龍點心 (軒尼詩道)

營業中

休息中

如果想夜媽媽食點心既話其實香港唔算有好多選擇~ 但小編今晚心血來潮想食點心🥧 所以就搵左灣仔新開既龍點心試味😋。呢間餐廳裝修好有特色，係門口都feel到果浸潮味😂 即刻對食物勁有期望☺️ 呢度啲點心好有特色，好多都係出面酒樓冇嘅款式😋 小編同朋友兩個人嗌咗好多嘢，全部都好好食🥰一龍大滿足 有六款招牌餃，包括蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃王、碗豆桃子同埋臘味糯米燒賣，全部都好有特色，好好食😋蔥燒海參餃好少見到市面上有呢一款餃子，食落都幾好味🥰青森縣黑蒜帶子燒賣呢款比較貴，不過成粒帶子燒賣食落真係好滿足😇脆脆富貴紅米腸粉差唔多每一台都有叫🤣，腸粉仲有三款醬料😋 煙韌外皮配上脆米紙配埋蝦肉真係冇得輸👍🏻羊肚菌燉水鴨湯淮山杞子螺片燉竹絲雞湯兩碗湯都好好飲，鍾意飲湯嘅一定要試吓呢度嘅燉湯😋大澳蝦醬鮮魷卷好少見到有魷魚卷！真係好驚喜😎仲整得好香脆添☺️ 豆腐布丁🍮最後以豆腐布作為甜品結束我哋嘅晚餐，布甸有勁香濃嘅豆腐味🥰提提大家呢度係有收茶錢同埋加一，如果想飲啖茶，食個包，呢度都係一個好選擇😋👍🏻

一龍大滿足 $62食到呢籠點心真係大滿足🤩外觀精緻 味道創新蟹粉菠菜香蝦餃香噴噴 仲有魚籽做點綴 推薦😍酸菜魚鳳眼餃有香濃花椒味 辣辣哋好過癮筍尖蝦餃王皮薄餡靚 啖啖肉😚松露野菌晶瑩餃好多餡料鹹蛋黃墨魚燒賣外表普通 但係有內涵🤓豌豆桃子唔會太甜同太漏脆脆富貴脆米腸 $48脆脆脆米腸真係名不虛傳😆小編相機食先 都保持到香脆用咗紅米做腸粉更健康☺️仲有三種醬汁選擇包括泰式辣醬豉油同花生醬覺得點泰式辣醬最夾大澳蝦醬鮮魷卷 $52餡料滿滿 有好多鮮魷同蝦😎用咗蝦醬好特別 咸香味突出外面脆卜卜 裏面夠彈牙臘腸潤腸蒸雞飯 $56大大份 3個人share都夠食😋臘腸潤腸蒸雞令到飯入曬味仲有飯焦添要一提吓隻匙羹細細隻啱晒櫻桃小嘴連我食相都變得斯文啦🫢南北杏菜膽豬肺湯 $48豬肺湯清甜潤肺🤤豬肺煲到好淋如果有多幾舊就好啦拉絲菠蘿包 $38超多芝士呀😝真係做到拉絲嘅效果菠蘿皮香脆可口 包軟淋淋記住趁熱食呀新張期間仲有宮廷點心送 好驚喜🥳紅豆餅煙煙韌韌紫薯紅棗餅偏甜 賣相似冰皮月餅😂Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟🌟📌環境：🌟🌟🌟🌟📌服務：🌟🌟🌟🌟🌟

唔知大家有無試過夜媽媽晚餐時想食一盅兩件大部分茶樓都未必晚市賣埋點心 多數就要去便利店呀 或者啲快餐形式既餐廳買買到既 都係典型無咩新意 打唔打到卡唔再講買到番屋企仲熱唔熱都唔知竟然今日比我地搵到龍點心🤩夜晚都可以飲茶喇！仲唔係真係得閒都可以隨時飲茶🥰我地2個人嗌左「一龍大滿足」「青森黑蒜帶子燒賣」「芝士鮮蝦腐皮卷」同埋「脆脆富貴紅米腸粉」一龍大滿足（$62）⭐️⭐️⭐️⭐️⭐一次過滿足哂你所有願望！一籠有6種口味！酸菜魚鳳眼餃：一食震懾我味蕾！辣辣地又唔會要你即刻飲水！野味！蟹粉菠菜香蝦餃：上面既三文魚子令所有野都好加分！令蝦餃更鮮味！松露野菌晶瑩餃：松露味好香好濃！食得超級開心！鹹蛋黃墨魚燒賣：會爆汁！好瘋狂！鹹蛋黃味濃！但就唔係好食到墨魚味。豌豆桃子：明明只係青豆，但令我地食到斑斕味！超級好食🥰筍尖蝦餃皇：最後當然唔少得純正蝦餃！蝦味濃郁！我有衝動嗌一籠外賣架！青森黑蒜帶子燒賣（$48）⭐️⭐️⭐️⭐️⭐好老實就無咩黑蒜味，所有都比帶子同燒賣本身既味道蓋過哂！但整體係好濃好好味🥰芝士鮮蝦腐皮卷（$52）⭐️⭐️⭐️⭐️我地諗住會拉絲！點知🙂無🤣！但係佢依然不失濃濃芝士味配埋蝦仁仔，都相當唔錯！唯一缺點係