影片
港鐵佐敦站 D 出口, 步行約9分鐘
繼續閱讀
電話號碼
23177781
96538831
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
今次嚟到呢間新開嘅特色餐廳～佢只要係用三條鬚做主題🫢入邊基本上都係圍繞着八爪魚、墨魚等🤣感覺都幾有趣～1.深海沙律$88一開波我哋叫咗個沙律開下胃口先～沙律入邊竟然有藍芝士粉，幾香芝士味，真係幾特別！入面有麵包粒、青蘋果🍏蕃茄仔、，水蜜桃🍑～唔少得就仲有魷魚🦑做主角～～成個沙律酸酸甜甜，都幾清新機Fresh🫶🏻2.生蠔清酒忌廉湯$98呢個湯真係好有驚喜，個湯入邊隻生蠔勁肥美，生蠔唔會煮得太熟，都仲係爆曬汁😍忌廉湯都好有濃烈嘅生蠔味，配搭餅乾條沾湯食～真心覺得唔錯3.西班牙式吹魚筒清酒炒蝦8隻 $98呢條都幾有驚喜，啲蝦好大隻，有啲似酒樓嘅炒大蝦🍤水準，幾彈牙爽口，有少量魷魚筒配搭，仲有啲風乾嘅香腸，香腸有啲似肉乾嘅感覺，都幾特別，個汁辣辣地，個味道都幾特別～唔錯👍4.3鬆名物卷$288呢個刺身都幾新鮮，旁邊仲有黑魚籽、三文魚腩、海膽、吞拿魚伴碟，好少見到呢啲高級食材係做伴碟嘅角色～～中間有幾件壽司，壽司飯自帶醬油，而且飯團入邊夾雜着葱，都比較少見～5.3鬚墨汁扁意粉$148有三粒大大粒嘅帶子，都幾大碟幾飽，扁意粉份量好多，所有扁意粉都包裹着墨魚汁，表面有啲蔬菜類切絲扮扁意粉，作為配飾，都幾特別～～唔會太重口味，可以直接食到墨魚汁味～～😝6.不是章魚丸（甜品）$48本身以為佢係章魚丸，但係又見佢寫住甜品，所以我哋又試下😍表面同章魚燒一樣有燒汁、木魚同沙律醬～點知咬返開係湯圓嚟😍😍都幾搞笑😝😝整體來講，今次呢餐都算幾有驚喜😍都係一間比較有創意嘅餐廳，所以都值得支持～👍有機會都可以再嚟試吓佢其他嘢食🫶🏻
繼續閱讀
同朋友行過這邊發現了這間餐廳，門面光猛整潔，全落地玻璃門，內部裝修簡潔，座位舒適，餐牌選擇多，店員推介了這個個人十分喜歡嘅老火忌廉湯 ，由粉葛蓮藕章魚湯湯底煮成，融合咗中式老火湯同西式忌廉湯嘅特色。粉葛同蓮藕煲到出晒味，湯底好甜好滑，仲有濃郁嘅章魚鮮味，加埋香草餅乾條，絕對中西合璧嘅fusion 口味！深海沙律(墨汁吹筒仔青蘋果蜜桃藍芝士），由有墨汁吹筒仔､青蘋果､蜜桃同藍芝士;食落甜甜地､酸酸地又鹹鹹地咁,唔止材料豐富，味道同口感亦都好豐富同多重接住就係份懷舊電影院烤魷魚，好有懷舊感，入口陣陣炭燒魷魚嘅香味，十足十以前細細個跟家人在戲院看電影前買嘅燒魷魚咁回憶。 魷魚口感爽口彈牙，炭燒味十足，帶點辣，十分刺激惹味，如果唔夠刺激還可以加埋芥末一齊入口！主食就點了櫻花蝦蝦子XO醬鮮蝦意大利粉，中西fusion嘅煮法，將XO醬嘅鹹香同鮮蝦嘅味道混合，還加上大量嘅櫻花蝦乾同蝦子，入口時味道十分配合，非常配合濃郁，加埋彈牙意大利粉撈勻一齊入口，每啖都能沾滿入口，正整體上菜速度快，中西fusion感覺可在菜式內看到，味道亦十分配合，喜歡試新口味，這裡絕對正確之選
繼續閱讀
週末喜歡遊走尖沙咀，從前的韓國街，現在已經擴展到橫街小巷，很多有特色的食店。其中一間西式日本菜餐廳，三鬚料理，位置於尖沙咀漆咸圍，感覺特別 chill。店面整潔衛生，座位寬敞舒適，裝修有格調。懷舊電影院烤魷魚$48（辣）從前八九十年代去戲院睇戲，門口一定有一檔車仔烤魷魚🦑有辣辣豉油，就係呢種味道。我最喜歡港式烤魷魚，肯定是新鮮製作，燒至脆皮的，外皮口感酥脆。深海沙律(墨汁吹筒仔青蘋果蜜桃藍芝士） $88沒想到深海沙律正宗好味，可以品嚐到墨汁吹筒仔，鮮味彈牙，清新爽甜青蘋果蜜桃，濃郁的藍芝士灑滿沙律菜上。3鬚名物卷 $288餐廳一款好Signature 的 Sushi Platter ，賣相吸引，打卡一流。每日新鮮刺身，吞拿魚蓉肥瘦均勻，入口即溶，一啲都唔油膩。海膽入口即化，是頂級的享受。我們倆食到停不到口。主要菜式拖羅也十分出色，帶子刺身肉嫩，鮮美多汁，三文魚脂肪豐厚，每一啖都充滿了魚油的香味。一直都好想試下呢間三鬚，真係名不虛傳。好食而且價錢合理，搭配得非常好，真心好食。櫻花蝦 蝦子 XO醬 鮮蝦 意大利粉 $168鮮蝦 意大利粉火喉剛剛好，有蝦子 XO醬 提鮮，中和油膩感，櫻花蝦意外地足料，同時把鮮蝦的鮮味也帶出來了。甜品 Tiramisu原來有隱藏 Menu，甜品Tiramisu有驚喜，甜度恰到好處，口味十分滿意，絕對係有質素。
繼續閱讀
同事發現尖沙咀開左間新餐廳，約埋我放工一齊試新野🫶🏻環境新淨企理，入到去有一種好舒適自在的感覺😌🎭懷舊電影院烤魷魚口感煙韌香口，有少少炭香味，點埋芥末豉油一齊食又幾過癮🤣🌊深海沙律吹筒仔彈牙，芝士味香，入面仲有青蘋果蜜桃🍑清新香甜☺️夾埋酸酸甜甜嘅醬汁一齊食好開胃😆🍲老火忌廉湯 （粉葛蓮藕章魚湯） 中西合璧🤣，好creamy 好好飲，配埋餅乾條沾湯食，幾特別幾creative🫶🏻🍝 櫻花蝦 蝦子 XO醬 鮮蝦 意大利粉🦐蝦又大又鮮甜，意粉質感煮得都好彈牙，夾埋勁多既櫻花和蝦子又有口感，加埋XO醬就更惹味😋🥩燒澳洲和牛扒 伴阿根廷青醬汁 及 西班牙式吹魚筒燒薯 和牛扒好juicy🤤外層微微焦香，肉質鮮嫩，五成熟真係啱啱好，一d都唔油膩，沾埋青醬汁食yummy😍最後叫左個焦糖菠蘿🍍，燒得好好，勁甜勁多汁😋
繼續閱讀
餐廳位置上稍稍遠離尖沙咀嘅核心地帶，但係大家只要行幾分鐘過到嚟漆咸圍，就會發覺呢條街簡直係鬧市中嘅瑰寶🤭呢一帶有好多間特色食肆痴埋一齊，今次呢間3鬚料理亦係高質素嘅推介😄深海沙律深海沙律有墨汁吹筒仔、青蘋果、蜜桃、藍芝士，入口第一感覺係味道酸酸甜甜，口感呈現咗好多層次🤤整體配搭非常富有營養，係好開胃嘅前菜👍老火忌廉湯粉葛、蓮藕呢個黃金中式湯水組合我諗大家都飲得多，但係講到將佢同忌廉湯拉上關係，就萬萬都冇諗過😀咁大個仔真係第一次試，成件事完全冇違和感🤣3鬚名物卷賣相非常精緻，同一般食刺身/壽司嘅擺盤好大差異🤣凈係打卡都已經有好多唔同角度😬無論係海膽、三文魚、吞拿魚、帶子，每一件刺身用料都好新鮮，係餐廳必試之選😍而家諗返起都流晒口水😋櫻花蝦蝦子XO醬意大利粉櫻花蝦配上極度惹味嘅XO醬，蝦肉肉質好爽口，每一條意粉都滲滿濃郁鮮蝦味🤭成個配搭創新之餘但又好夾😈不是章魚丸外型賣相十足十章魚小丸子咁，點知內裡其實係芝麻湯圓🤙🏻餡料滲出香濃芝麻香，外脆內軟嘅口感非常有滋味🤩懷舊電影院烤魷魚烤魷魚呢項香港傳統懷舊小食，口感又香又脆，相信大人細路都鍾意食👻可以烤到外層焦脆，但又不失魷魚應有嘅鮮美絕對唔容易，配上Wasabi進食更加係錦上添花🤪
繼續閱讀