101臺灣品味館 (已結業)

夜晚旺角搵食，見到台灣野好似幾好，入去叫外賣。叫左一個香酥綜合飯+2個肉躁飯，店員問跟餐飲乜，要左3杯熱檸茶，埋單200。追問店員點解200，先知每杯野跟餐+10蚊，但原來冇一杯係跟餐唔加錢嫁喎，咁個餐究竟係邊呢？叫佢取消又話沖左冇得退。個飯一般般，份量ok不過炸物唔係好脆(畢竟外賣)，油益味重d。個杯熱檸茶...就係茶餐廳真.跟餐既一杯熱飲。以接近70蚊食一個咁既晚「餐」係完全唔值，見其他食評都只係話下午茶抵，咁係我自己賴野啦!旺角有更多好選擇，冇下次!

下午係旺角揾野食，附近好多餐廳都做緊下午茶優惠唯獨呢間台灣野價錢最吸引38蚊有曬ABC🤤『滷肉飯配B123』滷肉麻麻地勁多肥膏，而且醬料偏多鹽酥雞同地瓜都ok，每款左3件，都可以過下口癮台灣腸似炸多過燒😓『滷肉米粉配B567』米粉唔錯入面仲有芫茜、蔥、韮菜、芽菜湯底稍為咸左少少但可以接受不過旁邊嘅三款小食就出事了⋯⋯除左墨魚餅有啲芹菜味之外，其餘的都係差唔多嘅口感，一樣嘅味道😓😓整體黎講，下午茶勝在夠平有主食、小食同飲品份量同質素都對得起個價錢嘅～

係台灣最具代表嘅滷肉飯同紅燒牛肉麵之間掙扎咗一陣，最後決定咗食呢個紅燒牛肉麵，點至最後食落個味道都係一般。招牌紅燒牛肉麵 $54牛肉麵個湯底應該由花椒八角同牛肉等等材料一齊熬製而成，所以可能熬得唔夠耐或者材料唔夠令個湯底比較淡，牛肉都炆得夠腍，但就唔夠嫩滑，麵底係用幼麵。珍珠奶茶 跟餐+$3珍珠有少少嚼頭，茶味唔係好濃，係無少甜情況下甜度似1/3甜，所以令到成個感覺好淡。101臺灣品味館喺旺角地區價錢都算合理，份量都足夠，男仔食都應該夠飽，但味道就比較普通。

路過尼間台灣食店！見個下午茶餐模式咁似紅磡間讚好咪入去試吓個茶餐下午茶餐1）小滷肉湯麵 2）小香腸+花枝丸+鮮蝦腐皮卷 3）鮮檸紅玉麵份量算ok！但味道好一般花枝丸算ok!小香腸煎得唔夠香腐皮卷點解會叫尼個名🤔檸茶算大杯

經過連續多日在「將軍澳」「富康花園」商店街，光顧美式燒烤食品店遇上摸門釘之後，我決定在星期一晚上最後一次拜訪「富康花園」，如果美式燒烤店仍未開門營業的話，就決定放棄。在光顧「富康花園」美式燒烤店之前，我在黃昏時間光顧「旺角」的台灣菜餐廳「101臺灣台味館」，食少許滷肉飯、鹽酥雞和水蜜桃紅茶飲品的下午茶打底。「101臺灣品味館」舖位實際位置雖然是在旺角「西洋菜南街」，但是「西洋菜南街」其實也有偏近「銀城廣場」和「油麻地」區域，還有近着「旺角中心」和「太子」區域，「101臺灣品味館」則屬於後者。我上門光顧「101臺灣品味館」當日，餐廳裡面的食客實際數目不算很多，所以感覺餐廳樓面空間頗為闊落，我一個人就算坐一張餐檯，也沒有遇過「搭檯」的問題出現。雖然「101臺灣品味館」餐牌裡面也有提供「牛肉麵」食品，可惜「101臺灣品味館」「下午茶」餐牌裡面偏偏沒有提供「牛肉麵」，註定想食下午茶的我，與「101臺灣品味館」的「牛肉麵」緣慳一面。相反「101臺灣品味館」下午茶茶餐裡面的食品主要角色，是配上甜味滷水汁的「小碗滷肉飯」。我個人對豬肉興趣一般，所以即時滷水汁裡面的甜味濃厚，還是始終無法令我愛上「小碗

訂咗12月機票去台灣，希望到時疫情已經成為過去，可以安心去旅行啦！哩段時間唔可以去台灣夜巿掃小食，唯有幫襯香港D台式餐廳，止止引先！第一次幫襯101, 全因為門口 menu 上嘅鰻魚飯吸引，只係65蚊咋！抵啦！另外再點咗個小食併盤，控肉飯同荔枝汁.先講講杯荔枝汁，我相信唔會係新鮮荔枝搾，但荔枝汁夠味夠濃郁，無話偷工減料味道過淡，大喜！控肉飯近似香港嘅扣肉飯，肉質口感實咗少少，唔夠鬆軟，有D失色.小食併盤有台式香腸，炸雞，炸花枝丸同炸魷魚鬚，炸魷魚鬚過咗火，硬咗少少，而且魷魚鬚 size 比較細，份量少咗D，炸雞同炸花枝丸外脆內軟，滿意.食過正宗台式香腸就知道，味道近似港式臘腸，但口感比臘腸鬆軟，而眼前嘅香腸，係正宗台式風味，令人回憶起台灣街邊小食.鰻魚飯最滿意，成條鰻魚原條上，鰻魚肉入口即溶超嫩滑，果然無選擇錯.下午去金魚街買金魚，又多一間餐廳選擇.

食過幾次，都係好抵食，尤其紅燒牛肉麵，粗麵有口感，彈牙，肉都好多舊，又夠淋，湯底濃郁，高質牛肉麵！另外飯就普通，鹽酥雞麻麻，有d乾。芋泥肉鬆蛋餅唔抵食，因為無乜芋泥，無乜味。

I went there for lunch with my girl friendWe want to eat Taiwanese food because.Especially intestine thin noodles. ——————————————————不過個台灣麵線走我真係超級鹹可能味精太多另外我哋叫咗個小食拼盤$65可以選擇四款食物呢個係非常之抵食嘅價錢我哋叫咗有墨魚餅跟住係魷魚酥仲有甜不辣同埋鹽酥雞超級好食超級香脆超級熱辣辣仲有個蛋餅原來我聽到好多人都會叫蛋餅食份量唔多但係啱啱好我哋叫咗個芝士肉鬆蛋餅

之前係太子返工，成日都會幫襯呢間餐廳。但最近再去食，發現餐牌改哂，加咗價。我叫左鹽酥雞飯，少飯左同埋無咁好食。但最諗唔到連杯珍珠奶茶都唔好飲咗😕完全令我大失望，應該係最後一次幫襯佢。唔介意你加價，但唔好食物質素差左。

外面天氣酷熱，正好去吃個下午茶這兒的下午茶價格很抵食，精選三重奏，$33粉/麵/飯選擇，另外可點三款迷利小食和一杯飲品。小碗肉燥湯薯粉 改薯粉需加兩蚊，薯粉彈牙，肉燥味道都唔錯。小食點了涼拌拍青瓜、脆香花枝丸和臺式烤香腸，份量的色得來可以一次試上三款小食，烤香腸跟台灣吃的味道相近，其餘兩款較為普通。百香果汁甜度適中，在炎熱的天氣，喝了確實能帶來一點小清涼。

冇禮貌的店員店員汁格離檯既時候，將人地用過既牙籤陣左入我碗食緊既飯入邊，一啲歉意都冇，完全唔覺得自己做錯，今時今日咁既服務態度，食台灣野唔洗簡你啦！食左個鹽酥雞球好dry，唔好食！一定唔會再黎！

叫左一個牛展麵，份量都夠，不過不失仲包埋一杯野飲佢嘅小食拼盤，特別係地瓜，又大又多又平當然唔好對呢個價錢嘅台灣野抱太大期望啦想食到正宗嘅就揀其他餐廳啦，如果為左食飽，質數又ok嘅台灣野，就可以揀呢間

平時都比較鍾意食台式嘅下午茶所以基本上見到附近有台灣鋪頭嘅話下午茶一定揀去嗰度食但係今次嚟呢度食就有啲令我失望啦一如既往入到去都係諗住試吓呢度嘅下午茶 叫咗一個小碗肉燥乾拌麵 配菜就分別揀咗鹽酥雞球花枝丸同埋墨魚餅 先講下個面 食落去一啲都唔彈牙 無咩口感 肉燥亦都無咩味 同平時食開嘅台灣鹵肉好有出入配菜方面基本上除咗花枝丸之外其他嘅陪再食落去亦都覺得麻麻 個人食落鹽酥雞球有啲老墨魚餅亦都完全冇乜味 朋友試咗嘅腩肉同埋豬軟骨 亦都冇咩特別 食落去嘅味道比較似平時米線配菜多過係台式嘅下午茶另外最緊要嘅可能就係喺呢度嘅飲品啦亦都係珍珠奶茶！ 真係冇得唔鬧下 佢嘅奶茶非常之淡 同平時飲開手搖飲品完全冇得比 珍珠咬落去亦都完全冇口感整體來講呢間鋪頭真係一般般未必會有回頭嘅機會

涼拌小黃瓜他們的小黃瓜比較特別，尤其是調味料的運用。選擇的辣椒也是篩選過，簡單的一個餸菜，可以做到色香味俱全。臺灣牛肉燥便當裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常匹配。

裝修左之後，唔知係咪轉左手，裝修差左，檯凳殘舊，只能講未食過咁嘅台灣嘢，成世人食過最難食既餐廳，一世難忘，掛個名係台灣野，全部快餐店都叫到既野食，一時貪方便唔想諗上左去食，中曬伏