8號冰室

營業中

休息中

今午外賣自取，竟見自己的飯盒在某處在地上（被人推或踢，因視線被阻）滑行2米出來，再被職員從地上拿起給我，我當面斥責，但佢哋若無其事懶理。這樣對待食物的態度，可想而知衛生程度，各食客自求多福！

恰巧到灣仔工作，忙裡偷閒，打算吃個下午茶，途徑這間「餐廳」，就試試吧，豈料⋯⋯中伏！餐廳之大，但客人包括我在內只得兩台，本應是較為清靜，但數位員工卻在高談闊論，不斷在談論賭博、私務，場內亦播放著極大聲量的音樂，仿佛去到90年代的酒吧一樣。最後那位女收銀員，更極沒禮貌，那副高高在上的咀臉更令人側目，她掛著玩電話，收錢要客人等她，還發脾氣大力扔計算機，真的不知所謂，非常後悔進內，所以以後決定永不幫襯。

第一次食早餐都想食個食評, 因為好耐無試過食到咁好食既早餐呢個早餐唔係好豪華嗰種, 而係好舊式, 可以話係懷舊既港式早餐. 火腿仿鮑魚絲通粉, 火腿煎蛋厚切方飽, 加埋一杯熱咖啡.通粉湯底唔係馬虎, 而係雞湯底, 通粉都係傳統滑身嗰種, 好耐無食過呢種味道. 火腿煎蛋塊火腿竟然有煎過, 少少燶.. 依家九成九都唔會煎!! 所以覺得係好有心做, 另外塊厚切方䬲, 飽面揸咗少少好似 XO 醬, 好香好味! 讚!杯咖啡如果鐘意飲傳統香港味道咁就啱晒你.. 完美香港味道早餐. 盛惠 $36.. 真係麥記都要咁既價錢

同事今日帶我來呢度食Lunch，因為上次經過時覺得都幾多人排隊同幾平下，所以同事今日就來試下。😊😊來到餐廳，門口己經有唔少人排隊，不過應該大部份都係等外賣，因為堂食同外賣都相差$5-$10 。。好在等左一陣就有位了。✌🏻✌🏻✌🏻點餐時本身想叫鰻魚汁海鮮炒意粉。。但Sorry Sold out~~😭😭😭 最後轉左叫葡汁豬扒火煺扒飯，同事就叫左肉餅飯，京都豬扒飯同芫茜皮蛋豬肉湯飯。。well，全部都係豬🐷🐷🐷😂😂😂. 個餐仲包左湯同飲品的。個湯一來到就見到南瓜雪耳湯，顏色對辦，但飲落。。。。得鹹味，無南瓜味，同事話係味精，其後我先知真係好多味精 (下文解釋)，我飲左2啖無飲到，同事們都一同停手了。。。。🤮🤮🤮第一個來既係同事既湯飯，一來到佢己經話啲肉味好奇怪，我地一班同事安慰佢，可能係因為雪藏豬肉啫，而家啲豬貴嘛。。。。之後到同事個京都豬扒。。個賣相okay，一食落佢就話唔新鮮。。。我地都係嗰句，可能用雪藏豬啫。。之後到我個葡汁豬。。um.....我終於明白同事既意見。豬扒無肉味，而且用得太多鬆用粉，只係用啲葡汁cover個味。。。唔只唔得，係勁難食🤮🤮🤮 為食如我都食唔落。。🤦🏼‍♀️🤦🏼

又去附近搵吃，要等好耐啊，第一次食，有驚喜常餐：火腿蛋包，西多，五香肉丁配河粉好足料，蛋包好吃好香，多士好脆口常餐：蛋包火腿加多士，豬扒配河粉，免費換蕃茄湯底豬扒好多块，好好味，河粉好滑好足料，河粉好多，良心店鋪包一杯熱飲午餐好多選擇，環境有些亂，但是還可以

左右兩間潮城魚蛋粉同Hello都食過，因為呢間次次門口都企滿人，所以就無幫襯，今日就特登早啲出去等位啦。原來門口咁多人都係叫外賣，因為平好多，但我地就照堂食，眼望10個有9個都係男士或叔叔輩，即刻覺得黎左阿叔茶餐廳。我叫左金沙雞絲炒飯，上碟。。。金沙呢？得幾點咸蛋黃，雞絲其實係雞塊，有啲硬。唯一吸引嘅係佢夠熱。同事食蝦醬海鮮炒飯，上碟時只見到一粒蝦，原來收埋哂響中間，海鮮只得蝦，但都有10零粒，不過佢覺得個飯幾硬，不食哂就停手。

這間出品的「水牛城熱狗」，用一條廚師雞肉腸當成熱狗腸，條熱狗用嘅包認真大條，相比那條廚師腸，到底那個地方似水牛城熱狗？那些精緻珍貴的配菜，真係要多謝晒出場為熱狗打氣！在香港各大餐廳也未見過做到呢個水平嘅熱狗，有晒名堂，改一個咁美式嘅靚名，可惜水牛城辣味就無，咁都可以賣出來，都是勇氣可嘉！請問圖中的所謂熱狗，那裡顯得出有水牛城特色？ 而熱狗的賣相，真的是非之嚇人！一間餐廳出品及品質也不能這樣吧⋯⋯這樣的出品真的是讓人眼界大開！

BBQ肥牛炒瀨粉($50)凍飲+$3經過灣仔辦工，就搵左8號冰室試下，坐低環境都幾舒服，望左望個餐牌睇落個名個個都幾吸引，好彩有廚師推介就揀左個BBQ肥牛炒瀨粉試下。唔洗十分鐘即刻送到，效率非常快。試左個炒瀨粉，相當有韌口，瀨粉勁有鑊氣。而肥牛就較少，對我來說就唔太夠食，加上肥牛的味道方面，味道偏咸。係灣仔食50蚊既價錢，大大份，絕對適合一班上班一族。至尊撈麵餐($47)凍飲+$3雞翼金黃香脆，咬落去仲有少少汁彈出，實在令人驚喜。但撈麵同肉鬆略嫌太乾身，令人成日好口乾。

兩小口打算去會展睇旅遊博覽，出發前諗住喺灣仔填飽個肚先，不過我地對呢區唔喺好熟，所以隨心入左附近一間冰室食午餐。拎餐牌望望，見到餐廳食物選擇都幾多，基本嘅港式炒粉麵飯同茶餐都有，我地揀左常餐同埋馬來炒貴刁。常餐($44)叫左沙嗲牛麵配水牛城奄列拼蒜蓉多士，跟餐有杯熱飲，轉凍飲就要加3蚊。沙嗲牛肉肉質軟腍，無咩牛肉味同埋味道偏咸，對我來說有點重口味。另外，蒜蓉多士焗到好鬆脆，面頭已經預先塗上了一層牛油，令新鮮焗好的多士食落更加香口。可惜的是，厚多士只有半塊，總覺得份量少了一點。接住拿起刀子輕輕切開奄列，些少尚未熟透的蛋汁慢慢流出，食落都幾嫩滑多汁，包在蛋皮裏的火腿絲加入了酸酸甜甜的茄汁作調和，食落好開胃呢。馬來炒貴刁 ($57)粉麵的碟頭份量都幾多，餸料有蝦仁、肉鬆同肉絲等等，餐廳落足料絕無手軟。貴刁炒得好有鑊氣，沙嗲味香濃但唔會太辣，味道不錯。

早餐是一日之始，要食過早餐才有力工作，今天因工作關係到灣仔區，試了個鮑片火腿通，味道普通，就是火腿的咸味而已，沒有鮑片鮮味，才$36不能要求太多。多士有蒜香，香口配脆邊。炒滑蛋便不行了，油油的，蛋香沒有

下午茶時間在灣仔附近，就近钻進了這家餐廳。鮮茄牛肉湯加了蕃茄酱和醋，又甜又酸，感覺口味好奇怪，仲要57蚊的價格，實在唔抵食。反而三文治和两個包很不錯，三文治的麵包🥪很厚有彈性，牛肉包和豬扒包有烘底，所以包的口感層次豐富，加上牛肉和豬扒的調味也做唔錯，所以可以俾高分。

復活假結束前夕老公話同我去拍拖但係我又受騙了佢帶咗我去會展做嘢先行到腳都斷然後慰勞我就去附近下午茶嚟左呢間8號冰室我哋嗌咗下午茶餐我食滷水雞髀配蒜蓉多士老公食唔知乜乜潛艇🤣🤣我略嫌雞髀細隻咗少少😅不過個蒜蓉包出奇地好味好有蒜蓉包香味，面頭仲有少少脆脆地反而隻雞比D肉唔夠嫩，小小鞋鞋地不過老公嗰個唔知乜嘢潛艇嘅餡就類似碎牛炒蛋，再加一塊芝士熱辣辣食落都唔錯👍🏻奶茶中規中矩下午茶來講性價比都算OK

依間8號茶餐廳都去過好多次最好食嘅當然係佢嘅任何早餐有腸仔炒蛋多士。今天同朋友一齊去食叫了沙爹牛肉麵腸仔炒蛋多士！真係烘很很脆口多士、牛油十分平均即叫即造，有鑊氣的煎腸 仔及炒蛋沙嗲牛麵到了~係我最喜愛既麵!!今天就比較差, 牛肉太多渣沙嗲汁味道唔濃比湯一沖所有沙嗲味都無哂啦！但碗沙嗲汁同麵勝在夠熱,牛肉又夠厚挽回不少分數!朋友食米粉話都幾好味！咖啡顏色合格；味道合格。只係合格，如果係即磨咖啡就更加完美！

一口西多士金黃色嘅西多次嚟到喇，糖膠係佢落埋畀你嘅 ，而呢個西多士食落去唔會太過油膩， 中間夾住嘅花生醬都夠多，而我就略嫌佢淨係得兩舊太過少啦，性價比唔高。水牛城牛肉包喺仲諗緊叫豬扒包定牛肉包嘅時候， 偷聽到隔離位叔叔話，牛肉包幾好食喎，結果我就嗌咗牛肉包嚟試啦， 由於個口唔夠大，所以個包呢要壓扁少少先至食得到， 牛肉味唔係好濃郁，但係佢嘅肉質唔韌， 我個人認為係畀佢嘅牛油同埋個醬汁味蓋過咗，變咗好似牛油同醬汁先係個包嘅主角。

🍯一口西多士🍞$33返到香港梗係要食返啲地道野啦! 今次係附近經過好隨便就入左去試下🙈份量係比我想像中的小😂我以為會有大約4個，但最後只有2個🤦🏻‍♀️西多士食落去唔會太油☺️炸得顏色唔錯，賣相都吸引😍同埋叫咗菜蜜🤤🤤🤤🤤🌶XO 醬豬扒炒公仔麵🐷$38送到過黎時候好香熱辣辣🔥最高放咗D肉鬆伴麵👀公仔麵硬度啱啱好👌🏻唔會炒得太鹹但豬扒份量比較小😫Overall: 7/108號冰室 (灣仔)灣仔駱克道125號安安大廈地舖