18樓雞煲火鍋專門店

營業中

休息中

對付我朋友仔呢啲食肉獸，雞煲打邊爐放題先可以塞住佢把口，等我靜靜地嘆下食物，18樓雞煲我地黎啦！好，坐低睇吓有咩好食先，呢度掃曲落單。雞煲黎啦，少少芫茜香，多多麻辣味，叫咗小辣啱啱好，太辣的話會辣都冇胃口。雞煲份量好足，啖啖肉，食完一舊又一舊。岀面汽水、雪糕任添，新鮮蔬菜都係出面雪櫃。牛肉、羊肉片都算新鮮，色澤夠紅潤。海蝦大大隻，有肉地，是日海鮮係沙白，大粒有咬口，食落好爽脆。仲有多款火鍋料，食到飽飽。

雞煲加自助火鍋一向是我最愛的配搭，這天又到了荃灣大鴻輝覓食。$178加一可以任食兩個半小時性價比的確非常高。雞煲很快便上桌，加熱再攪拌一下便可以吃。啖啖雞肉都掛滿醬汁，味道濃郁，加上煮得軟腍的紫洋蔥，令味道更豐富，很快便把雞煲一整個吃完。吃完雞煲就可以加湯打邊爐，上湯自助取用，因為雞煲已經夠濃味，醬油也不用點。點了滿桌子配料，肉類海鮮內臟等都有，非常豐富。兩款牛肉色澤和肥瘦度都不錯，肉質軟滑有牛味。響鈴是自家鮮炸的，比一般的響鈴更加厚身有口感，放在湯中一會沾滿湯汁再放入口，湯汁在口裏爆開，加上響鈴本身的豆香，味道鮮美。花膠真材質料大大塊，入味又有咬口。蜆肉大大粒，帶微微海水咸味，味道非常鮮美。海蝦肉質彈牙，一隻隻串好方便進食。蔬菜自助取用，一盤盤用保鮮紙包好，乾淨衛生。生菜和油墨菜新鮮又爽甜。飲品有不少選擇，另外還有提供幾款果茶茶包，不愛喝凍飲的朋友都有其他選擇。飯後來一杯朱古力雪糕，配上配料更有咬口，每次放題過後吃一杯雪糕都能消膩氣。

大鴻輝多野食就人人都知!今次就同朋友去18樓試一試18樓雞煲火鍋專門店!量完體溫後,好快就有位坐,每個位都有獨立消毒紙巾,食之前再一次可以好好咁消毒雙手!雞煲好快就黎到,而且仲係已經熟哂,唔洗再等!超級香,雞既數目2個人食夠突!肉質唔會太乾,調味又唔會太咸,正!飲品櫃係自取,有蜂蜜雪梨茶,好小有!同雞煲配合食,一濃一清,超寫意!食完雞煲就到打邊爐環節,用QR CODE掃瞄完張單後,就自助落單3-4分鐘就上菜,配料都好出色,唔係平貨用料!是日海鮮十分足料,而且成碟都係咁新鮮爽口,無怪味!左面係黑豚肉,右邊係牛肉.唔會特別肥,口感都唔錯,食完再食係最基本!食左咁多肉,當然要食D蔬菜,木耳同淮山都好新鮮,煮完一輪都仲好爽口,同樣又係食完再食!如果QRCODE落單既菜唔夠,仲可以自己去雪櫃拎,同樣都係好新鮮!最後點小得雪糕,雪糕機溫度岩岩好,唔會結冰,又唔會勁快溶,完美既一餐!

曾幾何時，食雞煲係每個禮拜要做的事，但肺炎之後，大家都唔敢出街食，唔敢打邊爐。但今日去左荃灣，又真係好掛住雞煲，唔理啦唯有早d上去食！😂點知，原來6點已經坐滿一半，大家記得book枱，因為7點後都要等位。🤨湯底無得揀，只可以揀雞煲大中少辣，少辣都夠辣，麻香味重，逾食逾辣，好鬼正。雞煲一上枱就食得，食完自己去加湯打邊爐。雞肉好滑好多肉，好鐘意佢陣麻辣味，夠麻又唔會辣到食唔到。火鍋料用電話落單，唔洗成日行出行入，仲係光速上菜😂唔會漏單！仲有自助bar拎醬料，同埋菜，d菜用左保鮮紙包住，衛生又放心！魚皮好脆好好食，牛肉都好淋又唔會勁肥。有個卜卜魚蛋好好食，海鮮都有，仲幾新鮮架喎，尤其是蜆同脆肉鯇！

今晚黎到荃灣嘅大輝鴻哩度就係有荃灣兆萬之稱嘅地方成棟大廈入面都有好多唔同類型既餐廳打邊爐底、雞煲等等 🍲🥘🍔而我地就揀左呢一間位於18樓既18樓雞煲火鍋專門店🐔我地叫左個中辣既雞煲🌶其他既火鍋配料就係自己掃qr code用電話去點餐嘅係非常之高科技嘅感覺📱好！講番個雞煲先🥢雞煲好快就上枱而且店員輕輕攪一攪咁就已經食得，唔會好似其他餐廳咁要煮多一段時間，務求比你用盡兩個鐘嘅用餐時間我地揀在中辣嘅雞煲但係佢唔算太辣味道係偏向咸，份量同味道都好好😍🤪如果大家覺得份量唔夠或者太好食想再encore嘅話可以加48蚊再食過d雞🐔食完個雞煲就開始加湯打邊爐啦🥢火鍋配料上面都有好多唔同類型嘅選擇牛，雞，豬，海鮮，丸類，雲吞，粉麵所有野食都新鮮🤩🤩👍🏻另外要特別一讚既係電話去落單嘅時候係可以揀半份嘅火鍋料，照顧到兩個人嚟食嘅時候食唔到咁多而又可以試多啲唔同類型另外，菜單亦都可以extra比錢去柯打啲高級啲野火鍋配料或者啤酒經過兩個鐘頭，真係飽住出門口🤭👅平日既時間門外仲有人等位入座👍🏻👀

home office臨近尾聲，早兩日趁最後可以偷閒既日子去左荃灣食雞煲～早鳥優惠19:30前埋單每位減10蚊！鋪頭好大，座位寬闊，而且而家店員都安排隔枱坐，所以感覺都幾舒適同安全。雖然店內不停出現"食雞煲打邊爐，唔駛點豉油既"，但係佢依然有設有一個基本既調味料area~入座無幾耐就會先上雞煲，可選辣度，我地叫左小辣。雞件份量剛剛好，唔會太多或者太少。一上枱就聞到勁香～～～超吸引！！而且雞件肉質唔算鞋，都幾好食。食完雞煲就可以落上湯開始打邊爐～～～食物種類選擇好多，我地叫左兩碟唔同既牛肉。但兩碟牛肉唔係好分到邊款同邊款哈哈，但肉質都係好食既～羊肉方面味道比較出，好好食～海鮮類一般。花膠大大塊，好多配料新鮮度都唔錯。自家製響鈴卷比較特別，比平時食既厚實，確保就算浸耐左少少入面都仲會脆。打邊爐我最鐘意叫萵荀～另外就係臭臭地既菜例如皇帝菜同西洋菜～～～呢到都有西洋菜，另外仲有娃娃菜之類可供選擇。飲品選擇唔算好多，但cover到唔同人既需要，有汽水，無糖茶等等～而且佢可以直接用qr code落單，好方便～唔洗驚場地太大，叫極都叫唔到店員落單～另外就係佢地既上菜速度好快，落單無耐就已經上到菜！

香港本地連續幾日零感染，急不及待要去食雞煲打邊爐了，幾年前食過呢間，呢日醒起，所以來了！侍應安排左卡位比我地坐，有啲獨立空間，位置亦夠闊落，食都食得安樂啲，仲一人派左2個紙袋比我地放口罩，非常貼心！雞煲未嚟，先拎野飲，除左汽水，仲有無糖綠茶、烏龍茶可以揀，算係健康之選！雞煲來了，我地叫左小辣，微微的辣度剛剛好，唔會太濃遮左啲雞味，肉都夠嫩，唔會老，食唔停口！食到7788,自己去拎上湯打邊爐，餐墊紙有溫馨提示，落兩吋湯味道剛剛好，連鼓油都唔洗點！事實上真係夠味，唔洗點鼓油仲健康！Scan qr code 點菜，十分中內上齊！肥牛嘅色水不錯，食落有牛味，豬肉肥瘦都有，正！特別推介自家製韭菜餃同埋自家製響鈴，前者皮薄餡靚，後者炸得好香脆！好味！

基於疫情關係 好耐都無食過雞煲趁而家開始淡淡地 吃貨又再出動近近地 揀間公司附近嘅 18樓雞煲門口有齊探熱 紙袋放口罩 等防疫措施以呢個價錢黎講 真係抵食假日都係+$10 only醬料區有齊蒜/蔥/辣椒等飲品都係自助嘅 都有成十幾款揀菜係分好放入雪櫃 用保鮮紙包好仲貼住張紙 提醒飽出自助區拎野要帶返口罩其他野食係用QR code點種類都好多好齊 上菜速度快 無漏單叫左個中辣雞煲有齊花椒八角辣椒除左麻辣 仲有雞汁既味道個醬汁好掛身 令到雞件好惹味雞髀肉嫩滑 煲入面仲有好多雞胸件雪花肥牛 比起坊間既平牛 呢款無咁肥 肉味亦都無咁濃呢款係特級肥牛 有雪花紋 肉味濃 令人驚喜呢度仲有自家制響鈴 呢款響鈴唔怕浸得太耐而淋晒 廚師腸 証明餐廳落足本白色長身既好似叫海鮮菇 又係落足本仲有花膠 海蝦 沙白等海鮮最後仲有甜品 軟雪糕 真係又飽又滿足唔係講笑 大家記得book枱 都幾full架！

嚟到荃灣，呢邊特別多活化工廈，大多化身目不暇給的美食天堂，啱晒我哋呢啲吃貨！今次到訪嘅係位於眾安街街市附近的商業大廈，聽聞呢度有間雞煲唔錯，於是決定一試。店內的座椅已經吸引我們，應該坐得好舒服😌侍應見我哋同行四人，安排近窗口卡位，真的喜出望外！頓時好似去咗101大樓嘅感覺！正！加分！每台可叫雞煲一客，按人數配給份量，可選擇不辣 / 微辣 / 小辣 / 中辣 / 大辣 / 特辣......雪櫃內的飲品任飲，款式頗多，酒精類另外收費。先來微辣雞煲品嚐一下，很入味，雞肉唔算很肥，而且很嫩口彈牙最重要不是特別辣，建議想試試但不太食辣的朋友可選擇。餐廳使用二維碼下單，環保方便，而且店內也有免費Wi-Fi服務，十分周到！食完雞煲後，枱面上有一玻璃樽裝湯底，可直接倒入煲內，連埋裏面的配料一齊煮沸，就完成湯底。另外，剛下單不到2分鐘，店員馬上送上第一輪食物，而且每次都很快收拾枱面上的空盤，能放出更多空間使用！光是服務已值100分！！我們試了多款不同的食物......1） 雪花肥牛/特級肥牛兩款牛肉的口感都很嫩口，煮了一會牛味香，完全不是那陣雪藏味。2）炸魚皮值得一試，卜卜脆。3）墨魚滑/芝士丸/特級貢

荃灣大鴻輝中心一直有一間雞煲店非常出名，出名在性價比高而且食物味道也不錯，雖然疫情期間仍有很多人。由於朋友不吃雞，就直接可以選擇湯底，選擇了胡椒豬肚湯，非常不錯，胡椒味突出，而且裏面有豬肚及雞，很補。肉類方面也選擇多多，豬牛羊也有，而且豬和牛也有兩款不同的薄片可以選擇，每款的份量不太但是吃得出味道也新鮮，花紋分布適中。另外種類也是非常多元化的，我最喜歡吃的就是響鈴及炸魚皮，吃起來像即炸的，特別有油香！非常推薦！當然不少得自家製雪糕，有朱古力味雲呢拿味，還可以自行添加配料，甜香十足，加上可以瘋狂飲這裏超過10多款的飲料，最多可以食2.5小時，食得慢都不用怕！

好鍾意間餐廳嘅slogan❤️❤️❤️食雞煲打邊爐 唔使點豉油嘅 👍🏼👍🏼👍🏼真係好夠味，食得好開心😘😘😘不過餐廳都好貼心都有預備定醬料，如果鍾意點豉油嘅都係自己去調教👍🏼👍🏼👍🏼👍🏼成餐飯都好方便，因為用QR code落單👍🏼👍🏼👍🏼一坐低店員會上雞煲先，雞煲好惹味👍🏼👍🏼👍🏼👍🏼雞件都好滑❤️❤️❤️❤️❤️我哋試咗唔同款式嘅配料，不過到試唔晒，因為太多款揀呀❤️👍🏼白鱔片、雪花肥牛、牛柏葉 頂級梅頭豬肉 滋補花膠 海蝦 水魷 胡椒爽肚丸 墨魚丸 黑椒牛丸 牛筋丸 炸魚片角 鮮淮山 海鮮菇 哦腸 豆腐脆脆魚蛋 炸蝦片 炸魚皮😊😊😊仲有啲收費配料 可以自己叫例如有珊瑚蚌貴妃蚌😋😋😋今日成餐飯都大滿足❤️👍🏼

18樓雞煲 唔係好似28座大王錦冇人識 前幾日同朋友傾開 大家都忽然之間好想食雞煲 平時食開果幾間都食到悶曬 朋友就提議不如去試佢身邊好多同事推薦既 18樓雞煲由於武漢肺炎疫情影響 街上都忽較冷清 自然都唔需要等位一坐底就即刻送上熱辣辣既雞煲 我同朋友都唔係錦食得辣 就叫左個小辣 熱辣辣既雞煲 傳黎陣陣既香料味正呀差唔多食完個雞煲 我地都即刻用手機落單 叫左一般既火鍋配料 海鮮雖然選擇未算十分多 但卻十分新鮮2百幾蚊任食2個幾鐘 錦既價錢 可以算係十分抵食

本身自己家住港島區，甚少去到荃灣那邊開餐，不過友人就住在呢邊，佢話荃灣區其實有好多隱世小店或者高質食店，經佢既介紹下，今晚就黎到呢間雞煲火鍋專門店，從荃灣地鐵站出閘後再步行約六分鐘就到達。疫症下餐廳做足防疫措施包括探體溫，搓搓手及提供紙袋裝住口罩。餐廳內空間甚大，眼見可提供大約至少120個座位，大部分都是卡座位。一入店內，即時有職員詢問你喜愛既辣度，雞煲辣度，大致分為BB，小，中，大辣，不吃辣既客人可以選走辣添。這裏點火鍋配料以手機QR code落單，菜，醬料，飲品，雪糕及上湯就可以自行拎取。每晩有特別海鮮供應，今晚既特別海鮮就係蜆，不算太大隻，但勝左鮮甜，另外，本人推介佢地既海蝦，因為夠曬新鮮，食得出不是雪藏🦐。最後，值得一讚呢就係佢地限時長達2.5小時，完全足夠時俾你飲飽食醉同吹水🤣

已經好耐未試過出街食飯了，家姐突然約我又話想食雞煲，於是我地就去左大鴻輝老地方18樓到食雞煲，之前同家姐係到食左幾次，我家姐一直都好鍾意係到食，因為又平又好食。我地早前就已經BOOK左，入去之前職員會先幫我地量度體溫同埋話比我地聽有酒精搓手液消毒，而且仲有個紙袋比我地放口罩添，小小嘅舉動都顯得出幾貼心。我地叫左個唔辣嘅雞煲，邊個叫我地唔食得辣丫~ 雞煲好快就已經到，一上就食得，味道都幾好，味道好濃郁，雞件都幾多，每件都好多肉，肉質好嫩滑，一上即食真係岩岩好，食到上加下我地就加湯打邊爐食配料。而家轉左用手機點配料，都得好，可以環保啲又唔會漏單，我地咁鍾意黎食其中一個原因就係因為配料選擇多又有效率好快就到。呢到嘅肥牛都唔錯架，好滑又重牛味，我地都叫左好幾碟，好快就清哂碟。炸魚皮兩食都得，單食味道都夠哂而且仲好脆卜卜，第二個方法就係淥幾秒就食得，吸收哂湯底嘅味道之餘仲係好脆。海蝦好新鮮，蝦肉鮮甜彈牙，呢樣野係我地次次黎呢到必點嘅一款配料之一。韮菜餃同蟹棒都好好味，韮菜餃雖然細細粒但入面餡料好豐富，唔好睇少佢。芝士丸同芝士魚豆腐入面都有好多芝士，真材實料。到左尾聲就淥個稻庭烏冬作結尾，食到好飽

講開食雞煲，一個住荃灣嘅同事就介紹左我去呢間餐廳，於是就book左位去食座位幾濶落，坐得好舒服同埋通風都唔錯，食完都冇一浸味我地兩個人就叫咗中辣～ 雞件比想像中多，雞煲醬好濃郁，唔算好辣，所以唔太食得辣嘅朋友都可以食到 啲雞切到細細舊，所以都幾入味之後打邊爐，就全程都係用電話自助落單，飲品就要自己出去拎，比較衛生任食來講，牛肉質素唔錯唔會好似出面食嗰啲剩係得肥膏咁樣～啲海鮮都幾新鮮，我最鍾意食個魷魚鬚，超級彈牙！蜆同蝦都幾大隻仲有其他唔同嘅蔬菜～～要稱讚下佢個響鈴，有兩個窿俾人用筷子篤入去，咁就一定唔會錄錄下成條散晒啦炸魚皮份量幾多，keep著係脆口架！菜就要自己出去拎，不過每碗都有保鮮紙包好，都幾衛生飲品選擇都幾多 怕肥嘅我就一定要飲纖解茶