8號茶居 (宏業南街)

營業中

休息中

今日和朋友到元朗朗屏附近整車,搞掂之後都已經下午五點,朋友突然表示想嘆返一盅兩件,但這個時間酒樓已經過咗茶市,還好想起之前曾經光顧過附近一家點心店,最終去到這家位於朗屏八號對面虹方地下的8號茶居, 全天提供即叫即蒸點心,燉湯及蒸飯等,餐廳裝修簡約, 類似茶餐廳的格局,環境光猛乾淨,座位也算寬敞舒適。鮑魚雞粒蒸飯, 作為晚餐,始終都有啲飯落肚才夠完滿, 蒸飯雖然唔算十分大盅, 但真係好足料, 鮑魚及雞粒完全鋪滿哂整個飯面, 配合店家特製的甜鼓油,吃得十分滿足。原盅花雕養顏棉花雞,平常飲茶都經常點棉花雞,但這道加入了花雕酒就比較特別,一上桌已經聞到陣陣的花雕酒香味, 魚肚及雞件都盡吸湯汁的精華, 每一口都嘗到淡淡的酒香,非常特別。雪山叉燒包, 外表酥脆,食落又唔會覺得好油,咬開裏面的叉燒粒唔會太肥, 叉燒醬鹹甜度適中,與甜甜的酥脆外皮配合得好夾。8號蝦餃皇, 一籠兩件大大隻,比市面上的酒樓的蝦餃大了一半以上,餡料蝦肉好多,肉質爽口彈牙,正!鴛鴦鮮蝦網米腸,顏色鮮豔又綠色又橙色十分吸晴,網米香脆, 蝦肉夠彈牙, 配合嫩滑的腸粉,口感豐富有層次, 不過如果一個人食晒成碟的話可能會覺得網米會有點

今日去咗8號茶居食飯飯同點心味道都好好，價錢又唔貴。❤️8號蝦餃皇$19皮薄餡靚，蝦唔會太硬，彈牙有口感，蒸得啱啱好。❤️香滑鮮蝦腸$30鮮蝦腸有好多蝦，腸粉好滑好好食❤️鮮蝦菜苗餃$19蝦肉鮮甜，皮薄餡多，菜苗夠新鮮😋最鍾意可以2粒2粒叫👍🏽😆❤️薑蔥牛柏葉$29好容易咬得開，配上薑蔥，好開胃。❤️咖喱蒸土魷$29咖喱蒸土魷魷魚肉質彈牙，咖喱味濃郁。❤️白汁海鮮雪茄春卷$13雪茄造型嘅春卷，好長一條都只係$13比咗勁多沙律醬，已經係咁點但最後都仲有好多🫣香濃嘅白汁海鮮，加埋脆口春卷皮真係好好食😋❤️青薑蓉蒸雞飯$49雞肉嫩滑，青薑蓉味道清新，夠味之餘又唔會太鹹，飯粒軟糯，飯同雞嘅味道完美融合，好滿足呢～😋😋總括而言，8號茶居嘅點心味道好好，服務態度亦都好好，環境舒適，係一個值得多次光顧嘅好地方😋📍8號茶居 (宏業南街) (元朗)元朗宏業南街22號虹方地下3B號舖

最近係social media 碌到幾個foodie 都推介呢間今日就等我去試探下先🧐🧐餐廳位置 附近都係啲住宅/工業大廈今次真係為左食 先會行過黎呢邊下次去另一間分店 可能會方便啲🤨🤨☕️蟹籽燒賣皇開初見到一籠得兩粒咁少😥上枱個刻我就明喇呢到一粒燒賣 就等於平時一粒半🤭☕️雪茄春卷🚬覺得好奇 所以點左但好奇心原來真係會死人😵春卷入面係白汁 大哥 唔是好match wor....🙃☕️鮑汁豬手🐽豬手夠入味 有皮又有肉 肥瘦適中☕️瀑布流沙奶黃西多士有流心效果 但不至於瀑布🌋而且....奶黃是沒有咸蛋黃的☹️☕️海苔鮮蝦腐皮卷炸得香脆 啖啖蝦肉 每次一定要食一條先夠😌可能係我點錯...點左啲伏既野食啦....😵😵春卷同西多士 都有啲失望☹️不過 其他點心的確出色 價錢相宜係附近經過 又諗唔到食咩好 都可以係到 嘆下茶 食下點心

朋友食完呢間大讚好味 不斷話要帶我去食今日終於抽到時間 同佢一齊食好彩朋友早到 拎左最後一張卡位🫡朋友之前剩係同我講飲茶 🫖 我以為係啲茶樓咁既樣點知門面🏬同間隔都似茶餐廳😯🍴蟹籽燒賣皇（2件）燒賣皇果然係燒賣皇兩粒超大粒 一人一粒 岩岩好😌🍴鮮蝦菜苗餃🥟足料 勁多蝦🦐🍴咖喱蒸土魷🦑好入味 唔錯🍴鴛鴦鮮蝦網米腸🦐🦐軟滑嘅腸粉 包住炸香左嘅 脆脆米網 中間再放滿蝦肉真正既手工點心 超多功夫 依家真係買少見少🥺見到一定要食😋🍴養顏紅棗糕紅棗味濃 口感煙韌 軟硬度剛剛好朋友果然無介紹錯 食物既質素真係唔差下次係元朗想食點心 我知道應該去邊到食😊😊

點了蝦餃未蒸熟，內裏全是生肉，食到有啲反胃，服務差，疑似老闆娘說話仲覺得我係想要專登想換過碟，水唔滾仲有怪味，坐喺隔離姨姨好好人同我講D肉太生唔好食，真係好差既經驗

今日主人👩🏼🐯淨係比$200budget叫我諗食咩🤦🏻‍♂️雖然有好多選擇但係呢樣又話唔食果樣又話唔食👍🏻真係麻鬼煩🤐🤐OK好彩我醒目🤔🤔星期日食飯唔想同人逼最好就係去飲茶🍵選擇嘅種類都幾多👩🏼🐯冇詐型🙇🏻‍♂️🙇🏻‍♂️🙇🏻‍♂️但係就冇試佢啲炸物同埋蒸飯今次就少少哋叫左6樣點心黑松露野菌粉果🌟🌟🌟🌟（黑松露味道濃郁，仲有瑤柱添，但個皮稍為淋左啲）8號蝦餃皇🌟🌟🌟🌟（個皮煙韌，鮮蝦彈牙）蟹籽燒賣皇🌟🌟🌟（肉嘅比例比較多）雪山叉燒包🌟🌟🌟🌟（雖然唔係白色面，但係外脆內軟）咖喱蒸土魷🌟🌟🌟（咖喱汁濃郁）鴛鴦鮮蝦網米腸🌟🌟🌟（香脆，但係稍為油左少少，唔係好食得出橙色同綠色嘅分別）回頭率：80%今晚唔使跪玻璃🥰🥰🥰

又到左星期日 出街食飯必經等位既日子😭經過元朗 經過咗好多間舖大排長龍 但係行完街實在太肚餓啦🥲突然間諗起朋友仔介紹一間新式茶樓 朋友仔知道我對食有一定嘅要求 真係食過好食先敢介紹俾我💓因為已經太晏 啱啱好喺佢8:30 last order之前落到單！必食龍虎榜🔥🔹雪山叉燒包$24 飲茶·一盅兩件 最緊要係新鮮滾熱辣！聽聞呢度嘅 呢度嘅點心都係即叫即做ʕ •ᴥ•ʔ叉燒包嘅外皮 非常之酥脆 麵包有好香嘅牛油味🧈！內餡嘅叉燒滿滿 咬落去啖啖都有料 唔會食左個空虛 👍🏻調味又恰到好處 唔會太過鹹同甜🧂相比起傳統嘅叉燒包 我更鍾意雪山叉燒包💓麵包質地非常好 唔會好似平時叉燒包會痴牙🤣評分：⭐️⭐️⭐️⭐️🔹鴛鴦鮮蝦網米腸$35最鍾意食油炸嘢嘅叫呢個腸粉就岩曬啦！滑轆轆嘅腸粉包住脆卜卜既網紙同彈牙嘅🦐網紙分左綠色同橙色 係視覺上👍🏻但味道上應該就係冇分別嘅🤣可以食可以唔食！評分：⭐️⭐️⭐️🔹黑松露野菌粉果$20平時喺其他茶樓都好少見到呢個組合，好香黑松露味 🍄入面餡料主要都係以菇為主 仲有少少瑤柱 整體味都唔錯👍🏻唯獨是可能蒸得耐咗少少 🤏🏻個皮偏淋 好容易就夾穿 變咗冇咗粉果皮本身煙韌嘅口感評分：⭐️⭐️⭐️⭐️

早上去飲茶，嘆返一盅兩件，同朋友到元朗朗屏站附近嘅八號茶居，食即叫即蒸點心同燉湯等。餐廳座位寬敞，感覺舒適自在。同朋友一邊談天，一邊飲茶食點心，賞心樂時。懷舊糯米雞散發荷葉嘅香氣，打開見到飽滿嘅糯米包裹著雞肉、火腿、鹹蛋等等配料，好足料。花雕棉花雞以原盅燉嘅花雕棉花雞，滋潤一下，養顏又養生。揭蓋後聞到花雕酒嘅味道，魚肚及雞件索盡花雕嘅湯汁精華，很美味。雞蛋牛肉腸粉經常食牛肉腸粉，呢款加入蛋絲嘅牛肉腸粉，食落牛肉配料有蛋嘅香味，配合嫩滑嘅腸粉，層次感豐富，味道配合得好夾。蝦餃皇一籠有兩件蝦餃，每粒都好大件，蝦肉餡料好多，口感爽彈。花旗蔘燉烏雞湯聞到濃郁花旗蔘味道，食落烏雞肉厚實，好滋潤。

成日黎依邊都係食隔離既涎，今次終於試左8號。款式都唔算少，叫左8樣野同一個蒸飯套餐，$8位茶錢。套餐：豉汁黃鱔飯 (+$8)+金銀菜燉豬肺湯+洽菜+桂花糕 ($85)黃鱔咸左d, 豉汁太濃稠太"傑", 撈唔到飯，好似叫左白飯食小菜咁，但飯蒸得粒粒分明，不錯。金銀菜燉豬肺湯清得黎又好夠味，豬肺亦都好食，但可惜只有兩小粒，少左d。蝦餃大粒，調味輕手返d 就更好。燒賣都大粒，味道正常。薑蔥牛柏葉味道不錯，又唔會太靭又唔會醃到太軟。香煎蘿蔔糕蘿蔔都算多，煎得夠香，好食。白汁海鮮雪茄春卷 樣有趣既，但唔睇返個名唔知有白汁， 過咸。香滑鮮蝦腸皮太厚，一上枱就咁睇面以為好薄，點知底個面有3、4層皮。手磨薑汁糕好有薑味，比返d 甜中和下好d。擂沙煎堆仔好食，黑芝麻內餡好香，甜度剛好。

二訪8號茶居啦😌 呢間點心店近排喺元朗又開多左間分店🫶🏻今次再訪虹方店服務依舊好好😍 姐姐會不停咁幫手加水💦點心即叫即整而且份量足料🤩食到超飽😂今次緊係試下之前未食過嘅😜 黑松露野菌粉果有驚喜呀😍外皮做得夠薄身又好滑！餡料多到爆出嚟😛野菌味道好突出🖤另外必須encore 鴛鴦鮮蝦網米腸🥳 滑身嘅腸粉真係令人好難忘！食落口感又脆卜卜😙 雜果沙律春卷表面炸到金黃色✨ 清甜酥脆🥰薑蔥牛柏葉都做得唔錯，食落薑蔥味好惹味而且爽彈燒賣大大粒飽滿彈牙😗 最後天氣凍左咁多，叫左養顏紅棗糕暖下個肚仔😌 有4件擺盤又靚🤪淡淡的紅棗味清香不膩🫶🏻 口感好煙韌😋Menu黑松露野菌粉果 $20蟹籽燒賣皇 $18薑蔥牛柏葉 $29鴛鴦鮮蝦網米腸 $35雜果沙律春卷 $25養顏紅棗糕 $24

早起的鳥兒有點心吃呢間點心食過幾次了 水準都保持到點心會有好特別的配搭 仲即叫即蒸最近仲開左分店~.🔸雪山叉燒包 $24喜歡"雪山"甜甜地的感覺中間叉燒咸咸的配合到相輔相成🔸蟹籽燒賣皇 $18蟹籽豬肉包住 大大粒的蝦🔸黑松露野菌粉果 $20呢個係一定要食🫶🏻大愛黑松露黑松露味濃 野菌切粒有口感 而且佢個皮好薄 🔸咖喱蒸土魷 $29🔸雜果沙律春卷 $25新奇的炸春卷 🔸香煎臘味蘿蔔糕 $27新年就食到驚 但冇得食既時間又成日都想食飲茶就係唯一會叫來食既場地蘿蔔糕都幾足料 粒粒臘味同蘿蔔味都出到🔸溫室青瓜叉燒腸 $28青瓜整的腸粉第一次食 感覺以為好奇怪但夾埋一齊食 反而多一份清爽 不錯不錯.📍8號茶居📌元朗宏業南街22號虹方地下3B號舖