18樓雞煲火鍋專門店

營業中

休息中

18樓雞煲火鍋真係開喺18樓！荃灣同旺角都有店舖，非常有趣。而且價錢合理，同朋友嚟食嘢吹吓水一流！一開始食咗個雞煲先，入面有芫荽，好香！雞煲口感都算幾滑，揀咗小辣，醬汁入味。份量好足夠！另外，火鍋可以QR code落單，雪花肥牛+特級肥牛各有各好食，一款就比較肥少少滑啲，另外一款就牛味比較突出。頂級梅頭豬肉口感比較爽脆。牛柏葉+是日海鮮（聖子）牛柏葉爽口，另外聖子好鮮甜。粟米豬肉餃、蟹子墨魚滑我欣賞佢個餃子好大粒，好多材料，鹹香又爽口，蟹子墨魚滑就唔會話太大舊，可以淺嘗，質感彈牙。芝士豆腐、芝士腸芝士控必備！山根、番茄、芋絲、萵筍、金菇菜加埋出面攞嘅山菜，都係火鍋必備素食/蔬菜～炸台灣一口腸可以直接食，味道香辣，特別。食飽飽就可以出去自己攞雪糕，今日有雨落同埋芒果味，仲可以自由配搭配料，相當豐富！我最鍾意就係芒果味，好香。咁啱坐個位隔離就係嘢飲自取位，超過10款選擇！

天氣涼番啲至岩打邊爐雞煲烤魚，雞煲黎講18樓雞煲都幾出名，叫左個基本套餐A，黎到荃灣大鴻輝店一於食番夠本。環境好闊落，自助區都好多選擇，甜品區有乳酪雪糕，仲有得自己加topping ，忍唔住食左幾杯。另外菜類又多，一兜兜裝好夠方便。仲有得叫熟食，叫左蝦片，鴨血，忌廉芝士煙肉薯波同埋台灣腸。重點係要食佢個雞煲，揀左唔辣，雞既份量多，味道都好夠，唔太咸，食到咁上下就加上湯打邊爐。海鮮方面有海蝦、短蟶子、蜆同鯇魚片，海蝦叫幾多黎幾多，短蟶子都幾好食，唔係成日有，蜆算大隻，魚都好新鮮爽口。肉類主要食牛，牛唔會好大舊肥膏，另外仲叫左新鮮牛肉同豬潤，唔怕唔夠食。最平民版既套餐A都夠多野食，咩都試哂都要黎多次先得。

今日放左工出左荃灣，見到呢間雞煲好吸引，價錢又唔貴，加上早左收工，唔太多人，所以入去食晚餐😋🌟 雞煲雞煲叫左小辣，唔會好辣，有少少麻既感覺，份量多，調味岩岩好，唔會太咸，配料多，味道唔錯，好惹味😋🌟 雪花肥牛 x 特級肥牛 羊肉 x 豬肉 x 滑牛雪花肥牛，唔會太過肥，牛味濃郁😋特級肥牛既脂肪分佈平均，牛味一樣濃郁😋羊肉唔會好羶，肉質鮮嫩😋豬肉切得薄，好快熟，唔會怕厚得制唔熟😋滑牛新鮮，食落口好滑，牛味重😋🌟 炸物 x 小食x 配料x 飲品有好多自家制冷泡茶，炸物即叫即炸，小食選擇多，打邊爐既野食都黎得好快，食材新鮮😋海鮮鮮甜，蝦肉爽口彈牙😋魚皮同埋蝦片脆口，蝦片好少打邊爐既餐廳有得食，好香蝦味，必點😋

同朋友去荃灣行街朋友突然間想食雞煲，搵吓附近有咩餐廳俾我搵到呢間百零蚊仲可以放題咁就決定食呢間啦因為主要都係想食雞煲，所以揀咗個普通A餐飲品來講除咗一般嘅罐裝同支裝飲品之外仲有佢自家製嘅茶同冬瓜茶唔會太甜，飲多啲都OK 自助區域都幾整齊，仲有乳酪機同埋熱茶都有幾款，天氣凍啱晒呢個係個雞煲個汁比較，啲雞算滑其實個雞煲咁大份，其他配料都唔使嗌咁多😊蔬菜果方面有得就咁落order亦都有啲一兜兜嘅可以喺雪櫃度自己拎而肉果方面除左牛肉係跟餐level仲有羊肉羊肉唔會只得雪味，都幾夠羊味亦都有海鮮可以揀海鮮都幾新鮮同埋呢間嘅份量控制都幾好唔會一大堆咁樣浪費食物最後整咗個乳酪甜品如果想食雞煲又想加啲配料打少少邊爐呢間絕對抵食可以再encore

🍴18樓雞煲火鍋專門店 @ 荃灣🍴 有朋友係英國返黎放假，佢話好想食雞煲&好想打邊爐，所以就BOOK左呢間黎試試。 ------------------------------ 今次我地揀左套餐B ($248一個大人再加一) ，食兩個鐘雞煲汁多夠惹味，雞肉唔會煮到太老太鞋入唔到口，正常水平。食完幾round雞就開始食其他打邊爐食材（唔好意思，淨係影低左少少😂），佢地既打邊爐料都好多選擇，用QR自己點就ok~而且飲品無限refill，出面有雪櫃慢慢拎。質素唔錯，可以一試。

朋友生日，我請他到18樓雞煲火鍋專門店吃晚餐，店位於荃灣大鴻輝中心18樓。好彩朋友有訂位，7pm去到已有多人等位。之前吃過，覺得平靚正。我們叫了最實惠的A餐($208再加一)。先吃主角雞煲，食完雞煲再加湯打邊爐，火鍋料選擇很多，我們想吃的都有。雞煲大大煲熱辣辣醬汁好惹味，雞件多，微辣好開胃，雞肉多又美味，配料香，食完雞煲都飽了一半。火鍋料我們用barcode落單，上料有效率，一氣呵成，我們不用像在其他逐樣計的店要就住吃，兩個人可以吃得痛快。火鍋料質素不錯，性價比高，我們吃了不少，大滿足。我們推介自家製響鈴卷，山根，海中蝦，白鳝片，滋補花膠，蟶子，墨魚滑，西班牙黑䐁腩片，頂級梅頭豬肉，水魷，豬潤等。蔬菜豆腐也很新鮮。飲品選擇多，台灣冬瓜茶和烏龍茶都好。最後嘆埋杯乳酪雪糕，perfect!店通風好，座位舒適，服務佳。下次再encore。

環境方面：３星環境很寬敞，一般以四人卡位為主。飲品、蔬菜、調料都可以自行去飲品櫃、自助醬料區等地自行選擇、調配。食物方面一入場就選了套餐Ａ＄２０８／位，可以任食雪花肥牛和特級肥牛。先講主打雞煲，里面有勁多雞肉，而且連雞翼、雞鎚、雞腿部分都有，醬料微咸，還有Ｄ小辣，食落好惹味！食完個雞煲就快快的用QＲ ＣＯＤＥ落單叫食材了。第一輪快快手先點特級肥牛、紐西蘭羊肉片、炸魚皮、五香牛腩、自家製響鈴等～～材料都幾新鮮。如果不想等打邊爐，仲可以叫幾份大汗小蘇肉、麻辣鴨血、黃金芋圓球等熟食，一叫即食，味道水准不差，跟外面店舖味道質素差不多。食物上桌都好快，由下單到上桌，差不多五分鐘內就已經ＯＫ，而且一見到桌上有空碟，很快就有人把空碟收走騰出空位，效率很快。總體來講，這間雞煲店的ＣＰ值很高，幾抵食，我會再光顧的！

經濟實惠美味雞煲荃灣大鴻輝，可以說是美食天堂，琳瑯滿目，今次再光顧18樓雞煲。我和老公點了最平既A餐，先上雞煲，本人覺得中辣味道剛剛好，加上洋蔥芫茜辣椒等惹味配料，香氣迫人， 雞件非常入味， 肉質嫩滑 ，口感，味覺，嗅覺一流配合。餐廳服務亦非常細心， 每一張枱上已配備高湯。 食完雞煲後，自己添湯就可以打邊爐， 配料用手機下單， 非常方便 ，上菜速度非常之快， 雖然是最經濟的A餐，當中的雪花肥牛，賣相非常好， 油花均勻，牛肉味濃， 絕對是超值於這個價錢。 另外，值得一提的是牛腩， 賣相雖然普通， 經過火鍋翻熱一下， 已經非常軟淋， 入口即溶， 而且帶有筋膜及脂肪， 牛味相當濃郁， 今晚總共叫了三次， 一定要留位畀佢。特級豬梅頭輕輕一灼熟，口感爽脆，豬肉味及輕輕的豬油味，配合得剛好。手打墨魚滑，有喜出望外， 雞煲湯底， 配以濃厚的墨魚味，味道非常配合。整體值得一讚是服務員的積極性， 經常主動清理檯面， 態度亦非常有禮。餐廳亦有自家製冷泡茶， 總共有三款， 食雞煲一定要飲杯冰凍無糖茶解膩。總結18樓雞煲性價比超非常高， 雞煲味道絕對不會遜色任何一間雞煲專門店， 我覺得味道比其他專門店還好吃，

為甚麼叫18樓雞煲 ？因為它真的在18樓😆聽朋友說這裏很划算，所以就在平日晚上過來試試。環境餐廳十分大，加上以電話下單為主，不用太多空間做自助區，所以能設計更多座位。餐牌有三款套餐，都是吃完雞煲之後再吃火鍋，這次我選擇了最便宜的套餐，因為今天不算太餓😬 雞煲雞煲等大概十分鐘就有，很快！而且上桌就能吃，雞件顏色看上去十分入味，以醬汁鎖緊雞肉，吃下去果然醬香味很突出，雞肉挺嫩的，味道不會太辣，就算不能吃辣的朋友也不用擔心。 精選美國雪花肥牛 套餐A $168起這個套餐包雪花肥及特級肥牛任吃，另外還有豬頸肉、羊肉片、麻辣鴨血、各款丸類、蔬菜、餃等等。以$168的價錢來說真的很划算，原本雞煲的份量也不少，再點幾份肥牛真的很快能填飽肚子。原本雞煲的醬汁夠濃，所以加湯後吃火鍋也不會太淡，重點是他們的特級肥牛每次上桌也很漂亮，紋路清晰，顏色也很鮮艷，口感不錯。羊肉羶味適中，能吸點湯底更惹味。海中蝦、水魷、豆腐魚蛋、響鈴等等都不錯，丸類較多特別款式。飲料則是自助，有自家製冷泡茶，亦有各款罐裝飲料，還有冰淇淋，但我已經飽就沒有試了。

荃灣大鴻輝一直有好多野食，今日想食雞煲，又想打邊爐，就揀左18樓雞煲火鍋專門店，提供雞煲任食及火鍋放題，分爲套餐A/B/C🍽，價錢適宜，我地揀左套餐A,每人$208。大部分係卡位坐得舒服，上菜速度都快☺️✨雞煲（唔辣）雞煲上檯熱辣辣又好香，已經煮好，辣度可以揀大/中/小/微/不辣，分量都唔少，醬汁濃郁雞件都好入味🤤✨肉類我地食左雪花肥牛，滑牛肉和頂級梅頭豬肉，雪花肥牛有牛味，梅頭豬肉都發揮正常😉✨海鮮類海中蝦用竹籤串好，食落爽口彈牙，仲有細聖子、水魷、脆肉鯇、白鱔片、墨魚滑，選擇豐富😆✨蔬菜類擺係雪櫃要自己出去拿，常見既生菜娃娃菜油麥菜等等都有，新鮮乾净~ 都可以電話落單，有蟹柳、番茄、雲耳等等🥰✨其他自家製響鈴食落脆口，滋補花膠口感軟滑😛✨甜品有個雪糕機比客人自製乳酪雪糕，都有好多配料選擇，食完放題再食埋雪糕，正😍✨飲料有多種汽水和自製冷泡茶可供選擇🍹，清新解膩☺️18樓雞煲火鍋專門店📍荃灣眾安街55號大鴻輝(荃灣)中心18樓📍旺角彌敦道593-601號創興廣場18樓

18樓雞煲火鍋專門店打邊爐不嬲都係男人的最愛😏打邊爐前仲有得食埋雞煲簡直係perfect😋今次平日夜晚6:30去食，去到已經有啲人流食緊，食到尾都睇到幾多人幫襯。🐔雞煲醬汁濃郁，好夠味，雞件煮熟嘅程度剛剛好，食落肉質超嫩口，好滑好好食！不過今次同老婆兩個人去食，得半隻雞，建議成班friend一齊去食，會食得爽啲😎🐔我哋平平地叫咗A餐，原來七點前離座會平好多！火鍋料都幾新鮮，牛肉都唔錯！即使係A餐都有海鮮，蜆好乾淨新鮮、大隻有肉汁，仲有鱔食添！滑牛出奇地好食，肉質滑Lulu😂🐔仲嗌咗自家製響鈴，encore左2次，幾好食😋🐔打邊爐竟然有得食菜心😂呢個點係surprise！🐔仲有勁多嘢飲揀，同埋甜品位添！總括嚟講，我會推介俾一大班friend食飯嘅餐廳！

最近天氣開始轉涼，食香辣🐔雞煲最岩啦中意呢間餐廳 環境闊落舒服雞煲一上枱已經可以食啦!!!醬汁香濃少辣，好正仲帶點麻香，少微辣岩曬我口味， 重口味人士必食呀👏任食配料都多元化最特別有自家製小酥肉😉好香口 好食響玲比坊間大一倍有多， 吸曬湯汁，火鍋必食另外蝦餅🍤好香口 脆卜卜魚都好新鮮 完全唔腥呀⋯⋯脆肉脆脘魚🐟出面買都唔平架仲有鱔片， 超正有些菜 例如菇類 / 牛餐肉/餃子等等要落QR CODE ORDER , 有啲菜就放雪櫃自己攞另外仲加上多款汽水、飲品、除左平時一般罐裝飲品 / 紙包飲品，呢度竟然有台灣冬瓜茶、桂花烏龍茶等等….解辣 解渴一流！雪糕及乳酪全部任食！超抵食👏👏個人非常中意乳酪雪糕🍦出面好少地方有得食啦

天氣開始涼,再加埋聽日先打風,即刻搵間火鍋店暖下個胃.“18樓雞煲火鍋專門店”又可以打邊爐,又有雞煲可以食,即刻BOOK左六點半去嘆下.有三個套餐任君選擇, 我就選左套餐A,當然,如果想食D更靚既牛,就好建議食套餐C.野飲(不計酒精類)係任飲既,仲有自家整既”茉莉綠茶”同”台灣冬瓜茶”,抵讚,質素OK.值得試飲.侍應好快端左盤雞煲出黎,D雞好滑,加埋小小辣,食到好暖胃.超正.食完滑雞,加D湯,即刻開始下一環節打邊爐.好多野都好好食,點左”白鱔片”, “滋補花膠”, “是日海鮮(蟶子)”,”海中蝦”,”頂級梅頭豬肉”,”西班牙黑豚腩片”,豬潤”,”炸魚皮”,”雪花肥牛”,”特級肥牛”,總之應有盡有,不能盡錄.海鮮以”白鱔片”同”是日海鮮(蟶子)”,我點最多,好欣賞師傅刀功細膩,將白鱔既骨去左,滾一滾,肉質口感一流. 蟶子雖然是小號碼,勝在新鮮十足.呢到D侍應好抵讚,收拾和上食物的速度很快.不會嘆慢板.

想食放題,朋友話18樓雞煲抵食,就試一試💁🏻‍♀️以抵食為目標,我地揀左套餐A唔好睇A餐得兩種牛既選擇,另外仲可以任點以下既火鍋配料,所以其實已經好夠！餐廳環境幾寬敞, 食打邊爐最怕坐到密密麻麻,煙霧瀰漫,好焗....呢都夠寬敞, 坐梳化位,用餐環境唔錯👍🏻🍽秘製雞煲一入座就揀左雞煲先, 佢有大中小辣度選擇雞煲個醬汁夠濃同惹味, 雞既分量都幾多, 二個人係有d難一口氣食曬,所以我地就夾起d雞放係一個碗, 加湯開始打邊爐,打邊爐既同時再食雞🍽肉類 -肥牛、羊肉肉類新鮮,油脂剛好, 有羊肉係比較少有, 同行朋友鐘意食羊 🍽自家製響鈴自家製既響鈴真係唔同d,有好多層,炸到好脆,好食🍽 海鮮- 白鱔片, 脆皖片, 蝦, 鱔又貴又難處理, 所以任食白鱔係抵食👍🏻蝦用竹籤串好,方便食用, 蝦幾大隻,肉質實沙白幾大粒又無沙 花膠好厚身,要早d放 🍽蔬菜唔同種類既菜一杯杯放係雪櫃，新鮮乾淨🍽 軟雪糕同好多放題一樣都有雪糕機, 第一次加麥片落雪糕到食,原來幾好味窩😆💁🏻‍♀️ 食物同飲品既種類應有盡有, 坐得舒服,服務態度好,上菜速度快, 總結性價比高！

荃灣呢座大廈有好多食店，唔少都係打邊爐嘅。呢間18樓雞煲就係喺呢度發緣，真係喺正18樓，仲喺其他區開分店，我諗一定有佢過人之處喇！呢度嘅上菜效率係十分之高，唔會浪費放題限時嘅一分一秒。坐低唔係好耐，就已經送上大大盤雞煲，睇個顏色就知道係正嘢！食落果然超級入味，好開胃！呢度都有唔少炸物，而且唔係好多地方都有得食，例如大力推介炸酥肉，食落唔油膩，加上炸蒜粒粒好吊味，味覺非常豐富食完雞煲就開始打邊爐環節，呢度嘅湯都好夠味，但我都係習慣倒多一碟鼓油呢度嘅火鍋料都好多選擇，同埋好欣賞佢俾你細細碟咁叫！咁樣就可以試晒好多樣配料，但都唔會食到飽死雞煲加咗湯都依然色澤滿滿，烚完嘅食物的確夠味欣賞呢度嘅嘢飲都唔吝嗇，有啲比一般汽水貴嘅選擇，我都飲咗唔少最後當然唔少得甜品！呢度好好嘅地方係有大大個雪糕corner俾你慢慢擠，擠倒靚嘅雪糕真係好有滿足感！