8號冰室

營業中

休息中

1.早上堂食，順便幫同事叫多份早餐外賣2. 叫份正正常外賣牛排早餐加通粉，飲熱檸水3. 同左佢講左通粉要分湯！4.啊姐無提到外賣盒收費，張單寫最終寫轉外賣total加左$65. 一份餐入面，逐樣野加外賣錢！熱0水加$2，牛排個盒加$2，通粉加$2！重點係通粉仲要無分湯！6.叫返佢分返湯，啊姐竟然話要再收多$2！ 一份早餐收$8外賣費！ 食物又唔係特別好食7. 生意唔係咁做，唔怪之得愈黎愈少人食。態度惡劣 永無下次

11點51分落單，當時得2-3台客，因為仲未到啲人放飯時間所以我地唸住茶餐廳食野快所以先食呢間，到左12點10分先有一杯凍飲都算，12點25分先有一碟飯我地叫左一碟咕嚕雞球飯同鮮茄豬扒飯，佢仲要12點20分先問我要豬扒定牛肉，係咪玩野？我地返美食展放飯得一個鐘，佢地班友係度搞啲外賣單，唔理啲堂食單不過都算，味道先係重點咕嚕雞球用甜酸汁，鮮茄豬扒飯又用甜酸汁？？仲要啲蕃茄都唔熱就知佢後期加落去雞蛋就得少少 同埋啲冬菇炒埋一碟比啲垃圾我地食收$57我地等到20分鐘先崔單，佢地一句唔好意思都無姐係平時呢間茶餐廳作風都係甘凍鴛鴦同杯凍咖啡差唔多味 叫佢多奶又無多奶求求其其就算 都希望佢地睇到可以改善下拉😊

Lunch 趕時間，隔離間酸菜魚太多人，見吾洗等位就入左咧間茶餐廳。無咩期望，野食都真係無咩特別，仲落錯單，趕時間無換到。咸魚雞粒炒飯，味道好淡，雞粒好肥。環境野食都一般，如果趕時間，lunch 搵吾到位，咧度都係個選擇。

這次的主角是五香肉丁公仔麵和蒜蓉厚多士，兩者的表現都讓我感到十分滿意。首先來說說五香肉丁公仔麵。這款公仔麵的麵條煮制得恰到好處。五香肉丁的香氣與味道，也為整碗麵帶來了極佳的飽和感。不過，總體來說，這款公仔麵並未超越我對一碗普通公仔麵的期待，我會說它“不過不失”。接下來要說的是蒜蓉厚多士。這款多士的蒜蓉味濃郁，每一口都充滿了蒜香。厚實的多士烘烤得外酥內軟，與蒜蓉的結合無比和諧。這裡的蒜蓉並未打破多士的原有風味，反而與多士的口感和味道形成了完美的搭配，讓我對這款多士極為滿意。總的來說，這兩款餐點都有其各自的亮點。五香肉丁公仔麵簡單而不單調，五香肉丁的加入為它帶來了獨特的風味；而蒜蓉厚多士則是讓人驚艷，蒜蓉的濃郁與多士的口感相得益彰。這次的品嚐經驗十分愉快，期待下一次的美食之旅。

員工都好好，其樂融融。環境正常，就係正常茶記嘅環境。服務就冇乜服務喇，唔好要求咁多。衛生就麻麻哋啦，話差又唔算差，但係又真係講唔出話好好咁啦。但係d嘢真係好鹹，我叫左份魚柳拼薯條，食物好新鮮，現點現做，但魚柳味道太鹹啦，要送飯食先冇咁鹹嘅感覺。。總結：就係一間普普通通、現點現做嘅正常茶記。

叫外賣要小心！！！！千萬不要堂食中再叫外賣呢間野如果你堂食緊，再幫人買外賣，外賣收費要收$4但如果你係出面入去買外賣只係$1，不知所謂的餐廳大家要小心此餐廳的胡亂收費

鹹魚雞粒炒飯，一粒咸魚都冇所以冇乜味，認真貨不對辦，食咗幾啖唔知自己食緊乜，唯有放棄唔食打包回家自己加料再炒過。檸茶淡茶色冇茶味，呢間嘢又唔係特別平，所以唔會有下次。

今日同男朋友去睇許廷鏗x吳林峰演唱會～～嚟到灣仔，本來諗住去食好西，不過放工時間真係好旺場，所以就誤打誤撞嚟到呢一間8號冰室！其實冰室同茶記差不多，不過叫冰室有feel好多🤣🤣同埋佢裏面除咗有茶記嘅嘢食之外，仲有特厚迷你西多士都好吸引🤣不過因為趕住去睇演唱會嘅關係，所以就叫咗一啲飽肚嘅食物，雖然炒貴刁同埋福建炒飯都係普通茶記嘢，但係出奇地好食特別係個福建炒飯，唔會吵到好乾身，而且汁夠多，海鮮嘅份量都唔少！地方同環境都幾好坐，有時過嚟食下午茶都唔錯🥰🥰

✨常餐配熱飲 $47👉🏻沙嗲牛肉麵配火腿奄列、蒜蓉厚多士沙嗲牛肉幾多夠淋 沙嗲汁令湯底好香濃😬配公仔麵啱晒！❤️‍🔥蒜蓉厚多士好出色😍雖然只有半塊多士 但好厚身🍞切咗蒜蓉碎上去🧄勁重蒜味超正啊🤤火腿奄列不過不失☕️奶茶都好滑幾厚身 唔錯✨常餐配熱飲 $47👉🏻香煎豬扒米粉配火腿奄列、蒜蓉厚多士豬扒加咗層蛋漿煎 夠厚身肉質又夠淋👍🏻好食米粉都算幾大碗✨時菜牛肉炒河 $59牛肉夠淋 但整體調味比較淡 加少少辣椒醬應該會比較好食😛上菜都幾快 眼見幾多上班族黎食 外賣快餐最平$42有交易 所以門外都有好多人等外賣 不過始終依條街有好多間冰室選擇 競爭都幾大 下次來附近都會試其他茶餐廳先🫣未必會回頭

本身諗住食另一間茶記，但因為太多人排隊最終放棄；之後行行下見到呢間8號冰室，就決定一試。門口有好多排隊買外賣嘅人，原來佢外賣自取比起堂食平好多，以一個碟頭飯為例，外賣$40而堂食就要$55，平成$15，所以吸引左唔少附近返工嘅人過嚟幫襯外賣。我地今日係堂食，侍應安排左近水吧嘅二人枱俾我地。先論環境，認真mamaday，室內光線昏暗，地方淺窄過平時嘅茶記好多，食食下飯隨時有人撞埋嚟，好似玩閃避球咁樣。不過，餐廳亦有優勝嘅地方，就係食物質素唔錯，同埋性價比都高！我嗌左一個常餐，炸豬扒蕃茄通配蒜蓉包+奄列，仲有一杯熱飲跟，都係$45咋，呢個價錢唔係喺好多地方可以搵到。味道方面，豬扒係新鮮即炸、香脆可口，而蕃茄通湯底濃郁，蒜蓉包同奄列都唔錯，成個套餐嘅味道水平不俗，超出$45嘅水平！加上份量頗多，豬扒大件之餘，仲俾左三塊，非常大方！整體嚟講，食物真係無得挑剔。服務方面，人手略嫌不足，但侍應做事迅速，唔會hea你，呢一點都係值得一讚嘅！

早餐見唔洗排隊 就入左去堂食 本身被安排坐卡位然後坐左落去要求我同朋友轉位原來係留左比熟客第一印象都已經唔多好而家落單過程女待應態度好差不過早餐都係快食 無同佢爭論亦都決定唔會再幫襯朋友叫左肉丁通粉轉蕃茄湯點知食到一半 朋友面有難色碗麵裡面居然有條熟左既鹽蛇比返態度好差既待應睇 佢既回應如下: 哦 係壁虎黎既🤮🤮最後話事人都係草草免左個早餐錢大家真係要小心 唯有當自己唔好彩不過呢間餐廳無論衛生程度 服務態度都真係令人好卻步!!!!

經過灣仔食個下午茶，諗住試吓新野，見到呢間似新開，環境ok, 就入去試吓。點知坐低睇個餐牌，奇奇怪怪，d名冇清楚講係乜都算，一幅相都冇，完全唔知乜野黎，例如8號牛魔王。Anyway, 都係想簡單食d野，問員工咩係牛油奶多士，係咪即係鮮油多，佢答我牛油奶多士囉！家陣我唔識字咩！問幾次之後，佢走去問另一個，終於有另一個答我係牛油＋煉奶。 結果，完全中伏，難食，好甜。好好地一個鮮油多，加咗煉奶完全變咗古古怪怪。價錢對於一件三文治黎講，我覺得貴。冇下次！

食物質素尚可既, 不過入面既員工完全態度差。叫左個炸魚柳早餐, 等左好耐, 問佢地咩情況....佢地就咁hea你話整緊。跟住阿姐整跌我個袋落地下, 唔好意思都冇一句。另一個阿姐貪方便, 將隔離枱食完既野就咁放左喺我地張枱, 邊有咁架？最後食完比錢喇, 收銀一句多謝都冇。態度差到咁, 令我唔會再想幫襯！

撞正動漫，下午茶時間近乎坐滿人，不少更一袋二袋戰利品！入座打算坐卡位，阿姐話「一陣多人要搭枱坐一邊」，我問會不會有隔板，阿姐唔識答...... 其後有個疑似老闆的說「坐住先」。坐下，點餐。個人宗旨，下午茶時間首選下午茶餐，點了瑞士汁雞髀配蒜香多士。不知是否茶餐廳對「瑞士」有不同演繹，這個雞髀的汁也不是偏甜的，不明是如何「瑞士」？！肉味方面也嫌醃得不夠入味，至於多士，味道正常。今次路過幫襯，印象普通，不會打算再吃。

叫了外賣公仔麵三拼香腸，漢堡扒，沙嗲鮮牛，轉了蕃茄湯底但沒給我！聽隔離講好好喝，好像羅宋湯，但沒給我！漢堡扒極難食，有陣怪味，怪到想嘔，條腸又乾，沒蕃茄湯清湯普通地差，麵也可以，奶茶不好喝，失敗。雖然唔係咩貴野都唔好做得咁差呀！