龍苑中菜廳

營業中

休息中

一年一度既🦀大閘蟹🦀季節正式開始。第一站，去金域假日酒店龍苑中菜廳。《蟹》逅在龍苑🦀「生拆蟹粉小籠包」「蟹粉蟹肉高湯燴燕窩」「紫蘇蒸大閘蟹」「鮮淮山胡椒高湯浸斑球」「吉列大蝦球配蟹皇醬伴蒸花卷」「蟹粉燴稻庭烏冬」「黑糖薑茶湯丸」紫蘇蒸大閘蟹龍苑採用北海道大閘蟹十月初黎講龍苑所簡既大閘蟹都算多膏，雖然係乸蟹，但好juicy，鮮甜。生拆蟹粉小籠包皮薄餡多，記得夾時要小心好易穿。最欣賞係蟹粉蟹肉高湯燴燕窩竟然蟹肉多過湯，燕窩完全唔吝嗇，唔會水注注。吉列大蝦球配蟹皇醬伴蒸花卷炸得鬆脆，啖啖蝦肉，再配上蟹皇醬錦上添花。我想講個蟹皇醬撈飯一流呀。鮮淮山胡椒高湯浸斑球班球滑嫩，鮮淮山又健康。蟹粉燴稻庭烏冬烏冬超滑，原來同蟹粉都好夾。黑糖薑茶湯丸最後緊係飲薑茶黎驅驅寒氣，好夠薑又唔太甜，雖然細細粒都皮薄家。六道菜式大閘蟹優惠套餐優恵價 $498/位 （原價828元）時限：由即日起至11月30日訂座☎️：2315 1006

假日又去同阿媽飲茶，今次輪到龍苑。兩個人我哋點咗蝦餃，菠菜餃，腐皮卷，帶子腸粉，煎粉果，蛋散。不過真心講，我對食物質素嘅包容程度已經好高，但係蝦餃同菠菜餃係有酸味，因為我最憎食酸嘅，所以冇辦法覺得好食。

24-9-2019好友收到風做緊點心放題, 只係$188/位 (另加一服務費), 仲可以由11am食到2:45pm, 聽落都幾抵, 因為可以任食佢指定既點心同糖水。我地為左食, 11am前到達完全無難度。首先要講下佢奉送, 每人一客既竹笙瑤柱灌湯餃。嗰湯算熱同埋夠清甜, 啱我口味跟住講下點心紙, 佢寫住頂級點心放題, 裏面有30種點心: 包括包類, 腸粉, 酥炸類, 糖水... 如果要5條腸粉就寫"5"字, 2粒燒賣就寫"2"字, 我覺得合理的, 食幾多叫幾多, 以免浪費。可惜, 無論我地加幾多次單, 都用同一張點心紙! 假設我地由11am食到2:30pm, 足足3.5小時, 一邊食一邊傾計, 分幾次落單並不出奇。如果用同一張點心紙, 的確很混亂!至於點心放題既味道, 除了酥炸既點心(蘿蔔千絲酥, 咸水角, 香焗雞蛋撻, 流沙芝麻球), 其他全部都很一般。ps 1. 我一定唔會以正常價錢去食呢度既點心ps 2. 一天前預訂, 免收茶芥

西日式自助餐就食得多，點心自助餐就第一次食 三十款點心任食，($118/位，另加一服務費) 環境坐得舒適，一日前訂位仲免茶芥 點心種類大致分為餃類，飽類，腸粉類，煎炸類及糖水，全部都係飽肚之選! 入座每位送竹笙灌湯餃一客，但實物同認知嘅大有不同，似係一隻水餃多D........ 之後就到煎炸類出場 : 呢客綠色嘅係叫做迷網黑椒牛粒卷，外皮脆中帶點煙韌感，入面係牛肉粒餡，食一條都相當飽肚! 荔芋角好耐都無食過，呢度水準唔錯，外皮鬆脆，內裏嘅芋蓉相當綿口，好味! 而鮮蝦腐皮卷亦係香脆，內裏多款材料做餡，趁熱入口加埋喼汁一齊食都唔錯! 而佢嘅蝦餃同蝦腸都出色，蝦隻爽口彈牙，而腸粉本身都幾滑溜! 回本必食!! 最後當然要食下甜點，呢碗係椰汁紫米露，食完一啖就已經放棄...................

都有兩個幾星期没有來了，由于匯豐卡做緊七折還有甜品送，所以繼續行使優恵，今天約了友人聚舊，講下時事，天南地北乜都講下啦，說回食物先，點心叫了炸粉粿，浸冧後食落太厚粉，魚翅餃，感覺不掂，另外叫你高湯牛肉球和馬拉糕，前者可以，反而馬拉糕好掂，怪不得要做七折了，點解點心師傳可以咁不穩定，甜品是意米杏仁茶，甜度適中，上次食感覺係冲水的，今次口感像即磨哪款，講多一句，這裡的部長經理服務態度真的很差勁，應重新學習。

服務惡劣，食品太鹹，太油膩蒸排骨偏鹹，炸食品太油，如果比我選擇，我唔會去囉，冇下次，侍應服務態度不好，如果枱面上啲嘢食未食完，佢就唔俾你嗌嘢食，我諗住酒店食品會有品質，原來一啲品質都冇，不知所謂，

今日邀請左爸爸的好朋友及他印尼工人跟我地去龍苑中菜廳食點心放題，途中爸爸的朋友表示點心放題不適宜長者食，因為唔食得多，食得多又食壞黎，食得少又唔抵，所以到酒家的時候改食小菜，有件印尼工人唔食豬，我點左以下菜式：1. 白飯兩碗 - 大家都稱讚這裏的白飯做得非常之好，軟硬適中，粒粒分明，而且有飯香，每款$20。2. 蝦子柚皮扣鵝掌 - 柚皮沒有苦澀味、化口、軟糯及煨味很入味；鵝掌去直骨，好味；另外每人半件灼小棠菜；啱啱好每款每人一件，冇得爭，$298。3. 南乳粗齋煲 - 爸爸的朋友特別喜歡，有很多款菜和齋菜類，有蜜豆、粟米仔、白菜仔、木耳、粉絲、豆腐卜、茄子，我哋覺得全香港最好食嘅藍雨粗齋煲就只有龍苑中菜廳，$198。4. 砵酒焗生蠔 - 同煲仔上的，每一桶美國筒號有五隻，相信每個菜式是用了一桶，每人一隻之外突左一隻俾我食埋，印尼工人姐姐問我知唔知點整嘅，爸爸的朋友話想係屋企整吓，真係好好味，冇渣，$338。5. 餐前小食 - 炸腰果（因為$28，包埋返屋企，味道好，但係要留返個肚嚟食餸）4. 中國茶，每位$20，點左水仙同普洱，質素唔錯，不過水仙茶就唔可以落咁多茶葉，如果唔係苦得滯！埋

今晚同左兩位女舊同事約咗今晚八點喺呢度食晚飯，其中一位表示不想重複以前食過的東西，唯有叫她揸fit點菜，終於除咗不嬲食開嘅南乳粗齋煲之外，佢點左羊肚菌炆雞及黑松露西蘭花炒帶子，會員七折，埋單每人$342，其實好抵下：1. 羊肚菌炆雞 - 這個菜式除咗傳統嘅炆雞料頭包括薑片原粒蒜頭乾蔥頭之外，就是主角 - 原先係歐洲人用來煮餸的羊肚菌，份量不用落得多，因為味道濃郁，而且價錢非常昂貴，啲朋友好鍾意，我也不例外！2. 黑松露西蘭花炒帶子 - 西蘭花炒帶子就久不久會食，但係加埋黑松露煮就第一次，最重要係佢哋唔係用黑松露醬呢啲cheap野，而係用原粒設成很薄的片用來炒，味道更加香濃，齒頰留香。3. 南乳粗齋煲不嬲都咁好。睇嚟下次再有新菜式出的時候都要試一試了！

一行八人，七大一小，每年都會在這裏興生日。出色的點心（🦐餃、燒賣丶春卷），自家制半肥瘦的义燒丶燒腩仔，新嘗試的酸子薑生炒骨，每次都令你樂而忘返。片皮鴨二食（包括菜包鴨粒）丶干燒伊麵丶白滑桶裝豆腐花丶豉汁煎斑塊丶金銀蛋浸莧菜及有點失色壽包（不甜），真的好好味，雖然🦐餃及燒賣，每人一件，但其他菜式是足料及洽當，食得非常飽飽，大滿足。環境是古樸點，食客多是常客；當然尖沙咀酒店是高檔，客人多是醫生丶律師及遊客等。大家不妨去試試吧。

有優恵就梗係要試多次，點了幾款點心，有芋角，魚翅餃，蝦腸，高湯牛肉球，以前係牛肉燒賣，现在改了，牛肉燒賣又少一間有得食，乾炒牛河，味道不錯，但牛肉就有少少過火，有啲un但都可以接受，上次試過紅豆沙，今次試下合桃露，唉！中伏了，開水的，衰收尾，好心吾好慳呢啲啦，做得7折吸客，差嗰少少做好佢嘛，説到服務態度，侍應好好禮貌，反而有一兩個部長，黑口黑面。

無啦啦打開匯豐網頁，大大隻字七折起，信用卡優恵＋送甜品，咁着數點都要試下嘅，蝦腸有六隻蝦，重要係大大隻，食佢好過食蝦餃，灌湯餃是我必叫的，之後没有口乾，相信無乜味精啩，見有牛尾就叫一煲試下，内有四件，每人兩件，自己整就麻烦，燉得好夠冧，吃了一件都有點腻了，好在無乜叫其它點心，甜品是紅豆沙，吾算行货。

每逢母親節、父親節等需要一家人食飯的時節，又頭痛要搵既有素也有葷又體面的中菜廳聚會，這次就幫你們找到尖沙咀金域假日酒店地庫的龍苑中菜廳，來看看有甚麼美味的素菜餐點吧！餐廳地理位置超方便，搭巴士搭地鐵都很容易到達。來到酒店落地庫就搵到龍苑中菜廳，門口超級華麗夠貴氣。餐廳有圓檯、有卡位也有獨立房，幾多人來食都合適。 胡麻茄子 HK$118 / 竹笙上素燉菜膽湯 HK$288去皮的茄子浸在日式胡麻醬之中，清涼爽口，我一個人轉眼就吃完一碟。這個湯以竹笙和菜膽做主菜，再加了一些黃耳雪耳，一滴油都沒有超清淡。 黑松露野菌炒蘆筍 HK$208 / 羅漢上素手制千層 HK$208色彩繽紛的菇菇炒蘆筍，蘆筍吃起來脆脆的好爽口，菇菇有雞脾菇、秀珍菇和香菇。手制千層即是將一塊又一塊腐皮疊起，再切成長條拿去炸，都是廚房手工制吃得放心。我覺得這個有像中式千層蛋糕。 紅棗糕打開蓋就一陣紅棗香湧過來，這個糕只黏碟不黏牙，最適合女孩子補血養身。

星期六放假同爸爸媽媽飲茶，經過尖沙咀，選了Holiday Inn 的中菜廳龍宛。希望吾好同其他人迫,可以傾到計。今次我坐了卡位特別清幽方便閒談。我order 了菜苗餃、砵仔魚腸蒸蛋、腸粉及。個人特別推介菜苗餃，芋角及砵仔魚腸蒸蛋。菜苗餃皮薄透明賣相不俗，而且口感不錯。芋角外脆內軟，現在很少食到芋角這老牌點心。砵仔魚腸蒸蛋，手工工序多，最近很少食到。下次可以約埋朋友星期六日到龍宛飲下茶傾下計。

昨天約了朋友在尖沙咀飲茶，是Holiday Inn Golden Mile的龍苑，今次叫了蝦餃、燒賣、黑松露包、素菜餃。另order 了花菜，同個friend 傾了二個小時。一邊吃一邊吹水。雖然食的看起來是一般點心，但味道卻非一般呢✌️就先講一下個蝦餃，蝦肉多又新鮮，個素菜餃非常有口感，又鮮甜，而且兩個餃的皮，晶瑩剔透，完全不是什麼中央廚房出品。特別一提：就是個黑松露包，㚈表已贏了一條街，至於味道更加無得彈，黑松露的香味，配上鬆軟的蒸色，恰到好處🈵💯

朋友gathering, 方便，好坐，嘢食味道是很重要，今天又去龍苑 Holiday Inn Golden Miles.我一向最 like sweet and sour, 今次用蝦代替排骨, yummy 到飛起。魚翅蚊支竹火腩，魚又滑又香，味道無得頂，脆皮雞是招牌菜，好味到無朋友😂✌️甜品記得 order 桶裝豆腐花，配黃糖，滑嘟嘟，正😘，仲有蛋撻仔✌️🥂但因為太好味，忘記 take photo, 但不重要，好嘢就是好嘢，成日去都唔厭！