龍記小廚 (已結業)

上星期六o係朋友屋企玩，玩到肚睋o既時候又唔知食乜好，因為朋友屋企o係佐敦近住尖咀，落街一定迫到爆，有人就提議叫龍記，因為佢話新出左d新款外賣，專攻年輕人d home party。開頭仲o念住外賣好食得去邊，點知佢o地竟然有外賣海鮮。8個人叫左6個餸:1. 美極蝦碌...$78...好味2. 酥炸生蠔...$78...我覺得最好味3. 芝士炒蟹...$88...好特別4. 招牌飄香雞...$95...幾好5. 咸魚煎肉餅...$32...ok6. 薑酒魚雲湯...$25...第一次食, 好味仲要老板娘超nice，我o地叫佢送多幾個飯同送多個菜都無問題，埋單都係每人50幾蚊，好抵!仲要非常非常好味，如果你o地想食，記住早d打電話，遲左就會好多人落單，就會慢好多

我公司好鍾意嗌佢d外賣lunch, 佢地d 野好就好在多特別野食, 唔會淨係得干炒牛河,菜遠牛肉咁普通, 佢地有個蒸魚套餐,成條魚咁上,好勁, 另外仲有d湯飯套餐, ok 多料, o係油麻地區算質素好好不過等既時間比較耐

之前食過,味道幾好,最好味係炸生蠔,價錢都ok.

小菜OK, 但係重點係佢既鹹魚餅- 必試! 勁原創，勁有料!!

龍記都算得係油尖旺區其中一間最老牌o既大排檔, 我記得中學o既時候差唔多日日都會幫襯, 都成十幾年啦, 最正o既梗係佢地o既招牌飄香雞, 諗起都想即刻去食 自從佢地搬左去官涌熟食市場之後已經轉營左專做外賣生意, 我作為長期fans, 梗係要試o下啦, 得出o既結論係"依然咁正!!" 絕對香港地道風味, 個人強烈推介: 招牌飄香雞, 炸生蠔, 芝士炒蟹, 椒鹽大蝦最緊要o既係價錢唔貴, 唔使出街同人迫又唔使自己煮都可以嘆到咁o既水準, 如果o係油尖旺區住或者返工o既絕對值得一試但係因為太多人幫襯o既關係, 可能要早d打電話去啦!