1+1餐廳 (已結業)

來幫襯過幾次，今日帶埋個仔嚟試下，叫咗雞扒餐同埋牛扒餐，份量足夠，味道都唔錯，感覺到係用心製作。問咗服務員先知原來老細就係廚師，所以食物水準有保證。可以試一試，下次會再來。阿仔都話抵食，會帶D大食同學仔來。

之前已經試過，覺得幾好，所以再食。但今次真係好差好差。首先，我叫既係凍檸水，但畀咗凍檸茶。咁算啦，飲咗一啖，係又苦又澀，完全入唔到口。跟住餐湯，係味精一碗。豬扒意粉，油多到嚇死你，而且勁喊。最後唯一所以食到嘅係伴菜粟米。透過外賣平台order，承惠$96.8

午餐跟朋友去呢間食，佢地話性價比高，咁就試下啦。🧆叫左椒香厚切牛脷 $62 洋蔥汁，配薯菜 。仲有火腿扒，太陽蛋，煙肉片，昆布腸，漢堡扒5選1，啱晒食肉獸😆雖然得2塊牛脷，但真係好厚切，而且好淋，又冇筋，煎得好香，真係焦香。餐牌寫椒香，我又唔覺有椒，其實係咪焦香？🤣🍝卡邦尼車打芝士意粉 $58碟細細，但深，睇落唔多，但食落又好似同平時份量差不多。面頭有芝士粉，白汁濃稠包住意粉，汁中帶有芝士味，唔係一般嘅白汁扮卡邦尼味，煙肉都唔少，唔錯。餐湯有紅白選，紅湯好重蕃茄味，好多料，除左薯仔，蘿蔔呢啲蔬菜，仲有牛肉，有啲黑磨椒辣。白湯就係懷舊西餐果啲白湯底，有打碎嘅粟米。蒜蓉包好香脆，好好食，不過唔熱😅餐茶都係果啲，凍飲+$2🌟整體嚟講呢個價錢午餐，免加一可以，係傳統西餐廳口味。

今日去試新開餐廳, 估唔到晚餐有驚喜。之前食過外面啲肉眼扒, 都唔多咬得入, 但係依間啲肉眼又新鮮又"林"。同一舊肉眼, 有軟硬口感, 肉汁豐富, 仲大大件。另外試左佢個三文魚意粉, 佢個芝士汁味濃得黎唔膩, 意粉乾爽, 軟硬度好適中, 加埋足料嘅香草, 露荀, 唔會覺得滯。老闆娘服務好細心, 而且好好咁仲請我地試下奶凍。細細地, 奶味濃, 又香又滑, 作為甜品岩岩好, 唔太飽。雖然唔係成日撞岩有, 但如果有一定會再試。誠意推介🌷

係網上有人推介呢一間新餐廳同老公去試下。餐廳唔算難搵喺西鐵站行落嚟幾分鐘就到。我哋叫咗鐵板餐肉眼扒同羊架。餐跟湯同蒜蓉包，羅宋湯足料但太杰。老公叫左忌廉湯正常嘢。可以配薯菜、飯或者意粉。肉眼扒抵食大件，餐送到面前先淋汁，羊架就差d好似冇乜點醃過同埋有臊味，我自己好怕有臊味所以覺得麻麻地。餐廳裏枱小坐得舒服😌但係可能係當晚第一枱客餐廳裏面唔係好夠冷氣。餐廳出邊有咪錶位方便泊車，出邊有公園可以俾比小朋友玩下。

突發相約閨密晚飯，隨意在元朗雞地搵食，選了西餐小店，餐廳位於鳳翔路花園旁，位置屬內街，不熟路的朋友，或要圍繞偉發大廈行一圈。🔸餐廳光猛，店面雖不算大，但枱與枱間有一定距離，坐得舒適，唯空調較強勁，怕凍的朋友記得帶外套。🔸一行3人分別點了，安格斯西冷牛扒（碟上）$188、鐵板澳洲肉眼牛扒 $145 及蜜汁豬仔髀$178，包餐湯/沙律及餐茶，另收加一服務費羅宋湯配蒜蓉包是晚最推介菜式，超足料羅宋湯，蕃茄湯味濃偏辣，但由於我喜歡食辣，所以加分🤤 蒜蓉包即焗，夠熱香跪安格斯西冷牛扒（三成熟、碟上）🔸閨密超喜愛吃生，點餐時已強調三成熟，可惜一切開塊西冷，令她非常失望，嚐了一口，對她來說過熟，要求待應姐姐更換，一會兒待應原碟拿回來。廚師回覆：「我哋塊西冷係靚牛扒，三成熟係咁，唔會血淋淋，不會更換」。收到回覆後，閨密極不情願下… 繼續用餐，完美地破壞整晚用餐體驗鐵板澳洲肉眼牛扒 （五成熟）🔸肉眼超大塊，絕對以量取勝，不過肉帶根，肉質有點靭，食完有點攰，加上我淺嚐了閨密一口西冷扒，西冷明顯比肉眼可口，建議大家點西冷，西冷有預先醃製，不點自選醬汁也夠味，肉味濃，不過食落真的不是三成🔸整了一張3成熟與5成

今日去左朋友推介新開餐廳食晚飯感覺乾淨企理 枱數唔多 但每張枱都夠大 唔會覺得侷促火喉係值得推介嘅地方叫左個5成肉眼（好多時出去食5成都會變7成）但呢度仲睇到紅之餘外面係脆嘅除左個扒個羅宋湯都好好飲平時好怕飲好酸嘅羅宋湯呢個香濃 仲要有香辣味仲要碗碗好多料可惜係我唔食薯條佢俾左沙律菜我為免啲沙律菜熟哂佢轉左碟上 無得鐵板佢個位置入對住元朗新開嘅大型兒童遊樂場同行嘅小朋友食完都去左放電坐係入面都睇到公園情況最岩一家大細黎食小朋友就可以出去放電大人就坐係餐廳食住睇佢哋一舉兩得

前幾日經過發現有一間新開張嘅餐廳，就同朋友入左去試下，發現呢間餐廳好唔錯👍👍我叫左一份鐵板牛，好食！朋友叫左份雜扒餐，非常抵食，味道都好！另外仲叫左個蒜香意粉，自己本身好鍾意食蒜香意粉，所以我都好鍾意！仲有，佢個餐湯都好好味總括黎講，今次有一個好好嘅體驗！