2DP (已結業)

聖誕節同除夕都過左，呢排都同女友出左去唔同地方食下野，食左呢間「2DP」，其實佢係主打食素菜/甜品，不過我地就冇食正餐，試左佢既甜品。餐廳內外又係位於尖沙咀食街「厚福街」，門面勁大勁明顯，一定搵到。食物選擇正如一開頭所講，有正餐有甜品，今日就試下佢既甜品。牛油果觀音冰 $88好得意，用煲仔飯既瓷煲上，上面放左牛油果以及牛油果奶(應該係牛奶或者花奶但撈左牛油果)，配上北海道牛乳刨冰。牛油果奶類似牛油果奶昔，份量夠多，可以撈哂成煲刨冰，味道好清新，甜得黎又唔覺膩，刨冰口感綿滑，配上同樣幼滑既牛油果，超正！黑糖紅棗燉燴原個雪梨 $78好大個雪梨，似日本雪梨既size咁大個，會另外再配上黑糖漿。非常足料，除左紅棗，仲有桃膠、杞子、雪耳、龍眼肉，十分清甜潤喉，食完喉嚨好舒服，中式類入面首選！估唔到都唔錯，甜品都幾高質，可以下次黎試下佢既素食，又或者再食下佢既甜品，現家咁凍，食返個中式熱既糖水真係好正！

牛肝菌意式大麥飯 $118大麥飯比較硬身很有咬口，煙煙韌韌的口感很特別，用上煲仔盛載，保持熱度🔥 味道也很濃郁芝士熔岩竹炭包盒子 $148芝士控必食🧀！打開盒是是充滿芝士醬😍 用上水牛之士、煙燻起司、巴馬臣芝士，用香脆的麵包點芝士醬吃，很滿足😋

喺尖沙咀飯後想食甜品，見到厚福街有間門口招牌都幾靚既餐廳，望完個menu覺得全部都好吸引就入去試下啦。我地嗌咗兩款甜品，一個係蜜瓜碗 北海道牛乳冰，另一個係水蜜桃窩夫伴普洱朱古力意大利雪糕落完order冇耐啲甜品已經到咗，個蜜瓜碗嚟嗰時我同朋友都嘩一聲呀！因為佢比想像中大碗好多，一粒粒既蜜瓜配上白雪雪既牛乳冰，淨係影相已經好靚~蜜瓜好爽好香甜，而牛乳冰當然係超重牛奶味啦！依個配搭好好，食到一半已經講緊下次幾時嚟食了~而個水蜜桃窩夫伴普洱朱古力意大利雪糕呢，個雪糕就超級有驚喜！個朱古力雪糕比平時出面食既冇咁甜，再mix埋普洱喺入面，甘甘地甜甜地幾特別，唔錯！同埋個窩夫本身都夠熱夠脆，好食呀！見佢個menu仲有主食，下次夜晚都可以過嚟食埋~

想開始有健康D嘅飲食，今日去左2DP , 食素菜，依個西蘭花米粒意粉，有D芝士同蕃茄仔同打碎咗嘅西蘭花cream 一齊煮，好健康，味道一般啦人人都話紫羽甘藍好健康，依個沙律有兩種super food , 紫羽甘藍同黎麥，仲有少量果仁，材料新鮮，菜嫩口，味道唔錯佢D飲品甜點幾出名，依個密瓜冰，D冰係奶做嘅，密瓜甜，影相一流

晚餐後不吃點甜品總是差了點什麼似的，我們來到2DP，叫了個鮮磨黑芝麻•奇亞豆香•湯圓、鮮磨腰果露•豆香•湯圓、黑糖紅棗桃膠燴原個雪梨，甜度恰到好處，適合滋潤一下秋冬的枯燥。

昨晚朋友約我去尖沙咀行街食飯， 當我們行過厚福街時，見到有間餐廳門面好靚，望入去都光猛同舒服，所以一於入去試試。雖然枱與枱之間不是太闊落， 但餐廳侍應好好禮貌可以補返數， 我哋叫了一碟小食雜菜蟹餅， 配上蟹餅上面嘅沙律醬，好滋味，仲以為炸蟹餅有啲油膩， 但食落完全冇油膩嘅感覺， 牛油果沙律同我平時食嘅唔同，醬汁味道好清新，牛油果好新鮮甜美。墨西哥辣椒薄餅， 薄餅皮唔太厚，上面鋪上我最喜愛嘅蘑菇同番茄醬，味道有少少太辣，越食越惹味.最好笑就係我們食完成餐飯先發現呢間係素食餐廳，原來個炸蟹餅係用蘑菇做餡料的，下次想食素時又多一個選擇！

經過幾日聖誕假期的大吃大喝，今晚只想吃無肉餐，而且身在尖沙咀忽然間真的對素食餐廳沒有頭緒，就此時女友就忽然提曾經吃過、位於尖沙咀厚福街的2DP西式素食餐廳。之前只吃過它的意粉和甜品，今次就試試它新推出的《牛肝菌煲仔大麥飯 $118》。賣相跟煲仔飯一樣而打後蓋後可見有大麥飯、牛肝菌和雜菌，菇味十足。用上紅洋蔥、巴馬臣芝士和巴西里香草調味所以味道依然香濃。雖然是素食煲仔飯，但其實都有膩感，所以點了一容甜甜酸酸的沙律來平衡一下。《牛油果藜麥沙律配香芒油醋汁 $82》很豐富有牛油果、藜麥、青瓜、車厘茄、紅洋蔥、粟米和雜菜，再配上芒果香醋汁很醒胃。各點了一杯特色飲品。《火龍果紅茶乳酪 $42》&《巴塞隆拿紅桑伯爵 $42》

對上一次嚟 2DP 淨係試過佢嘅刨冰 😆 成日見到佢哋門口一條長龍所以一直都冇試過佢地嘅主菜 🤔 素食fusion 菜系香港依然算比較罕有，所以啲菜式都幾清新～宜家佢哋主餐牌嘅幾款主菜午市套餐平日做緊8折😆，仲可以選配飲品 / 餐湯 / 或者沙律，想試店內特色飲品加$18就飲到 🤗 未試過的話趁住優惠期間去食喇牛肝菌意式大麥飯 ❤️ (折後 $94)煲仔飯裝飯別有一番風味 😁 呢個飯望落好似 risotto 但係食落其實比 risotto 濕好多💧，完全唔會滯或者熱氣。飯粒要比 risotto 嘅分明同有嚼勁😙，唔會一 pat pat 。蘑菇同牛肝菌系素食菜式嘅常見材料 💁個飯清得嚟都有啲配料點綴。不過份量個人覺得偏向細份，大食嘅話就未必飽肚松露義大利雲吞配新鮮松露片 ❤️ ($128)義大利雲吞 ravioli 系西餐廳常見菜式，餡料系非常重芝士味嘅薯蓉，充滿鹹香 😋 雲吞系浸住係松露油入面，面頭仲有片片松露裝飾，材料都真係幾揼本 😉 咁樣嘅材料呢個價錢算幾有睇頭嘅巴塞隆拿紅桑莓伯爵 ❤️ (原價 $42，跟餐 +$18)一場嚟到梗係試吓啲特色飲品啦，呢杯伯爵果茶好香紅桑莓嘅酸味，開胃又幾

位於尖沙咀的2DP，是一間主打素食和茶的餐廳。餐廳在人流極多的地區開店，客人的數量頗多，時常有高朋滿座的情況出現呢。餐廳採用開放式設計，擁有落地大玻璃，光線充足，感覺舒適，落單屬自助式設計，但會由服務員親自傳遞食物。牛肝菌意式大麥飯$118大麥飯以煲仔飯的形式呈上，趣緻有趣，煲仔飯是懷舊美食，卻配搭意式飯，新派新潮，中西合璧，特別有趣。米飯非一般白飯，而是大麥飯，口感煙靱，嚼勁度高，纖維充足，牛肝菌味超濃郁，把芝士粉拌勻，很不錯呢。黑松露芝士溶岩竹炭盒子$198作為一名包控，看到這個大麵包盒，心心眼即時出現啦。竹炭味的麵包盒，呈灰黑色，型格高調，內裡放著滿滿的芝士醬，且刨入三片黑松露，是個高級的芝士火鍋哦。把烤至香脆的麵包粒，沾上黑松露芝士，惹味又邪惡，很喜歡哦，由於同行朋友不吃黑松露，那我就不客氣獨享啦。

朋友難得一聚，有沒完沒了嘅話題，晚餐後，當然要繼續找地方吹下水😂，到達厚福街，嘩，難得依間鋪唔駛等位，第一時間入去。。。叫左2個牛乳刨冰，一個係蜜瓜碗農場牛乳刨冰，蜜瓜好甜，好好味，牛乳刨冰就比較清啦。。。另一個刨冰係蕃薯芋圓北海道牛乳刨冰， 最初以為係蕃薯粒。。。原來係蕃薯圓，anyway 蕃薯圓同芋圓都係我至愛，簡簡單單我已經好ok,諗住北海道牛乳刨冰會比較濃味，但同農場牛乳都冇咩分別，靠上面煉奶嘅甜味。。。個人食得比較甜，如果覺得有多d煉奶會好味好多。。。除左食，仲叫左一人一杯飲品，烏龍青檸薄荷莫吉扥，薄荷味唔會好濃，飲落似青檸梳打，清清地，唔錯。。。另一杯係奶茶泡沫，其實係珍珠奶茶，不過佢嘅珍珠會另上。。。我冇試飲，所以唔知味道，只係食左一粒珍珠，有黑糖味，比較甜，可能加落奶茶到會好d。。。至於我，就叫左一支黑杞子蜜糖菊花茶(扮健康)。。。支飲品一上枱，就俾friend笑，其實我都唔知有咩好笑(佢地話:食湯水飲依d好奇怪喎)，只係一支清淡嘅菊花茶囉…個樽可以拎走嘅，不過諗唔到拎返屋企有咩用，所以放棄左。。。笑笑笑，一晚過去，水，下次繼續吹

尖沙咀呢間黎自台灣嘅甜品舖，開業咗唔係好耐評價唔錯。今次中午嚟試下佢呢度嘅正餐，又睇下味道如何? 菠菜芝士西蘭花米型意粉。唔好睇佢個樣好似米飯咁，其實呢碟係意粉嚟嘅。呢種意粉形狀口感非常獨特，滑劣劣一粒一粒咁，好似食緊米，但又好似食緊銀針粉咁。配上濃香嘅芝士汁，西蘭花同埋蕃茄， 味道不錯。 平平哋叫咗個瑪格麗特蕃茄芝士薄餅。平得利口感味道夠讚。芝士味濃，係好傳統嘅一個芝士薄餅，焗得亦夠香脆。 嚟到呢度點可以唔叫甜品食呢？點左呢款老薑蕃薯奶露配芋圓桃膠。呢款奶露奶味好重配以薑汁嚟食，增加辛辣味。芋圓好煙韌，桃膠亦夠軟淋，配搭得宜，口感不俗。 最後當然唔少得呢款咁正嘅哈密瓜北海道牛奶刨冰。蜜瓜係非常之香甜，啖啖肉，成熟度剛好。刨冰非常軟滑，加上北海道牛奶嘅口感同味道， 實在係非常完美嘅配搭，真係食唔停口。

同我一個素食朋友一起黎呢度醫肚， 試試清新的素食料理。話說一行入餐廳個感覺已經十分非常fresh，唔似傳統啲素食餐廳咁up dup.我地叫左兩杯好靚既野飲，一杯紫薯一杯鐵觀音，一個burger,一個沙律，仲有一個茄子。我個人覺得個沙律好好食，因為片菠蘿好驚艷，簡直係畫龍點睛，令成個沙拉好清新得黎甜甜酸酸，開胃一流。 至於個burger就比較一般，用大啡🍄代替肉類，我覺得係有點牽強。 至於野飲就成正比啦，不過不失。 整而言，都係ok! 但價錢就貴左少少啦。 可能午餐性價比會好好多。

有日行經厚福街，本身係想食花膠麵，點知俾2dp嘅裝修同野食吸引住，就咁樣吸左我地入去~好耐之前泥食過甜品，一直唔知而家佢做埋素食。。叫左個牛肝菌大麥煲仔飯，同西蘭花pizza, 個煲仔飯超有誠實，睇樣已覺得吸引。 入口好有口感，有d似薏米，加埋芝士同牛肝菌，味道好出！！pizza就正常味，但第一次食有西蘭花嘅pizza, 所以覺得好特別，佢餅底係整得脆脆的，幾不錯，係芝士一咬就成塊離開左餅底xD 整體都唔差

這天和表妹來到她致爱的2DP。在食店林立的厚福街上，不其然會被這兒通透悠閒的環境所吸引。這裡所有的雪糕都是以2DP自家茶葉製作 。午市主餐牌八折頗化算。炸薯條配黑松露蛋黃醬 $62炸薯條外脆內軟 厚厚的薯肉充滿薯香，蘸美味的黑松露醬，薯控十分滿意。牛肝菌大麥飯 $18 大麥飯比較大粒和有韌度，濃濃的牛肝菌香滲透其中。烏龍青檸薄荷莫吉托 +$18Tea Mojito以青檸、薄荷和烏龍茶製作， 令香醇的烏龍茶更清新怡人。絲襪奶茶阿法奇朵 $68$Milk Tea Affogato以熱咖啡逐少邊吃邊加進絲襪奶茶雪糕 ，越吃越興奮。洛神薄荷橘子 $30Roselle; Mint; Citrus Peel濃郁的洛神花酸香，加了一片薄荷葉點綴，女士們必定喜爱。冷泡瓶裝花茶系列還有黑杞子蜜糖和谷茶及玫瑰菊花大棗茶。秋冬甜品系列有:黑糖無花果紅棗桃膠、燴原個蘋果北海道牛乳、桃膠燴原個木瓜。新推出了幾款港式的甜品:鮮磨黑芝麻·奇亞豆香·湯圓 鮮磨腰果露·豆香·湯圓 還有火薑蕃薯奶露·芋圓桃膠 有多款北诲道牛乳刨冰意大利布袋芝士杯無花果食材及賣相都很吸引。

大家好，為食bb今日介紹尖沙咀厚福街一間都幾出名嘅齋舖， 顧名思義齋舖即是冇肉食㗎啦大家放心可以一試， 因為佢呢間齋舖就融合中西日嘅煮法亦都創新！ 今日係同咗一個十幾年都冇見嘅大學同學去食！佢啱啱返到香港咁我就介紹佢食啦！ 下晝我五點鐘去到冇乜人所以都幾鬆動唔使等 揀咗四個座位埋牆角嘅，咁就最舒服啦！小弟今日冇乜力！所以影少好多相！大家唔好介意， 我先叫咗杯黑糖珍珠奶茶好味， 黑糖珍珠分開上，鐘意幾多粒就加幾多粒， 不過我通常都係倒曬落去， 同埋奶同茶分開嘅， 因為我叫熱飲的關係， 就用咗一隻酒杯裝住， 飲落係奶同茶係融為一體香滑 舒服自然！， 今日我同表姐就食咗三樣嘢同埋一杯嘢飲，仲嗌咗兩杯暖水！ 首先就係食咗都係呢度嘅特色食品， 就係中式煲仔牛肝菌 義式大舊飯， 寫錯係大麥飯， 很特別用中式瓦煲， 不過顏色上似港式炒冷飯， 但係食落真係有好感嘅，對比之前嗰啲意式飯唔肥冇乜汁， 表姐三扒兩撥仲食得多過我， 跟住個西蘭花菠蘿pizza， 冇乜特別因為有西蘭花關係所以一試！ 好難得將我平時家常小菜嘅餸都可以放落pizza做材料！ 最後梗係甜品！ 就係港式木瓜紅棗雪耳桃膠水， 又寫錯桃膠糖