味係口中，好喜歡依隻味道😉茶位🍵 $5/位(香片)叫左香片，邊嘆茶

- 鴛鴦鮮蝦網米腸 $35賣相睇落已經好吸引 佢係類似炸兩咁腸粉皮包住鮮蝦同好似油炸鬼既脆脆仲要一份有8粒 好抵食！😛- 香滑鮮蝦腸 $30飲茶真係一定要食腸粉！呢個一睇就知好食🤤皮超級薄又滑 真係晶瑩剔透架🤩之前食過啲腸粉係痴埋一舊舊 完全唔ok🙅🏻‍♀️- 薑蔥牛柏葉 $28呢個又係好高質 亦唔係間間點心店有薑蔥加左少少辣椒 好惹味好開胃牛柏葉好爽 完全唔會咬唔開 份量亦好夠- 老干媽蒸鳳爪 $26鳳爪亦都係我飲茶必點 對比起其他點心呢個相對普通唔係好食到老干媽味 但醬汁都好夠- 8號蝦餃皇 $19雖然一籠得兩粒 但蝦餃皇真係蝦餃皇比起出面啲蝦餃係大粒啲架 好多蝦好正🦐- 鮮蝦菜苗餃 $19都係一籠兩粒 就咁已經睇得好清楚佢滿滿既內餡！- 鵪鶉蛋燒賣 $27呢款係白色既燒賣 都幾大粒😋- 豉汁黃鱔竹筒飯 $59呢度都有幾多款竹筒飯揀 而呢款可以揀豉汁或者川味黃鱔肉嫩無咩骨 加埋啲豉汁好餸飯😌- 鮑汁豬手 $36呢個都好推介✨豬手炆得好軟滑好入味平時都唔係好想食豬皮 但呢個會唔捨得唔食豬手有成5舊再加啲素豆腐 係滿滿既骨膠原啊😍- 香煎黑椒牛肉包 $21呢個應該係成餐最普通既 都唔會有

位於朗屏8號的8號茶居同樣也是一盅２件，質素好又足料啲，加上附近環境清幽,空氣怡人。海苔鮮蝦腐皮卷$28裡面相當足料，有相當多的紫菜。和平時吃的腐皮卷不一樣，加了紫菜令到鮮蝦腐皮卷的鮮味提升，也同時變得更好味。咖哩蒸土魷＄２８份量非常多，塞滿一籠了~魷魚飽滿的吸收咖哩汁，香味十足，肉身爽脆~豉汁黃鰭竹筒飯$59餐廳很特別地採用竹筒來盛飯，很古色古香呢~黃鰭好脆身，其肥美的黃鰭油份浸落白飯，再加上豉汁的襯托，好惹味呢。鶴鶉蛋燒賣$27上面的鶴鶉蛋和下面的蝦燒賣相輔相乘，燒賣肥肉比較少，不肥膩，蝦就大大隻又份量多。瀑布流沙西多士$30正常中式點心店是沒有西多士，將西式的西多士和中式的奶黃包來一個Crossover甜度適中，又有奶香味，好美味。甜而不膩，非常好！

這次在朗屏覓食，去了一家茶居吃東西，環境舒適涼快，裝修較新派🙈。這裡的點心有很多選擇，還加入現代元素，所以有更多新款點心。這裡沒有加一服務費，可以更便宜吃點心嘆茶☺。-💥瀑布奶黃流沙西多士 HKD$30，把西多士切開後，大量奶黃一湧而出，很澎湃又吸引的模樣🙈。西多士口感脆脆的，但不會太油膩。奶黃味道甜甜的，熱辣辣吃挺好的。-💥鴛鴦鮮蝦網米腸 HKD$35 ，米紙用橙色和綠色兩種顏色製成，顏色鮮豔賣相更吸引🤩。腸粉口感滑溜溜的，米紙口感脆卜卜，蝦肉肉質爽口。-💥咖喱蒸土魷 HKD$28 / 青咖喱雞粒咸水角 HKD$25，這兩款也是有咖哩的點心。蒸土魷口感煙韌😚，咖哩味道濃郁。咸水角用咖哩製較少吃，味道帶微辣挺惹味。-💥養顏紅棗糕 HKD$24 / 宮廷桂花糕 HKD$22，這兩款甜點很喜歡吃的。紅棗糕味道清甜，熱辣辣吃很香口😋。桂花糕是凍食版本，桂花味很香，有杞子口感豐富。-

經過附近見呢間好似幾抵食，茶位又平，又唔收加一，梗係黎試下😍整體評分：7/10環境：6.8/10服務：6.9/10人均消費：$50-100地址：8號茶居 (元朗)元朗宏業南街22號虹方地下3B號舖瀑布流沙西多士（$ 30）：好有創意！第一次見點心鋪有西多賣！中西合璧～一切開個西多啲奶黃流心即刻流曬出嚟🤤🤤🤤正爆咖哩蒸土魷（$ 28）：魷魚唔會韌，食落好彈牙～仲要新鮮熱辣鶴鶉蛋燒賣（$ 27）：燒賣配上鵪鶉蛋幾夾😋重點係燒賣唔會過多肥豬肉豉汁黃鰭竹筒飯（$59）：黃鰭嫩滑多肉，更帶有淡淡的竹香，再配上豉汁！又香又惹味！😍海苔鮮蝦腐皮卷（$28）：呢個都幾有創意～加左海苔之後令腐皮卷更有鮮味

-8號茶居 🍵好耐都冇同媽媽飲茶了所以呢日特登晨早起身 去元朗飲早茶呢間茶居位置都幾方便 👍由朗屏西鐵站行過去3分鐘就到🍵蝦餃皇（$19）蝦肉比想像中大粒 啖啖肉 爽口彈牙👍🍵海苔鮮蝦腐皮卷（$28）個人同媽媽都比較鍾意呢個 腐皮卷煎得香脆 但一啲都唔油膩 而家餡料豐富😍 🍵鵪鶉蛋燒賣（$27）好少可食到燒賣係咁白雪雪但其實係好味 蛋岩岩好 啲蝦都係大粒口感有嚼口 食得出係真材實料 ✨🍵咖哩蒸土魷（$28）呢個蒸得啱啱好 魷魚唔會過韌咖哩味都好香濃 唔會過鹹 食到停唔到口🍵蜜汁叉燒包（$19）叉燒粒滿滿的 醬料都好味 唔會過甜👍🍵南瓜籽馬拉糕（$20）呢個馬拉糕係用咗黃糖整加埋上面有南瓜籽 口感比較有咬口而且食落感覺健康啲😌😌整體黎講 都幾中意呢啲點心小店💗平均質素都好唔錯 樣樣都係啖啖肉服務態度都好殷勤 快手👍

🤔大家有冇覺得開咗好多茶居? 點心相信好多人都鍾意食, 但年輕的唔想去茶樓又想食點心🥟, 茶居便應運而生! 而茶居點心一般都係自家制作, 比較新鮮及有誠意! 🚘之前搭表姐順風車經過, 就講明下次要試! 其實搭車去都好方便, 西鐵朗屏站 “朗屏8號” 出口, 喺天橋已經望到虹方2個大字, 落到地面過對面馬路就係! 🦐蝦餃皇 $19 ~ 勁大粒, 滿滿的蝦, 好爽脆! 皮又薄又滑! 🥟蟹籽燒賣皇 $18 ~ 如果話蝦餃係勁大粒, 咁燒賣係超勁大粒, 大過湯匙! 肉質好爽, 當中亦有蝦! 🍖蒜蓉粉絲蒸排骨 $26 ~ 份量頗多, 滿滿的粉絲吸收所有精華, 絶紗! 🐖鮑汁豬手 $36 ~ 炆得好腍啊! 鮑汁好濃但食飽都唔覺口渴! 🦐鴛鴦鮮蝦網米腸 $35 ~ 腸粉皮夠薄亦好嫩滑, 包裹香脆網紙, 唔同顏色有唔同口味, 蝦亦爽口彈牙! 🍚鮑魚雞粒竹筒飯 $49 ~ 咪睇佢好似好細盅, 足有2碗飯! 滿滿的嫩滑雞粒配珍珠鮑, 醬汁流入飯中, 唔駛加豉油都好好味!  🍵茶位只需 $5, 真係好抵飲, 又唔駛收芥錢, 點心仲唔會好油! 😯特別一提, 個辣椒醬好香, 堅香, 但於我而言，再辣啲更好!