龍華燒臘家 (已結業)

經過十多小時的機程，終於返來老家。除了在上機前吃了點意大利飯之外，就只吃了幾個雪糕，下機當然要找點吃的，下車時人在銅鑼灣，不知怎的，很想吃碗燒鵝瀨粉，就來了這裡。從門口進來，見叉燒也不錯，就要了碗雙併的叉鵝瀨。叉燒是枚頭的中間位，燒鵝是鵝上脾，全是靚部位，可見是日運氣不錯。叉燒略硬，不夠腍身，但蜜味剛好之餘，亦起碼不是柴皮，可以收貨；燒鵝熱熱的，皮脆肉鮮嫩，吃得滿足；瀨粉不會太腍，最怕浸至「軟弱無力」的瀨粉，而是日的都算軟硬適中。下午茶時間，包一杯熱咖啡，再雙併的價錢只是24蚊，相當之經濟抵食。無論去了那些好地方，無論吃了當地幾地道的食物，還是這碗叉鵝瀨對胃口，笑我未見過世面也沒有辦法，始終是香港人嘛！

外賣乳豬燒肉到新家吃, 乳豬都幾肥, 但皮脆肉嫩, 燒肉不太咸, 唇層次分明, size切得比較小, 易入口.

Lunch又唔知食乜好，同個同事行行下突然諗到想食燒味，跟手去左龍華買外賣返公司食，我叫左燒肉切雞飯，例湯，$23蚊。同事叫左切雞加鵝飯，例湯，都係$23蚊。返到公司拿拿聲打開食，好彩d燒肉無淋到，仲係脆身，切雞同前幾日美心食果個『四草飯』簡直兩個世界！滑喐喐有雞油味~雞皮都唔放過要食埋，燒肉同10幾年前深水埗龍華一樣咁好~皮脆肉嫩，一個字~正！！

夜放工, 食飯冇乜選擇. 行過龍華, 醒起銅鑼灣街坊鍾意來斬料, 即刻試下佢d叉燒先.$20常餐5點半後供應, 已包一碗燒味粉麵及一杯飲品. 我改凍飲及加左碟菜, 共銀$34. 否則可以$20食一餐, 真係抵到不得了.叉燒合格, 略嫌"林"左少少, 不過幾香. 地下好跣, 女士要特別小心.

午飯時買盒乳豬油雞飯,好味!!D乳豬皮好脆,D雞肉好滑,好有雞味,再加上薑油,一盒飯可以食晒.仲送例湯,都係($28).佢唔止燒味好食,D臘腸,臘肉都唔錯,冬天行過可以買試!地址要改呀,佢搬去後面街,好似係利園山道,仙X岩旁.而羅素街個位變做文輝墨魚丸啦!