8番拉麵 (已結業)

趁今日可以早點食中午飯，同同事去了大食代食午餐，基本上你想到的都可以在此找到，台式，越南，港式燒味，日式蛋包飯，拉麵等，選擇都不少，令人不知如何地選擇。。。今次選了8番，因為日式拉麵餃子，感覺較為穩妥。。。😅午餐套餐（叉燒拉麵配流心蛋及粟米粒$45），需要飲品要另8元以上。我們各加小食（加$10）就有2隻雞翼或5隻餃子。一碗拉麵，包含3塊叉燒，麵的份量剛好，由於即場整，麵質地不會過淋。。。湯底一般水平，這樣的價錢，已經算不太差了。至於餃子，不是太熱，饀較為鬆散。5隻餃子連住上碟的，一分開逐隻食就必定破皮。。。雞翼外脆但肉質很乾，不推薦食，滿後悔加錢嘗試小食。。。。。

忙碌完一日，已經到晚上九點多。因為落大雨，選擇左係附近商場內食飯，今日目標係要快、有湯、有肉係商場美食廣場行左個圈，心底明明同自己講唔食熱氣野，但最後都係食左炸野。點左吉列豬扒拉麵+餃子餐$64等待時間大約7分鐘，搵下位，打2舖tsumtsum 就有得食喇。吉烈豬扒熱辣辣脆卜卜，厚度同筷子差唔多，炸粉雖然唔係紙咁薄，不過口感都唔錯拉麵口感啱啱好，湯底略淡（加左少少七味粉調味），溫泉蛋冇蛋味。好普通既餃子，味道普普通通，但唔夠熱總結：食物質素一般，但份量好夠

首先, 呢度真係一個FOOD COURT來的 , 期望本來不是十分大, 但上菜後又係另一回事落左單等佢先會開始整麵, 唔係一早整好晒響度執料, 呢點抵讚咁唔係太多人, 好快就有得食, 搵位可能比等麵更耐我叫左個小食, 係炒飯來, 究竟係咪叫小食呢個麵太熱, 就先食左個炒飯先, 炒得幾香喎, 都係有D蛋碎蔥碎肉碎咁, 真係好碎, 食左都唔覺 ,但都係香口既, 而且唔乾, 唔駛成日飲水解渴食完飯先食個麵, 我發現左個問題, 就係D紫菜浸到淋晒, OMG, 我完全忘記了唯有攪落湯都真紫菜食隻蛋係正既, 糖心蛋而家打字都流口水不過肉真係又薄又少, 希望可以加返D肉, 僅有的少少肉, 有d肥, 但一定好過全瘦, 食過全瘦叉燒既人就知我講緊咩, 全瘦的話會乾到不得了個麵好大注, 食完炒飯先食真係有D飽到頂住心口, FOOD COURT來講, 好過食碟頭飯好多

整體呢間8番拉麵既味道可以，食物感覺像快餐店的，等待時間唔耐，而我食完既飽肚感就一般。我今次叫既係款式係味玉拉麵，呢碗麵既糖心蛋有足一隻份量係幾好，可惜肉就只有一塊牙，但配有三塊紫菜同一撮芽菜算是不錯， 缺點係拉麵煮得算偏硬身，麵餅要撈一撈先可以夾到一撮麵條，呢點要改善下。五隻餃子皮簿身痴住一齊難分開，味道就還好，比其他一般餃子小。套餐加錢發售既和風薯條價錢稍貴，但是去光顧的客人愛食紫菜同粗身薯條的話係可以一試。