龍鳳號 (已結業)

高質台式餐廳🕞輪後時間🕤 如果就岩12點去多數唔洗等，自己在菜單上打勾心水食品，唔洗五分鐘就有野食🥢推介食品🥢1️⃣ 黃金香酥排骨配肉操飯 $68先試個湯，有芫荽蛋花，清清地，飲得出無味精，清熱下火👍🏻，前菜翠肉瓜都好爽口！講返重點，鹽酥排骨，皮薄香口，味道醃得岩岩好唔會好咸！個肉燥先系重中之重，肉同肥膏比例剛剛好🤤整體賣相唔洗講睇相都知😋😋2️⃣ 檸檬冬瓜茶 +$9包裝勁似跌打酒，好特別，微酸又解渴味道 😋😋😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳佈置同名呼應返，特設自助水吧，等位都同你加加油，讚💪🏻🔆總結一下🔆：食物品質高，服務態度良好，性格比相當高，附近返工朋友要來試下

支持#黃色經濟圈 💛這次來到充滿台式家庭風的觀塘小店#龍鳳號 ，經濟實惠份量大，非常適合在觀塘的打工一族，午飯時段超多人排隊🤩我點了黃金香酥排骨+肉燥飯的午餐set，排骨的做法跟鹽酥雞一樣，酥脆的厚炸粉很惹味，超級好下飯的，配以肉燥飯確實是perfect match😋午餐set還有是日小食和湯，這次的小食是帶微辣的翠肉瓜，湯是芫茜加上腐竹等配料的清湯，口味清新，能減輕炸排骨和肉燥飯的油膩感👍🏻

今日同朋友慶祝生日，約左觀塘食晚飯。剛好收派宣傳單姐姐，就去呢間位於觀塘中海日升中心2號龍鳳號食。佢位置都萛偏僻，望落應該係剛新開的食店，因為全部裝修設備好新好乾淨，而且感覺像家庭式生意，價錢都萛親民。當然有些都比較高。我和朋友二人點了呢幾款： 古早味肉燥飯（$36）、黃金香酥排骨（$46）、滷蛋（$10）、燙青菜（$38）和淨麵線（$20），合共$150。這間店有飲品提供，性價比較高，也不是怎樣特別，所以没有下單。同埋，建議前往試食的朋友們記得帶紙巾，因為這間店提供紙巾要收錢唷！味道方面，古早味肉燥飯的肉燥略少，混飯食不夠，但味道尚可；黃金香酥排骨賣相不錯，可是入口没有雞味道，只有表面炸皮掩料味道，而且比較薄身和乾，失望😢；滷蛋好入味；青菜好清，没有油；淨麵線好淡味。以呢個價錢，都是不過不失的選擇！

呢座大廈都開咗好多間食肆, 但仍然無損呢到既人流, 門口都一定有人等位, 可能因為同層係冇同類食品, 一間西餐, 兩間日式, 一間茶記, 所以每次都攞幾間既飛, 邊間快就食邊間, 當然如果人數少一定等位著數啲, 4位以上其實都好難等位炸雞脾配肉燥麵 - 賣相精美, 雞脾都好大件, 肉厚同嫩口, 不錯既午餐選擇, 個湯同前菜每日都唔同大腸麵線配虎咬豬- 刈包都好好食, 中間舊肉帶少少肥肉, 感覺係有啲油, 但個包皮夠煙韌同厚, 吸咗啲油食落口都OK, 大腸麵份量少咗啲, 大腸都夠入味山渣洛神花茶 - 好濃洛神花味, 不錯桂圓雪梨茶 - 桂圓味唔算好濃, 但雪梨味好出, 都好潤喉總結 : 呢到係不錯之選

同同事lunch過來食，1點鐘都幾多人，2個人都等左成15分鐘。叫左個炸排骨午餐$68，聽講擔仔麵好咸，所以仲專登加左5蚊食魯肉飯，睇下會唔會好d。食物來到，塊排骨好多油囉，呢個都算，仲要有d硬。(朋友個炸雞腿比較嫩) 然後味道食時好似都ok的。但跟住勁口渴，飲埋個無味湯後，都完全止唔到喝，要加錢配個野飲+$9先掂。個野飲返而好濃，好飲。未試過，食完口渴到咁緊要!!可能落左太多味精，應該都幾難有下次

本身book左間餐廳食飯. 點知去到間野好細間又唔太多野食選擇. 所以食完就轉場再食台灣野. 其實觀塘都好多台灣店可以選擇. 不過呢間比較就腳近站. 食完正餐仲可以叫埋芋圓同中式糖水黎過下糖水癮😆是次飯局叫左飯，米粉，菜同雞翼最出色係佢個飯. 唔會太淋好入味份量對女仔黎講應該岩岩好 不過男仔就可能未必夠飽.總括黎講唔錯再食

一直都想試下去龍鳳號食佢個炸雞脾，但次次Lunch都好多人所以一直都無去到最近有一次經過見到唔洗等位，於是就入左去坐低啦叫左我朝思暮想既炸雞脾配擔仔麵，再加枝雪梨茶炸雞脾確實係幾好食，又大隻出面個炸漿好脆，表面落少少應該係孜然粉，幾香口雞脾肉唔算太嫩滑但都唔算鞋，有點少失望至於個擔仔麵就好細碗，肉燥係幾好食既，甜甜地個麵就超級無敵咸！同埋佢碗麵係有落蒜蓉做調味既，不過似乎落得太勁搞到成碗麵入口係又咸又臭，難食到我食左兩啖就放低左再食落去我真係驚生腎石....同事就叫左魯肉飯，佢地就話無問題囉～

上網找觀塘有什麼賣芋圓的餐廳，無意中發現龍鳳號，我都喜歡的台式食物，於是找天去試。找了一個平日、比午市時間早一點的時間去，打算避開人流，大約下午12:10，人流不多。但到了下午12:30，居然差不多坐滿，原來觀塘上班的人都很早放飯。在臨走時更發現觀塘很多餐廳都排滿人，這也太誇張吧！講返餐廳，牆上有條龍，很有霸氣，餐廳佈置感覺很有傳統風味。我本想散叫食物，之前睇中鹵肉飯、小食加芋圓。但午市一定要點午市套餐那算吧，雖然有點失望，但照吃吧。我點的午餐是大雞脾，再加鹵肉飯。此午餐送前菜及例湯。前菜方面，我以為是芽菜。吃起來似是土豆絲，都幾好味。例湯標榜無味精，喝起來很清甜。大雞脾是炸的，雞脾那層皮有調味，類似是椒鹽味，但肉是沒有味。所以簡單總結皮是有味、肉是吃不到調味。雖說秘製，但不覺太特別，像是椒鹽雞脾。反而鹵肉飯有驚喜。鹵肉超香超入味，感覺煮得很用心，暫時看過覺得是很出色的鹵肉飯

🎈ig: cathlife_yum抵食台灣菜⭐️ ✂️依家食有$20現金卷，在下次食滿$200就可以用∣∡惹味肉燥乾拌板條$38惹味意思係辣嘅，都幾辣，食完會係咁飲水🤭板條好似食緊河粉，口感吾錯👍🏼∘∡古早味魯肉飯$38魯肉嘅肥肉多，肥肉溶化入口，加上甜醬油撈飯，正！🤤∘∡醬燒茄子$38大量蒜蓉鋪面，不過甜醬汁吾夠多，食落有啲乾同吾夠咸∘∡宜蘭蒽肉煎餅$48/5件入面係韮菜肉餡，個包煎得好脆，淋左醬油係面，好好味👍🏼👍🏼👍🏼有讚冇彈！∘∡砂鍋麻油雞$78煲入面有貢丸、豬紅、娃娃菜😀冇咩麻油味，反而雕酒味重，未食都聞到。雞冇醃過，所以冇咩味🥴∘∡鹽酥菇$42第一次食炸嘅菇，有吾錯嘅印象用秀珍菇加炸粉炸，好夠味不過價錢偏貴

龍鳳號係好早之前食過一次， 好記得個次係食炸雞腿set lunch.， 好記得佢個雞腿係冇乜味道嘅，今日同事提議再去食呢間餐廳，見咁耐冇去過，就俾多次機會佢。今次去到揀咗食鹽酥排骨飯。個豬扒味道啱啱好，唔會太鹹，肉質亦都非常之高質。對比起上次個雞腿，實在差太遠。 set lunch 跟嘅飯係肉操飯, 肉操味道太重，太鹹。再另加$10要多隻滷蛋，個滷水汁偏甜。整體感覺可以接受， $68一個set lunch 跟不落味精湯，同埋一碟蔬菜價錢合理！

觀塘一向多美食 今日就黎試下台灣菜啦裝潢都不錯 星期日午餐時段都多人叫左一個魯肉飯 味道不錯 好似台灣食既味D魯肉好入味 另外左邊係肉躁撈闊面 個人覺得一般般 個面太林冇咩口感 可能配面條會好食點跟住叫左下面呢個宜蘭蔥肉煎餅 個味似平時食上海野既生煎包 都不錯 煎得個皮幾脆同埋有肉汁流出黎幾好食最後都叫左個豆花芋圓 （龍鳳豆花）不過不失 不會太甜 岩哂吾中意食甜野既人 芋圓個口感普通 冇咩驚喜 飲品叫左個楊梅汁 個樽好靚 可以帶走 個味覺得好似烏梅汁 酸酸甜甜都幾好飲 不過份量好少 $28有點貴埋單$198 免加一 價錢中等 吾算好平 食物份量都係細細碟 不過都夠飽正常食量 值得一試係魯肉飯同宜蘭蔥肉煎餅

下午茶時分，唔多人。雖然員工食緊飯，但都好好招呼食物黎得好快，鹵肉飯肉粒好分明，唔鞋口。飯汁甜甜地，撈飯一流餐飲好多選擇，㨂左桂圓雪梨茶，夠哂潤一上枱，見到個樽咁靚，味道又唔甜，好飲之後仲食左刈包，有芫荽，豬肉，花生同酸菜做材料，味道都唔錯。個包身仲抵讚，好軟熟，少少甜，好好味當然要加$15 食龍鳳荳花啦！紅、綠豆，芋圓同豆花，食得出加上黑糖，同坊間嘅味真係有分別值得推介

其實食過好多次，今次分享下。下午茶餐，想要飽肚嘅又有，想坐低飲杯野配個小食又有。而且下午茶時間又靜，又坐得舒服☺️。~A3 葱肉煎餅有豉油香味，皮外脆，内有豐富肉汁。感覺有啲似迷你版生煎包嘅~+$15 鹽酥菇~A 13肉燥乾拌新竹米粉，乾拌又香又濃味~A9 魯肉飯，至愛，汁夠香，肉夠肥，又飽肚。~+$15 滷豆腐~+$15 滷大腸，滷水汁推介，配大腸勁正！而且加15蚊，份量算好多，好抵食喎~下午茶點菜單~+$15 滷白菜唔記得影相，但係呢個辣辣地好好食，味道好好，我每次都會叫。

心血來潮好想食台灣嘢，但又冇乜心情飛轉台北，睇到呢間都叫做好多人介紹，喺附近收工就去咗食。同朋友叫咗經典招牌嘅魯肉飯同肉燥飯，一食落去，嘩，咸到癲！完全係過咸！肉燥好乾，要不斷飲水。初頭以為係台灣古早味係咸啲㗎喇！點知食完一路返屋企都覺得勁頸渴，條脷又腫腫地，完全係味精過敏嘅跡象，都唔知落咗幾多味精。第二朝瞓醒都係一樣，飲咗好多水先解到啲味精！未試過食完好似中咗味精毒咁樣，呢間真係以後唔會再幫襯！

呢間環境幾好，裝潢都係木製但有個日本風情畫，我諗我入左日式料理餐廳，咪住先，睇睇菜單原來係台灣菜，搞錯左不過照食啦😂😂😂燈光幾岩位所以影相打卡幾唔錯，叫左米線、炸雞、魯肉飯，講真普通左D，因為佢D雞好乾身又冇乜味，好似擺左好耐拎出黎，炸雞又唔脆，米線口感都係偏淡，仲有好細碗其實食唔飽。簡言之就係食之無味，棄之可惜，所以係失望既。😢我相信宣傳同包裝方面係落左唔少功夫，不過希望佢可以改善食物同服務質素啦。