2DP (已結業)

📍 2DP 尖沙咀厚福街藍馬商業大廈地下食物：🟠50/50 蕃茄自家製水牛芝士薄餅依個pizza 係行脆嘅路線😋好薄 有啲似食緊脆版Taco 自家製水牛芝士非常香 而且唔會太膩 如果覺得太重口味 上面啲菜就可以中和下口味啦評分： 🌕🌕🌕🌕🌖回頭率：🌕🌕🌕🌕🌑🟣蜜瓜牛乳刨冰依個嘅賣相真係100分 影相就啱曬 可能蜜瓜唔係當造 所以上層嘅就唔太甜 主要味度都係喺牛奶冰同煉奶 下層嘅蜜瓜就好甜 食嘅時候要好小心！ 一個唔覺意就會雪崩評分： 🌕🌕🌕🌕🌕回頭率：🌕🌕🌕🌕🌕⚪️芒果雪山這是朋友飲的 牛奶冰都唔錯 下面嘅芒果就有啲假甜評分： 🌕🌕🌕🌑🌑回頭率：🌕🌕🌕🌑🌑️⚪️黑芝麻拿鐵超！好！飲！！！！依個真係必叫 雖然依家咁熱 但係我再去都一定嗌依個！黑芝麻味勁濃郁 唔會係芝麻糊結到黐住喉嚨嘅口感 無加咖啡㗎 冇飲開咖啡都可以試吓評分： 🌕🌕🌕🌕🌕🌕🌕回頭率：🌕🌕🌕🌕🌕🌕🌕——————————👭🏻人數：2💵總金額：$350🍽份量：中等⏱到達時間：平日 1800⏳等候時間：10分鐘（好多人等位 最好就卜枱）——————————

之前lunch食過覺得還好，但今次夜晚去食甜品就覺得有驚喜，好多又可以打卡又特別嘅甜品款式😍如果去食甜品，我就覺得值得一試👍🏻【泰奶遇上豆腐花】$58～Thai Milk Tea Soybean Pudding有珍珠，芋圓，寒天，豆腐花，而茶壺入邊就裝住濃郁泰奶🤤寒天爽口，珍珠同芋圓就好煙韌，再加豆腐花係底， 層次幾豐富，而且同泰奶又幾夾，幾特別😍【絲襪奶茶刨冰】$68～HK Style Milk Tea Shaved Ice完全有港式絲襪奶茶嘅感覺，只不過喺刨冰嘅狀態😆上面有煉奶，同下面啲冰一齊食甜度就剛剛好，好味😋

星期五都要食green d 同朋友揀左呢間素食餐廳👍唔好以為素食就係無啖好食 其實都有好多選擇架！韓式泡菜素煙肉卡邦尼意粉 ($118)好好食😍😍 呢個西韓fusion做得好出色！辣得來夠creamy 好惹味！份量都好大！推介大家要來試🥰常規南瓜忌廉燴飯 ($128)本身最期待想叫原個南瓜risotto 點知去到已經賣哂了🥲 唯有叫呢個食 如果有原個南瓜可以加埋d南瓜蓉一齊食 一定仲正！仲可以轉soy milk base ga!泰式奶茶刨冰 ($78)好香泰茶味 好似返左泰國咁😋 勁冰 敏感牙齒受不了🤣🤣 如果可以加多d餅碎就好啦！唔好既係店員一次過上主食同甜品 刨冰好快溶 但正餐都未開始食 我地都唔知食咩先好😂希望呢方面可以改善下👍

同岩岩轉食素既朋友出街食飯, 梗係比佢話事啦, 佢揀左厚福街2DP, 話試過好食~餐廳唔算大, 裝潢簡約舒適, 座位多但滿座時會有少許迫, 旁邊有一掛BAR枱位置, 坐依度就相對舒適。50/50蕃茄自家製水牛芝士PIZZA $138食純素既人都仲可以揀番純素芝士, 十分貼心。PIZZA焗得薄脆, 表面上滿佈蕃茄, 水牛芝士同埋羅勒, 特別中意佢放左好多羅勒,, 食起上黎啖啖都好香, 加埋水牛芝士口感豐富, 好味~牛肝菌IMPOSSIBLE肉碎闊條麵 $118 牛肝菌醬味道一流, 夠濃夠香, 加左素肉碎食落口感似足真肉碎, 口感一樣! 闊條麵掛滿牛肝菌醬汁, 好好味~!炸薯條 $36想食D香口野叫番個即炸薯條過下口癮。泰奶遇上豆腐花 $58又係要讚既一個甜品, 賣相靚打卡ABLE之餘, THAI TEA唔會太甜, 切合番香港人口味, MIX埋滑滑既豆花, 煙韌既芋圓, 寒天, 非常之夾!!整體野食真係有水準, 而且唔覺得自己食緊素, 就算係唔係食素既人都值得一試。

💚素鰻魚定食$98💚用茄子🍆燒汁做素鰻魚，估唔到口感味道都有七成似，從此令素食更多選擇，不再單調。伴菜有厚燒玉子，沙律🥗，仲有甜甜既番薯🍠蓉，不過番薯容有少少酒味，我個人就唔太鍾意。整個擺盤都好豐富，好多顏色，做到素食都可以均衡飲食，仲有豆腐麵豉湯，豆腐非常之滑又有豆味。💚黑松露薯條$35💚薯條炸得金黃香脆，松露淡淡嘅味道又唔會蓋過薯仔。好難得佢嘅松露醬份量非常足夠，唔會食到最尾嗰幾條無得用👏🏻

前幾日突然想食下素，就同朋友黎左呢間出名食素嘅餐廳dinner。韓式泡菜素煙肉卡邦尼意粉 $118呢個意粉個醬汁好正好濃郁，泡菜味同卡邦尼嘅creamy口感配合得啱啱好。意粉好掛汁，有微微嘅辣味，好惹味。素煙肉食落唔似食緊素，外貌同真嘅煙肉好似，食落反而有啲似火腿味，不過再多少少煙燻嘅味道咁。50/50番茄自家製水牛芝士Pizza $138Pizza好大碟，50%係傳統Margarita薄餅，另外50%就係自家製水牛芝士。純素嘅水牛芝士由白味增同腰果製成，食落真係以為係平時真嘅水牛芝士，配埋番茄醬同羅勒，好味。批底類似wrap嘅口感，外圍就香脆。蜜瓜牛乳刨冰 $108最後點都要食返個甜品。呢個甜品有好多好清甜嘅蜜瓜，啱曬我呢個蜜瓜迷。底下嘅牛乳刨冰嘅奶味好重，又唔會好甜，好好味。

想試呢間2DP好耐！次次經過都好多人排隊，今晚特登一早BOOK定，準時到達就可以入座。2DP 生酮全日早餐勁豐富既配搭，上枱賣相好吸引！有齊牛油果沙律、炒蛋、炒菠菜、天貝、燒烤菇、羅馬串串番茄、士多啤梨、藍莓、奇亞籽布丁、橄欖油。生酮都可以食得好豐富～推薦嫩滑炒蛋、清嫩炒菠菜、爽甜既羅馬串串番茄同埋好有咬口、甜度剛好既奇亞籽布丁。蜜瓜牛乳刨冰皇牌甜品之一既刨冰係必點ITEM，賣相精緻，岩哂打卡～圓形蜜瓜波波好可愛，食落爽甜多汁，選用牛奶雪花冰，啖啖都係香濃既牛奶味，入口即溶涼透心！鹹蛋黃窩夫配普洱朱古力雪糕第一次見鹹蛋黃窩夫，咁得意既組合？試下先！窩夫香脆鬆軟，充滿鹹蛋黃香，配埋濃郁普洱朱古力雪糕，成個組合都好夾，有驚喜！伴碟仲有焦糖香蕉，大滿足啊～

食完晚飯，梗係要食埋甜品至夠滿足。我揀左普洱巧克力芭菲配巧克力布朗尼蛋糕。上層係cream, 雪糕，布朗尼，朱古力條，下層係朱古力脆脆。淡淡嘅普洱味道，感覺冇咁heavy, 布朗尼味道濃郁，食到一半可以加入鮮奶同朱古力脆脆一齊食，yummy👍👍😍

星期三晚本來約咗朋友食飯，點知佢臨時食唔到，我自己一個人收咗工喺尖沙咀行街，經過呢間餐廳見到有好多人排隊，我又八卦想試吓，由於得我一個人所以好快就入咗座炸蜜香蕃薯條 $36我個人鍾意食番薯條多過食薯條，呢個炸到好香脆，外脆內軟，我另外加咗黑松露蛋黃醬 $10，嗰醬好香，點黎食又香又甜韓式泡菜素煙肉卡邦尼意粉 $118泡菜，韓式辣醬，素煙肉，蛋黃，洋蔥，番茄醬我嗌嗰陣時一直冇留意原來係素煙肉，到睇返張單嗰陣時先發現係素煙肉，食落同真嘅冇乜分別囉👍🏻雖然落咗辣醬，但食落好微辣，味道啱啱好，意粉al dente,好掛汁😋芒果熱情果梳打 $52我發覺自己對熱情果真係抗拒唔到，因為浸味實在太香啦！杯野飲落唔太甜👍🏻生酮青檸薄荷烏龍 $45呢個用咗生酮醣，更加健康，落咗檸檬，青檸，同薄荷飲落好清新本身仲諗住試埋佢哋呢到好出名嘅刨冰，但由於得我自己一個人，實在好飽食唔落啦，所以唯有等到下次先搵人陪我一齊試啦🤷🏻‍♀️

每次經過尖沙咀厚福街E間餐廳都爆哂人, 搞到小妹成日都好想入去試下, 今晚小妹去左附近買蝴蝶酥就順便碌過嚟望下有無位, 竟然仲有2個位😆, 難得咁好彩就緊係要入去試下啦🤣! 餐廳以純素, 生酮飲食做主題, 平時小妹比較少食E類食物, 所以都幾期待!🌟韓式泡菜素煙肉卡邦尼意粉意粉用左泡菜, 韓式辣醬, 素煙肉, 蛋黃, 洋蔥同番茄醬烹調, 入口醬汁質感好cream, 味道微酸微辣, 素煙肉食落比真煙肉軟腍, 但味道就差不多幾像真, 意粉軟硬度適中, 而且每條麵條都沾滿哂醬汁, 食落好惹味🌟牛肝菌IMPOSSIBLE 肉碎闊條麵E款意粉用左牛肝菌, 雜菌同IMPOSSIBLE 素牛肉碎嚟整的, 一上枱已經聞到好香菌嘅味道, 醬汁用左奶油忌廉, 味道濃厚, 同卡邦尼意粉一樣份量都幾多!🌟蜜瓜牛乳刨冰🍈🍧小妹將牛乳轉左做豆乳配黑糖漿, 蜜瓜粒粒堆滿到好似成座山咁🗻, 配搭純白色嘅刨冰非常igable! 蜜瓜味道香甜多汁, 刨冰味道幾有驚喜, 豆乳味好濃郁, 甜度適中, 口感唔錯!

朋友係健康素食者，她特別推介位於厚福街「2DP 」素食餐廳🍴給我，入到嚟才發現餐廳不只素食出色，甜品🍮茶飲都好吸引🥳🥳茄香猴頭菇蒟蒻麵$106蒟蒻麵是近年新興的減肥恩物，低熱量，有助瘦身，感覺輕盈，猴頭菇的肉質嫩香，鮮嫩菠菜，雜菌，再配上清新蕃茄醬汁，食得健康，鮮美可口😍😍流沙鹹蛋黃燴飯$138好特別口感，每一口燴飯吸收晒鹹香流沙蛋黃味道，配上外脆內軟炸豆腐，鮮味白菌，增加食物層次感👍👍蜜瓜牛奶刨冰配煉奶$108賣相一流，未食都流晒口水，滿到瀉蜜瓜波波，鋪滿在牛奶刨冰🍧上面，甜甜蜜蜜，好幸福😋😋

尖沙咀厚福街食店林立大街兩旁、樓上餐廳多不勝數前幾日喺樓上餐廳食完日本嘢落樓見到呢間離厚福街街口冇幾遠嘅餐廳坐滿晒人好旺場，想試下，今日終於有機會試🍀環境：餐廳感覺整潔寬敞，坐30多40人應該冇問題，餐廳裏貼滿推介菜式宣傳海報，除咗有長枱、卡位，仲有圓形高枱提供前菜、意粉、意大利飯、漢堡、pizza，仲有提供特色甜品同飲品喺附近食完正餐，過嚟呢度食甜品又得🍴食物：🟢烤大啡菇IMPOSSIBLE漢堡·黑椒醬$138漢堡包內層係素牛肉、芝士、大啡菇、生菜、蕃茄、苜蓿芽，雖然牛肉係素肉，但係多汁、牛肉味濃，同一般牛肉冇分別，而且更健康，大啡茹味鮮漢堡包由較多蔬菜組成，食落比較多水份，唔覺肥膩heavy，賣相好靚漲卜卜，切開後無鬆散✨✨🟢牛肝菌IMPOSSIPLE肉碎闊條麵$118牛肝菌、雜菌、素牛肉碎、奶油忌廉煮成加入五辛烹調，濃香撲鼻，離遠已經聞到香味牛肝菌肥大肉厚、份量超多，鍾意食菌類嘅朋友唔可以錯過加$10可以轉蒟蒻麵，啱晒生銅飲食嘅朋友🟢芒果雪山$68見到「雪山」 兩個字都知道解渴，上層鋪滿細到好似粉末嘅冰沙，下面係由芒果打成嘅果汁同埋粒粒嘅芒果肉，飲完好似食咗個甜品一樣，飲品賣相仲

喜歡味道豐富、香香甜甜嘅烤菠蘿impossible漢堡～～～好一排都冇食素食🥬今日心血來潮 就捉咗一向食開素食嘅朋友仔 同我一齊過去食返餐素dinner～～～八點幾嚟到 依然人頭湧湧 對面就有間專門食肉嘅餐廳 反而冇乜人排隊 好surprise 排咗10-15分鐘左右有位入座 服務員熱情好客 禮貌不錯😛～～～🍔烤菠蘿impossible漢堡香香甜甜嘅熱辣辣烤菠蘿🍍加上少少燒烤醬 濕潤嘅Impossible 牛 香濃芝士 清新沙律菜 香甜番茄 同埋健康嘅苜蓿 成個配搭好豐富 入口牛味都幾出 同埋漢堡包嘅皮又驚輕輕煎過外脆內軟 不錯～～～🍅茄香猴頭菇蒟蒻麵：厚身嘅猴頭菇 食落口感一絲一絲 好似雞肉 但係味道就有少少似豬肉 蒟蒻麵非常動L QQ彈彈 質感幾飽肚 番茄汁份量剛好掛麵 無過多～～～🍈見到隔離好多台都食哈密瓜冰 幾經掙扎 揀咗好耐 最後我哋兩個黑芝麻控 都係揀咗黑芝麻奶油窩夫配黑芝麻雪糕 黑漆漆嘅黑芝麻汁 配上深灰色嘅黑芝麻雪糕球 仲有大地色嘅窩夫🧇貌相觀感甚佳 食落黑芝麻味非常濃郁 每一啖入口 凍冰冰嘅黑芝麻雪糕 滑溜嘅黑芝麻奶油 濃郁嘅黑芝麻醬 仲有軟淋淋嘅黑芝麻麻薯 係口裏面

比佢哋張海報吸引咗入嚟食！同朋友一樣都點左呢份生酮全日早餐！不過真身同上鏡嘅落差都幾大下，明白生酮飲食係比較清淡，但的確清到有啲難食，而且牛油果仲要爛爛地，蛋又太熟所以好鞋身，生酮唔落鹽一定要選用本身有蛋味嘅蛋，我食個刻都唔係好知道自己係食緊蛋的！咖啡菇味道同樣唔識講咁奇怪，另外果粒應該係薯仔嘅嘢，係全碟最難食的，無論味道同口感都怪怪的！雖然不是素食者，但有時都會食下素食餐廳，呢間算是我食過最伏嘅素食店之一，而且價錢仲偏貴的！🤢🤢🤢

次次行過厚福街都見到呢間新派素食餐廳超多人，令我好好奇有咩吸引，前排就同咗媽咪去試。韓式泡菜卡邦尼意粉🍝佢係用韓式泡菜炮調個醬汁，唔係落泡菜炒嗰種，食落濃郁香辣，我覺得幾惹味，重口味人士食素之選。牛油果扁意粉有啲驚喜，本來以為會好怪，但食落係ok嘅，清清淡淡，creamy得嚟又唔會無味，有幾粒爆汁蕃茄仔都幾清爽，食開素嘅朋友就鍾意呢款意粉多啲。本身係食肉獸嘅我覺得泡菜卡邦尼易入口。紅棗桃膠燉雪梨🍐雖然知2DP最出名係食蜜瓜刨冰，但呢日想食甜品但又唔想食凍嘢，於是嗌咗成個menu唯一一樣熱嘅甜品。 個梨超大同好腍，加埋桂圓，紅棗，個feel好養生， 不過因為無整走雪梨芯所以有啲酸......