1523 釗級廚房 (已結業)

到元朗探朋友後，來到友人推介的<釗級廚房>，中式名字卻主打西式菜餚，十分特別。落地大玻璃透視雅緻格局，牆上掛滿動物肖像，粉色系的佈置，簡單而舒適。坐在窗邊自成一角，慢慢挑選菜單。南瓜湯+蒜蓉包(主食$20跟配)我們點了3個主食再跟配套餐，熱辣辣的南瓜湯隨即送上。南瓜湯奶滑香甜，蒜蓉包脆卜卜而充滿牛油香，令我們更加期待主菜。自家製手打和牛竹碳漢堡 $128麵包皮香脆，加上芝麻的點綴，入口滋味。手打和牛口感結實、挺身，切開時肉質不會鬆散，夾合雙層芝士，味道濕潤而美味。蕃茄及生菜份量不少，整體感覺平衡。薯條是自家製，十分粗厚、綿密，沾上煙燻醬，特別香口。原隻德國咸豬手 $168原隻咸豬手簡直是巨無霸，完全佔據了整個碟面。充滿氣孔的芝麻皮，甘香酥脆，叫人垂涎! 脆皮下有薄薄脂肪，一啖咬下去，皮連肉享用，油脂豐盛，層層酥化，十分窩心! 芥末醬辣而嗆喉，沾少許到咸豬手，十分過癮。黑毛豬豬鞍 $198黑毛豬豬鞍用慢煮方式烹調，確保全熟而餘，肉質仍然鮮嫰。豬鞍入口軟腍、鬆化，邊緣香脆，啖啖滋味，若果可以跟配saucing，感覺更細膩。薯蓉很非一般，拌合了黑松露醬，香滑誘人，每啖都洋溢松

喺元朗長大嘅我 以前就成日食同一個舖位嘅小白屋 簡直係童年回憶 而呢間新開嘅釗級廚房開喺同一個位置 同樣去食西餐 lunch一點左右嚟到舖頭好full 等咗15分鐘到先有位 大約有6-7張枱 鋪頭有大片玻璃窗做間隔自然光透入黎 唔會話感覺好壓逼 而且好舒服 lunch set包埋湯同嘢飲 今日個湯係青豆湯 青豆味好濃郁而且無草青味 仲有少少青豆肉 好有口感叫咗烏卒卒墨魚意大利飯 個飯用咗墨魚汁去煮 亦都有淡淡嘅奶香 食到成口都黑蚊蚊好有趣 上面有六七隻墨魚仔啖啖肉 亦都好鮮味仲有白雪雪忌廉汁海鮮意大利飯 忌廉汁好濃郁 奶香味 意大利飯軟硬適中 有咬口 配上海鮮鹹鹹香香 份量都唔少 不過就有啲漏 之後就係澳洲肉眼扒配薯蓉 肉眼扒好厚而且牛味好濃 好好味 薯蓉煮得好滑 值得一讚既就係香煎咗嘅翠玉瓜 有蔬菜味之餘好香口 元朗嚟講有質素嘅西餐唔多 呢個價錢食午餐好抵

元朗大會堂後面街有好多野食 近期開左間新野食 釗師傅真係好介紹首先門面好新好光猛 睇到都好想試坐低嗌左兩個餐 飲湯食蒜蓉包個蒜蓉包好有驚喜 又脆又鬆化 蒜蓉味岩岩好蘑菇湯都唔差 仲有笑臉送😀煙三文魚長通粉 睇落好清咁 但食落好夠味 煙三文魚又多足量每條通粉都煮得岩岩好 好入味 足料西冷扒 材料夠新鮮 輕煎已經好好味牛味好足夠 釗哥自己再調左燒汁 一齊食一流牛肋條意粉 釗哥推介牛助條煮得好入味又軟身 一碟牛肋條有成5條咁多😨😨😨 好抵食😍豬手 釗哥第二個推介先煮熟再焗 職員話佢地用左好多時間去調較焗既時間 務求令到豬手外脆內軟又真係外脆內軟😍😍最後 試杯特別既越南咖啡 咖啡味足又唔會太甜 好有驚喜睇落釗哥都係飲得之人 呢個corner就出賣左佢😂😂😂服務一流 價錢公道 食物又有驚喜 多謝釗哥

假日行經元朗就看吓元朗最新的圖書館及體育館，不論選址唔難找還四圍非常之寬闊，是假日三五知己或家庭遊的好選擇。玩到黃昏又是找食的好時間，圖書館附近已有很多好選擇，不用四圍再尋找。我們行了一陣就選了這間好似小屋的餐廳。因為由外望入店內，有一張長桌子給人好有家的味道並。店內充滿住很多可愛的動物裝潢。另外，店外牌子寫有如7：30前結賬，飯及意粉可有折扣。因時間尚早都不算太多人，我們很快就被安排坐下。我們點了手打日本和牛竹碳漢堡、BB醬豬肋排及香噴噴黑松露蘑菇意大利飯。開心地全部只需另加20元就能擁有餐湯及餐飲先說餐湯，是我最愛的南瓜忌廉湯，入口濃郁，最開心上桌時帶上笑容來歡迎我。手打日本和牛竹碳漢堡賣相非常靚，感覺很温馨。最上層的和牛漢堡肉被滿滿的芝士蓋滿，切開漢堡還有肉汁流出，食落啖啖滋味。薯條炸得非常好，外脆內軟。再加上配了很多蔬菜，不會覺得很膩。BB醬豬肋排非常大份，醬汁甜酸辣剛剛好，肉汁仍能保持在肋排內。每吃一條就引不住口吃另一條，非常鍾意！黑松露蘑菇意大利飯，名符其實真的香噴噴。上枱時就被這飯的香氣吸引而忍不住口嘗吃數啖。好味同場加上餐廳很快推出pizza，有幸地可以嘗試。餅底適中，

好難得去元朗探朋友，到附近體育館玩，偶然發現呢間食店試下，都幾有驚喜。店雖然唔大，但入面裝飾都幾舒服，好適合幾個朋友座低傾計。我同朋友兩個人叫左兩個餐，分量十足，好足料。慢煮原隻德國咸豬手豬手真係不得了，一定要試。超級超級大份，應該係隻巨豬，4個人食都得！個皮好脆，芥末醬帶D甜味，幾特別，真心推薦！因為得兩個人，最後都係食唔曬。3－4個人應該分享就最prefect。美國黑安格斯prime肉眼個扒好大份，同把刀一樣長，又厚身。叫左7成熟，唔會太老，剛剛好，好味！個醬汁同塊扒都好夾。大推個薯泥，好有菇味，唔係一般既薯蓉，用心之作。好味！

元朗教育路兩旁開滿餐廳，就連近劇院那邊的馬田路都有不少餐廳的開設，其中一間就係1523釗級廚房。餐廳入面呈L形，雖然唔算大得十幾個位，不過兩邊落地玻璃窗，令室內充滿日光，歎番個週末午餐都幾舒服。午餐有8款提供，有牛豬雞，又有意粉pizza，款式選擇都好全面，價錢$48-78，餐加$10就有餐湯，蒜蓉包同飲品，而且不收加一都幾划算，所以有唔少街坊幫襯。是日餐湯係甘筍湯，湯入面有好多甘筍蓉，味道濃郁好香甜，稀稠度剛好，配埋個暖笠笠又香噴噴既蒜蓉包，好好食，好想食多個！醉意牛肋條配薯蓉 $68 牛肋條煮得腍軟嫩滑，一點都唔韌又唔乾身，有嚼口之餘又多肉汁，加上用紅酒煮過，非常入味又惹味，而且份量仲好多添。伴碟薯蓉好幼滑，加埋牛肋條既汁食，更加惹味。滑捋捋雞扒漢堡配薯條 $58 第一碟叫左牛，另一碟就叫雞。雞扒上面有塊半溶芝士，賣相已經相當吸引。雞扒大塊到成塊臉咁大，兩邊都煎香左，而且醃得入味咬落好香口，肉質真係好滑捋捋唔乾身，好食！加埋中間既生菜、蕃茄，一個漢堡已好飽肚。 伴碟既薯條都好食，炸到剛剛好，又唔會太燶太乾，落左黑椒去調味更加香口惹味。餐飲叫左凍檸茶同熱朱古力，凍飲唔駛加錢，又無加一

聽朋友話呢間好食所以決定同老公來試試環境好舒服嘅一間餐廳地方唔係好大，但就好舒服餐湯好足料好多南瓜蓉，好香甜蒜蓉包外脆內軟😋美國安格斯肉眼扒肉眼扒好多汁，我叫6成岩岩好，一D都唔鞋連個薯蓉都好好味，全部食晒😋食咗一半嘅鹹豬手😆皮脆肉滑，配埋秘製嘅醬汁味道好夾好好味10分推介呢個Pizza不得了好重芝士，啱晒我呢啲芝士控隔住個mon都仲好想食🤤最後我哋兩個人係食唔晒啲嘢嘅因為份量太足，所以鹹豬手要拎走啦點解要1523？老闆娘話分別係佢同老公嘅生日日期兩夫妻真係好有心機打理一間舖一定會繼續支持😊

元朗好既地方係無論大店家定細店家都係有好多不同選擇唔會淨係得D連鎖既食店仲要小店都幾有質素 今日食既呢間叫得釗級廚房就知 今日食既呢間係元朗市區搭車去定揸車去都好方便 午市既選擇都比較多我就揀左個滑捋捋雞扒漢堡配薯條加多10蚊就有跟套餐 會有蘑菇忌廉湯，味道較一般的濃，湯的話只有一種選擇，但是食材一定是新鮮整出來，並不是罐頭湯的味道！已值回票價 及牛油包，包本身非常香脆，加埋牛油在上面，味道非常足夠，而且整塊都是金黃色，色香味俱全 來到主菜，就是滑捋捋雞扒漢堡配薯條 先說滑捋捋雞扒漢堡，想不到漢堡的SIZE如此的大，特別是雞扒的大小，和我的手掌大小沒有分別，入面的料理不但多，而且很新鮮，有蔬菜，有蕃茄片，又有一大片芝士！！光是外相都已經滿分，重點就是滑捋捋雞扒！一開頭都沒留意滑捋捋雞扒的名字，原來是形容雞扒的口感！！真的是外面脆皮，而入面就滑捋捋！可口非常 薯條是真鮮炸出的，加上有少少味粉在上面，口感一流，味道就算不點茄汁也本身很有特色！！

今晚同朋友食德國豬手，佢地用慢煮加上炸得鬆脆。所以無寫個食評都要寫一寫。老闆娘好客氣介紹舖由來。食得一番人情風味，加上份量非常足夠，二三個人食都無問題。此外睇得出佢地用心佈緻個餐廳，頗有英式風格，古老電話等。一個字 一 好食。

元朗發生小食店慘被指羊為狗事件，現在應該全香港都知道了。其實那小店每一兩年都會被抹黑劏狗，所以元朗人一早就知道那是假指控（汗）怎樣也好，現在那小店大排長龍，獲得不少元朗區網民支持，想一試美味羊腩煲，要早早預訂。如果好像我這樣，打算walk-in外賣羊腩煲，可以說是零機會（哈哈）所以唯有再向前走找東西吃，意外地碰上1523 釗級廚房，同樣是充滿元朗人情味的。是晚一家三口來吃晚飯，明顯小baby只佔空間不吃食物，1523 釗級廚房只有數10個座位，如果是其他小店，可能早就遭白眼了（苦笑）但店員沒有拒我們於門外，還安排一個可放bb車的座位。點了兩份晚餐，多送了一客南瓜湯和蒜蓉餐包給波仔（在此謝謝！）南瓜湯喝得出新鮮煮出來，內裡還有一絲絲的南瓜肉，充滿纖維，現在都市人著重健康飲食，感覺到餐廳充滿誠意。這裡有我最喜歡的黑松露雜菌意大利飯，賣相不俗，而且份量也不少。忌廉汁濃而不膩，黑松露油也挺香的。不過就飯粒來看似乎不是真的「意大利飯」，不是那種圓圓的，煮起來依然有外軟內硬的效果，也就不特別去扣分了。老公點了5成熟的肉眼扒～餐廳用料還真不錯，靚牛扒基本上也不用怎樣去烹調，兩邊煎香就非常好味了。牛扒

見谷友力讚呢間釗級廚房，便一家人黎食下試下佢。因有BB車，店家客氣地給了全店唯一的卡座大枱，有點受竉若驚呢。坐低後不久，店家便送上餐牌及水，態度十分友善。點了數款食物，加$20轉餐，包括餐湯餐包及餐飲。南瓜湯是晚餐湯是南瓜湯，甜甜的很好喝。蒜蓉包蒜蓉包即烘起的，熱辣辣香噴噴，蒜味十足。BBQ醬豬肋骨（$168）主菜之一的豬肋骨，煲得十分軟腍，一切即開。店家說是自家制的燒烤醬，但說實話好像沒太大分別。旁邊還附上黑松露薯蓉，是真真正正的薯蓉無添加，沒有牛油忌廉調味，原原本本的薯仔味呀。整體還不錯，若豬肋骨再多烤一會應該可以更好。慢煮原隻鹹豬手（$168）超級大隻呀！果然係慢煮，內裏的肉很軟腍易切，外皮十分香脆，好像燒臘舖的燒肉呢。醬汁是蜜糖芥末醬，甜多於香辣，很適合小朋友的味道。配菜是薯條，炸得很脆，全家人都搶著吃呢。凍奶茶味道略淡，勝在夠大杯。熱檸茶杯子很小所以茶不多，而檸檬則有點太多好澀呢。食物水準實屬一般，但店家態度友善，多多支持一下小店呀～

和媽媽相約吃飯，她喜歡吃西餐，我們來到這間元朗小店晚膳。餐廳走悠閒風格，雖然空間不大，但滿載著一份人情味。晚市有各種菜式，原本想點豬手，但獲告知已經訂滿了，唯有再等下次。西蘭花忌廉湯忌廉味濃郁，更有西蘭花清新味道。蒜茸包剛剛烤好，熱辣辣，口感香脆，蒜香味十足。美國黑安格斯prime 肉眼肉眼八成熟，煎得恰到好處，切開仍有肉汁溢出，很Juicy白雪雪香草忌廉汁海鮮意大利飯內有多款海鮮，蝦大大隻很鮮甜，意大利飯配上忌廉汁是完美的配搭，很creamy 。隨餐還有餐飲- 特濃朱古力及熱好立克，飲完很滿足。

My friend and I went to a restaurant called "Chiu’s Kitchen" (1523 釗級廚房) located in Shop 18, G/F, Yee Fung Garden, 38 Ma Tin Road, Yuen Long元朗馬田路38號怡豐花園地下18號舖.It looks like a gigantic glass box from the outside.With large grids framed French windows at two sides.Adorable animals pictures are hanging on the walls.Brown wooden blinds and small indoor plantations set a warm earthy tone to the whole environment."Pork ribs with BBQ sauce" (BBQ醬豬肋骨) HKD$168 ..The ribs are nicely roasted with strong sm

今夜和你來到元朗的超級廚房先送上來的餐湯是西蘭花忌廉湯西蘭花忌廉湯在西餐廳比較少見濃濃的西蘭花味感覺健康清新是新鮮感十足的餐湯香噴噴黑松露蘑菇意大利飯緊接上場意大利飯賣相極具心思黑松露味道濃郁意大利飯出奇地軟熟易入口慢煮原隻德國鹹豬手是肉食男之選鹹豬手份量驚人比兩個拳頭加起來還要大呢可惜芥末醬料不太合我的口味肉間夾帶著脂肪彈性十足但外皮略嫌太硬不夠脆口BBQ醬豬肋排肉質軟嫩據悉BBQ醬是店主特地調製塗上醬料的豬肋排表面散發光澤聞到味道已令人垂涎三尺

老豆生日，book左位食生日飯。成日都係元朗覓食，今次發掘好食小店認真好開心，😂我諗我隔一陣又會想食🤤豬手係第一推介，$168但份量好大。因為係用慢煮方法，所以豬手肉唔會柴，但皮又卜卜脆。唔同出面食豬手勁難切，一切就ok，極度手殘嘅我都搞得掂👍睇到隔離枱食呢個已經好吸引，牛好淋，牛味幾濃，而且個汁同意粉mix得好好😛，所以你個覺成件事係好夾，唔似有d餐廳係是但將醬淋上意粉到，個意粉同汁係分開嘅感覺。豬肋骨都好好食，老闆娘話醬係佢地秘制，好香蒜味。黑松露薯蓉都好有驚喜，黑松露味唔會太濃烈搶曬d味，薯蓉本身都好creamy好好食😝加20蚊就有餐湯、蒜蓉包同餐茶，餐湯好得，真係有粒粒磨菇係裡面。蒜包唔係薄薄一片個種，厚得黎唔難咬，又香口。😋最近加餐湯set送cream 酒，甜甜地帶拖肥味，岩曬女仔飲☺️