龍華閣海鮮酒家 (已結業)

搭錯車去佐梨木樹。。 聽過呢條村，見過呢三個字。親身到達都是第一次。落車後被“三代傳人”吸引，這酒樓始於1971年。「手工點心」也是入場原因，可能太想舊香港了。久遺的暗花枱布。因時間關係有些點心已售罄。改要了以下點心:牛肉腸 並非如新式酒樓的那麼薄滑。但內裏牛肉充滿芫茜香還有甜甜的馬蹄。蝦餃皮Q Q的，蝦肉爽彈但略鹹。點心即叫即蒸，這魚雲須時。一般酒樓所稱的魚雲都只有一件半件“雲”，這裏有三大件！好滑~~~~ 當然味道如許多老店般，比較多油多鹽。

又黎呢個屋村開工, 屋村食午飯既地方得幾間, 所以今次就同同事去酒樓飲茶.  屋村酒樓既食品都唔會太特別, 所以都係叫D大路野啦.义燒腸個皮都幾薄幾滑, 义燒唔會太少, 不過有D肥豬肉.燒賣幾大粒, 豬肉加埋蝦都幾爽口, 但味道就偏淡.薄餐有D凍, 食落比較油, 粉亦都較厚, 雖然料多, 但無咩味道.粉果個皮唔算太厚, 唔會一舊粉, 但餡料無咩味道, 無咩特別.牛肉幾大粒, 牛肉同馬碲打埋一齊, 所以食落幾爽口.馬拉糕夠軟熟, 仲幾香蛋味, 而家新款果D馬拉糕始終蒸唔到條邊好香, 懷念以前一定要揀有邊既馬拉糕.

晚餐同一大班人去左龍華閣食晚飯，實在太好味！先食大蝦沙律，外表已經好grand, 服務員又幫我地分好曬，食落啲蝦好爽，沙律又清新。跟著就係燒味拼盤，自家製叉燒，脆脆燒腩仔，滷水魷魚同生腸好入味，海哲又爽，超水準！菜乾豬肝湯，一個字，勁甜！琵琶豆腐，滑得黎又唔會散開，又唔會好淡而無味，食左好多舊😊😊浸雞，睇就平平無奇，一食就發現又滑又香，連伴碟啲菜都好味啲一魚兩吃，一邊又脆又惹味，另一邊就滑到不得了炒飯炒面，好夠鑊氣，配料好足飯後甜品先精彩馬拉糕流沙包桂花糕椰汁糕，款款都係傳統糕點，但唔膩，又唔會太甜，樣樣都好吸引

今日和家人到一間屋邨既茶樓飲茶好快手咁 就搵個位坐下由於自己帶茶葉 所以茶就不評價了至於點心方面 叫左一個早晨孖寶23蚊 有粥有齋腸 係幾扺食既 皮蛋瘦肉粥幾香 但齋腸就比較乾身😌爭小小另外亦都試左呢到既鳳爪排骨飯 飯好香 但排骨有雪味 整體都唔錯至於最後叫左一個鳳爪拼排骨 本身叫左一個但等左廿分鐘之後 我地決定吹單 又等五分鐘 竟然黎左兩個 不過費事難為啲姐姐 所以決定要埋另一個 但 呢間茶樓的服務態度的確爭啲😅😅

12-10-2014 (Sun)晏晝,同男友o係五十嵐食完飯後要買餸,拎住啲o野唔落荃灣買,o係o度買啦,買咩o野呢?見到龍華閣有燒味,就買燒肉啦,爸爸都食.行o黎睇吓價錢,=.=”點買好呢?又見到有$40.00o既豉油皇乳鴿,我又想食,於是決定買三隻,同$40.00o既燒肉.買o左飛拎去俾師傅,個師傅收o左飛後,佢問我乳鴿要唔要炸?我答要.然後又問我係咪要燒腩肉?我答燒腩肉.佢就幫我斬料o勒,整好後一共有三個盒,拎返屋企時嗅到好香.到晚飯時間,食得.乳鴿已經唔脆,味道o岩o岩好唔太鹹又惹味,一直食唔停;不過爸爸同男友覺得鹹o左啲,但可以接受.而燒腩肉呢,皮仍脆,但太鹹喇,爸爸話口呢個第二日用o黎炆冬瓜.味道同抵食係 2.5分服務:收銀亞姐麻麻,反而個師傅OK.

之前同事成日話梨木樹呢間龍華閣食物抵食又好味, 星期六就同一班朋友入咗去食, 我地由葵芳地鐵站再轉乘巴士入去, 上到去門口望落好似有少少 up dup, 當時心諗食物都唔慌太好, 點知估唔到食物方面又唔錯喎, 再加侍應唔錯的服務態度, 整體嚟講我覺得唔差, 只係地方隔涉咗少少。

這裡不設任吃，但是日因為一班跑友在附近跑完比賽，一起來這裡飲茶，因為體力消耗得太多，大家也拚命的吃，點心來了幾款又幾款，飯麵掃完一轉又一轉，情況尤如在吃放題。在城門水塘行下來，據住在附近的地膽說，這裡是最近可以找到地方。而在這個商場內的兩間酒樓，這裡是比較可取的一間，所以就一開兩圍，一班人就在這裡補充體力。由坐下的一刻開始，點心紙不停填，點心不停的吃。是街坊茶樓的質數，蒸炸類不錯，幾款包就麻麻，腸粉是強項，都幾滑又夠熱，灌湯餃名叫「鮮人蔘灌湯包」，千萬不用吃，皮厚餡也沒有味，吃來吃去，也不知人蔘在那裡。吃個天昏地暗，埋單位位六十幾，絕對經濟。