5% Cafe

營業中

休息中

旺角鬧市中其實有好多Cafe，今日就search到呢間位於彌敦道之上嘅5% Cafe。一入門口就見到有好多唔同嘅board game，排列整齊，適合三五知己嚟歡聚幾個鐘。Cafe內環境開揚，亦不乏打卡位。雖然嚟到已經係下午茶時段，但仍然有lunch set供應，因為我哋未食lunch，所以就選擇咗豐富啲嘅lunch set。套餐已經包括左$40以内嘅飲品，如果想升級的話都只不過係補返差價。朋友就揀咗接骨木綠茶，唔算好甜仲幾清新，加上夠晒冰凍，真係透心涼。薯條排列整齊，睇得出店員嘅心思，而且每條薯條都係外脆內軟，熱辣辣非常好食。呢個黑松露手打牛肉芝士漢堡就更加出色，首先佢嘅麵包係經過烘焙，然後搽上牛油，口感猶如多士般香脆可口，而且佢嘅手打牛肉漢堡扒非常厚身，又夠多汁，面層嘅黑松露醬仲搽得滿滿厚厚的，絕對係不計成本嘅製作！另外仲叫咗卡邦尼煙肉意粉配mocha。雖然叫咗熱飲，但都好大杯，而且呢個係屬於$40以內嘅飲品，無需補錢。呢個卡邦尼意粉就不過不失，味道都屬於合格以上，而且意粉份量都唔少，扮鬼扮馬蠟筆小新仲偷食咗我隻天婦羅蝦添🤣🤣

好失望，就算係一間board game cafe都唔應該俾啲咁差既食物客人食。雞扒冇味、waffle冇味，薯條都冇味。我用七折優惠去食，但食完覺得自己蝕底左因為佢七折都唔值，我本身唔想講咁多，但OpenRice一定要我留至少200字先俾我留嬲嬲，我唯有寫多啲：Waffle pizza: waffle好硬，完全冇味，靠上面既芝士既味道，而且千島醬海鮮waffle, 每塊上面得一隻蝦。雞扒薯菜：雞扒冇調味，薯條冇調味，唯一可取既佢夠熱，係新鮮炸起。

今次同個fd嚟呢度邊聚邊食嘢，環境真係唔錯，好悠閒舒適，仲有好多款board game玩，疫情下無得去旅行都可以喺呢度chill下 ♡ 而且個環境好啱打卡影靚相，有霓虹燈牌，非常有feel🥰5%黑椒手打牛肉芝士漢堡配薯條 $148（餐跟$40以下飲品，其他飲品需補差價）手打牛肉非常之juicy同埋勁厚身(⁎⁍̴̛ᴗ⁍̴̛⁎)入面仲有啲洋蔥粒，食落脆脆地好有口感☺️麵包有微微烘過，黑椒汁有少少辣，配埋蘑菇同埋蕃茄菜 都幾清新，配埋薯條very nice♪( ´θ｀)ノ日式天婦羅蝦卡邦尼煙肉意粉 $108 （餐跟$40以下飲品，其他飲品需補差價）卡邦尼好creamy，仲有滿滿嘅拉絲芝士，配搭埋煙肉口感十足😋配一條炸蝦天婦羅，夠曬香脆😍美中不足嘅係上菜嘅時候唔太夠熱，有待改善凍榛子Latte $48（跟餐 +$8）咖啡尾韻好順滑，唔會死甜用酒杯裝嘅形式好特別，上菜嘅時候朋友覺得幾似啤酒🍻Chocolate smoothie $56（跟餐 +$16）朱古力沙冰杯邊嘅朱古力碎碎再加埋上面嘅cream非常邪惡🤪杯邊嘅朱古力有啲似繽紛樂，真係超甜！ฺ 優惠：like 社交平台 page 登記成為會員，可享有九五

紅日返工，今日補放假出街輕鬆一下。到樓上Cafe是一個不錯的選擇，有得食有得玩又坐得舒服。有防疫的措施，洗手液、登記資料便條。選了一個開揚的窗邊位，可以看到彌敦道的人潮，在炎熱的夏天都有不少大飽眼福的畫面。點了食物後就可以選桌遊玩。香港人越來越喜歡玩桌遊，店內有很多款，細盒的適合較少人數或者大盒的適合較多人熱鬧玩的都有。今次人少少就選一盒輕鬆的，一邊看著規則一邊等食物到。點了一個招牌午餐，跟餐加配特飲Rainbow，顏色很鮮艷，而且調配得層次分明，看到Menu時猶豫了很久，既想喝咖啡，又想嘗些得意的飲品，最後咖啡還是敵不過繽紛的色彩。小型Boardgame學得快又玩得快，玩了一會就聞到黑松露那陣獨有的香味，食物送到了。始終無法避免有黑松露必試的習慣= =先趁熱食薯條，很香脆，比老麥的粗少少，茄汁應該是地捫的（麥記茄汁真的好難食），有淡淡的甜味，很開胃。然後是漢堡，由於那塊手打牛肉漢堡實在太厚，只好用刀叉來吃，打算先吃一層包時有驚喜。這塊包是烘得好像豬仔包那麼脆的。沾了少量的黑松露醬和芝士、還有搽了牛油，淨是塊包已經夠曬好味。手打牛肉漢堡多汁、口感也豐富，吃到一些好像牛筋一樣煙韌的部分。

高氏大樓都有唔少樓上餐廳～ 今日就試2樓嘅呢間5% cafeCafe好闊落 都係梳化卡位 坐得舒服 有啲霓虹燈裝飾仲有好多board game玩 一大班人黎就最啱(限聚令完咗後)🤭 日式天婦羅蝦卡邦尼煙肉意粉 $108Carbonara好creamy 有蛋香味 仲帶少少芝士嘅鹹香味 意粉亦煙韌但唔會太生煙肉分量超多 每啖都食到😂 天婦羅蝦黑椒雞扒拼司華力腸配薯條 $108大大塊雞扒🤭 好juicy同黑椒汁好夾司華力腸就有半條 薯條亦係即炸 Dinner Set跟一杯$40嘅飲品榛子朱古力補$5 芒果百香果綠茶～另外一讚呢到waitress好好禮貌 唔講仲以為去咗日本🙈

假期前夕，我哋兩個想輕鬆出去傾吓計食餐飯，又唔想去有限時嘅餐廳，所以選擇咗旺角區嘅樓上Cafe。呢度交通都好方便，上到嚟都比起一般旺角Cafe寧靜，可能通常嚟食嘢嘅客人都係傾偈。另外，呢間嘅設計有啲日式嘅歐洲風格，梳化位都坐得幾舒服我哋叫咗嘢食有以下：雙重芝士焗肉醬意粉味道剛剛好，芝士濃郁，蕃茄肉醬份量都足夠，焗得幾香。榛子朱古力（熱）喜歡係上面有心思嘅圖案，榛子味濃郁，唔會太甜，剛剛好抹茶紅豆白朱古力窩夫窩夫餅底有濃郁嘅牛油同埋麵粉香氣，好鍾意！抹茶同埋白朱古力醬香甜，加上紅豆容令味道口感更豐富呢度嘅店員都好親切又善😊感覺好好呢度都有提供唔同boardgame俾人玩開心的晚上😊之後日子約朋友都有多一個好好嘅選擇

疫情前，閒時都喜歡去樓上cafe消磨時間。疫情開始後就中止左。不過，心癮難耐，今日決定唔理咁多，照去樓上cafe放鬆下。呢間5%cafe特別之處一，係不定時有唔同既主題，可以另客人保持新鮮感👍呢個idea唔錯。睇周圍環境，就知今個禮拜主題係全民造星3雖則我都過左追星既年紀，不過見到呢啲海報，postcard, 都滿有回憶。心靈上即刻年輕左喜愛樓上cafe, 最大原因當然是可以任玩Broad Game啦Card game係我至愛呢度私密度高，除左分晒卡位一格格之外，職員都好識趣唔會黎打你。不過，唔識玩broad game要人教既時侯，落order或者埋單，都可以按鐘，職員就會過黎呀啦香脆龍利柳配牛肝菌汁長通粉塊魚好大塊，成把刀咁長。外層脆口，一切開啲煙就噴出黎，真係即叫即整先有咁既效果。肉質很嫩滑不鬆散，冇雪味。牛肝菌汁好好味，好似濃郁既磨菇湯，啲長通粉吸晒啲汁，一個字5％黑椒手打牛肉芝士漢堡配薯條原本都想食漢堡但肚餓所以叫左長通粉。但朋友就order左呢個5％牛肉漢堡 ，原來咁大個，好誇張。佢食完個漢堡已經飽左，要我幫手食薯條。香脆好味既薯條，我當然肯幫手食啦Chocolate Smo

旺角呢啲黃金地段，想喺地面搵間cafe都唔易，不過就造就成好多樓上cafe嘅特色，十間有九間會有boardgame俾大家玩吓打發時間，大胃今次去嘅呢間都唔例外做定功課，見好多人上嚟就係食佢個漢堡，究竟係咩原因咁受歡迎呢？可能係因為手打嘅關係啦，誠意加分，仲有咁大pat黑松露醬，雖然個包唔係大size，不過味道會令你唔會食剩咁大嘥另外薯條大大條又炸得剛好，都幾頂癮㗎大胃好鍾意食牛脷，見到佢咁大碟意粉又有四大片牛脷，真想尖叫起嚟！雖然牛脷冇經煎煮，但腍腍地嘅口感先係最正夜晚嚟cafe就唔飲咖啡啦，飲吓特飲就差唔多，無酒精嘅Mojito好重薄荷味同果味，相當特別胃民就叫咗好smooth嘅朱古力，晚餐後確實需要甜一甜嘅對住繁忙嘅夜景食飯，呢個時空頓時變得好慢

今晚跟友人到了最近都幾多好評的5%Cafe. 不過試完，就覺得好一般。.Cafe沒有特色裝修，都是一般cafe有玩有食，用少少相裝飾牆壁。不過，服務態度值得一讚，落單上菜以致結帳，侍應姐姐都好有禮貌。.食物方面，🍔漢堡被大力推介，當然要試下，不過食完覺得又真係一般，無咩特別。薯條厚切，可惜太油，不脆。🍝 意粉方面，點了紅酒燴牛脷，但紅酒味欠奉，只有茄汁味，牛脷亦沒有醃製，幸好牛脷肉質夠腍，所以都合格。.反而，我比較欣賞是飲品，我點的榛子朱古力少冰，驅去我一整天的疲勞😁 偏甜但我鍾意。🍔 5% 黑松露手打牛肉芝士漢堡配薯條 $158🍝 紅酒燴牛脷意粉 $128🍸 Virgin Mojito +$12🍫 榛子朱古力 +$5

最近終於都放寬左一啲，可以出街食飯啦！因為之前禁止夜市搞到同朋友都好耐無見，而家放翻緊係要同朋友見個面，今日去到旺角行下，見到呢間好似啲位都幾寬闊，可以畀我地坐低慢慢傾下一入去發現環境都唔錯，位幾好坐之餘又多boardgame 玩，無諗過一間cafe都有咁齊料！揀完game, 於是我地叫左兩個漢堡，同1款小食，跟住就hea一下玩一下咁黑松露漢堡係餐廳最近新整的，漢堡入口夠香脆，中間嘅肉夠juicy, 再加埋黑松露醬，真係香到震作為小食嘅洋蔥圈炸得夠香脆, 岩晒玩 game食！無諗過樓上cafe都有呢啲質素，下次都會黎玩下開心下

今日約左好耐無見的朋友食飯，喺openrice搵到呢間cafe，見呢間無勿負評就上去試下。餐廳面積大，座位間寬敞，空間感充足，仲有好多不同種類的board games可以拎黎玩，係可以坐足一晚舒舒服服嘅空間。上到黎，cafe靚靚，好有氣氛，真係好適合聚會。🤪。呢度食物選擇雖然唔多，但都不乏漢堡、意粉、肉類、甜品、小食…而且飲品種類仲好多添😚。當晚叫咗一個黃金炸物拼盤、香脆魚柳漢堡配薯條、蒜香蜆肉意粉、和一份雙重芝士焗肉醬窩夫薄餅☺️。主打菜為漢堡，雖然炸到脆，但比到乾，鎖唔到水。蒜香蜆肉意粉好平庸，略嫌無蒜香。奶昔唔好飲，太稠太淡味。最後的窩夫亦係全晚嘅敗筆，芝士焗肉令到窩夫淋patpat，唔多夾😅擺盤見到用心，但食物質素真的有待提升😅😅。野飲叫左 cold special drink 系列----Pure colada, 係菠蘿汁同椰汁調出黎既mocktail, 酸酸甜甜🤤。Virgin mojito係青檸加薄荷調出黎既mocktail, 酸酸maymay, 開胃🤤。Various flower tea -玫瑰洛神花茶-雪梨桂花茶打卡一流，但略嫌味道太淡😢

疫情前好喜歡去這類有得玩board game 的Cafe。既然生活仍要繼續，為何不從拾快樂？只要早一點來就可以躲過人潮。地方大座位闊落，景觀開掦，對住街景，玩住board game，好舒適。六時後最低消費$90。吃個晚餐正好。5%黑椒手打牛肉芝士漢堡配薯條，$148。麵包好鬆脆，手打牛肉厚切軟潤，牛味濃不過黑椒味少。而薯條又多又香脆。樣樣都勁好味！香脆龍利柳配牛肝箘汁長通粉，$118。雖然賣相沒漢堡的吸引，但朋友話夠熱辣，牛肝箘汁好滋味。Hot Baby Toddy，原價$52，跟餐補差價$12就得。味道香濃，黑麥茶加入蜂蜜、檸檬、肉桂和薑，熱熱的，飲完好舒服。Chocolate Smoothie，原價$56，都是補差價即可。朋友話朱古力奶冰加朱古力碎，口感一流，朱古力味又濃，好正！這裏不時有活動，今期是全民造星3，所以掛滿了宣傳品。另外每個卡位都有按鈴。順帶一提這裏的店員好好禮貌。歎了個半小時，真是吃得開心玩得盡興！

Happy Friday想約朋友食飯聚下舊又想坐得舒服啲、坐耐少少輕鬆下，去cafe的確唔錯。 首次體驗5%cafe後，覺得好正。服務員態度非常好，服務認真、有耐性同記性。 另外，想落order的話可以按一按座位附近召喚掣，十分方便。食物質素方面有驚喜。環境亦不錯，座位坐得舒服、有間格。Set dinner叫咗雞扒司華力腸意粉，塊雞扒炸得勁靚，又厚又大塊。 味道唔錯，又jucicy。 友人叫咗嗰黑松露手打牛肉漢堡，黑松露味好香，我離遠聞到都勁想試。食品點咗杯Virgin Mojito，最鍾意佢薄荷味，飲落有種涼快嘅感覺，好解渴。 因為太好飲關係，好快俾我飲晒。甜品last我要5%嘅精選蛋糕teramisu。 友人點芝士蛋糕食。 味道都不過不失。

今次黎到旺角既5% cafe，第一次感受到韓式既招待，店員好有禮貌好温柔，衣著夠曬韓式，岩曬一班小毒毒黎一齊傾下計，relax下，座位又夠曬闊，岩曬慢慢坐底飲啖野傾下計，將生活中既壓力釋放返出黎。boardgame方面，選擇都幾多，岩曬一大班人一齊玩既boardgame，仲有齊好多男仔鐘意既game，例如係三國剎，真係幾唔錯。食物方面，有漢堡牛扒食，配埋黑松露真係好入味，另外就係熟度岩岩好，唔會太生，食落都幾有牛味，配埋熱辣辣既薯條味道岩岩好。但始於黎cafe食物都係其次，最緊要係個感受幾唔錯，可以relax到個人。香港真係一個幾壓抑既城市，有時候有d韓星興趣都比人笑，係呢度感受下，活在當下，做返真正既自由，唔需要下下去旅行黎先感受到，尤其依家有排都未開返旅行。希望大家在cafe中都能找到寧靜，感受生活，活在當下。

好耐都無去樓上cafe。今日諗住搵返樓上cafe既回憶。上到黎，cafe好靚，好有氣氛。坐嘅位舒服，夠闊。而且仲有好多board game玩。真係好適合聚會。夠我玩成日，超正！叫左個龍利柳牛肝菌通粉。好大既魚。啱啱炸出黎熱辣辣，好味。通粉好有牛肝菌味。好好味。加埋魚柳，口感豐富。龍利柳點埋蛋黃醬，好開胃！叫埋個雙重芝士焗肉醬意粉。一上菜就好香。熱辣辣。芝士真係好多。食一啖，肉醬同芝士加埋一齊真係好正！食得好開心。食完好飽。同埋聽住小提琴音樂，個人好relax。叫左個蜂蜜綠茶。好濃嘅綠茶，好正。熱朱古力榛子。好靚，有隻貓係上邊，幾有心思。香滑嘅朱古力，慢慢坐，吹下水。好放鬆。今日食得好飽，唔錯，下次再黎。