666泰船麵 (仁愛街) (已結業)

行入去會覺得都好舒適，枱與枱之間唔會話好迫咁，同埋餐廳一路播歌同MV，幾啱老友小聚海南雞飯(正常)$45 + 水門醬$5要加醬汁架！雞味道同份量都pass泰式炸蝦餅$38非堂食都仲脆！！屋企嗰小朋友食埋我嗰粒！哈哈胡椒豬肚湯$25首先估唔到泰式菜館有呢款湯，而我本身係好中意，亦估唔到係成晚最驚喜都係湯！入口係濃濃嘅胡椒味呀，暖身足料抵飲泰式生菜包(中辣) $45我幾recommend叫中辣，辣辣地先醒胃，生菜新鮮份量足，不過炒肉碎對我嚟講有少少過咸喔——————————————————————-題外話，疫情期間我多數都拎走，每個盒加$1 。外賣包得好穩陣，起碼唔洗怕啲湯瀉，同埋食物都keep到溫度以街坊價黎講！！唔會太多要求，總之抵食！

好一陣子沒有出街吃晚飯，今天終於出來吃飯到了，mikiki附近的一間泰國菜吃好西。這間餐廳的好處是它的主菜都有大分少分，如果吃的分量不多，可以叫很多不同的東西吃。 很有趣 ！這裏有一個沒有味精的花膠雞湯，我和朋友決定一試。另外，當然要試試泰國最出名的船麵，一個牛肉小船麵，此外我們亦加了一個咖哩雞飯及豬肉串燒。花膠雞湯是真材實料的，來都是有兩片小花膠，味道不錯，飲完也不會覺得渴因為是沒有味精的。20多元的一個咖哩雞飯，雞和飯是分開上的，份量也挺大，而且味道也挺不錯，性價比非常之高。船麵湯底好像是用豬骨煲成的，味道濃郁，而且上面鋪滿材料，少少一碗就有幾片肥牛，一舊牛腩和一些蘿蔔，肉丸，豬皮等。串燒相對地就比較貴，四十多元3串，豬肉上加上沙爹醬，吃完全部兩人也足夠飽了。

《新蒲崗 -性價比極高的泰國菜 》「666泰船麵」位於新蒲崗嘅仁愛街，係一間性價比極高嘅泰國菜餐廳，價錢十分優惠，$20幾就可食到碗船麵 ，$30幾就食到個海南雞飯，食多幾碗都唔洗驚冇錢俾呀🤣餐廳嘅食物嘅款式有好多選擇，樣樣都好似好好食咁，而且價錢勁平，好難選擇啊！😂經過一輪嘅掙扎後，終於叫咗以下嘅食物：泰式海南雞飯 $ 32/細size雖然只係$32，但啲雞係絕對夠食，雞肉勁滑又嫩，雞皮好厚，好有油香味，勁正呀。配埋佢地特製既海南雞醬汁，又香又辣，好快就食晒成碗了😍雙丸金邊粉 $ 28/細湯底非常香濃鮮甜，金邊粉彈牙有咬口，配料方面：有炸豬皮、牛肉丸、豬肉丸、蘿蔔、泰式通菜和芽菜，用料十分豐富。泰式酸辣鳳爪 $38食落唔多夠酸辣味，有進步空間🙂🙂飲品推介呢個芒果椰果，幾好飲🙂

咖喱牛腩飯, 原價係$76, 但係得3粒正常大小的牛腩, 其餘都只係幾粒碎牛腩, 之後薯仔重多過牛腩, 數數埋埋有10舊,不如叫咖喱薯仔飯?  好過份!!!今次真係頂唔順,第一次上OpenRice留差評!

一個比較差嘅外賣體驗！外賣等左差唔多一個鐘多啲先送到目的地，啲嘢食都唔係熱辣辣，味道麻麻地。牛肉丸金邊粉$51- 牛肉丸份量偏少，性價比低，唔值呢個價錢。椰青咖喱蝦餅配黃麵$68- 咖哩味唔香，有少少過鹹。蝦餅唔係分開上，俾咖哩汁浸淋唒，鹹得嚟冇蝦味。黃麵好大陣鹼水味，咖喱汁都蓋唔住佢嘅味道。例湯係一碗味精水。淨椰青咖喱牛腩$49- 除咗咖哩汁過鹹，牛腩都唔好食，肉質偏瘦導致咬落又乾又鞋。

說好的雞湯係水咁濟.河粉都唔知係咩河粉 一併野😂😂一塊豬肚一塊瘦肉 total百幾蚊 從來都唔寫食評 今次真係忍唔L住 sorry！呢個絕對係趁得上我一生人食過最最最難食的河粉

今次同大家推介呢間泰式餐廳~（扮主持mode XD）顧名思義，以船麵做主打，泰式野一向都平平哋，但未必間間都有質素，但呢間真心正！豬肉船金邊粉以前對船面麵冇乜好感，聽聞正宗麵嘅其中一種材料係新鮮豬血，因為我唔食豬紅，所以一直有啲抗拒。幸好友子有叫，試咗一啖之後即刻解鎖！湯底好濃味，見到餐廳有介紹湯底係用秘制醬料同埋新鮮豬骨藥材熬製，飲落好舒服；蘿蔔好入味！！脆卜卜嘅東西好似係炸豬皮，我見過佢哋係當零食，將佢浸湯就有啲響鈴嘅效果！成碗粉好足料㗎~ 有豬肚、豬肉片同埋豬肉丸！初嘗泰式船麵嘅我真係覺得相逢恨晚！p.s. timeout也有推介呀

666泰船麵就真係值得幫襯，環境有特色、價錢相宜、食物夠地道，各方面都好親民~有TIMEOUT推介~泰式海南雞飯（正常size)緊係無論如何都揀返一個穩陣之選，非海南雞飯莫屬，雞肉滑滑的，點埋配醬很鮮味， 唔係好知道個醬有乜嘢材料，相信係餐廳秘制，出色嘅；唔好睇個飯無乜色，每啖都充滿雞油香，呢個海南雞飯合格而且略高分~泰式炸魚餅食泰式餐廳點可以唔叫小食~ 666呢間超多選擇，心大心細之下都係揀返炸魚餅，始終呢樣先係最能夠代表泰式。份量估唔到有5塊，CP值高，都幾辣，差啲handle唔到，哈哈，但係好食嘅，唔會有粗糙嘅魚骨，外層微脆，重香料味。

去唔到泰國旅行，原來係香港都食到道地嘅船麵🥰，4點後外賣仲有85折，幾抵食👍🏻以下標示價錢係原價未計折扣🌟黑松露海南雞飯 $65第一次見加左黑松露嘅海南雞飯，有驚喜！連個飯都係黑松露油飯黎，仲好香！唔需要其他醬料個海南雞飯已經夠哂味啦！🌟牛肉船麵 $46有分細同正常size，今次揀左正常size都係四十幾元都幾抵食！第一啖就試飲左個湯先，完全係道地嘅味道，仲好香甜！牛嘅份量都幾足夠，有牛丸、肥牛同牛腩係入面。🌟泰式炸魚餅 $32魚餅配上酸辣醬perfect池🤣，本身都好鍾意食泰式魚餅架啦，辣辣地好惹味😆。🌟牛柳沙嗲串燒 $42牛柳整得好軟熟👍🏻，沙嗲醬有好多花生粒，花生味夠哂，不過就唔太辣，如果辣返d就會更好。

同閨蜜2個女仔過嚟新蒲崗搵嘢食: 666船麵🍜🍜哩間泰式嘢粉麵飯/小食/湯都有🥰🥰呢度嘅粉麵飯餐可以嗌細或者正常size，女仔食細啱啱啱好仲可以留返個位飲碗湯🥰🥰 同埋嗌小食😆夠細心！ 今次就試咗呢度嘅冬陰功海鮮湯金邊粉（細）🍜椰青咖哩豬扒飯（細） 🍛🍛冬陰功湯底濃郁，酸味辣味配搭得啱啱好😋 椰青咖哩豬扒 估唔到叫咗細size 都有三大片 豬扒🐷🐷厚身煮得啱啱好一啲都唔乾，咖哩汁配白飯勁開胃👍👍花膠椰子燉雞湯好清甜👍飲得出佢冇味精泰式手工炸蝦餅🦐🦐 一口size細細件😆炸到金黃色 😍😍蝦肉非常彈牙👍凍柚子蜜😆 用咗呢種泰式嘅啷口盅樣鐵杯🤣 好有泰式香味👍👍

電話突然壞掉，真的很苦惱，猶其資料盡失，心情絕對跌到谷底，朋友安慰說能修復部份資料已是萬幸，倒不如我買些好吃的回家開懷大吃，我在電話店呆等亦不是辦法，他說的也是呢。淨椰青咖哩牛腩是道地的泰國料理，牛腩切塊，並添加薯仔熬煮，咖哩醬汁則依序加入咖哩粉，椰青水，香料等煮成，入口甘美濃醇，後勁香辣帶勁，牛腩煮得軟腍，蠻有泰式風情，搭配米飯吃一流香蘭葉包雞也是泰式餐廳必吃的小食，外層的斑蘭葉脆到不行，打開斑蘭葉，炸雞散發誘人的斑蘭葉香氣，雞肉外脆內嫩的口感完美觸動味蕾，沾上泰式甜酸醬，雞肉的甜味勾勒出來，迷人滋味在嘴裡漫延開去。泰式海南雞飯真的好吃得令人回味，油亮亮的海南雞肉質鮮美細緻軟嫩，值得給大拇指。海南雞飯油香十足，極度涮嘴。自家製泰式凍奶茶非常細滑，且不像一般泰式奶茶死甜，啜飲一口，充份感受到茶香與奶滑恰到好處，非凡結合，奶茶獨特郁香縈繞在口腔。

年年都會去一轉Bangkok , 疫情搞到邊到都去唔到, 好彩係新蒲崗搵到間泰國船麵，完全還原到泰國風味！牛肉船金邊粉 💲46船湯好濃，唔重味精，食完唔會覺得口喝。牛肉份量好多，金邊粉夠哂彈牙。 湯底浸到 蘿蔔都好入味 又無渣，好食到一碗大碗都覺得唔夠喉🤣花膠椰子燉雞湯 💲25個湯燉到好濃，用料豐富， 椰子肉同花膠都好好味，女士一定會好鐘意泰式手工炸蝦餅💲38炸到外脆內軟， 每一粒都好彈牙，食得出真係用好多蝦去打出泥🤤豬肉串燒 💲40火候控制啱啱好，唔會燒到太乾身， 自家製嘅 花生沙嗲醬超級超級香口，後悔無叫埋雞串食。想去泰國又去唔到嘅朋友， 過嚟新蒲崗感受下味道先啦😝

搭車經過成日都見到呢間野，今日終於有機會黎試下。 入到黎幾有格調，偏暗既環境加上牆身植物，裝飾同埋燈光幾有特色。✨野食款式都幾多，鍾意佢麵飯可以㨂細size, 咁就可以試多d 唔同款。✨花膠椰子雞湯（$25): 平時買鍾意飲椰子雞湯，呢個湯味道濃郁，有雪耳同埋件好爽彈既花膠。✨泰式海南雞飯（$45): 個油飯就咁食都好有味，搭埋d 椰菜絲好爽口。個雞一讚真係好嫩滑，雞皮又夠晒爽，點埋個汁真係好正好惹味👍👍👍✨泰國餃子金邊粉（$38): 第一次食泰式既餃子，個饀有d 金不換既味道都幾特別。雞湯好清，金邊粉夠彈口， 配料仲有蘿白，通菜，芽菜，啱晒鍾意清新口味既朋友。✨泰式炸魚餅（$32): 魚味好香加上辣辣地既香料都好惹味，不過對唔食辣既我黎講都幾辣。

經過舖頭 見到openrice有好多好評，價錢又好似好平 ，所以咪入去睇睇。 叫咗個船麵配河粉同埋咖哩牛腩配麵。船麵落到枱嘅時候，已經係淋曬一pat pat，感覺好似煮咗好耐擺埋一邊等有人叫嘅時候就加啲湯落去， 啲河粉係黐住隻碗嘅。咖哩牛腩份量同味道係ok，但係配嗰個麵就小到太搞笑。 一個麵餅幾錢呀，唔使少到得一啖㗎。食完之後出到門口就已經感覺到味精超級頸渴， 飲咗好多水但係都不能解到， 味精唔係唔畀你落，但係都唔使咁重手。

今日lunch同同事食好啲, 黎咗新蒲崗越秀廣場附近嘅呢間泰船麵食, 一人叫咗一個麵再share啲餸🥰 呢度啲嘢食價錢都好抵, 叫多幾樣都唔貴~雞翼金邊粉 ($42)我最鍾意嘅combo! 有雞翼同金邊粉~ 雞翼好大隻好肥美, 皮脆肉滑, 加上沾咗少少花生碎(?) 好有口感😆 金邊粉份量對女仔黎講啱啱好, 男仔可能要叫多啲小食先夠喇~ 湯底好濃, 鹹鹹哋, 金邊粉索咗少少汁咁好香~雞肉串燒 ($40)40蚊有三串雞肉都幾抵, 串燒加咗啲甜甜哋嘅醬, 雞肉嫩滑多汁~腐魚通菜 ($20)通菜應該係白洽嘅, 再加啲腐魚汁, 腐魚汁係一大pat放曬喺面, 要撈勻先好食, 唔係嘅話面頭會超鹹咖~ 加咗腐魚嘅通菜真係好香口~椰青 ($35)估唔到個椰青會咁大個! $35夠兩個人飲! 仲係包甜, 唔甜唔收錢嘅添! 果然飲落清爽又甜👍🏻