8番拉麵 (已結業)

黎旺角睇戲，晚餐係food court之中呢間8番拉麵，呢間野係日本都係連鎖，所以品質有d保證，筆者都唔止食過一次，都算係好食之列。筆者叫左個豬扒餃子拉麵，吉列豬扒即叫即炸，係真係吉列，唔係炸豬扒。麵包上得唔薄唔厚適中，食落香脆，礙於價錢問題，雖一缺點係豬扒本身唔夠靚，但吉列豬扒黎講係好食之列。喜歡吉列豬扒嘅朋友可以試下沾豉油食，別有一番風味。餃子就真係麻麻，係整定嘅，唔係即煎。因為只係暖而不是熱。但餃子皮薄料多，即整就正啦！而拉麵麵味好夠，但又唔會麵粉味過多，份量足夠。每啖麵都會覺得味道好豐滿，但又唔會膩。湯底濃郁但又唔油膩，而且配麵食又好上麵身，一流。呢個價錢，食到咁多野，又好味，算非常之好啦！用餐日期:16/2/2019是餐費用:唔記得,六十幾蚊味道:8.5/10環境:6.5/10性價比:7.5/10

I went to the counter and ordered Fried Rice and Eel with Roasted Pork for $53.Then the counter staff pointed to the board and told me to choose one out of four side dishes. He said it was INCLUDED in the price.  So i chose a side dish.  But, when i gave him $100, he gave me $38 change.  The new price was now $62!! When i challenged him, he told me that the original dish was $53, but it was $9 for the side dish.  Then he should not tell me it is "included" (i.e. "free").Looking at the sample dis

今日又比女朋友賣甩左，佢就去食好西，咁我呢？一個人又約唔切朋友，唯有又去食food court啦！其實唔係咁差架下我覺得，一刻既自由你估真係唔爽咩之前都食過8番其他分店，今日黎到旺角moko見到佢，穩陣喇！一個人小小地叫左個叉燒拉麵，套餐跟埋三隻芝麻雞翼，都係$59，都夠曬飽叉燒拉麵簡簡單單有3塊薄叉燒配幼拉麵加豬骨湯底，同沙爹牛肉一樣係最佳組合岩曬我一個人快靚正，食完早D返去抖！呢度既叉燒我要強調，唔好以為薄就唔好食，佢薄得黎半肥瘦，味道出色唔係肥淋淋，望到都想反胃果D............以食物質素計，呢碗拉麵唔輸蝕呀

今晚單拖食拉麵。炸豬扒拉麵加餃子。成個套餐六十蚊。拉麵湯底不錯..但比較偏咸小小。炸豬扒都頗有肉汁。外皮炸得不錯。但餃子🥟比較懶。餃子皮好軟。我食左兩隻都唔太想食下去。整體來說碗拉麵算不錯

今日好趕時間，一個人上到moko咋咋林去food court搵野食其實選擇都真係幾多啵，基本既pepper lunch, 加埋其他粥粉麵飯, 花多眼亂不過今日想食湯麵，就去左8番拉麵喇叫左一個極黑醬油豬骨拉麵配3隻雞翼$63有碗麵仲有小食，呢個價錢又真係好難抵擋食左隻芝麻雞翼先，即炸出黎好脆，趁熱起筷極黑醬油類似黑蒜油，淋上豬骨拉麵面擺面有大量京蔥絲，同麵一齊食，好夾呢個價錢呢個質素，絕對會再來食

經常覺得MOKO餐廳選擇好唔豐富，就算約朋友gathering都唔會考慮，偏偏因為搭火車嘅關係，多左機會上去覓食。今日同男朋友on diet就諗住簡簡單單食個晚餐早D返屋企，一講簡單就係上food court揀左「八番拉麵」今日食左八番拉麵，太麵配餃子太麵即係粗麵，連住同樣係粗切嘅野菜一齊食係好夾，無論麵身嘅彈牙，加埋JUICY野菜嘅口感，非常好！加埋標準豬骨湯，比平時食開嘅麻辣同喇沙又冇咁肥膩，岩曬要減肥嘅拉麵控。加多5隻餃子，對於女仔黎講已經太豐富，男仔相信都夠食總括黎講就係抵我追捧！

是日Lunch因為想行上moko行下, 所以去左moko個food court食野~moko個food court有好多間餐廳的, 咩國家嘅菜式都有~而我今日, 就揀左食日本野 - 8番拉麵!                       咁呢, 佢有3張menu的~ 其中一張係lunch menu~~lunch menu d麵就相對平少少啦~ 但佢就冇小食送的~要另外加$~而廚師推介嗰d, 就送一個小食~可以揀5隻餃子/ 芝麻雞翼3隻/ 吉列炸蝦2隻/ 8番炒飯(小)。因為我想食餃子同流心蛋~所以我就叫左廚師推介的味玉拉麵配8番餃子(5隻)。合共$56。叫完等左大概5分鐘左右就有得食了~今日food court唔多人, 大把位~但有時多人d呢, 就要花少少時間搵位了~味玉拉麵   配8番餃子(5隻)  ($56)因為我中意食流心蛋, 所以叫左呢個, 咁就有原隻流心蛋(2邊蛋)可以食除左流心蛋外, 仲有一片叉燒, 3片紫菜~ 入面仲有芽菜~流心蛋整得好好,  蛋黃係溏心的~蛋白都浸得好入味~ 有少少酒香~ 好食!湯底係豬骨湯, 係奶白色的~湯底濃厚, 唔錯~餃子,  外皮好薄~但略嫌唔夠

火車站附近剪完頭髮，上moko搵啲野食填肚。一個人當然係Food court啦。Moko 大食代比較比較高既樓層，上左好多層先到。不過唔緊要！最緊要有好野食！今日揀左8番拉麵🍜極黑醬油豬骨拉麵 配埋餃子拉麵粗身彈牙有口感，唔會過淋（平時如果有得麵硬度，個人係一定揀硬）但呢個麵做得好標準，加埋塊薄半肥瘦叉燒、大量蔥絲、椰菜，成個湯底香同甜再加多份餃子🥟呢個係好好味既一口餃子！原因係皮薄餡靚，好過好多貴價拉麵既餃子，大家不妨去試試

在附近見完客剛好是lunch time, 一個人打算到foodcourt來個快食。-點了8番拉麵套餐 ,套餐包括了粟米、溏心蛋, 加$9還有兩隻雞翼。-醬油豬骨湯底 - 先呷了一口湯, 非常燙咀, 正合我意,味道濃郁, 濃稠剛好, 最怕那些過厚過稠的湯底。蔬菜異常地多, 起碼我在坊間從沒吃過有蔬菜的拉麵, 然而拉麵與蔬菜是極之配合的, 一邊喝湯一邊吃菜, 全無油膩感覺。-雞翼佈滿芝麻, 新鮮炸口, 極之香口,炸得一點也不乾, 時間控制得剛好, 還有肉汁留出, 好味!-才$56, 超值呢!

約左frd睇戲，點知佢約左人食飯唔同我食，自己一個唯有去foodcourt睇下有咩食啦呢個foodcourt都幾多野食，行左個圈，比8番拉麵嘅麻辣牛肉拉麵吸引左碗麵有芽菜、木耳絲、蔥同牛肉，配料好足好豐富，欣賞木耳絲爽口嘅配搭本身以為得兩三片牛，點知份量一啲都唔少！食極都有麵嘅口感幾特別，喺出面好似無乜食過湯都好正，無諗過日本拉麵會有四川風味的麻辣湯，出色個餐送埋粟米溏心蛋，估唔到隻蛋都好有驚喜，好溏心好好味無諗過foodcourt呢個價錢都食到如此質素嘅拉麵，絕對可以再食

睇完戲要搵D野食下 9點幾都係得返Food Court可以揀 求其D野食下 最後揀左間拉麵味玉拉麵 8番餃子 拉麵硬身 我接受到湯我都飲左唔少 個味幾濃 幾好味 我好岩叉燒得一片 少左D 可以多1-2片就已經好好多女朋友話隻蛋有酒味 但我又唔覺喎 但隻蛋係好食既 至於餃子都算皮薄多汁 因爲大家都唔肚餓 所做叫左一個餐2份食對Food Court冇咩期待 食得落口唔難食就ok啦我覺得還可以 有機會可以試下

睇7點40分場既戲，時間真係好尷尬，入戲院前買左少少野食，叫做打左個底，唔知係咪睇戲果陣飲左好多野，睇完戲都唔太肚餓。-落左一層，food court仲未關，諗住求其搵啲野落下肚算。-味玉拉麵 + 8番餃子（5隻）拉麵就一定似係超市買一pack果啲嫁啦，略嫌硬，有少少鹼水味。😲湯頭係味精湯，偏咸。叉燒唔錯，肥瘦適中，肥膏幾香😜藍妹覺得佢隻蛋好特別，有好重既酒味，唔知係咪佢用酒浸過🥂好味道！一口餃子，一啖就可以食完，皮薄好脆，多汁😋-Food Court有咁既水準，都算唔錯嫁啦。

今日,返工返到悶悶地,突然間好想食拉麵,於是一lunch time就走左去food court既8番拉麵度食,叫左碗野菜叉燒拉麵併煎餃子,拉麵尚算彈牙,煮既時間岩岩好,個湯底味道濃郁,岩哂我,叉燒非常入味,咬落又唔韌,最好食係個餃子,煎得非常香囗,值得再黎。

自從中學畢業之後 就好少去新世紀廣場但BU呢個美食沙漠驅使左我同同學仔竟然去到太子食lunch🌚橫掂都唔知食咩 一於去食代館逛個圈睇下竟然同學仔同我都想食八番拉麵我地大家都叫左#叉燒拉麵 ($48)湯底是豬骨味的 稍為咸左啲叉燒得兩塊 仲要好薄 而且味玉係熟蛋黎嘅整體上麻麻地😶________________________裝修環境：✨✨✨(好多大陸遊客🙄)服務態度：✨✨✨✨食物質素：✨✨✨(5個✨為滿分)________________________唔信我嘅可以自己去試試😂

已經八點幾了...好肚餓遲放工無辦法啦約人去新世紀食個飯...諗到去Food Court食最快...行了一個圈，最終決定食拉麵真係無諗咁多...最緊要止肚餓先人數：2位地點：新世紀廣場3樓食代館8號檔環境：平日夜晚八點幾，大把位選擇食物：兩碗拉麵金澤拉麵套餐配芝麻雞翼2隻 ＄48唔理咁多 即刻快食兩啖先...嗯 麵質彈牙 整體上味道還可對芝麻雞翼比較有興趣...結果...外面炸得夠脆了但裡面雞肉「無味」既？！麻辣擔擔麵套餐配8番餃子5隻 ＄56湯底濃郁餃子皮薄易入口