6號冰室 (已結業) 查看

Lunch hour周圍都勁多人，但咁啱又勁肚餓，見到呢間冰室唔洗等位，即刻入去坐。💔沒有系統的安排。由於一行三人，第三位朋友之後先到，期間一直有員工安排其他客人坐我地枱隔離，5分鐘內講左3次有朋友黎緊。最後佢就咁叫其他客人坐落黎。我亦叫我第三位朋友不用黎了。如果人齊先可以入座，我覺得可以直接講。而入座後我們亦立即點餐，冇拖時間。雖然係茶記，都唔洗咁港式服務嘅😪。💔食物唔好食海南雞飯正常，一般正常味道。濕炒牛河，牛肉雪藏味勁到咁樣炒出黎都遮蓋唔到。然後當日我食完係肚痛，肚痾左兩次嘅，不過痾完就冇事，我諗純粹唔新鮮。凍飲係正常港式味道嘅，用鐵杯保溫。不過，再食不了。

下午過嚟諗住食個下午茶， 點知叫咗個泰式海南雞清湯河，令人十分差感覺，首先就畀杯苦澀嘅奶茶你，煲過火，跟住海南雞就一條條柴咁鋪喺面頭，心目中諗住會分碟上及有海南醬比你點，點知乜都冇而且淡而無味， 總覺得嚟錯了地方。

最近一直處於忙碌既狀態，終於有時間寫返啲食評...呢間「6號冰室」係我8月16日時候去用餐既...一直放係度未有機會分享當日中午出左官塘買野，行完街就當然要醫下肚架啦唔知點解當日既胃口特別想食西多士講緊既西多士係有花生醬餡+金黃糖漿個種本以為呢種西多士會好易搵...點知我行左勁耐都搵唔到!!因為依家好多餐廳做既西多士都無花生醬餡，一係就轉左用練奶代替糖漿行到個肚越黎越餓...唯有退而求其次，咩西多士都妥協經過「6號冰室」見到佢下午茶有個「6號西多士」好似幾特別喎...即刻入去試試佢!!由於當日係假日既關係，店內唔算多客，所以有卡位任揀等左一陣個西多士到啦「6號西多士」符合左我既花生醬餡+金黃糖漿要求之外，仲會另外跟埋一杯類似阿華田粉俾你另外加上西多士咁食法都係第一次...估唔到都幾夾，不過真心係甜左少少...建議加少量就夠，或者唔好加咁多糖漿西多士非常厚身，即叫即炸熱辣辣既西多士就最香內層既花生醬非常濃厚，仲有少少花生粒每一口都好滿足，好耐無食過咁邪惡既西多士呢個下午茶非常滿意，下次有機會再試下佢其他食物

人生第一個Openrice評價就係俾左呢間野！難食到不得了！幾乎係我人生食過最難食嘅冰室或茶餐廳。我見外賣晚餐原價$65，外賣自取有8折定85折。而我就係經Openrice外賣自取叫左兩個餐。第一個係秘製豬軟骨：雪味重到不得了，完全無啤水！仲要醃得非常鹹，只有雪味同鹹味，真係一啖都吞唔落！成味餸放左係度。個芡汁又打得差。第二味係西蘭花炒魚塊：魚塊又「梅」又無味！質素本身唔好都唔緊要，又唔走一走油或者做好啲個調味，成個餸淡到不得了，完全唔知食左咩。

今早去咗試吓6號冰室食，早餐選擇多，我選擇咗鮮茄鮑絲腿通。個番茄湯底好好味仲好濃好多茄粒，多士又好味.加埋個餐好大份..勁飽囉。下次一定會再食😋😋😋😋👍🏻

平時一定會check 左review 先入餐廳 今日好想食茶記，亂入左一間茶餐廳。 個午餐menu 好簡單， 兩版一眼睇哂， 53-58 左右 送湯同飲品。 睇嚟尼到最出名既係荷包蛋飯， 張張枱都有人嗌呢個。我叫左個豬頸肉河粉， 加奶茶， 食物份量好大， 但味道平平無奇。 失望既係炒河冇港式茶餐廳既鍋氣， 我覺得自己係屋企炒都炒到.... 有好多九層塔， 香料係夠， 但又唔夠咸（ 我都已經唔係好食咸野） ， 係咁落鹽 失望

今日經過紅茶人太多🥺，諗住走點知經過見到有間冰室，咁就行左入去啦，冰室黎黎去去咪又係常餐特餐，好啦女朋友叫佢常餐食下，😌係瑞士雞翼出前一丁，加配滑蛋，多士，我自己就叫左佢蔥油雞扒飯😚，等左二十分鐘，雞扒飯先到，但個常餐完全無左影，問下姐姐，姐姐話:今日好多常餐單，我明，因為都係得常餐同飯姐。但係無理由個炒蛋二十分鐘都炒晤到。咩蛋咁巴閉。。等多4分鐘，麵到左好明顯就係熱水加出前一丁，個熱水跟本就煮晤麵，麵上面仲係有白色未煮熟既狀態，點食呀大佬。一間基本既公仔麵都煮晤好既冰室。。。。無下次囉。。

本身諗住行去紅茶食嘅，經過呢間6號冰室好似唔錯，個樣似潮潮地，即係滑蛋好滑、多士好脆果啲，咁就入左去食喇。實情係好普通嘅佬級茶記囉，叫左個滑蛋韮黃叉燒炒河 — 佬級茶記滑蛋如圖，味道就都係咁啦，主打填飽個肚果種。另一個係焗豬意粉，伙記好好，原來焗豬係晚市先有，但問左佢有冇佢話有，咁就食到月呢份份量奇少，個碟勁淺嘅焗豬意喇！味道又係好普通，意粉好淋，得⅛粒蕃茄，好意思叫懷舊鮮茄焗豬！🙄不過最大穫係飲品，奶茶的奶、茶、水係完全分開分階段嚐出來嘅，無論你鍾唔鍾意飲奶茶嘅都會飲出呢個感覺。可力都可以出事，即係孤寒囉！😖

觀塘真係好多好嘢食😎由於我係經常出入呢區，所以今次又去咗發掘下好嘢比大家😆呢間茶記都算新，只係開咗2個月😎觀塘區嘅價錢黎講，都屬於中規中矩🥴但佢呢個越式蔥油系列，真係可以媲美越式餐廳‼️🔹蔥油雞扒餐肉太陽蛋飯$53 ：有驚喜🤩鍾意食蔥油嘅朋友一定唔可以錯過👍🏻蔥油味勁香☺️最正嘅係仲要加埋隻流心太陽蛋🍳蔥油加蛋汁🤤餸飯真係一流👍🏻而塊雞扒係煎過，外層香脆，Size亦都唔細😍$53又雞扒又餐肉又流心蛋，都算係咁😎🔹台式肉燥鹽酥雞扒飯$38 ：呢個就麻麻地啦😪肉燥唔似台式肉燥，醬汁比較稀身😵味道唔夠濃😥而且都唔係鹽酥雞🤥同蔥油雞塊雞扒一模一樣🙄餐牌個名要改改啦😓如果大家有機會去食的話，記住唔好叫肉燥🙅🏼‍♀️極力推薦「蔥油系列」‼️評分味道：4/5（蔥油系列）服務：3/5環境：4/5性價比：3.5/5回頭率：4/5

呢間冰室開左幾個月，成日聽同事講野食唔錯，今日終於都可以試試。早餐好抵食！只係$34！味道係好食既而且份量大份，推薦個沙嗲牛肉出前一丁+火腿炒蛋+蒜蓉多士👍🏻👍🏻個沙嗲牛肉份量好多、味道好夠，而且啲肉一啲都唔韌，有得揀炒蛋或者煎蛋，我就揀咗食炒蛋，炒蛋份量都好多，而且佢係厚身嘅炒蛋，炒蛋食落好滑，食得出係用靚蛋！而且地方都算闊落、坐得舒服😌姐姐亦服務態度非常之好，下次可以試埋其他早餐或者午餐！

觀塘港式茶餐廳數量非常之多，有時真係多到唔知點選擇好。莉莉子一早黎到觀塘，想買新年衫之餘，自己都想食個豐富既good morning 早餐。沿住觀塘駱駝漆大廈，莉莉子見到一間店外係全黑色裝修既茶餐廳☺️☺️甘特別當然要試下。早餐既選擇非常之多，數數下竟然有成10個，重要有番茄湯選擇，配埋唔係方包而係蒜香多士呀😎😎莉莉子叫左蕃茄豬扒通粉，留意返塊豬扒超級大塊同厚底，一d都唔硬，非常香口。蒜香多士蒜香重但比較濕，整體算係中上😎😎

諗住試新野就叫左一個小菜 - 茄子班腩煲同一個火鍋 - 肥牛火鍋 配日本豬骨湯底小菜個例湯好似洗野既水味茄子唔入味火鍋料好差 唔好味湯底冇味 冇豬骨又冇咸味。。。貢丸有好重冰鮮味 魚蛋好粉食到中途冇火 咁就叫人換火啦個職員換火時要拎起個煲跟住就將d湯倒落我男朋友腳到！條褲同個袋都係湯最驚係第二枱換火時 又差d倒瀉 個煲都係斜放倒瀉湯果個只係輕描淡寫講左句sorry之後有個女職員出黎講sorry個女職員係有禮貌既但d食物咁難食我係唔會再幫襯👎🏽中過伏一次 不了

上星期因事去了觀塘，順便在官塘吃午飯，今次去了位於駿業街的6號冰室。這間是新開的餐廳，裝修光猛，地方也見闊落。餐牌上，除了一般冰室茶餐廳供應的食物、套餐、早餐和下午茶餐外，還有不少是餐廳自創的食物。與朋友們商量過後，決定點餐廳自創的食物試試。蔥油肉眼扒太陽蛋飯餐牌說蔥油是越式蔥油，吃起來很有蔥香，肉眼扒份量也很大，牛肉味不俗。太陽蛋是流心的，有蛋汁，用來拌飯一流。焗經典鮮茄豬扒飯豬扒飯單看賣相已經不錯，無論芝士，番茄和豬扒的分量，都很充足。微酸的番茄加上啖啖肉的豬扒，是不變的絕配。义燒蛋飯义燒蛋飯幾乎是人人都吃過，义燒通常是切丁粒後再和雞蛋一起炒。這裏的卻是將半肥瘦叉燒切片後放在蔥花炒蛋上，賣相吸引，半肥瘦义燒更見肥美甘香。蔥油雞絲腸粉正常腸粉吃得多，但加了蔥油雞絲的，卻是第一次。據說雞絲是用新白切雞做的，所以雞味濃郁；加上用了蔥油，比平時的腸粉多了一份蔥油香味。腸粉夠熱夠滑，米漿的味道也不薄。泰式雞絲腸粉同樣是雞絲腸粉，不過換了泰式口味。泰式酸辣醬不會掩蓋了雞肉的香味，絕對迎合喜愛吃辣的人士的口味。薑汁咖啡/奶茶奶茶和咖啡是不少人光顧茶餐廳、冰室必點飲品，這冰室除了有一般的奶茶咖啡外

新開張就走入去試吓，叫咗碟蔥油豬扒飯，成十分鐘先到，杯凍檸茶大半杯冰，成碟飯涼的叫收銀換佢話係咁一係叫我換第樣，我話其他唔啱食佢費事睬我，好老實咁既服務一定冇下次

最近，駿業街熟食市場對面地鋪有新食肆《Cafe 6》開張試業，一於試試食餐午飯。甫到埗等了約五分鐘，便能入座，都幾有效率至於餐牌選擇都還可以，價錢都屬經濟。最後，小弟選擇了烤豬扒配日式咖喱蛋蓋飯 配 熱好立克 $55固定餐湯 - 南瓜忌廉湯，很creamy但味道偏淡，沒有南瓜味，略為失望主食 - 烤豬扒配日式咖喱蛋蓋飯，日式咖喱味道剛剛好不會太淡；本身蛋蓋飯以為是蛋包飯，當見到是滑蛋飯，帶點失望，但可接受的，始終煮得幾滑。至於豬扒就烤得香口，惜略乾身和偏瘦，須改善。熱好立克則正常發揮看來該店須改進食物味道，趁試業期間要做得更好，食客方會吃回頭草吧