影片
平時買外賣好多時都見呢間串燒店未開，後尾知道原來佢淨係開晚市，今日過黎買外賣，咁岩見到佢有開，所以就算已經買左好多野食，都想試下呢間門面感覺都好有風味，加埋d泰文，好似好正宗咁選擇都幾多喎，價錢就中間啦，又未算好平，一串豬肉串燒15蚊，除左串燒仲有好多野食，好似泰式魚呀、沙律呀、粉麵飯果d都有，都幾多人買因為已經買左其他野食，所以就買少少試下，買左豬、雞、牛串燒各2串，都燒得好香，又唔會太乾，個沙嗲汁幾好味然後仲買左個馬拉盞炒芥蘭，呢個個味都ok，但芥蘭就有d老，麻麻地啦下次會試下其他野
繼續閱讀
我打電話去叫外賣Order左五六樣野 佢話等半個鐘知佢慢 我隔左十個字先到去到佢話整緊但係我見到佢一樣野都未出我問：係咪一樣野都未整？佢答：因為仲有其他單我話：我一早打左黎，係咪一樣都未整？佢話：係呀(.........十個字 你通菜都俾唔到個我？)
繼續閱讀
星期日相約朋友仔到城門行山，行完一個大round都日落西山，拿拿臨落山食晚飯。本來book左食日本野，但怕時間趕唔上就取消左，後來友人提議食泰國野，雖然那天的昨晚已經同家人食左，但其他朋友無意見，而我都無咩所謂，最緊要有得醫肚同坐低吹下水。一行5人極速落山到左呢間龍金利泰式串燒店，原來是泰國人開的小店，我地5人，3打2陣式隔條河坐低，睇下張Menu一張走天涯，睇落都好多野食，而我地叫左串燒雞，牛，豬總共10多串，菠蘿炒飯，柚子沙律，肉碎生菜包，燒倉魚，泰式鳳瓜，馬拉炒“岸”菜，冬陰功湯，叫左4杯野飲，但因為人手唔夠，叫完野食都等左一陣先上菜,來來來排名不分先後1)野飲來先ok, good!2)串燒，好食夠香口，有BBQ味道，又滑，又夠味3)冬陰功湯，好味，唔會好咸，好酸，又夠味料多4）菠蘿炒飯，掂5）肉碎生菜包，大碟唔夠生菜就咁食都咁正6）馬拉炒“岸”菜，平平無奇，食落好味。7)柚子沙律，好香椰子味，甜甜地，多料腰果蝦米正8)泰式鳳爪，不是我飛佛9)燒倉魚，我不太好魚，食了一口，應該ok食到咁上下，總好似差d，我再叫多兩串，朋友多一串，再叫多碟泰式炒"lan"10) 味道可以，但投票覺得馬拉岸菜好食d其實叫野食期間有幾樣野想食都無，不過都唔緊要，整體野食都好味，價錢公道無加一，5條友食左800！但留意去洗手間就要行遠d，有機會再去試，支持小店！
繼續閱讀
呢間鋪頭鋪面比較細，嚴格來講係只有做外賣，不過有時佢都會放幾張細枱出嚟俾人坐下。所以如果你係諗住坐低食嘅話，就有機會要等位同埋會等得比較耐我哋就好好彩老闆肯開多張枱比我地，咁我哋就點樣呢個金邊粉啦，味道都唔錯，炒得比較乾身，好有鑊氣味稼。重點 都幾大碟另外，就點左幾串串燒，味道都ok 因為個醬汁甜甜地 幾有地道泰國野味嘅醬！不過條司華力腸就..有進步空間 因為凍左如果你嗌外賣嘅話，都要預番少少時間等，我哋嗌左呢幾樣野，都等左25分鐘以上！同埋呢間泰國嘢都比較貴，如果以做外賣來講！平均都$65/餸
繼續閱讀
因為香港租金貴，龍金利店舖細細，所以主要是做外賣的，如果唔係住在附近，根本唔會留意這店舖，師傅仔是地道泰國人，每每都見到他們唔係太多說話而默默做，而味道又相當唔錯，喜歡他們的柚子沙律，醬汁帶陣陣的蝦米味，相當地道，燒雞、冬陰公、燒魚、生菜包、蒜蓉包、都是例牌會叫，有時候人少少，偶爾會有兩張細枱坐抵食，可是如果遇上食環處的話，我試過拎住碟燒雞走鬼，相當刺激⋯⋯所以這店我冬天來嘅時間比夏天多，因為大排擋風味都係留待天氣涼會比較好，如果外賣嘅話，當然一年四季都冇有怕
繼續閱讀