龜井鐵板燒 (已結業)

尋日同女友兩個人去左呢度食野, 雖然係係女人街入面, 但係門面同裝修都唔錯, 而且由入門口開始所有既招呼都係好親切既, 連我地拎住把濕左既遮都幫我地放好.我地坐左係吧台前面, 剩係揀食物都揀左十幾分鐘, 呢段時間入面, 所有既服務員都無過黎煩我地.到我地揀好準備落單既時候, 即時有服務員幫忙.等候食物既時間比較長, 呢段時間服務員加茶既次數都好密, 無話等無哂茶先加, 而且每次都聽到唔該之類既說話.到傳上食物, 服務員亦無話放低就走, 反而係幫忙整理碗筷, 令有限既桌面可以放好所有既野.係食物方面, 呢度既鐵扒雞扒都唔錯, 反而我覺得個野菜炒麵就略為偏淡, 至於雞翼則無甚特別. 不過整體味道都係唔錯ge~而且我係等候過程中見到師傅對每一碟食物都好用心去整, 而且油煙都唔算好大.到埋單既時候, 服務員亦免費送上雪糕. 直至我離開既時候都無見到有一個服務員既服務係唔好ge~~

頭幾次去都覺得好好味，鐵板生蠔、熱豆腐、三文魚頭鍋、黃金炒飯都好好味。但最近去o個次就真係very disappointed，連本來我覺得至正o既麵豉湯都大跌watt，希望佢可以做番好o的啦！

Set Lunch is cheap, the price is just about $25 to $3X. For japanese food, it is a reasonable price and the 裝修is good.食物真係幾好食, 尢其係牛肉火鍋而且鐵板燒很夠鑊氣如你怕吃完全身都是味,可選其他卡位坐!

尋日去左龜井，巳經係第二次去食，兩個人叫左個二人套餐，$188蚊加一，價錢ok，但份量太小，食完都o吾夠飽，有燒牛柳，份量都ok,但個黃金炒飯就小得滯，仲有雙色刺身得4件，起碼都六件啦!仲有兩碗面士湯同雪糕lor,味道ok,但最大問題係o吾夠食lor.反而星期一至六o既lunch set仲好。

間唔中都會去下龜井，不過近兩次去就發覺野食無以前咁好食，Disappointing。抽風係統不夠攪度師父仔有兩下咳，真係難為?!<

服務態度好, 殷勤, 不停收碟斟茶!<br />午市都抵, 可以近距離欣賞師傅表演鐵板燒, 幾過癮!!<br />

食物都唔係下面食家所說難食,可能第一次去,都幾好,同區有另一間$差不多但我覺得呢間好食d.不過鐵板燒果然很夠鑊氣,吃完全身都是味.燒魚頭,金菇,燒牛肉都很好吃,他們的服務態度很好~

我地三個人食, 埋單五百幾. 食左個蠔餐..同好多野食, 不過就麻麻地..d 鐵板燒野實在太熟, 隻蠔又腥.<br>服務態度好好好,不過野食真係唔太得, 仲要唔係平.呢間野唔係好多人去..<br>我諗下次我都唔提議去呢間..

去到旺角就諗起好耐冇去過食龜井既鐵板燒, 去到門口發現間舖擴張左, 毫不猶疑就入左去. 而家佢地仲增設左壽司, 都算係好事, 比客人多個choice.之但係一坐低就發覺部抽油煙機唔掂. 我已經冇坐bar檯. 講番食物方面, 我只係食番鐵板燒套餐,不過擴充左之後仲衰過以前, 味道有濃有淡, 真係唔好食, 食完成個餐跟住個侍應走埋黎問我地食生果定ice-cream, 我地要左雪糕. 到埋單既時候, 睇下張單, 原來個雪糕要收錢! 嘩! 有冇搞錯呀? 事前?地完全冇提及話要收錢喎! 但係我冇再理論, 只係覺得?地而家咁樣做生意完全唔掂! 我記得以前去食, 個生果係個餐包埋, 如果雪糕係要另外收錢, 佢地絕對要通知我地, 咁樣同屈有乜分別呀?以後都唔會再去!

食依間野已經係成個月既事,野食方面樣樣水準都好平均,唔會突然間有樣野好難食咁!印象中燒牛肉粒,同金菇牛肉卷都好好味!后者做得相當精緻,切得細細舊好易入口,仲有陣陣牛油味!至於鐵板蝦都好正,爽口鮮甜,果然唔錯!服務態度真係好,店內大部份都係上左年紀既阿叔阿嬸,好細心好殷勤, 不停幫你收碟斟茶,真係加晒分!係旺角黎講,食日本野不外乎果幾間,我諗我會將依間加入我個choice list度喇~

講真個句，晚市套餐價錢都唔平，一個二人餐起碼二百幾蚊，份量唔多，但勝在可以睇住燒，幾得意。裝修之後環境舒適0左好多，不過員工做0野好慢，埋單要成幾個字。

午市五十幾蚊食個即叫即燒o既日式鐵板燒，都算叫經濟，但晚市一個二人set就要二佰幾蚊就有D貴，如果價錢平多一D就生意更加好啦！食物味道唔錯，但最欣賞反而係碟醬料，想食和風鐵板燒，此店係旺角不二之選，無論裝修環境及食物質數都好過同區食店！

o係度食o左個龍蝦龍利魚鐵板套餐,<br>有龍蝦、龍利、金菇牛肉卷、炒揶菜、黃金炒飯同生果...<br>炒揶菜最好味!<br>其他就過得去咁啦~ 唔係特別好食!<br>

呢間食佔真係不知所謂, 一來食品貴, 二來態度十分之差..職員既服務水準不一致

龜井的午市鐵板燒二人套餐很抵食，服務又好。又有師傅在你面前親身炮製，但沒有油煙撲面。不過座位數目不夠多，二人世界比較好。一字排開圍著鐵板，很難三五成群。內裡椅比較少。