龍門冰室 (已結業)

收工想平平地食餐飯，但又唔想太頹，就諗起食冰室。公司附近就有間龍門冰室，就同同事一齊去吹水食野。咁我下午食左飯，想夜晚食個麵，我就選擇左麻辣肥牛烏冬。呢個麻辣正啊，辣辣地惹味得黎又唔會入唔到口，仲要佢比d肥牛多到爆，超抵食！唔好見佢細細碗，食哂d肥牛其實都真係好飽！我朋友就餓d，叫左個鐵板餐，龍蝦汁至尊海鮮鐵板餐！真係不得了，勁勁勁大份，有帶子、有魚柳、有青口、有魷魚，樣樣都有幾件完全無呃人飽到爆。羅宋湯夠入味，good!我地仲加叫左個椒鹽雞翼，有6隻超多，隻隻都一樣外脆內嫩，椒鹽味亦非常足，不錯！野飲方面，我地叫左一杯熱菜蜜，一杯紅豆冰。熱菜蜜冬天飲暖入心，紅豆冰就略甜，太邪惡了！整體野食ok夾大件，坐得舒服，不錯！

今日約咗朋友喺北角聚一聚，佢話去龍門冰室 坐低食飯傾計。龍門冰室 一個相當霸氣的名字，招牌喺電氣道非常搶眼吸引，遠處已經見到！店內光鮮整潔，寬敞有很多座位。點咗幾樣嘢食，邊食邊傾！吞拿魚芝士玉子燒 配雞翼招牌3.6 牛乳炒蛋玉子王，材料優質，有滑蛋嘅細緻嫩滑和玉子嘅質感，包裹著 吞拿魚鮮味肉厚，充滿飽足感。鹵水雞翼，肉質細嫩，滷得入味，鹹度適中！牛仔骨拼炸蝦帶子 鐵板燒懷舊地道，牛仔骨肉味濃郁，嫩滑多汁，鐵板烹煮散發陣陣焦香，令人垂涎欲滴！ 炸蝦、帶子 香脆可口，啖啖肉大快朵頤！芝士焗西蘭花芝士面層焗得微微燒焦，芝味香濃撲鼻， 非常吸引。西蘭花新鮮翠綠爽口，和芝士非常搭配，芝士份量十足，有拉絲效果！紅豆冰 凍檸茶紅豆冰 奶味香濃順滑，紅豆煲得腍身份量十足，加入花奶混合十分搭配，冰涼美味！檸檬茶 茶底靚香甜有茶味，酸酸甜甜消滯減膩，幫助消化 。

北角行經發現一間港式茶餐廳, 門外看到Menu, 好多元化，中西合璧，除咗有茶餐廳炒粉麵飯常餐，仲有意粉飯。價錢唔貴,又冇加一。入面環境整潔, 我就入去試一試!原來呢間茶餐廳有鐵板餐供應, 對於愛食扒餐既我當然要試一試!我叫了星級雜扒鐵板餐，堆到好高，入面好豐富。,包括西冷扒、雞扒、英式腸、煙三文魚、炸帶子, 自選配薯菜+龍蝦汁,牛扒好大件，有手掌大，本身有調味，質地算嫩。燒到金黃色雞扒，幾嫩滑。英式腸皮脆, 入面有少少鹹味。煙三文魚大大塊，卷到玫瑰花形，好有心思。炸帶子香脆。薯條份量好多好飽!!另外叫了鐵板鰻魚汁大蝦球炒出前一丁，炒得好乾身，爽口彈牙的出前一丁，加上大蝦好大隻！簡單食材呈現出不簡單味道。好滿足！！！

出左北角，終於有機會經過去龍門食野，平時尖沙咀真係太多人，今次終於有幸一試😄黎到就試下呢到羊架鐵板餐，要左燒汁，除左有2件羊架，仲有條長香草腸，叫左薯菜，薯條都幾大份量，做下午茶黎講真係都幾夠飽另外朋友就叫左吉列豬扒加茄汁焗豆，配埋個炒蛋，龍蝦汁都幾好味，吉列豬扒都炸得幾香，冇燶，幾厚肉，唔算肥兩份餐都有配埋湯同多士，多士入面搽勻左牛油架，不過如果烘再燶多少少再脆D仲好味，但都比足料其實入面真係好多餐揀，睇到都眼花花，下次經過可以再試下其他野，質素應該都唔錯😋

同朋友去龍門冰室食晚餐，同幾個朋友來，一望這店客似雲來，全場都坐滿哂人，好在朋友早到。坐底看餐牌，選擇何奇多，頓時選擇困難症又發作，平時食得茶餐嘅野居多，反而少鋸扒，就一於來食鐵板餐🍽各自點了美式鐵板餐加餐湯🥣羅宋湯甜酸適中🍴燒汁蒜香牛扒炸蝦牛扒份量很大塊，七成熟的牛扒肉質不鞋身，炸蝦夠脆香，不錯!🍽爵士西冷扒併香草腸香草腸味道佳，大條又美味，牛扒易入口，質地腍，黑椒汁夠惹味，加少少黑椒汁喺飯度，零捨開胃🤤🍽美式雜扒雜扒夠豐富，有腸仔，煎蛋 煙肉 雞扒和豬扒，真係大件夾抵食，大滿足😝 雜扒餐衹需要$85，認真超值!其中一個朋友見份量甘多，她衹點菜和小吃同我們分甘同味😁🥦黑松露雜菌焗西蘭花陣陣黑松露香味，包住濃郁芝士，西蘭花爽口，好味道! 瞬間清碟😏🍯蜜糖雞翼雞翼味道特別香口，蜜糖雞翼就好似去燒烤場燒嘅雞翼，加上蜜糖，食得滋味。🐓椒鹽雞翼食開濃味嘅人應該會鍾意呢款，我都係濃味愛好者，呢款跟蜜糖雞翼不相伯仲👍以冰室來講， 價錢尚算廉價，味道也不錯，值得再來。

做左成日野攰攰地 冇乜心機番去煮飯 於是約同事一齊出街食 同事推薦龍門冰室 一於去試下入到餐廳 差不多已滿座 見到有張卡位 拿拿淋坐埋去先第一眼已望到紅燒汁鮑魚仔茶餐 雙眼即刻比佢吸引住成個餐都係$60 價錢尚算ok玉子燒算係依度既特色 好少冰室會有玉子燒食 中意食玉子燒既各位記得唔好錯過喇講到冰室要食既野非扒餐莫屬 本人最中意就係鋸扒 一個字 正👍🏼👍🏼👍🏼👍🏼👍🏼點左野食後 餐廳就奉上餐湯比客人暖下個胃先雖然天氣好凍 但我都係忍唔住叫左杯凍0賓飲至於我朋友就叫左杯熱0水朋友比較細食 叫左個撈面餐 不過來既時候見到份量都幾多下雖然好熱氣 不過都忍唔住要嗌個黑松露醬薯條黎試下本人叫左個星級雜扒餐 份量多 夠晒我依啲大胃王食呀兩個人食 最後埋單$215

今晚嚟到北角食飯，揀左港人必食嘅龍門冰室✌🏻 位置係近城市花園，唔洗排咁耐隊😍.既然嚟食冰室，鐵板就一定唔少得啦！叫左份美式雜扒🤪🤪 又有雞排、西冷、腸同蛋同煙肉！真係好豐富，大堆頭到嚇親人🤩 要左黑椒汁嘅，少少咸d. 叫少汁會好d. 雞扒特別厚肉又juicy ~ 跟嘅薯條好粗，特別有口感😚😚 .另一個係羊架配腸😇 羊架好大只，比較肥美，肉好腍😍 而英式腸都好食，皮係脆脆地嘅🥳 .餐湯係粟米湯，正常發揮😋😋.天氣凍飲熱檸蜜好正，喉嚨舒服哂😛.另外龍鳳檸樂亦係大推！飲完非常爽🥰🥰

今日去咗炮台山附近食飯（炮台山都真係幾多嘢食）好難揀呀～見到龍門冰室，之前成日聽人講過呢間餐廳但係未食過於是，我走入去試吓啦！午餐時段，好多人排隊，不過因為我一個人去食～～～就容易D搵到位。餐廳裏面，侍應服務好，有禮貌，真心欣賞佢哋！我試吓食焗豬頸肉飯！真係超級好味！豬頸肉有少少辣呀！好惹味，我差唔多食光光！佢個餐湯有少少辣嘅，但係好味！不過，如果唔飲得辣嘅客人，可能真係會唔習慣～咖啡都好有水準👍一定會再去光顧！

見到唔洗排隊 即刻入去試試先全日餐叫咗炒蛋 奶醬多 叉燒湯意粉 正常水準 但係 份量係俾正常多 叉燒唔係得4塊5塊禁 佢地用既係瘦叉燒 但係 唔會鞋口 好抵食咖喱汁流心奄列蛋雞扒意粉 份量都係大份 咖喱汁唔辣帶少少甜味 有咖喱既香味 唔係日本式既咖喱味 係港式咖喱魚蛋味 奄列啡啡地 食落有少少流心 滑身得黎唔會覺得好生 雞扒煎得都幾香 仲有少少肉汁 意粉唔係煮定果啲禁會太淋容易斷 所以 意粉係好好味芝士肉醬焗薯條 肉醬唔似一般肉醬禁 食落好似咸牛肉 撈埋芝士 再加埋薯條 配搭得好好 因為份量都多 所以都幾抵食 而且唔似一般茶餐廳咁煮定 雖然係頹食 但係質量一啲都頹

聽朋友講這間餐廳好好吃，所以決定來試一下，晚上7點來到這裡，已經見有人龍。幸好最後不用等太久就可以入座。其實這裡食物選擇真的好多，包羅萬有，我看著也大為吃驚，一間小小既餐廳真的可以同時提供這麽多款式嗎？他們家全日早餐，鐵板餐，日式玉子燒，小食，飯麵，什麼都有，每一樣看著都像很好吃，太厲害啦!我被他的美式鐵板餐裡的牛仔骨拼炸蝦炸帶子吸引，其實平常吃鐵板餐，大多就是吃西冷牛扒或者肉眼扒之類，牛仔骨是比較少見的，所以真的要試一下。朋友就叫了黑松露雜菌玉子燒，拼雞翼。我們今天肚子比較餓，另外加了芝士煙肉焗薯皮。凍朱古力味道不錯。北海道3.6牛乳真的非常濃郁香滑牛奶味。羅餸湯味道適中，有番茄酸酸的味道，加一點點辣，還有不同雜菜，不錯呢！由於店內客人太多，廚房及都忙得不可開交，等食物可能要久一點，這是可以理解的。等的時候發現餐廳牆上擺放了幾個高達模型，店主挺可愛呢！餐廳鼓勵客人走飲管，支持環保，現時全球塑膠廢物問題嚴重，感激店主支持環保啊。朋友的玉子燒率先送來，吃著真的有很香濃的黑松露味道，雜菌跟蛋及黑松露的味道加起來真的很配，玉子又燒得很滑，值得一試! 雞翼就是炸的，但皮不會有厚厚的粉，味道還可

由於太夜先食飯嘅關係，所以冇好多餐廳可以揀，就嚟咗食呢一個資深黃店！今次就唔使點排隊呀，因為都成九點幾，而且本來都係冇位嘅，但係嗰個waiter都好好幫我哋rearrange咗其他人，所以我哋就可以即刻入去。照舊嗌咗一個常餐，因為我唔太肚餓，但大太夜關係呢佢冇曬多士，換咗一塊午餐肉畀我。另外呢個配飯嘅海鮮粉絲都幾好食，有啲菜！我地仲叫咗一個雞煲，真係幾野味，辣辣地幾唔錯。龍門冰室唔同嘅分店總共食過兩次，覺得比起嗰啲經典嘅常餐，好似嗌呢啲中式嘅小炒質素比較高，比較好食，而且呢都幾大份！

其實猴子喺四、五個月前都幫趁過呢間龍門冰室，記得當時人流唔多，大把位坐，不過今時唔同住日，家陣可以話係座無虛席，出面經常排長龍。今次猴子叫咗一客蔥油雞扒飯，因為蔥油嘅香味實在太吸引。  雞扒煎到金黃色，皮脆肉香，雖然塊雞扒本身幾厚，但內外都均勻熟透，唔會煎到外燶內生，值得一讚。  至於蔥油，猴子略嫌蔥花切得唔夠幼細，如果可以切到薑容咁碎就更加香氣撲鼻，用嚟撈飯一流。另外油嘅份量亦可以少啲，因為雞扒本身都幾油膩。  奶茶係用港式奶茶杯，夠厚夠保溫。

呢間聽過好多人講話好食，而且好多人排隊，但就未食過，所以就約朋友黎試下！七點左右到，已經幾多人，所以要搭檯🤣阿姐態度都唔錯，呢樣抵讚👍🏻好多iron man😲😲睇餐牌好多都好吸引，我同朋友叫左至尊海鮮鐵板餐配龍蝦汁同薯菜、黑松露雜菌玉子燒配撈丁同雞翼、芝士西蘭花🥦同埋兩杯鹹柑橘😆首先黎既係玉子燒撈丁。撈丁好彈牙，雞翼煮到好入味，一咬就爛，玉子燒好滑嫩，入面放左d菇類更加惹味，仲好有口感，推薦！芝士西蘭花，配芝士幾惹味😋最後黎既係海鮮鐵板餐，青口好肥美🤤蝦都大大隻，薯條熱辣辣🤪當然唔少得仲有兩杯野飲啦😂全部食物都好足料，兩個人都食到好飽，而且煮得唔馬虎，特別推薦玉子燒同撈丁！

困境似乎繼續下去，相信會好多餐廳結業。與朋友決定出來消費，略盡綿力。下午來到北角冰室消費, 來到餐廳時，見座位挺滿,幸好有位 。餐廳不大，食物選擇多，點了奶油朱，鰻魚汁脆雞翼撈丁和 雙拼飯牛油蛋雞扒飯,最初想食秘制吉列🐷扒，但喉嚨不適所以點了雙拼飯。朋友話鰻魚汁脆雞翼撈丁最快到，雞翼皮脆肉嫩滑，撈丁香噴噴。面包控的我等到愛食既奶油🐷，好正，鬆脆，熱食最滋味，奶油好香。雙拼飯牛油蛋雞扒飯到啦，蛋有牛油味，🐔扒煎得不錯。願香港人平安！pray for HK! Stay safe!

最近朋友係炮台山搵到份新工,已返工三個多月。約佢食個晚餐,了解一下佢是否適應新環境。我哋揀左龍門冰室,除左因為近砲台山港鐵站,交通方便外,食物選擇款式多,早餐,午餐,下午茶餐,晚餐,一日多餐照顧周到,最重要係價錢大衆化。今晚嘅精選晚餐B2鐵板鰻魚汁大蝦球炒出前一丁C5蒜香鮮帶子炒西蘭花（配白飯)再加個生菜套餐送多士、餐湯、咖啡或茶两份多士都焗到金黃香脆,好有牛油香味。餐湯只要了一個,避免浪費食物。湯同平時飲嘅忌廉湯吾同,冇咁漏,又吾會太咸。餐飲點了杯杏仁霜,味道不太甜。另外一杯加$7改熱辣辣香滑鮮奶。全走生菜够健康,鮮甜爽脆。鐵板鰻魚汁大蝦球炒出前一丁份量十足,麵條分明,炒得夠乾身,每條麵條都好滋味,鐵板令一丁麵多一份焦香味。蝦仁大大隻爽口彈牙,配菜都攞左吾少分㗎。蒜香鮮帶子炒西蘭花（配白飯）西蘭花嫩綠,配搭鮮甜軟腍帶子，簡簡單單中充滿獨特蒜香味,好快就KO成碗白飯。餐廳冇加一抵食。食物同服務質素高,會再光顧的。