101手工涮涮鍋 (金朝陽中心二期 - Midtown)

營業中

休息中

今日好似中左頭獎咁, 每次黎親都要至少等20分鐘或以上, 今日居然上黎等一陣就有位. 超好彩. normal lunch time 門口等位人潮你一出lift就感受到. 無咩位企成日迫到實一實. 雖然店家有放menu係枱面但都未必迫到埋去睇.  到你入座scan QR code落單時, 又會發現d餸同呢個menu 唔同. lunch time時段用餐時間只有60mins, 所以每次入座後都好似打仗咁. 一坐底先scan QR code 落單. 佢的選擇都幾多, 先選湯底有辣有唔辣. 再選麵, 烏冬等. 然後就可以選三款餸. 有少少似車仔麵, 但佢又感覺高級左, 超過三個餸要再加錢, 不過normal 三個餸真係已經好夠食. 最後就到飲品, 唔好以為一個餐$61 飲品會hea你, 呢度的飲品真係一d都唔 hea. 係出面飲可能收你三四十蚊一杯. 之前試過蕃茄湯底但當d湯滾起時, 彈到周圍都係, 為左今日件白色tee都係要返豬骨湯, 個湯普普通通但都好夠味. 佢 的秘製台灣雞件雖然感受唔到有咩咁特別. 但勝在夠大件. 三件已經好夠食. 而且都幾多肉. 今日重有叫花枝丸, 好彈口. 呢個幾推

性價比超高👍🏼👍🏼👍🏼網上落單方便，速度快🤭🤭必食推介：午市火鍋套餐 $61 包一杯特飲一人一個鍋👍🏼先揀湯底（包含粟米，蕃茄，生菜）再揀一款粉麵⭐️重有三款配菜一定要介紹湯底⭐️⭐️⭐️三杯雞👍🏼夠濃+小小辣⭐️⭐️沙茶-如果濃小小就更好😂配茶-蜂巢豆腐（吸晒湯底精華）-台灣雞件（次次都係雞脾肉）其他麵好出色❤️❤️❤️服務好👍🏼要加一🤭回頭率⭐️⭐️⭐️⭐️⭐️#101#cwb味道（4/5）環境(4/5)＃港島區_跟dada食玩

環境幾好全維港景色D嘢食幾好食幾新鮮D魚皮十級好食炸得好脆未度十分唔錯有機會絕對會去再試幾好食幾好食服務幾唔錯幾唔錯啲嘢飲幾好飲幾好飲，如果有機會我會再去再去再去

今日中午食lunch，同事帶咗我過黎食～*午市套餐 $60呢個午市套餐包湯底+3款配料+麵底+一杯野飲。湯底一共有六款，望落比較吸引嘅有壽喜燒、沙茶同埋三杯雞。配料方面真係選擇好多，而且款款都好吸引，選擇困難症嘅我揀咗好耐先決定好🥺最後我地揀咗台式沙茶湯底+鴨胸肉+蟹粉包+黑椒台灣腸配台灣拉麵，野飲要咗雪碧柑桔沙冰。沙茶湯底好惹味好濃味，有啲似香港嘅沙爹汁但又有少少唔同，可能就係台式風味😂呢個湯底煮咩都好入味好好食！鴨胸肉好嫩，唔柴，推薦～台灣腸我覺得煎嘅比就咁煮嘅要好食好多，所以係打邊爐黎講唔太出彩。蟹粉包好好味，感覺佢比平時外面自己買嘅要好味。拉麵非常彈牙索味，推薦～杯沙冰好靚，有個雪碧樽係上面，打卡一流～呢個味飲落有啲似以前雀巢檸檬味雪條嘅味道

今年慶祝父親節可以出街食飯，已一心諗住帶爸爸嚟試下。。。點知前一晚confirm哂booking, 當日身體抱恙都係嚟唔到，免得慶祝完有排睇醫生，就cancel咗事隔兩星期，好得8899，又有時間，仲可以慶祝埋考完試，就再去食了。今日下午都仲落雨，但去到餐廳又天清喎，未食嘢先食日景，食完就影埋夜景，坐响露台附近超方便！我地叫咗冬瓜蜆鍋，湯底鮮甜好味。每人送一碟牛，响玲同手工丸，樣樣都好食，係覺得牛嘅份量可以要多一啲就好了。。。飲品都係呢度嘅重點，可以任飲紅白酒，仲有特色飲品，真係飲飽食醉了😂😂😂

行下銅鑼灣行到好攰，當然要坐低食嘢啦。而之前就聽聞話 呢間嘅lunch又抵食又多，難得到咗銅鑼灣當然要去食下啦。 作為麻辣愛好者， 當然要揀台灣麻辣湯底，麻辣湯真係又麻又香，令其他麵同埋餸好入味。三個餸方面，我分別揀咗秘製台灣雞件、台灣沙茶滑牛肉＆韭菜豬肉餃，不得不話，佢哋嘅雞件真係好滑又有雞肉味，份量好多。面底真係推介大家食台灣淪川拉麵， 彈牙仲要唔怕煮下煮下變坨咗。 飲料方面就推介大家飲盆栽特濃朱古力珍珠，朱古力濃郁，配合上面嘅脆脆，令賣相同口感更豐富。

久違嘅任食bino🥰任食美國安格斯Grade牛頸脊套餐($418)前菜手工蒜泥口水手撕雞(微辣）秘製麻辣木耳兩樣都少辣 幾開胃！湯底-台灣養生藥膳花膠雞鍋雞嫩滑 仲幾多舊花膠 味道鮮甜 幾補身(^_^)手切美國安格斯Prime Grade 牛頸脊雖然唔可以無限追加 但一份都好大碟兩個人好夠食101特選手工火鍋拼盤黑松露蛋子海鮮軍艦墨魚汁鳥結糖太極冬菇三重芝士鮮製蝦丸超豐富 賣相好吸引！我最鍾意墨魚汁鳥結糖食到濃郁嘅墨魚汁味！手工即炸響鈴卷 炸海苔鹹蛋黃魚皮係我食過最大嚿嘅響鈴 香得來又唔會有油益味～鹹蛋除魚皮都食落有鹹蛋黃味而且好脆口無限追加精選火鍋配料基本上食完佢提供嘅嘢食都飽飽地可以無限追加嘅材料都算多無限追加所有飲品飲品好驚喜 款式多 連酒都可以任飲一定回到本甜品桂棗雪耳湯仙草芋圓食完好飽估唔到仲有甜品超滿足

成日喺銅鑼灣食飯，竟然走漏眼！第一次嚟，一路食，一路驚嘆佢嘅性價比，真係極高，好抵食！首先環境真係好靚，多人嘅話，坐喺卡位，有大玻璃，可以睇到海景，加分！最平400頭嘅放題選擇，所有Cocktail，紅白餐酒，啤酒，同埋多款珍珠奶茶，都係任飲😈😈放工坐低飲杯嘢，等齊人先食嘢，嘆吓世界，一流！餐前小食，做得幾好辣辣地嘅手撕雞，啖啖肉金蟬脫殼 麻辣版係一個冬瓜盅，除咗雞件之外，仲有大量麻辣香料，麻辣味非常突出！超正！喺點其他食物之前，預設嘅食物都好豐富淨係食晒依一堆嘢，已經開始飽飽地😂😂釀左墨魚滑嘅菇菇，滑溜之餘，墨魚滑入面，有一粒粒墨魚，超爽口！牛肩胛肉色超靚，肉味幾突出！其他配料嘅選擇亦非常多，有鵪鶉蛋、芫荽燒賣等等。幾欣賞佢哋比嘅份量唔會太多，咁就唔會太過飽，而且乾淨整潔食到熱辣辣，可以要返個盆栽珍珠奶茶，性價比真係好高！最後食埋個甜品，好彩冇錯過！清甜，又有芋圓、番薯圓、雪耳，好滋潤☺️☺️

銅鑼灣金朝陽中心 101手工涮涮鍋 真係好值得推介！ 29樓開揚景觀氛圍超好，單拎住酒杯飽覽夜景已經夠醉人～～餐廳無限時任飲任食台式火鍋美國安格斯prime grade牛頸脊無限追加 $418 套餐已包醬料費～前菜有涼拌雲耳同麻辣手撕雞都不錯吃！揀左冬瓜卜卜蜆海鮮鍋 沙白蜆鮮味無沙，湯頭清甜！prime grade牛頸脊牛味濃郁有肉味唔韌～手工即炸魚皮響鈴海苔鹹蛋黄魚皮脆卜卜，即炸手工響鈴吸湯一流，無半點油膩感101特選手工火鍋拼盤墨魚汁烏結糖，太極冬菇，豆卜釀黑松露墨魚滑、芝士蝦丸幾特別，而且口感都幾唔錯必點火鍋配手工肉丸 梅菜豬肉丸 細細粒好香梅菜味勁好味黑松露芝士豚肉餃好香黑松露味～魚皮餃 、長蟹柳都係必叫菜類紫蘿蔔、蟲草花 都不錯飲品方面，不論台式珍珠奶茶、手沖果茶、汽水冰沙，甚至酒精飲品cocktail, 紅白rose酒都係無限量任飲，紅白rose仲可原支連冰桶上，感覺都幾grand喜歡飲酒人士真係剩飲都夠抵～最後仲會有雪耳芋圓仙草糖水贈送

走進這家台式火鍋店，首先映入眼簾的是寬敞明亮的大露台，能夠欣賞到維港壯麗的海景，讓人感受到一種寧靜和舒適的氛圍。餐前小食的麻辣手撕雞和秘製麻辣木耳都是辣度適中，帶有一種獨特的香辣味，讓人食慾大開。藥膳花膠雞鍋湯底也是十分精緻，花膠的鮮味和藥膳的香氣融合在一起，讓人感受到一種清新的口感。接著來的是手工拼盤，墨魚汁了結糖、蝦膠釀冬菇、三重芝士鮮製蝦丸、黑松露帶子滑釀豆腐卜，每一種都味道獨特，讓人感受到台式火鍋的獨特風味。特別是黑松露帶子滑釀豆腐卜，豆腐卜柔軟滑嫩，帶有黑松露的香氣，口感豐富。接下來來到了火鍋的主角：響鈴拼魚皮和手切安格斯prime牛頸脊。魚皮薄而脆，搭配上醬汁，帶有一種獨特的鮮香味。手切安格斯prime牛頸脊則是肉質鮮嫩多汁，入口即化，配上特製醬料，更加美味。蝦子、魷魚、豆腐、菜葉等配料也都非常新鮮, 帆立貝，口感甜美、鮮嫩，精緻魚皮餃、流心芝士牛丸和鮮黑松露墨魚滑等小吃，都讓人感受到火鍋的多樣性和豐富性。峰蜜水果冰茶，清涼解渴

銅鑼灣嘅101手工涮涮鍋，係一家台式嘅火鍋放題店！位處高層，餐廳有一個大露台，可以飽覽維港景色，食食下拎杯飲品出嚟抖下氣，的確寫意！任食美國安格斯Prime Grade牛頸脊套餐 $418/位可任食任嗌最高級別嘅美國安格斯牛肉，仲有海量嘅火鍋配料！飲品方面可以話係全包，紅/白酒、cocktail、mocktail、生啤、特飲、沙冰等都係無限量供應，仲不另收費！如果飲得多，仲可以成支紅/白酒咁order，真係啱晒酒鬼！101嘅頭盤份量會好清楚咁list晒出嚟，食客可以準確預計份量，又唔怕會order咗啲重覆嘅items，值得一讚！西班牙伊比利西黑毛豬肉｜美國安格斯Prime Grade牛頸脊啲豬肉靚到好似和牛咁，入口軟嫩富油香，真係正到爆！牛頸脊肉質鮮嫩爽滑，肉味濃郁，係打邊爐必備嘅牛肉部位！手工即炸響鈴拼手工即炸海苔鹹蛋黃魚皮手工即炸嘅真係冇得頂，入口卜卜脆富咸香！黑魚汁鳥結糖｜太極冬菇｜黑松露蟹子海鮮軍艦｜三重芝士鮮製蝦丸101嘅signature火鍋配料，當中嘅黑魚汁鳥結糖鮮甜爽彈，美味非常，令人一試難忘！藥膳養生蕃茄雞鍋茄味鮮爽，內含當歸、北芪、黨蔘等藥材，藥膳味溫和！湯底入面嘅

今晚朋友生日約埋去食手工涮涮鍋放題，weekday由＄418- $518，2個Grading，我哋選擇$418（不設限時）仲有18款鍋底選擇，望住無敵海景食火鍋🍲超正。火鍋食材選擇多又新鮮，台灣直送配料：鴨血果凍、三星蔥溶岩漿貢丸⋯⋯手工魚滑，肉丸及餃子🥟等等，上菜速度快，服務亦好好！個人心水食品～台灣養生藥膳花膠雞鍋，藥膳味濃，大大件的花膠，嫩滑雞件，滋補養顏。～任食美國安格斯Prime Grade牛頸脊，牛頸脊肉質鮮嫩，味道濃郁。～我最鍾意店內提供多元化嘅飲品：啤酒汽水外，仲有大大杯水果冰茶、盆栽奶茶、有酒精及冇酒精雞尾酒🍹、紅酒白酒香檳🥂都有。Ending 仲每人一碗桂棗雪耳湯仙草芋圓，甜甜蜜蜜🥰

近年台式火鍋興起，呢間出名好味又有靚景😍先揀套餐同湯底，每款套餐本身都包左幾款拼盤，仲有大量火鍋配料任點。台灣養生藥膳花膠雞鍋｜湯底帶有濃濃既藥材味，甜甜地好好飲😋湯料都好豐富，有大量花膠同雞件，雞肉好滑，仲啖啖肉！花膠雖然唔係好厚身，但食落膠感十足，超滋潤🤭另外仲有粟米、豆卜同雲耳。特選手工火鍋拼盤｜最鍾意佢個黑松露蟹子海鮮軍艦❤️黑松露味好突出，蝦滑彈牙爽口，再加埋豆卜索哂湯汁🤤安格斯牛頸脊｜牛肉雪花紋理好靚😍牛味濃郁，口感爽嫩軟滑，有咬口👍🏻即炸響鈴配即炸海苔鹹蛋黃魚皮｜響鈴好大條😂淥兩秒即食，入口食到一層層既鬆脆口感！孫皮好香鹹蛋黃味，而且好香脆🥰咋外仲叫左幾款火鍋配料，蜂巢豆腐、萵筍片、丸類同鴨血，全部都好高質👍🏻👍🏻👍🏻

今日驚朋友介紹之下，嚟到呢間銅鑼灣樓上嘅台式火鍋店，環境真係一流，又户外bar枱，高樓景都好正！裝修亦都好華麗，坐得好舒服！套餐我地揀左$408 ，可以任食美國prime 安格斯牛頸脊，同埋西班牙豬肉片，湯底方面好多選擇，我哋揀咗個清淡小小嘅酸菜白肉鍋。首先講講湯底，未滾起已經好大浸酸菜味，好香，同埋裡面好多白肉，同埋粟米等等，所以個湯底好清甜！之後店員就拎咗第一轉嘅食物唔係任食嘅，有鮮炸魚皮，響鈴，黑松露鳥結糖，太極冬菇，黑松露墨魚滑，鍾意食黑松露嘅一定會好開心，全部都好高質，食落係爽口彈牙。其他火鍋配料都好友新意，有好多都係手工野，例如麻辣雞軟骨餃子、黑松露芝士豚肉餃、仲有好多手工嘅丸類，都好好味！食得出真係同坊間普通嘅材料有分別。飲品方面，亦都係自家製，例如佢哋嘅盆栽奶茶，仲有得加珍珠。同埋果茶都係即沖，仲可以任飲Cocktail同埋紅白酒，而最後嘅甜品都好有誠意 涼粉 芋圓 雪耳 好味！

多年前其實已是101手工涮涮鍋的常客，但自從尖沙咀店結業後都只到訪過對我較遠的銅鑼灣店數次，不過一直以來在我心目中評價都首屈一指。銅鑼灣店環境寬敞舒適，更設有露台可以與朋友把酒言歡。晚市火鍋放題分為任食美國安格斯Prime Grade牛頸脊套餐及任食美國SRF極黑和牛套餐兩款，我倆選擇了前者星期日至四每位$418，星期五至六及公眾假期前夕則為$458。二至六人可從十八款鍋中選一款，台灣麻辣牛肉涮涮鍋可選大、中或小辣，中辣辣度依然十足但辣而不麻，當中有大量牛腩肉質軟腍鬆化。手工蒜泥口水手撕雞及秘製麻辣木耳兩款前菜可無限追加，而手切美國安格斯Prime Grade牛頸脊則限每兩位奉送一碟，肉味香濃。101特選手工火鍋拼盤包括墨魚汁鳥結糖、太極冬菇、黑松露蟹子海鮮軍艦及三重芝士鮮製蝦丸，每款主要皆以彈牙蝦滑及墨魚滑製成，墨魚汁鳥結糖其實即墨魚汁墨魚滑。手工即炸醬鈴卷拼手工即炸海苔鹹蛋黃魚皮口感鬆脆，魚皮更是鹹香起沙。秘製台式雞件、沙茶牛肉、安格斯Prime Grade肥牛片、西班牙無激素豬肉片等肉類皆可無限追加。任食海鮮包括帆立貝、深海魚柳、新鮮魚雲、脆鯇魚腩及脆鯇片整體新鮮。台灣直送配料如