1988 (已結業)

呢間泰菜厲害啦真係稱得上隱世美食 唔係人推介都未必識黎呀! 因為佢係隱身於工業大廈入面嘅 連入到大廈都要搵下先搵到 每次我地嘅必嗌配搭一定係嗌咖哩+酥餅 佢地個酥餅真係超yummy 即叫即製 黎到熱辣辣 而且酥脆 食到多層嘅感覺 真係一試難忘 點咖哩咁食真係perfect match! 另外佢地嘅串燒都幾好食 可以嗌一份然後講想一半豬一半雞咁 試晒兩樣！個人比較鐘意雞 另外pad thai 都幾出色 雖然唔太似正宗係泰國食咗個款 可能係香港版本掛 不過都幾惹味 另外飲品方面 我鐘意飲泰式奶茶 咁先似去咗泰國架麻無得去旅行咪當心靈滿足下 不過題外話地方唔算好大 當有好多台客個陣係比較嘈架！

又一次係觀塘戰區既介紹啦，記得第一次去呢間餐廳係同事帶👦🏻去既，食完一次之後成日念念不忘，隔左一排，襯住星期六番完半日工就再次念舊一下🤤講多少少呀，想食既朋友仔最好都係打電話去book一book位先，有次平日夜晚去都話無book位無得食，walk-in有無位都係睇彩數🙈今次就叫左黃咖哩牛腩配白飯、海南雞配油飯、青檸梳打、椰汁芒果糯米飯。呢度既黃咖哩👦🏻當初一食就愛上，原因係佢唔會好辣，反而香料味同椰汁味好濃，送飯一流，如果怕辣既朋友仔一定會好鐘意呢個咖哩汁，因為👦🏻都好鐘意😂，而佢啲牛腩煮得好淋，唔會痴牙，因為食牛腩最忌痴牙架嘛🤦🏻‍♂️而海南雞飯都好深得👦🏻心，無骨既海南雞肉質真係好滑，配埋油飯同黑醬油一齊食，應該算暫時👦🏻係香港食過既頭三位，個辣汁呢，就因為怕辣，無點過啦🙈而青檸梳打就夠大杯、酸甜既味道岩岩好，因為👦🏻有試過某餐廳既青檸梳打係得梳打味🤷🏻‍♂️，呢間就味道適中；而椰汁芒果糯米飯就幫呢餐畫上一個完美既句號，芒果唔算得上係最甜，但配埋椰汁同暖暖既糯米飯就係最好既配搭，呢餐真係好滿意同滿足🤤每次都會透過以下6大方面評分(滿分:30分)味道 : 4.5 / 5環境 : 4.25

已經好耐無去過喇。。。今日farewell同事，又來喇！前一日先book，好在都俾我book到因為佢真係好full，啲人都話要早幾日先book到。不過只可以食一個鐘，1:30就要還枱十個同事，十個都話呢間掂今日又可以試新野，點左3號餐。雜菜有雙花，豆角，泰國茄子，南瓜同紅蘿蔔。個汁係幾稀的，似有魚肉的汁。雞絲好嚡不過個汁撈落個米線度，好好味丫米線好滑，食多碗都得丫。呢間的咖哩點煮都咁咖哩微辣，啲汁我都飲曬下次有機會，再試其他未食過的菜式。

今晚慶祝朋友生日，壽星女指定要食泰菜，就試下呢間1988。地點好隱蔽，藏匿在一工廈的一樓，幸好之前黎過隔離舖食野，所以識路，就由我帶路去1988。一推開門，除了見到座無虛席，還傳來一陣好香的食物味道，馬上好期待呢度既野食。先上豬頸肉，好大碟，每一片都好薄、好大片，加埋個source少少酸酸辣辣地幾開胃，如果切細片啲，一開二，可能會更適合女孩子。冬蔭公味道唔錯，少少辣辣地，不過偏鹹。鮮蝦炒金邊粉，有好多隻蝦，金邊粉都好好咬口。蝦醬炒飯同樣好大碟，炒飯既周圍有好多唔同既配料。最後一碟炒芥蘭，好爽口，如果芥蘭林啲會啱食啲雖然呢間餐廳係工廈裡面，但係環境都好舒適乾淨，野食亦好味，呢度既泰菜都好啱我地既口味。要留意既係，呢度食物份量偏大份，建議唔好點太多，免得眼闊肚窄，食唔曬就浪費食物了。

觀塘工廠區的餐廳很多，普遍也是西餐為主，今天選擇了一間泰國菜。除了這間餐廳外，這工廈也看到了幾間餐廳。叫了一個小食拼盤包括有雞棗，春捲及蝦餅。 主力是蝦餅最好吃，蝦肉彈牙而且有蝦味。另外的雞棗則是有一點雞肉的雞球，外面好像包了一層腐皮，點起酸辣醬來吃也不錯。另外的是素春捲，春捲內全部也是素，味道較清淡，如果沒有叫菜的話，作為這餐唯一的菜也可以。叫了一個青芒軟殼蟹沙律，軟殼蟹炸起來也很香口，而且軟殼蟹內有一點肉，不會只有炸皮，青芒混了紅蘿蔔絲和青瓜絲，蠻豐富和健康，點起魚露來也挺好吃。今天的主菜是鮮蝦炒金邊粉，蝦有四隻，size不算太大，配上大量的金邊粉，不會怕不夠飽，而且炒起上來味道平均，有蛋香，酸酸甜甜的，非常開胃，這個價錢也算不錯，看見很多人推介，果然沒選錯。芒果糯米飯雖然椰漿沒有下鹽，但是椰汁甜度不算太高，糯米飯軟軟濕濕的也算不錯，芒果味道也挺香的，也很多汁，雖然不算太甜。

係工廠大廈內的一間隱蔽餐廳內 唔算太明顯 但指示充實唔算太難搵 12點去到咁岩係餐廳開門 坐左10分鐘唔洗已經有6-7枱客人 我同朋友點了海南雞飯（油飯）&燒豬頸肉飯飲品叫左一杯凍泰式奶茶&凍青檸梳打海南雞飯：油飯做得不錯，飯粒軟硬適中，而海南雞已經做左去骨處理，非常好味燒豬頸肉飯：豬頸肉量非常多，鋪滿成碗飯，燒到微微焦香配埋醬汁好開胃！而特別讚一讚係杯泰式奶茶exactly係泰國買到嘅味道！非常久違！懷念！青檸梳打就不過不失！係熱辣辣天氣係杯炭酸飲料真係無敵

依間泰國野真心好食又唔貴，不過因為去親都係食set lunch所以跟正價menu既食物同價錢都會唔同。次次去食我都係叫泰式燒豬頸肉飯🤤，佢啲燒豬頸肉超嘢味份量又多食極都有🤤，仲有個精髓係佢個汁酸酸地辣辣地🤤，一啖肉一啖飯撈汁咁食真係好夾🤤，平時唔係好點食飯既我都會將佢成個飯隊晒嫁🤤-套餐仲可以用優惠價追加小食同甜品。佢啲甜品size唔大，我嗰時第一次叫真係有嚇親點解會咁細😂不過諗返只係需要加$15蚊，咁又make sense既lol，而且佢連甜品都好特別好好食。我今次叫左既係檸檬撻，佢個餅撻裡面載住既係流心檸檬醬，酸酸甜甜，上面仲插住塊蛋白餅。成個由presentation 到個taste都要讚下佢。依家諗返起我都變晒流心口水🤤-午市套餐會包一杯野飲，唔一定係咖啡或茶，佢仲可以唔洗加錢就有得叫泰式奶茶、各種梳打、各種花茶。鐘意飲酸野可以叫青檸梳打，西柚梳打係相對地冇咁酸。冇加一，$60-80就可以食到咁既水準真係好低食-我好鐘意佢两星期換一次set lunch menu,咁就可以成日食都唔會悶喇。只不過，長期爆滿，walk-in多數都係冇可能，我連早一兩日訂枱都試過幾次佢話已經冇位🤦🏼

今日放工後到觀塘吃晚飯，經朋友帶路，晚上七時多到達「1988」，餐廳位於工廈一樓，地點其實不好找，晚上工廈正門關閘，需要兜往停車場通道入口，但竟然客滿，有很多人光顧。等到大概10分鐘便可進去。餐廳空間不算大，裝潢帶歐陸高貴氣息，與工廈殘舊的外表形成強烈的對比。今餐2人叫了1份串燒、2份小菜、和1份主食一起吃。沙嗲（雞肉／豬肉）（4串）雞、豬串燒燒得香脆可口，火喉做得不錯，吃得出是即叫即燒。沙嗲汁調味偏甜，也很易入口，最後我更用沙嗲汁來伴飯。 泰式燒豬頸肉 豬頸肉大大片，香脆可口，配上泰式醬汁更加醒胃，酸酸辣辣，很有泰式風味。泰式無骨滷水豬手滷水豬手一點都不馬虎，亦很有份量。豬手滷得很香很惹味，配上酸酸辣辣的秘製泰式醬汁，令人垂涎三尺。豬手肉質嫩滑，肉汁豐盈，脂肪和皮食落嫩滑，入口即溶，咬一口肉汁四溢，肉汁迴轉在口中，吮指回味。香葉肉碎飯 滿滿一大碟肉碎伴碟，份量比飯還要多，當中有九層塔、辣椒、青瓜、炸蒜等等的配料。香辣惹味中帶清爽可口。

天氣太悶熱, 冇乜胃口, 想食泰國菜,放左工，約同事一齊去 1988，以為晚上會少人，去到竟然要等位，幸好只等了一陣便可以入坐🙏🙏工廠區餐廳地方唔算大， 但都在角落位置加了少許擺設， 視覺上冇咁單調餐牌，杯墊，都好有特色先叫了杯咸檸七， 柑橘蜜解渴有好多咸檸檬，混合7喜汽水，中和了汽水甜度， 非常解渴柑橘蜜冰涼滋潤，同事 favorite 😉😉炒椰菜苗菜苗新鮮， 炒得唔會太林，有咬口感串燒雞和豬肉各兩串，配上特制沙爹汁，好好味泰式烤魚魚肚內塞滿了香茅、 檸檬葉等…香料，陣陣香氣飄散，人都精神D, 骨唔多，魚肉新鮮，加了青檸檬汁更覺清甜，如果可以烤得乾身一點，效果會更好海南雞半隻全部起了骨啖啖肉， 整體處理得很好，就算雞胸肉都唔會覺得嚡口價錢合理又好味，有機會再去食

這天與朋友走觀塘海旁走到累了，就過來觀塘這邊的工廈覓食，想吃泰國菜，所以來了1988。因為很渴，一開始先點了泰式奶茶和一杯粉紅石榴特飲。 泰式奶茶不錯，大杯，冰涼！ 而特飲有一點點的青檸苦，我個人覺得一般。叫了冬陰功，生菜包，雞串豬肉串各2，一碟豬頸肉，還有油飯。 豬頸肉非常好吃，肉質夠厚，邊也脆脆的，配上汁很好吃！ 雞肉豬肉串也是，很大塊有口感，也挺嫩。冬陰功很夠味，不過這家的就比較甜。 裏面有5隻大蝦很棒我個人最喜歡是生菜包，那個味道真的很不錯，肉碎配飯吃得更開胃！ 酸辣適中，生菜也沒有黃邊之類的。 油飯挺香的也大碗，我跟朋友叫了一碗分也夠了。 總的來說，這家工廈里的泰國菜是有驚喜的哦～

第一次見到呢間餐廳好想去試下，上到去無book位，所以無緣食。今次預早book左，不過位置有點難找，上到去就有位坐。整體很好，2個人叫左4個餸，味道不錯，下次可以再去。😁😁

自從去左泰國之後，自己就愛上食泰國菜，之前試過好幾間泰國餐廳但都係唔太好，昧道都係差少小，唔夠正宗。但今次朋友介紹之下就黎到觀塘既工廈食泰國菜，真係未岀發先興奮。黎到餐廳，坐滿座，好彩有預訂座位，否則有排等，一開始點左生菜包，青咖哩牛腩加白飯，仲有我最愛既蝦餅。飲料方面點左兩杯泰色奶茶。生菜包方面個人覺得正常發揮，係有少少昧道啖小，不過整體可以，之前蝦餅，煎得好香口，而且份量好大，足夠兩個食，到最高分既牛腩，一黎到己經好香口，俾個味道吸引左，加白飯係正確既，啲汁送飯一流。飲品都是正常服務方面，上菜速度可以，服務生都好有禮貌咁解釋菜名，呢樣值得一讚。

見到好多推介呢間係興業街美興工業大廈既泰國餐廳「1988」，今日喺呢頭放工就同埋同事去試翻次。主打set lunch, 全部幾十蚊包飲品, 仲可以用特惠價追加小食及甜品。泰式鳳爪用洋蔥、辣椒及香菜醃製 ，酸酸辣辣好開胃。泰式無骨鹵水豬手飯 ，豬手已去骨， 啖啖肉，豬皮滑不留口，豬手肉都好滑溜，鹵水醬汁香甜，超好送飯。泰式柚子沙律， 有口感, 柚子十分靚, 又甜又多汁, 唔覺得有苦澀, 可能喺我食過最好食嘅柚子沙律!沙嗲串燒肉類份量多全部大大嚿啖啖肉肉質算喺軟嫩，椰子雪糕有好多椰子肉，椰子味濃郁又不酸，特別鐘意上面的花生，大大粒又脆，令雪糕口感變得豐富。

放工約左提早幫爸爸慶祝父親節爸爸想食泰國菜 醒起觀塘依一間 — 1988之前黎過食一次 今次再黎試下餐廳已換上卡片寫住 Happy Father’s Day一點小窩心蒜蓉炒椰菜苗椰菜苗份量都唔少 質感爽口以蒜蓉加上紅椒炒得好香冬陰公湯大大兜 飲完一碗又一碗有五隻大蝦 蝦肉彈牙雖然睇上去紅檔檔 但其實湯底唔係好辣 充滿陣陣奶香 仲加入左蕃茄仔同菇菇辣椒膏炒藍青口份量都幾多 以燈籠椒炒香辣椒膏並唔會好辣配上青口味道都幾夾 唔錯唔錯

香港－1988自從上年到了泰國旅遊，我們便喜歡上泰國餐，在香港試了好幾間，還時吃不到當天在曼谷Siam Paragon吃的豬手飯的味道。終於我們今天趁著到觀塘閒逛，便試試這裡的工廈泰國菜。我們點了一碟豬手飯、海南雞飯和泰式小食拼盤。豬手飯很有驚喜！豬手明顯是炆了很長時間，所以非常入味，而且豬肉炆得很腍，完全拍得住Siam Paragon吃的味道 （雖然那裡的更腍、更滑）。吃豬手時會食到濃濃的滷水味，再沾上豬手飯配的泰式酸辣汁，十分開胃！泰式小食拼盤有兩件春卷、兩件蝦餅和四件雞棗，我們沒有認真考究春卷的餡料，但我們都認為好像在吃素春卷，否則就是肉用得比較少。至於蝦餅和雞棗就只是普通的炸蝦餅和雞棗，勝在即炸即食，香口不油膩。海南雞配油飯味道不過不失，油飯做到粒粒分明，但海南雞的味道與平時街外吃的分別不大。