龍華酒店 (下禾輋)

營業中

休息中

今晚去了一間有80年歷史的老字號中式酒樓，以食乳鴿而馳名。因位於半山，所以要行一段斜路，晚上路的兩旁有亮著的紅燈籠，斜路彎曲有燈籠的裝飾，有份古典優雅的氣氛，難怪很多人喜在這處打卡。酒樓戶外有雅座和亭園。室內掛了很多五六十年代時出名的明星相片，十分懷舊。我們點了4人套餐：-龍華乳鴿（4）乳鴿大隻厚肉，皮燒得香脆，肉質淋軟嫩滑。還有蝦片伴碟。-金湯海皇魚肚羹用了南瓜做湯底，再加上海鮮和魚肚淆製，非常鮮甜。-沙田風味豉椒炒蜆炒得很有鑊氣，豉椒惹味。-新鮮菠蘿咕嚕甜甜酸酸的醬汁，配有鮮菠蘿，西椒和洋蔥，炒埋炸香的排骨，很醒胃。-欖菜肉碎四季豆欖菜味出，炒肉碎四季豆更提升味道。-豉油王炒麵用幼身麵條，有銀芽和韭黃配菜。煙韌有口感。-原味豆腐花（一桶）豆味香濃，加埋桂花糖水做調味，很清新。

《龍華酒店》位於沙田下禾輋邨，歷史悠久，古色古香，食堂內兩邊牆壁掛滿了昔日光輝歷史，彷彿時光隧道，一一盡在眼前。龍華幾乎是每個香港人都知道的經典場地，亦可以說是很多人的童年回憶。對上一次來已經有段日子了，今次故地重遊，很有一份懷舊親切感😊朋友點了幾款小菜，《紅燒乳鴿》是岀名招牌菜，遠近馳名，皮香肉滑必食之選！還有鑊氣十足的《沙田風味炒蜆》，份量多又夠惹味！再來一個家常菜式《菜膽紅燒豆腐》，豆腐煎至焦香，所以外皮略帶嚼勁，再咬下後就是豆腐水嫩的口感了。還有《沙田雞粥》和《上湯蒜子浸豆苗》！雞粥叫了大碗，粥底夠綿有雞油香，清淡口味不會太鹹。豆苗新鮮好大碟，夠晒抵食！可惜晏咗去，食唔到招牌豆腐花，下次再食過😋

最近大愛懷舊去開沙田想食乳鴿就黎左幾十年老字號既龍華酒店 餐廳環境古色古香先行過掛滿紅燈籠既路路旁仲有2隻孔雀之後再見到鴿...冇錯，一陣就係食佢地🤣🤣🤣🕊️龍華乳鴿大細適中好夠入味可以揀原隻上或一開四餐廳仲有埋手套提供都幾貼心🐟金湯海皇魚肚羹金黃色既湯好吸睛除左有魚肚仲飲到好香南瓜味🦪沙田風味豉椒炒蜆份量大唔算辣🐽新鮮菠蘿咕嚕肉推介美食咕嚕肉瘦得黎夠滑又鬆化係食得出既傳統風味菠蘿夠甜🍜韭菜豉油皇炒麵炒麵幼身唔會太淋豉油香得黎唔會好咸🥒欖菜肉碎四季豆份量十足豆冇根，都幾嫩㗎味道甚佳🤍豆腐花一桶夠2～3人份量配清甜桂花糖

星期日同呀爸呀媽去咗沙田拜山，佢哋話好多年無去過「龍華酒店」，唔知而家變成點，而我就直頭無嚟過。既然去開附近，就行多幾步睇吓👀。龍華位置距離火車站大約15分鐘路程，唔算遠。沙田站向IKEA方向行去禾輋村，再沿住火車路行多陣就到🚶‍♀️，離遠會見到好大個招牌。入口處有個古色古香風格嘅門牌，然後就係一條掛滿燈籠嘅斜路🏮。驟眼睇都有啲似日本嘅神舍㗎，打卡一流。本身見沿路無乜人，心諗唔通真係過晒氣，無人幫襯，原來係我諗多咗🤣。呢度座位非常多，仲要全場爆滿，人氣超高！室內冷氣爭少少，不過四周圍貼滿歷史相片，保留咗懷舊氣息。龍華脆皮燒乳鴿($98/頂鴿)，🦆乳鴿係餐廳嘅首席招牌菜，每一枱都落手食緊。乳鴿分頂鴿同中鴿兩個大小，頂鴿重8-10兩，真係比平日食嘅肥美同好肉。餐廳幫忙一開四，食得方便。睇餐牌介紹講乳鴿先用滾水輕烚，然後用滷水汁浸熟，再喺鴿皮塗上麥芽糖拎去燒。乳鴿燒至金黃香脆，鴿肉好香兼多汁，就咁食都已經好食，當然沾喼汁同淮鹽就更佳🤤。古法蜆芥牛仔肉煲($168)，用煲仔上果然保持到溫度，食到尾都仲熱辣辣🔥。牛肉有好多片，肉質都嫩🐮，另外仲有翠玉瓜同燈籠椒。蜆芥汁幾香，無想像中咁濃味，反而薑蔥

香港人假日當然喜歡出外走走，趁天氣漸涼打算去聞名已久的龍華酒店，平時聽老一輩介紹就聽得多，咁多年都未黎過，決定一探究竟經沙田站行了大約十分鐘左右就到門口，沿住日式燈籠行上去，一殺那間都勾起日本感覺⛩️，邊行邊發現餐廳竟然有兒童玩樂區，又見到很多花花草草，有小朋友的特別感到開心去到餐廳正門，可以選擇露天跟大廳，來到當然要試一試：乳鴿，雞粥所以決定叫左個二人餐 HKD$498，已經包兩隻乳鴿，四隻清蒸蒜蓉粉絲帶子，金湯海香魚肚羹，欖菜肉碎四季豆同沙田滑雞粥。先講乳鴿，肯定無得輸，皮夠脆亦多汁不乾身。而魚肚羹比想像中味道要濃，好像有用部分海鮮如蝦或蟹煲成咁，有水準最驚喜的是蒜蓉粉絲蒸帶子，一蒸起就送黎，熱辣辣蒜蓉粉絲亦很香，剛好滲入帶子，這味餸秒清了。最後的雞粥也十分鮮甜，喜歡有生菜在粥內，有少許雞油亦令粥下去更入味。吃完飯後，到處參觀了一下，彷彿到左一個美麗的後花園般，植物很賞心悅目，而小朋友也有玩滑梯和看孔雀，幾乎不捨得走，已經叫下次再帶她來

-Roasted Crispy squabChinese Fried Squab is an incredibly special dish and a Hong Kong classic.The sweet juices and crisp skin of a pigeon is absolutely unmissable, perfect for a rustic, gamey weekend roast. Served with freshly fried shrimp chips, and five spice salt on the side.Sprinkle the five-spice salt to get a little flavor bump!This is a true showstopper at lung wah hotel -Corn and Fish Maw SoupExtremely rich but smoothIt’s flavourful and definitely the holy grail for beautifully youthful

🍽龍華酒店 (下禾輋村) (沙田)📍沙田下禾輋村22號超值$988套餐 四人套餐1. 龍華乳鴿🐤招牌乳鴿果然係名不虛傳，乳鴿外皮香脆，上枱嘅時候熱辣辣。咬落去肉質鮮嫩，油脂分布得好好，咬落去仲有少少油脂賤出嚟，真係令我感覺置身於野外。2.金湯海皇魚肚羹🐠金黃色嘅外觀十分吸引，飲落去有好濃烈嘅南瓜香味，裏面好多蝦仁,魚肚同瑤柱，材料高級又豐富，飲落去好有口感，超級推薦。3.沙田風味豉椒炒蜆🐚豉椒嘅味道好出，炒蜆新鮮程度尚可，食落去淡淡汁，洋蔥吸收晒豉椒汁嘅精華，如果有飯配更加一流。4.新鮮菠蘿咕嚕肉🐽咕嚕肉咬落去外脆內軟，豬肉嘅油脂分布得好好，完全食到半肥瘦。加埋酸酸甜甜嘅菠蘿同埋酸甜汁，真係會越食越開胃。5.欖菜肉碎四季豆🌱欖菜醃製得好好，鹹鹹地好入味，四季豆亦都炒得尚算乾身，真係食到停唔到口。6.豉油王炒麵🍲炒麵份量好充足，絕對適合大胃王。炒麵裏面有好多芽菜，洋蔥，仲有少少香蔥同紅蘿蔔。廚師喺豉油王炒麵上面灑左一啲白芝麻，令到賣相更加吸引，真係再飽都會想食多碗。7.原味手做豆腐花🥄（不是跟餐）豆腐花好清甜，佢附上左一碗桂花糖水，食落去唔止清甜，仲有淡淡的桂花香味，更加凸顯出龍華廚師對

飛天乳鴿｜舊香港酒店之餐廳有近80年歷史的古老酒店，位於沙田的「龍華酒店」標誌性的紅色燈籠，有種走進時光隧道既感覺！途中仲見到有孔雀嘅身影.必叫三寶：乳鴿、雞粥同豆腐花聽老公講，想當年細細個屋企人會帶佢嚟食乳鴿，當時啲乳鴿好出名！亦係數一數二既酒店餐廳，重新開幕之後，之後變咗相對平民化嘅酒樓餐廳.▪️二人套餐 $498龍華紅燒鴿 兩隻蒜蓉粉絲蒸扇貝金湯海皇魚肚羹欖菜肉碎四季豆沙田生滾滑雞粥▫️菠蘿咕嚕肉 $178傳聞係李小龍太太最愛嘅菜式.所有菜式都不過不失，餐廳的格局依然保留了不少當年的留影！當年風魔香港的酒店餐廳，如今沒落，有點可惜，但亦有不少人來尋覓昔日的味道！.

龍華酒店 (下禾輋村) (沙田)突然好想食炸乳鴿，即刻去龍華酒店食❤️❤️二人餐$498龍華乳鴿2隻好香脆，好好食😋😋肉質好嫩🍗🍗 好滋味🤩🤩蒜蓉粉絲蒸元貝元貝上面有滿滿蒜蓉同粉絲👍👍鮮甜十足😙金湯海香魚肚羹好足料，魚肚口感一流😘😘欖菜肉碎四季豆四季豆炒到好有鑊氣，晚餐要食碟菜😉😉沙田滑雞粥🍗滑雞肉質好嫩滑，入口啖啖肉，雞粥好入味😁😁豆腐花1桶$68好香滑，凍凍地，好有豆腐香😍😍餐廳環境：傳統中菜好有feel⭐️⭐️地址：沙田下禾輋村22號整體評分：4/5味道：4/5抵食：4/5

龍華酒店呢個名由細聽到大，今次入黎試試最馳名乳鴿～一入黎紅紅燈籠好好影，原來…仲有養孔雀ga 環境可以話古色古香甘～龍華酒店有好多2-8人套餐供應，今次想食埋其他小菜，選擇左單點～紅燒乳鴿$98店員會問原隻上定斬件，保留最juicy嘅肉身，決定原隻乳鴿比坊間大隻，驟眼有迷你春雞甘上下大細，燒到皮脆肉嫩，而且仲好多肉～果然係出色！沙田雞粥 （碗）$98點碗份量都足已兩人食，粥煲得超綿滑，雞亦非常嫩滑～唯粥底其實花生味突出到削弱晒d雞味懷舊豬爽肉 $148小菜超大一碟，濃濃嘅醬汁包裹住豬爽肉，還有熟悉嘅美極調味上層加上海藻同咸蛋黃炒過雞絲作肉鬆，挺有心思！古法蜆芥牛仔肉煲 $168牛仔肉份量都多，而且唔會過度令肉質變差，非常惹味下飯！茶位@$13環境都會有d 蚊，要帶定蚊怕水～

今次慕名而來，行上去嘅路唔算太難搵，環境嘅古色古香令人不禁拎住手機不停影相！二人餐龍華脆皮燒乳鴿外皮燒得薄脆，皮下脂肪唔多，色澤夠深亦夠亮麗，食落鹹香度非常充足，肉質唔柴口。蒜蓉粉絲蒸扇貝二人餐亦都跟配咗四隻蒸扇貝，蒸嘅生熟度剛好，肉質鮮甜爽彈，配上入味嘅粉絲同蒜頭，認真滋味無窮。金湯海皇魚肚羹一碗濃稠嘅魚羹，賣相討好，澄黃色的金湯頗鮮甜，一碗兩人分都幾足夠。馳名沙田滑雞粥細細個就聽過龍華雞粥，今日一試果然名不虛傳。上枱夠哂熱辣辣，粥水好綿帶有雞油嘅香，兜一兜窩底更有多件雞件，一鍋四人食用剛剛好，份量都幾足。特色乾炒牛河聞說係當年李小龍最愛嘅菜式，牛河炒得好夠鑊氣，食落香香甜甜，牛肉好嫩淋，建議一定要加埋豆瓣辣椒醬！👍🏻👍🏻沿路行過去，相當有特色，兩排紅色嘅燈籠非常之古色古香。餐廳亦都有室外雅座，天氣涼兩地坐室外都幾舒服。💡 茶位$13一位

沙田龍華酒店係香港其中一間歷史悠久嘅中餐廳，而且以燒乳鴿最為聞名，所以吸人好多人特登來品嚐。 作為沙田友的我，細細個已經跟爸爸媽媽嚟呢度食乳鴿，而家就到我帶小朋友一起舊地重遊。🥰呢度一直都冇乜點變，長長嘅走廊兩邊掛滿紅燈籠，仲有金魚同孔雀，小朋友來到都特別開心。😊今次午餐點咗個2人套餐，有龍華紅燒乳鴿2隻、蒜蓉粉絲蒸扇貝、金湯海皇魚肚羹、欖菜肉碎四季豆、生滾沙田滑雞粥，真係好豐富。😍龍華紅燒乳鴿果然係招牌菜，乳鴿燒得均勻，外層甘香脆嫩，入面肉質細滑極多肉汁。😋蒜蓉粉絲蒸扇貝有4隻，好鮮味嘅扇貝海鮮，加上精華及蒜蓉味入晒粉絲度，令粉絲超入味。😋金湯海皇魚肚羹材料豐富，有極多魚肚及其他配料，而且用上湯燉製好好味。😋欖菜肉碎四季豆就非常惹味，冇草青味仲好有鍋氣同香口。😋生滾沙田滑雞粥又係好值得推薦，個粥煲嘅時間長所以好綿好滑，而且雞件有好多，最緊要雞新鮮，唔肥及肉嫰。😋呢d懷舊飯店真係所剩無幾，非常值得來逛逛及品嚐美食，好開心可以同小朋友見識吓！我又藉此回味下童年往事。😆

龍華酒店遠近馳名嘅龍華酒店，終於有機會一試。由入門開始排場來頭不小，沿路掛滿紅燈籠，內裏裝潢有種古色風味，好似入咗舊香港電影嘅場景咁。環境坐得舒服，幾闊落，住開附近都可以嚟試一試。龍華極品紅燒乳鴿餐廳嘅王牌，上枱一分為四，放係脆蝦片旁，有點份量。咬落肉身幾厚，皮薄脆，重點係十分多汁，鴿香味濃，鹹鮮得來唔會太油，果然名物。馳名沙田滑雞粥估唔到二人份量都咁多，一大碗，足夠四五人食。滿滿雞肉雞件，食落唔會好柴。特別要讚啲粥，真係好綿，加點蔥花同生菜，增添口感。鹹度剛好，建議加點白胡椒更提鮮。星洲奶油蝦球大大碟，鋪滿肉鬆，啖啖肉。未食入口已經聞到濃濃奶油香，咬落蝦肉爽口，無雪味。夾啲肉鬆，鮮香微辣，下酒推薦。風味黑椒牛仔骨上檯渣渣聲，欣賞佢全部都即整，熱度十足。雖然叫牛仔骨，但係每件都好多肉，黑椒味濃郁，肉質軟嫩，夠惹味，好想叫返碗白飯配。新鮮菠蘿咕嚕肉呢道菜式聽聞係以前李小龍夫人最喜歡嘅餸，食落咕嚕肉口味稍為獨特，酸甜中偏酸，外炸得香脆，內裏紮實。伴菜份量不少，有三色椒、洋蔥、一整條菠蘿，好香甜清新，值得一試。

週末💟最鍾意同爹媽周圍行👟、周圍食😋。聽咗「龍華酒店」好多年，好多人都話乳鴿🦆好食。搬嚟沙田🥳，終於有機會過嚟食下呢間而家香港唯一一間唔住人嘅酒店。🤭我地👨‍👩‍👧叫咗個”溫馨共聚二位套餐” + “特式干炒牛河” + “原味手造豆腐花”。每一碟份量同材料都好滿足☺️，食到我地3個都捧住個肚走。🤰“溫馨共聚二位套餐”➡️有齊馳名沙田3寶其中嘅乳鴿、雞粥。😍 而另一寶就係我地都有叫嘅豆腐花。😼🦆 龍華紅燒鴿2隻紅燒鴿大隻多肉，皮脆肉嫩，肉汁豐富。😋果然係呢度特色。😍用印尼蝦片做點綴📸️，賣相更吸引。🤠🦪 蒜蓉粉絲蒸扇貝扇貝厚肉鮮甜，蒜蓉粉絲入味。🤩一齊食好惹味。😎🫕 金湯海皇魚肚羮魚肚、材料充足，口感爽滑。😉係入秋暖身湯羮之選。🤓🫘 欖菜肉碎四季豆四季豆冇渣唔油膩😚、欖菜肉碎亦唔過鹹。🥸係一個健康菜式！💪🍲 生滾沙田滑雞粥綿滑粥底有🐔雞香味。份量絕對足夠我地每人裝到1-2碗。👏🍝 特式干炒牛河餐牌寫住呢個係當年李小龍最喜愛嘅菜式。🥰我地一於叫個嚟食。😎襯熱食好好食🫶🏽，炒得乾身又夠鑊氣。😻🥣 原味手造豆腐花見到餐牌上嘅擔挑手造豆腐相🎞️，忍唔住要叫個嚟做甜品。😽原來2-3人份量係用木桶上🪵，好特別

已有80多年歷史的龍華酒店是香港著名的園林酒店，也是不少香港人的童年回憶。除了食乳鴿，我對它最深印象是動物園裏的的孔雀，鸚鵡和猴子，以及熱鬧的兒童遊樂場和麻雀枱。隨着珍寶海鮮舫的沉沒，這類老少咸宜，有嘢食，有嘢睇又有得玩的餐廳已逐步走向歷史。今日出沙田，不如就行15分鐘過去探下龍華！由迎賓門前往餐廳的路線和景物依舊，隧道左右兩邊仍掛滿寫着「龍華」的紅色燈籠，地上則有新鋪的人造草。入到餐廳範圍，應是翻新不久，一點殘舊的感覺也沒有，不過就保留五、六十代風格，牆上掛滿從前明星幫襯的照片。戶外用餐區和洗手間也乾淨企理，連兒童遊樂場的設施和戶外庭園的佈局都好新淨。我們今天的目標是龍華乳鴿和生滾雞粥，見二人套餐（$498，另加一和茶錢每人$12）有齊「嫩鴿肥雞」，於是不用多想，就套餐吧。🔶龍華紅燒乳鴿2隻乳鴿先用滷水浸熟，再沾麥芽糖後炸，入味得來又保持鴿皮香脆，即炸即食，確是出面食唔到。我們要求開邊，店員提供膠手套，每人一手執半隻，自己撕最開心。🔶生滾沙田滑雞粥粥底綿，雞肉滑，而且雞肉份量不少。可惜是雞粥和乳鴿一同上枱，當食完兩隻乳鴿後覺得雞粥已涼了不夠熱。🔶蒜茸粉絲蒸扇貝蒜茸醬調較得非常惹味，蒜