龜井鐵板燒 (已結業)

10/7同細妹帶埋仔仔去試, order左一客鐵板生蠔, 一客薄燒牛肉, 一客手卷(比仔仔) 同埋一支波子汽水. 點解會叫蠔呢? 因為一坐到鐵板, 見到師父燒緊生蠔, o華!好靚好正, 即問侍應那是什麼啦, 咁就order左, 但係......到我o個隻未燒就已經失晒望, 仲要燒老晒... 到薄燒牛肉...唔...... 一般啦, 但唔會令你會再食既感覺o羅. 試完叫埋單, 乜而家食呢d 店都要比茶錢同前茶o家? 收我3位荼(好似$10位), 前菜2份(都好似$10). 生蠔($39)牛肉($49) 手卷($25) 汽水($18) 連加一$200有找.最唔高興竟然要收多大約$50既茶錢同前菜, 下次唔會再試呢間!!p.s. 最鬼憎d 侍應收盤硬係唔問客人仲要唔要, 好鬼討厭!補充因是晚上光顧的, 但午餐時段仍可一試!

睇左呢度o既食評, 見咁多好評, 所以去試下, 果然冇介紹錯, 真係好好食前後去左三次, 兩次lunch, 一次dinnerlunch 非常抵食, 有$25 set lunch, 一星期日日唔同款。唔想叫set lunch 有其他套餐, 大概$40一個, 份量非常多(因為包一碗珍珠米飯)第一次去食試左豚肉套餐, 金菇牛肉卷餐, 是日set lunch 壽司餐豚肉套餐有沙律, 炒野菜, 燒魷魚筒同埋豚肉+ 一碗飯+ 甜品(雪糕) + 餐飲豚肉燒得非常好食, 灑上肉上既蒜片非常香, 令本身唔食蒜頭既我都食得好開胃, 10分有9分啊!!! (貓會唔會寫得太過份)魷魚筒都好好食, 燒既時間好好, 質感好好!!金菇牛肉卷餐同豚肉套餐一樣, 不過換左做牛肉卷, 個卷好好味, 但比起豚肉就冇咩驚喜。後尾男友話再叫多個餐, 就叫左$25 set lunch壽司set 有四件唔記得咩魚壽司+一碗烏冬, 由於個人唔係太好壽司, 所以冇咩評價, 但男友話好味!食埋碗烏冬好飽肚!最後二個人食左三個餐, 非常飽, 但都唔使$100出門口, 抵!第二次去食晚餐, 食物同上次差唔多, 但試左秋刀魚, 唔錯呀, 幾好

6:45 p.m. Monday arrived the restaurant, no ppl. we sat in front of the cook. there are only ppl later than 7 oclock. Hk ppl really work very hard.we ordered a 2-ppl set $278. had salad, 2 shrimp, cod, 牛柳, vegetable and rice and sesame ice-cream. all are tasty. i don't like beef very much but also find that it tastes very good. the size is adequate. we both are very full. service is ok. especially there are few ppl when we come early, the cook serves only our table. we can eat the food one by on

昨日去吃了個銀雪魚, 牛柳大蝦餐, 再加魷魚同燒蠔!先來大蝦, 很大隻新鮮, 看著師傳熟手咁去殼去腸, 很厲害! 咬落很爽很juicy, 好味!跟著來的是銀雪魚, 外皮脆, 內軟, 正!再來魷魚都很爽口, 不俗! 然後來牛柳粒, 幾好, 不過稍覺唔夠牛味, 淡口左少少!再來珍寶蠔, 非常香口好味, 連一向少吃生蠔的我都覺非常正! 最後奉上炒飯, 一樣香口好味! 炒菜和麵豉湯則當然無乜特別!整體來講, 食物質素高, 好味, 但份量較少, 男仔吃真的不太夠! 而且價錢在旺角區真的算貴! 但如果不介意價錢, 絕對值得再去!

前日同朋友晚飯（人流不算多，不用等便有位）叫了兩個1人套餐(一個有壽司,另一個有刺身),因為咁叫有刺身食,如叫$188 二人餐只有壽司無刺身。食物包括:前菜一碟，烏冬一碗,白飯(有紫菜粉),面豉湯2碗刺身拼盤:1)八爪魚2)三文魚3)劍魚4)??魚(少少紅色邊,但成塊係半透白色)一時唔記得係咩魚.....5)好似仲有呑拿魚每款各2件,但係"""厚切"""",口感好full~~尤其係三文魚,比較長d同厚d壽司拼盤a)腐皮壽司(包到三角形果d)b)魷魚壽司c)三文魚壽司d)呑拿魚壽司e)六件好似青瓜卷咁上下size款的三文魚壽司b)&c)&d)的壽司上面的刺身好長架,好似好抵咁,d飯唔會"luk"出0黎最後係甜品有芝麻或綠茶雪糕我各樣叫了一款（本人覺得芝麻好味ｄ）埋單＄１７３（二人），侍應會問食物岩唔岩口胃，又會不斷"針"茶,好有禮貎~~~總括：價錢合埋，刺身夠厚，最好係有雪糕!!!!!(我諗有男仔食都應該夠飽~~~~因為有多一碗白飯！唯鋪位較細，人多大機會要等位，不過唔好坐近鐵板燒D位,我覺得大煙D,可考慮坐近整刺身師傅附近的位～～～

服務態度好好，仲有雪糕送。玉子豆腐、網燒牛肉、魷魚筒-- 好好味!

d 野食mama地好味~可能因為情人節既關係個到d人好快咁幫人收野~同埋d味道好淡!!

在呢度食過lunch同dinner,覺得dinner比夠好,因為lunch其實係set,同其他日式餐廳冇乜特別.但係晚餐就係鐵板燒,火候同食味都ok.另外可能因為事頭婆招呼(我諗佢係!),特別落力特別好!

情人節去試, BOOK左位都要等半個鐘, 但係WALK IN既人都唔少, 10 點都仲有人排隊...勁~!!但食物味道都OK可能情人節既關係啦, 價錢就五佰蚊兩個人, 搵日閒日再去食過可能會好味好多同平D既.. ^.<

我男朋友同我一齊去食2 個人叫左好多野食都只係$300 到個環境同食物都唔錯同埋都算叫平服務態度絕對係好啦....係咁多謝前多謝後我會再去食囉

去過幾次, 覺得水準唔錯, 起碼少d用味精(另一間女人街鐵板燒擺明食味精) 另外其他食物都唔錯, 好似壽司同滑蛋雞肉飯, 值得一去再去...

小弟今日去試左果度ge 豚肉定食,味道不濃不淡,幾好味~~~由於只係佢整得好,冇乜太特別ge味道值得提~~~選料不錯.最緊要係唔"un"~~~舊舊都平均地得~~!個炒什菜都炒得幾香口,就算唔鐘意食ge人,食到e度d菜都會覺得掂.得閒又可以望住呀廚師整野wor,手勢勁純熟~~~埋單平均每人$34左右,以e個味道黎講,真係幾抵.

都係睇左大家既食評先去試吓....兩個人去叫左幾樣野,網燒牛肉:我認為好食不過我女友覺得熟左D...龜井炒烏冬:一般啦..冇咩特別..燒秋刀魚:起埋骨,燒得剛好...本燒生豪:好味!!燒熟既生豪,加上汁料不過一客只得一隻...刺身就冇咩特別..要讚既係服務....好似我隔離位既小姐自己唔小心倒瀉水...老細立即遞上紙巾..埋單時會問你D野O岩唔O岩食...可以再去....

入面幾得意.可以睇到個cook 整鐵板燒~ 個感覺好好~ 時不時有d野食ge香美傳過來~~~~~~~^^同幾個朋友叫左幾個set lunch 一齊share~金菇牛肉好美...d 汁辣辣地咁~正~個豚肉同鐵板牛肉就淡左d~鐵板燒帶子都唔錯~~~最後個牛肉火鍋都好好美~不過d肉就鞋左小小...d 野食到ok 抵埋單一人都係40 蚊. 抵~

每次行過女人街的食肆, 每間都有人出黎招攬生意, 今日想食日本鐵板燒, 見佢hard sell得咁落力, 就決定係度食lunch, 一入到去, 食物的香味充滿整間餐廳, 然後侍應奉上一杯茶(不是綠茶, 但小妹也不知道是什麼茶, 因味道太淡了), order了一個牛柳鐵板燒定食, 飲味噌湯, 先黎一個普通的沙律, 之後再上味噌湯, 不會太咸, 幾好味, 一飲而盡, 再上主菜, 小妹本來要七成熟, 但煮得過熟了, 變了九成熟, 搞到d牛柳有點兒un, 但因為牛柳加了一點蒜頭煮, 故味道都不會太差, 都幾惹味, 在小妹食食下, 侍應主動過來收了小妹裝味噌湯的碗, 再幫小妹添了一碗, 本來小妹以為她誤會我的味噌湯未來, 才裝一碗給我的, 但她告訴小妹是再送給小妹飲的, 最後埋單$35, 其中$3, 餐牌寫是綠茶價, 小妹心諗, 那杯明明唔係綠茶, 咁都話計綠茶價?!