影片
貧窮人的日與夜，所指嘅貧窮人當然就係我，我有工返有糧出，老闆對我好好，但係入不敷支，唯有講句無可奈何。在職貧窮呢個社會現狀，正正在我身上面發揚光大，冇辦法唯有係咁樣，人生就係咁，我唯一嘅救星就有「7仔」之稱嘅，7-Eleven。一個$10嘅「7仔」下午茶餐，就抵了我嘅早午晚三餐，救活咗我。下午茶餐我選擇咗 「撈麵加柚子蜜」 柚子蜜，係韓國柚子蜜，聽到韓國嗰兩個字即好似矜貴咗一啲咁，味道甜甜地 好清新，好啱秋天飲。撈麵就係好出名嘅印尼撈麵，甴店員即席喺面前撈畀你睇，感覺好用心好親切，個麵唔會話好咸又唔會話好淡，因為醬汁就係佢原本嘅醬汁，如果嫌唔夠味嘅話仲可以自己加啲茄汁落去仲夠味道。
繼續閱讀