影片
開飯介紹
走年輕活力路線的點心專門店，裝潢採用卡通化的古代茶居設計，用色鮮明。而由多位資深點心師傅製作的新派點心，精緻且擺盤精美，打卡一流。
繼續閱讀
營業時間
今日營業
08:00 - 00:00
星期一至日
08:00 - 00:00
以上資料只供參考, 請與餐廳確認詳情
有關獎賞計劃
優惠
71折
4人甜蜜套餐 (堂食) -創新點心專門店 新派點心美食!
$528
$750.2
75折
2人甜蜜套餐 (堂食) -創新點心專門店 新派點心美食!
$238
$319
相關文章
每次我有親戚係外國返來，都好想同佢地試呢間點心，望落乾淨得來有舊式情懷，加上標榜創意點心，我都試下點樣又懷舊又有創意？👀/龍記陸寶燒賣拼盤$70/🐟蜆蚧魚肉燒賣：咬入去，十足十食到蜆蚧鯪魚球嘅味，蜆蚧味夠曬鹹香！🙂↕️🦀星加坡黑胡椒蟹燒賣：好食到差啲想encore一籠呢個，個黑胡椒醬，夠thick，重黑胡椒香但唔辣🫢，燒賣面頭仲真係有蟹肉，真係好食到激死我（作為燒賣愛好者點解咁遲先遇到佢？）👀👀🌶️香辣雞軟骨燒賣：雞軟骨增加左好多口感，幾趣致。入面嘅辣油偏向「麻」嘅感覺居多，味道仲有啲似譚仔麻辣三小，amazing！🍄黑松露珍香燒賣：黑松露味好清香，無煤氣味，黑松露片仲要幾脆身👍🏻十年陳皮燒賣：比懷舊燒賣味道更濃郁，更鹹香，讚！🫰🏻懷舊燒賣：啖啖肉感，遊客必try/羊肚菌牛肉球$46/雖然我唔明點解牛肉球底要有咁多豆🫛...但係呢份牛肉球嘅創意係十足嘅。牛肉球本人有舊式茶樓嘅味道，羊肚菌本人幾索汁，又有好感，佢哋意外地夾😽😽😽/馬拉小籠包$48/小籠包本人都幾鹹香，而且湯汁好鮮，記得嘆曬d湯先加醋呀～🫶🏻/厚切叉燒腸粉$48/朋友大讚！皆因佢食落啖啖肉，皮又夠薄，而且叉燒本人唔柴🍖/鳳爪排骨飯$58/鳳爪好入味，排骨入味到癲左，我好少會讚排骨多過鳳爪🙂↕️🙂↕️🙂↕️/豆腐布丁$30/我本身對佢無咩期望，因為我唔係豆腐控。但係，佢係super-encore-able!!! 又白又滑，上面加左少少芒果醬同莓乾，真係超級match，好食到我自己獨食左（sorry同行朋友你無得食）🥭🍓🍮
繼續閱讀
星期日帶屋企人黎龍點心飲茶，呢度嘅點心都幾精緻有特色😆個人覺得影相就最啱啦🤣打卡之選📸一龍大滿足想打卡影相就一定要叫一龍大滿足🤭我食我食咗入面嘅鹹蛋黃醬魷魚燒賣，真係一口爆汁，不過鹹蛋黃味唔出🧐其他都正正常常～👍🏻酸菜魚鳳眼餃我地一行四人最鍾意嘅點心🤩面頭係魚，下面係餃子餡，餃子真係有酸菜魚嗰種麻辣味！有兩位食唔到辣嘅屋企人食到流汗😂👍🏻脆脆富貴紅米腸粉紅米腸比較細件，不過裡面都幾脆口，有三款醬可以點配😲👍🏻陳皮醬龍躉球蒸陳村粉陳皮味集中在龍躉球上，又幾特別呀～陳村粉雖然沒配醬油，但食落都唔會乾身，我地都幾鍾意呢碟😋🧐以下呢幾款我地都覺得冇咩特別：甘筍汁流沙包：做唔到流沙效果，而且食唔到甘筍味，呢款可以唔叫肉鬆馬拉糕：馬拉糕好鬆軟，肉鬆份量都算多，但係可以想像到嘅味道，唔算驚喜一口鹹水角：雙色但食落味道一樣🤣炸到好熱辣辣呀大澳蝦醬鮮魷卷：唔太食到魷魚同蝦醬味😂👇🏻以下呢兩款都係免費送嘅，數量仲係按人頭計！1️⃣生日壽桃🎂媽咪今個月生日，登記做普通會員都可以免費送！蓮蓉鹹蛋黃內餡，好有重量！2️⃣熊貓甜品🐼喺樓下拿宣傳單張，出示比店員睇可以送熊貓甜品😍原來係好可愛嘅熊貓糯米糍+涼粉！涼粉唔會好甜😂以免費送嘅黎講已經係好高評價haha，而且亦係一人送一碗！不過呢度嘅職員就會一直叫你比$300升級做會員，雖然真係有幾多折扣，但我地最後都冇做到😂今次免費登記做普通會員都可以即時用$50迎新優惠呀！
繼續閱讀
好友約我去位於銅鑼灣波斯富街24-30號寶漢大廈2樓 的<龍點心>食點心， 環境舒適，坐得舒服。我哋點左：🥢紅燒乳鴿超值價$32.8 x2 乳鴿香脆可口，肉質嫩滑。🥢燒賣拼盤（港原味）燒賣拼盤 $72有6款（ 大澳蝦醬墨魚、 蘇薑馬友鹹魚、 香辣雞軟骨、 芫茜馬蹄、 X0醬帶子、 梅菜扣肉）味道，口感豐富。🥢酸菜魚鳳眼餃$42十分惹味（ 辣辣） 的餃子，好味。🥢馬拉小籠包 $48爆汁小籠包口感鮮美。🥢笑口叉燒包 $32 大大隻包好軟綿，餡料入味。🥢厚切叉燒腸粉 $49 叉燒好味，腸粉幼滑。
繼續閱讀
呢間之前食過一次已經好想再嚟！佢哋嘅裝修有別於傳統酒家, 走新派路線, 結合傳統✖️創新元素, 主打一系列新派手工點心！🥢一龍大滿足有酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、鹹蛋黃墨魚燒賣、斑蘭麻蓉桃子, 一次過滿足6個願望！筍尖蝦餃皇係經典蝦餃, 裏面嘅鮮蝦口感彈牙！斑蘭麻蓉桃子係甜點, 桃子形狀🍑, 外皮有斑蘭香氣, 裏面包住麻蓉內餡🥢蟹粉菠菜香蝦餃推介👍🏻 蟹粉味嘅蝦餃, 表面加咗三文魚籽點綴, 帶鹹香, 食完已經返尋味！🥢松露野菌晶瑩餃推介👍🏻 紫藍色水晶皮好特別！外皮軟糯, 好香黑松露味, 菇菌搭配松露, 成個組合好夾！🥢笑口叉燒包柔軟鬆軟嘅包子裏面包住蜜汁叉燒🥢淮杞螺片燉竹絲雞湯質清徹, 飲得出好足料！🥢白灼蘭花苔清甜爽脆, 完全冇渣, 上面鋪滿薑蓉, 令蘭花苔更香！如果鍾意食燒賣, 就要試埋「龍記六寶」, 一籠有6款唔同風味嘅燒賣, 夠晒特別！
繼續閱讀
上星期夜晚去咗銅鑼灣龍點心食點心。呢間係新派嘅點心店，鍾意食點心嘅我一定要嚟。食店裝修好有特色，以橙色和綠色為主。門口有一些香港情懷嘅小禮品賣。，入面座位坐得舒服，有梳化位同卡位。呢間係點心專門店，所以有好多點心選擇。我哋叫咗，期間限定的港原味2.0燒賣拼盤，有六粒唔同口味嘅燒賣。芫荽馬碲燒賣、香辣雞軟骨燒賣、蘇薑馬友鹹魚燒賣、XO醬帶子燒賣、梅菜扣肉燒賣、大澳蝦醬墨魚燒賣。肉鬆馬拉糕，馬拉糕上舖滿肉鬆，呢個配搭好特別，味道好夾，幾好味，有驚喜。白灼蘭花苔，芥蘭熟度啱啱好，佢個豉油汁好味。翡翠響鈴腸粉，綠色的腸粉皮入面包住響鈴，好特別，顏色賣相都好靚。咬落去脆脆嘅口感，外軟內脆。斑蘭麻蓉桃子，壽包細細粒，好得意。佢同平時傳統嘅壽包唔同，平時係蓮蓉餡，佢呢個係斑蘭餡，好有斑蘭味。 第一次食斑蘭味嘅壽包，好特別！鰻魚荷葉飯，鰻魚份量多，肉質好味。飯入面淋咗些醬汁，好濃郁，令到荷葉飯更加好味。南北杏菜膽燉豬肺，湯好清甜，好足料。呢個湯有清熱潤肺止咳化痰的療效。呢間嘅點心好有特色同創意，食物都好味。去得多傳統嘅酒樓飲茶，不妨可以嚟呢度試吓。
繼續閱讀