616牛肉火鍋專門店 (三陂坊) (已搬遷) 新店位置

616我諗大家都唔會唔識啦 基本上最出名就係食牛 出名多種類又平 咁啱依家又開始涼 最啱就係打邊爐啦😆未食過既一定要嚟食下 舖頭好細心咁係枱紙度已經寫哂咩食要烚幾多秒 點咩汁最好食 真係唔怕會食到老牛😂 湯底其實都唔差 今之叫左牛骨湯同酸菜魚湯 兩個都好入味 不妨可以試飲下👍🏻不過如果大家想飲湯為主既話就可以慳番啦 佢地湯底選擇係比較少😂同市面比係有一段差距 無論係種類定係味道方面 But who cares?我都係嚟食牛既啫 飲湯我去第間啦🤪

我老公係616忠實擁蠆,今日收早,就帶我黎食.之前已經食過,但我實在分唔清邊隻牛打邊隻牛. 只記得上次食過吊龍拌&牛肉餃好好食!可惜老公唔欣賞, 就食佢平時食開既,,今次點左牛清湯,用牛骨淆成,好香又唔會搶晒食物味道. 好掂.入面仲有好多白蘿蔔..好抵食..今日去埋單仲有88折.今次點左三款牛匙柄 - 我覺得油脂感太重 同佢陣牛味唔襯 一般橫隔肌 - 牛味 好重 淋身 好好食牛陀風 - 比起橫隔肌, 呢款更重油脂. 但同牛味相襯. 好食.牛筋丸 - 彈牙 有口感 味道唔會好味精墨魚滑 - 彈牙爽口 好食

呢間火鍋店長期都座無虛席，如果唔想等位嘅話，可以去OpenRice預早book定位，㩒幾個制就得㗎啦👍佢呢間主打不同部位嘅牛肉火鍋，牛有牛味，肉味香濃。每個部位都想試吓睇吓佢有咩分別。唔想食嗰啲垃圾火鍋放題，呢間會係一個好好嘅選擇❤️

前個排去朋友屋企打邊爐就決心要叫616既牛黎試我地3個人 點左個2人外賣餐每碟牛既份量上唔算小 不過又未到多最印象深刻既係匙柄 滑尾龍真係好少火煱店有以前都只係係大陸食過一次宜家唔番大陸 總算可以再食到咁正既牛

叫牛既時候會比張紙你, 介紹下牛既部位。但其實我都唔係好識分, 哈哈!但d牛肉係真係好唔錯, 我鍾意食d有咬口, 所以牛脊感覺幾好! 成張單都唔算好貴, 4個人去, 900幾蚊, 不過又唔係叫左好多野食! 但整體都算唔錯! 

去到已經見到大排長龍，好彩有提早訂位，鋪入面以舊香港作為主題，見到有好多舊式零食同熱水壺，坐底叫嘢食就用平板電腦落單，如果以鮮牛肉款式來講都算幾多款式選擇，吊龍有牛肉味但唔係好濃，比較特別係牛心都有得食，仲有就係佢地自家推出原漿啤酒，味道唔會太苦，偏向淡味，4個人食平均每人三百左右，價錢係有少少貴，但我覺得係值個價錢，可能到最後無咩人，本來食100分鐘但無人趕我地走，我會再去encore多次，如果去記得提前訂位，因為鋪面細，枱少要等比較耐

本人是牛魔王，所以616非常啱我。今次食荃灣店，味道不錯。因只有兩個人，所以只叫了四款牛的不同部位，分別是匙柄，吊龍，三花腱和黃喉。每一碟都各有特色。要這樣食才知道不同部位的肉，肉味和質感都是不一樣的。細細碟，可以試多幾款

#06032020近排由於肺炎關係，大家都減少左外出食野，多左好多舖頭提供外賣服務。不過，連打邊爐都可以外賣，我真係第一次試（之前都想試左好耐既其中一間黃店）。616出名既就係牛，有好多唔同國家唔同部位既牛。今次嗌左7款，由上至下排出😋😋😋牛上肋：油脂分佈好平均，好軟好有牛味安格斯橫隔肌：少油脂都柔軟西班牙雪花胸肋：偏向多油脂，但淥完就唔油膩澳洲和牛內裙肉澳洲五花趾美國天然肩胛翼板：正常打邊爐牛肉牛鴕峰：最濃牛味但質感偏鞋除左牛之外，都有其他配料嗌既，例如水魷、手打墨魚滑。我個人覺得無咩特別，所以屋企打邊爐的話可以自己配其他野。不過有個小食好值得推介，油趣魚皮。佢係辣辣地又好惹味既一個前菜小食。個魚皮個樣望落去好似好淋咁，其實好爽口👍🏿如果鍾意手工啤既朋友，佢地都有自家製啤酒（同埋都有啲非酒精既飲品）

其實係未爆肺炎前黎食架啦～最近見火鍋店既生意都唔好所以特登黎打返篇食評支持下🐮其實佢地轉形做外賣都幾正呀只係我屋企附近無！！！牛魔王真係會勁鐘意呢間餐廳🐮但如果淨係想打邊爐既話真係未必岩因為大部分都係牛黎如果想食其他野 呢到既選擇一定比唔上火鍋店✨橫隔肌✨牛頸脊✨五花趾✨肩胛翼板全部肉都好新鮮架你見佢色水偏暗紅就知啦！印象中五花趾比較爽口牛頸脊就比較重牛味，而且油膩豐富，肉身比較厚✨蝦滑新鮮～✨手打牛筋丸呢個肉汁好豐富 爆汁～

麻辣湯底，様似足重慶大紅鍋，其實係正宗內地麻辣鍋味，辣度對香港人來講也不算太辣！口味也幾重，唔錯啊！牛胸爽，一塊塊奶白色的牛胸爽，食落非常爽脆，入口溶化，牛油味超重，好好味。其實牛胸爽是牛胸部位的兩排肋骨中間的肉，肉質爽口而不油膩，非常喜愛食。手切本地鮮牛頸脊，鮮牛塊，厚切，一塊一塊放落碟內幾靚，肉質帶鮮牛味，牛羔味重，尺寸大細合適。手打墨魚丸，墨魚鮮肉造，手打形式出品，肉質Q彈，丸內有墨魚肉粒，囗感不錯。手打牛丸，鮮甜美咪，彈牙爽口，新鮮肉味。

今日有幸黎到616一嘗牛肉火鍋。聽說這裡有很多不同牛肉的部位可食，於是趕快叫牛。呢度醬汁自取，有一般醬汁外，還有自製牛肉汁。黎到呢度，當然要試試牛雜湯底，但貪心的我們當然黎一個鴛鴦湯底(沙嗲加牛雜)。呢度用ipab點餐都幾方便，自行點餐最好，可以減少不必要既誤會。牛既種類太多。有黃喉胸膀牛心牛舌橫隔膜吊龍伴封門柳牛坑爪等等。但最特別係有自家啤酒，原漿啤酒(水，啤酒花，酵母，麥)。只用最簡單的味道配搭火鍋，實在一流。個人認為如果牛迷一定好喜歡。因為各部位都可一嘗。建議沙爹一定要叫油豆腐串。真係超級好吃。

第一次嚟食，知道係黃店所以嚟試試我去嘅係比較早 有折嘅時間 所以相對較為抵👍🏼不過我只係一個廢青學生，無咩錢😂所以我都無話好瘋狂咁嗌 要比較的話 就一定放題盡慶d㗎啦！不過，佢的確有佢既特色！所以我覺得值嘅，作為窮學生我都無睇價錢咁嗌食到飽turn out $220(我自AA己個分)首先，佢真係好多款牛，啲部位我聽都無聽過。我鐘意嘅一個位係佢menu (iPad)上面有介紹個款肉係點，有咩特別。牛有牛味 湯底都唔錯～湯我中意酸菜個款！ 我幾中意食”醉牛”(唔記得個名了) 其他都好食 但我真係唔記得個名😂推介喜歡食牛嘅人嚟食！但要注意，佢真係大部分都係牛 唔愛牛嘅人嚟到會無野食

係寒天之下，有一班三五好牛知己，聚埋一齊去食牛，真係人生幾何。以前多數上深圳食潮牛，但最近幾個月都無再上去。好難得係香港搵到一間食牛不同部位既專門店，當然要去試下啦。打邊爐個湯底當然係重中之重啦。附近有人叫咗個花甲湯底，睇落都好多花甲，好足料。不過我地就叫咗最基本果個湯底--「理想點"鮮"」，純粹有牛腩、蘿白。但個湯底應該都有牛骨去熬製，所以飲落去又清又甜，又唔會口渴。加上中意食有味菜既我，皇帝菜係必點之選。我地食咗幾款牛，包括：滑尾龍、吊龍伴、脖仁、澳洲和牛-內裙肉、手打牛筋丸。如果以價錢黎講，牛既質素絕對係物超所值。最重要既係，桌面上有張圖講埋俾你知，每款要淥幾多秒，包唔會過火。當中，最好食最有牛味既，係吊龍伴。 好食過澳牛！牛筋丸都唔錯。打邊爐唔少得既，當然係啤酒。因為第一次黎唔知訂，下次會試下佢既手工啤，都好多人叫黎飲。

呢間邊爐既牛肉好高質! 餐廳入面有好多圖話你知呢塊擁有一個奇怪名既牛肉係屬於牛既邊到🐂, 而且上菜連單上, 大家唔洗再飽受食完都唔知係咩/想再嗌但叫唔出名既痛苦~ 用平板電腦點餐仲有埋圖添👐🏻<湯底>一個沙嗲: 非常濃郁, 開始個陣好少湯, 滾起已經變左沙嗲醬, 加水之後味道依加係咁濃~一個牛肉湯: 入面有幾舊仔牛肋肉煲到腍哂, 湯底都幾香, 用佢碌完牛再浸佢個秘制牛汁好正🤤👐🏻<滑尾龍>出場即刻介紹本場MVP, 牛如其名真係好滑🤤比起一田買既滑牛再要滑啲! 蛋汁唔知有冇對牛既滑度起作用總之我將佢倒埋落個牛肉湯到食埋啲蛋花🍳<牛舌>第二位! 👅牛脷eater表示呢個牛脷很可以! 😋 口感好正,都因為佢大塊薄片碌一碌食得, 唔會韌之餘直頭係好爽口既🗣<牛朴肉>牛朴肉係我心目中既第三位, 第一次食佢不禁問左下"呢碟係咩"🤨牛肉味正之外肉質好嫩, 真係睇佢唔出, 明明係最普通既肉片樣...<安格斯橫隔肌>正常發揮既安格斯, 牛味出色! 不過由於滑尾龍太掂掂, 安格斯冇五星🌝<?>真係唔記得佢係咩,

-「黃藍是政見，好食是良知！」「唔通黃店係垃圾都要去食咩？」於是最近我收到很多尋黃店查詢🙈不僅如此，連街坊也問我能否推薦黃店lol黃店不是垃圾，從今天開始加入好味黃色經濟圈😤♥《主打牛肉》這家是專吃牛肉的專門店🐄不但提供不同部位的牛肉，每碟更奉上紙仔方便分清各部位👍平板電腦也有各個部位的介紹～～很貼心，也方便不太懂吃牛肉的朋友🥰嘗試各款牛肉後，發現真的有分別耶！平板電腦上的介紹的確是值得參考😛😛♥《兩款豬肉》不吃牛肉嗎？的確有點可惜🥺這裏提供兩款豬肉，也有一款豬肉餃可選🐷都不錯，新鮮且紋理分明！♥《海鮮》不吃牛也不吃豬😱？Okay，還有少量海鮮！蜆肉湯底非常吸引呢❤️不過要早點來，很早售罄另外還有扇貝、魷魚、墨魚滑等等🦞海鮮我會推介墨魚滑，手打新鮮軟滑！♥小提示 Tips：我特別喜歡這裏的舊香港裝潢🇭🇰而且使用平板電腦點餐，方便又快捷～ 值得一提的還有配料，豉油和牛肉汁也很美味！喜歡牛肉的朋友來試試看吧🥳