101肉燥飯專門店 (西洋菜南街) (已結業)

餐廳既地方比較狹窄，坐得吾係咁舒服，不過野食幾多選擇，我本身喜愛食肉燥飯😋佢既玉子豆腐有些奇怪，炸過有層厚厚的皮，口感一般😕肉燥同雞柳都幾好食，就係有d多油得濟，野飲都吾錯同幾抵👍🏼

星期六既旺角人來人往 要搵好野食通常都要排隊等好耐但聽朋友講有間101肉燥飯抵得黎味道又ok 最緊要就係唔駛等好耐就有得食 所以就去試下上到舖頭都幾多人等食 但勝在位夠多 所以等左陣好快就有位。 另外野食都上得好快 呢樣野對於生活忙碌,步伐急速既香港人黎講岩晒 值得一讚我同朋友叫左一個一人份量既三杯雞火鍋share 另加左錢order碟安格斯肥牛 三杯雞既味道好好 唔會太咸 肉質亦幾滑而安格斯肥牛就更加good 雖然只係加40幾蚊碟 但絕對唔係敷衍貨色 有牛味又夠滑!! 唔會因為放耐左而容易變老個餐仲可以跟肉燥飯/烏冬 抵呀~~個鍋除左雞 仲有大量菜, 豆卜, 魚餅 同肥牛卷 一人份量黎講真係好大煲除左個火鍋 我同朋友仲叫左台灣菜必點既鹽酥雞 要左大size 店員話一客有10件不過最重要都係炸得香脆 唔油膩 另外跟餐加點既胡麻醬沙律都屬清新開胃之選 岩晒女孩子食飲品方面 我揀左最愛既特濃朱古力夠晒濃 唔會好似某d餐廳水多過朱古力咁總括而言 呢間101肉燥專門店 上菜快 又抵食夾大碟 如果係旺角想食台灣菜 真係唔錯既選擇

差啲搵唔到個入口，原來係要搭𨋢上嚟嘅。 喺𨋢入面已經見到佢賣廣告，賣既係下午茶，價錢同賣相似乎都唔錯一開𨋢門就已經係間餐廳， 好彩我哋嚟得早，都未算好full。 因為唔想煩同埋太肚餓，所以明明三個人都叫咗個四人餐。 前菜有花枝丸；台灣腸；鹽酥雞；同埋芝士薯角，超級好食！ 特別要讚下呢個鹽酥雞！真係炸得好香！ 粉唔會太厚，炸得呢啲肉又唔會“鞋”嗰下先至好嘢 呢個火鍋比我感覺就係吉野家既放大版，三個人食都OK!入面除左有肥牛；豆卜；玉子豆腐；台灣腸；菜；花枝丸；仲有三杯雞；少少辣辣哋嘅惹味！個雞應該同鹽酥雞係同一個品種，因為個肉質食落去個感覺都係一樣嘅。不過個人就鍾意炸嘅鹽酥雞多一啲，香口d。肥牛唔算好肥，食落去都幾煙靭。 兩個主食嘅其中一個揀咗呢一個，因為冇食過牛頸脊唔知係咩嚟嘅。大鄉裡出城咁以為佢係牛扒，出到呢個感覺都幾好味，好似豬頸肉咁爽！ 另外就配咗芝士撈烏冬，少少後悔啦個人鍾意食麵多啲。 但其實佢個烏冬好彈牙，芝士都好香濃。 食臺灣野唔係飲珍珠奶茶就係飲蘋果醋。因為怕太飽所以我揀咗後者。蘋果醋加冰簡直係一大享受 ！酸酸甜甜好開胃！ 其實女人真係好鍾意放到成枱都係野食！ 呢個感覺真

第一次黎，個裝修都幾台風，用左好多木，坐得好舒服一人套餐選擇好多，加埋小食飲品大部分都係六十幾七十蚊 真心覺得扺！叫咗個雞軟骨肉燥飯。先講下啲雞軟骨，佢應該浸咗好耐醬汁，酸酸甜甜咁非常之好食！而且d軟骨的而且確係好軟林嘅！ 其實林到食唔到骨，個感覺好似食緊好多膠質食物咁！除左軟骨既部分，肉嘅部分基本上係一咬就散開，好啱我d懶人 叫得101肉燥飯，佢個肉燥飯當然要有番咁上下！肉燥嘅分量好多，夾埋啲飯到好過豉油撈飯！ 要讚下佢啲配菜，除左有粟米，蘿蔔，仲有薯角，比我想像中蔬菜嘅分量重要多，而且好甜個酥炸花枝丸超好食！得三粒好唔夠喉 出邊個層皮熱辣辣食既時候好香脆！加埋d調味料，一流！！！叫左杯珍珠奶茶，份量絕對冇欺場！珍珠非常之多，而且好煙韌！奶茶味都好香，唔會太甜或者令到覺得太溜整體黎講都好鍾意呢間餐廳！會再嚟

呢間餐廳應該新開，之前係街望上都見唔到，依家好顯眼，有招牌，係正兆萬對面。係屈人寺門口搭電梯上。有散叫，一人餐，二人餐，四人餐叫六點半鐘到黎到，唔洗等位，七點鐘開始多人，要排隊，舖頭唔算好大，但員工幾多下，服務夠快。小食盬酥雞炸得外脆內滑，“審”係面既盬唔太多，亦唔咸，好香口！一籃十舊左右。食台灣野點可以唔食？值得一試！香草芝士薯角薯角好林，外皮脆，未試過薯角點呢只醬，覺得幾夾，醬唔會太濃，好似淡左同水狀啲既芝士既味道，一碟好夠飽！主菜無骨三杯雞火煱有玉子豆腐，肥牛捲，雞肉同蔬菜等湯底可選辣或清湯，選了後者。仲可選兩款面或飯，選了新竹米粉，幾爽口，滾一陣就好入味。湯底好甜，飲左幾啖，有少少，好少既微辣，送滾得入晒味，基本唔洗點醬。prime grade 牛脊肉鐵板芝士烏冬可以選烏冬，公仔面或肉燥飯選了贊岐烏冬，好爽口，彈牙牛肉好林，熟度剛好，即使筋位都咬得開。但如果多啲芝士就更好！士多啤利牛奶雪香大杯裝，真係勁大杯，唔會好甜，面頭有啲麥片，有啲咬口！好飲！！

打風食乜好？因為打風嘅關係好多鋪頭都唔開，又要趕住拿拿聲食個晏就番工，最緊要就係快靚正喇。見到呢間台灣101上面已經開唒燈，仲有人坐左喺度，心諗一定已經有嘢食，所以就即刻衝上去。晏就嚟講有午餐系列，主要全以台灣的食品為主，有一個主菜，有一個小食，一杯特大嘅台式飲品，由62蚊起。超初覺得62蚊其實都幾貴下，但嘢食出到嚟，又覺得勝價比高。雞扒肉燥飯--一整碗飯，加上肉燥汁，肉燥係肉味偏重，香料味不太重，味道有點甜，好食。碟上仲配有兩塊雞扒，雞扒外面都煎到幾脆，入面肉質就剛好。另外仲有幾件菜伴碟。鹽酥雞小食--一碟有4件雞，每件都幾大粒下，起碼要咬4啖先食得唒。外面脆脆地，加上椒鹽粉，標準台灣風味！香辣三杯雞涮涮麵--幾新嘅食品，三杯雞通常配飯，呢到配左個麵食，有三種面可以選，我今次選左台灣渝川面，幾彈牙下，有d似手打面。個雞可能放左落個麵到，唔太夠香味，但味道都ok。麵入面有玉子豆腐，茶，雞蛋等的配菜，整個麵嚟講都好豐富，味道都算辣，有小小似川式風味。飲品嚟講，都幾有水準，味道有台灣風味，款式選擇都好多。依家仲做緊個外賣特價優惠，比起喺街買都平成3分1，係一個不錯嘅選擇。打緊風都照開鋪，質

星期五間間餐廳都多人, 是旦行到邊到隨便搵間餐廳食飯，一上到去好快有位座，間餐廳好大間，但坐位十分迫挾，而且十分嘈。我地每人叫左一個套餐，有一個飯/麵+一份小食+飲品，價錢都幾抵，每個餐都係60幾蚊。豬軟骨肉燥飯黎到個賣相已經唔係好吸引，豬軟骨睇落似薑醋，味道都較咸，肉燥好油，好多肥豬肉，不過份量都算多。醬汁雞扒拼玉子豆腐肉燥飯炸過嘅玉子豆腐好滑好熱辣辣，至於雞扒比較細件，肉質都過得去。至於兩款小食，花枝丸都Q彈有嚼勁，而鹽酥雞塊可能炸得過左龍皮變得好硬飲品-凍香芋珍珠: 幾大杯, 但無芋香味，而且勁多冰

星期六行旺角突然想食台灣野,就即刻周圍睇有咩好野係附近,見到101係樓上好多人排隊,羊群心理下就去排埋一份啦,去到時七點幾,唔算多人,場地非常熱鬧,真係十足十好似去左台灣個類食店,等左大約10分鐘左右就安排到入座,真係好彩早黎排,因為回頭一望已經好多人等緊位,即刻四圍望下人地食咩,就點左一個三杯雞,一個盬蘇雞,一份芝士著角,一份沙件,加兩杯飲品仲要追加多碟安格斯牛,火鍋配料都算好多,有鳥冬有菜有有丸,份量係夠我地兩個人食,而安格斯牛都非常新鮮,士多啤利雪香亦都好多杯好滿足,其他小食份量都唔細,著角同沙侓都非常大碟兩個人係食到飽一飽咁行返出去,另外要讚係氣氛非常熱鬧,上菜速度都好快,適合一大班人去又得,情侶去都OK,可以再去

起旺角上完堂，即刻約左幾位志同道合的朋友齊齊展開捉小精靈！不過, 當然要補充下體力先啦！朋友介紹台式餐廳，回憶反下那年去台灣旅行的青春歲月喎！叫左個豬扒肉燥飯，豬肉扒超大塊，我自己切左成9塊度，女士一定要同人share啦！不過，覺得有點乾，要溝飯食！魯蛋顏色都睇到佢幾入味架！肉燥既份量都唔少，味道同在台灣食的差不多，不過偏咸，我在台灣食的都會偏甜多！珍珠奶茶不會太甜可能點冰融左掛，所以岩岩好！同場仲要好多人打小精靈！好有大本營氣氛！

記得以前曾經跟朋友黎過，當時還是一間冷冷清清的壽司店，如今已經是一間座無虛席且排長龍的食店，全因食物味道份量都很不錯！當日辦完事後想找個地方醫肚，就正正找著它～剛好我是一個人，否則不知等到何時何地才有位了？趕緊點了個套餐，極之豐富！想不到如此抵食^_^先來個主食台式豬軟骨肉燥新竹米線HKD51湯濃郁，味道夠濃而不膩豬軟骨夠入味有嚼勁肉燥濃香味美新竹米粉爽口又入味，肉汁完全滲透其中飲品我升級都只需加hkd10就大大杯好好飲，奶香濃烈幼滑面層放滿十足的胚芽士多啤梨香氣四溢但又不過分整個套餐份量好多，這個價錢真超值，味道又不錯，下次再來要點個三杯雞試試

台式肉燥飯店宜家係香港都有得食啦,仲要開係旺角既購物中心區，行完街點可以唔黎試試，格局同香港一般快餐店一同，冇咩特別，落單夠快！醬汁雞扒拼玉子豆腐肉燥飯雞扒: 是無骨連皮的大雞扒, 有成隻手咁大, 雞肉頗嫩滑, 味道尚可，調味略淡。肉燥: 肉燥多而不膩，但味道就一般，尚可入口米飯: 食左最少有五次，次次黎d飯都係微暖，飯唔夠熱都幾影響心情炸玉子豆腐: 炸得外面香脆,，內裏豆腐依然能保持嫩滑，調味依然淡，食落得油味。

為什麼叫101？真係不知道了。台灣野，試試佢今晚冇朋友，食自已，有的燥，就食個肉燥雞扒飯，的飯送係酒樓例湯，正定晒，叫左一分中即到，快過大快樂。正定既野未道一般，雞扒都算大舊，好厚肉，飯就有的爛，好一般。杯野就夠晒大杯，未道同街邊的一樣。

前2日一條友毒毒地食dinner，食友人介紹嘅101。唔想食飯，就啦佢個三杯雞肉燥麵試下三杯雞辣辣地，整到成碗麵嘅湯升級左，既開胃，又夠咸夠濃!雞肉都非常入味，辣得黎係接受到嘅。而份量都幾足~ 不過雞肉太林，林到唔使點咬，甚至一夾都會爛開，令我覺得應該"那"左好多野，而且扣左口感方面嘅分數。而肉燥味亦濃，腌得幾好，但都幾多肥粒，我怕肥但係係好味嘅~ 半粒老水蛋好正蛋白位都有味架! 整體不過不失

平時係旺角都諗唔到食啲乜野好，真心嗰句都係本處冇乜期待嘅心態入去啲一間餐廳，好彩唔使等位即刻有位。Menu上邊都有好多選擇套餐就最抵食有一個主菜有一個小食，都係六十蚊左右。我哋兩個人就叫左套餐。肉燥味道都可以，都幾適合送飯，但係始終台灣嗰啲都好食啲，相反三杯雞都有少少驚喜，少少辣，幾惹味，本身係好肚餓但係最後都係食唔晒，份量超級多，因為有一個飯之外仲有一個小食，仲有一杯野飲，冇記錯係好似唔使加錢嘅。真係超級抵食喺旺角區都搵唔到另外一間差唔多價錢平價之選

今日好開心可以係旺角搵到間低食又飽肚嘅台式餐廳！去到就叫左個三杯鍋配讚岐烏冬，鹽酥花枝丸同珍珠奶茶！三杯鍋果然冇令人失望呀，因為當中有好多唔同嘅野食，包括花枝丸，魚餅，肥牛，豆腐等，可以滿足鐘意食唔同料嘅人。而讚岐烏冬都一如以往嘅味道，加上清淡嘅豬骨湯底，好食。而鹽酥花枝丸係新鮮炸出黎嘅，熱辣辣！彈牙嘅花枝丸都係唔錯嘅小食。到左珍珠奶茶啦，細細杯嘅奶茶有好多珍珠，真係飲哂啲奶茶都未食哂啲珍珠。而奶茶都唔會太苦，加上珍珠帶有甜味，唔錯唔錯。呢餐食得好滿足！